Published:Updated:

பொருளாதாரச் சிக்கலுக்குத் தீர்வாகுமா - நிதியமைச்சரின் அறிவிப்புகள்..?

நிதியமைச்சர் நிர்மலா சீதாராமன்
பிரீமியம் ஸ்டோரி
நிதியமைச்சர் நிர்மலா சீதாராமன்

நாட்டின் பொருளாதாரத்தை மேம்படுத்துவதற்காக இன்னும் சில முக்கிய அறிவிப்புகளை மத்திய அரசு வெளியிடக்கூடும்!

பொருளாதாரச் சிக்கலுக்குத் தீர்வாகுமா - நிதியமைச்சரின் அறிவிப்புகள்..?

நாட்டின் பொருளாதாரத்தை மேம்படுத்துவதற்காக இன்னும் சில முக்கிய அறிவிப்புகளை மத்திய அரசு வெளியிடக்கூடும்!

Published:Updated:
நிதியமைச்சர் நிர்மலா சீதாராமன்
பிரீமியம் ஸ்டோரி
நிதியமைச்சர் நிர்மலா சீதாராமன்
லக நாடுகள் பலவும் கொரோனா வைரஸ் பரவலால் முடங்கிப் போயிருக்கின்றன.

இந்திய நாட்டின் பொருளாதாரம் மட்டுமல்லாமல், மக்களின் பொருளாதார நிலையும் கேள்விக்குறியாக இருக்கிறது. 21 நாள்கள் முழுமையான ஊரடங்கினால், உற்பத்தி மற்றும் சேவை நிறுவனங்கள் மூடப்பட்டிருக்கின்றன; வேலைகள் முடங்கிவிட்டன; பலருடைய வேலையும் சம்பளமும் கேள்விக்குள்ளாகியிருக்கின்றன. இந்தப் பொருளாதாரப் பதற்றத்தையும், பாதுகாப்பில்லாத தன்மையையும் களைய மத்திய அரசாங்கம் பல்வேறு நடவடிக்கைகளை மேற்கொண்டுவருகிறது.

பொருளாதாரம்
பொருளாதாரம்

ஒட்டுமொத்த விகடனுக்கும் ஒரே ஷார்ட்கட்!

இதன் முதற்கட்டமாக நிதியமைச்சர் நிர்மலா சீதாராமன், கடந்த வாரம் செவ்வாய்க்கிழமை சில அறிவிப்புகளை வெளியிட்டார்.

முதற்கட்ட அறிவிப்புகள்

``கொரோனா வைரஸ் காரணமாக 2018-19-ம் நிதியாண்டுக்கான வருமான வரித் தாக்கல் செய்வதற்கான கடைசி தேதி மார்ச் 31-லிருந்து ஜூன் 30-ம் தேதிக்கு நீட்டிக்கப்படுகிறது. தாமதமாகச் செலுத்தப்படும் வருமான வரிக்கான வட்டி 12 சதவிகிதத்திலிருந்து 9 சதவிகிதமாகக் குறைக்கப்படுகிறது.

மார்ச், ஏப்ரல் மற்றும் மே மாதங்களுக்கான ஜி.எஸ்.டி வரியைச் செலுத்துவதற்கான கடைசி தேதியாக ஜூன் 30-ம் தேதி அறிவிக்கப்பட்டுள்ளது. அதேபோல ரூ.5 கோடிக்கும் குறைவான வர்த்தகம் செய்யும் நிறுவனங்களுக்கான வட்டி, அபராதம் இல்லை என அறிவிக்கப் பட்டுள்ளது.

உங்கள் அன்றாட தேவைகளின் அனைத்து பொருட்களையும் சிறந்த தள்ளுபடியில் வாங்க

VIKATAN DEALS
விகடனின் அதிரடி ஆஃபர்!
தற்பொழுது ரூ.750 சேமியுங்கள்! ரூ.1749 மதிப்புள்ள 1 வருட டிஜிட்டல் சந்தா999 மட்டுமே! மிஸ் பண்ணிடாதீங்க!Get Offer

ஆதார் கார்டையும் பான் கார்டையும் இணைப்பதற்கான காலக்கெடு மார்ச் 31 என்றிருந்ததை ஜூன் 30 என நீட்டிக்கப்பட்டுள்ளது. டி.டி.எஸ் தாமதமாகச் செலுத்துவதற்கான வட்டி 18 சதவிகிதத்திலிருந்து 9 சதவிகிதமாகக் குறைக்கப்பட்டிருக்கிறது.

நிதியமைச்சர் நிர்மலா சீதாராமன்
நிதியமைச்சர் நிர்மலா சீதாராமன்

டெபிட் கார்டு வைத்திருப்பவர்கள் அடுத்த மூன்று மாதங்களுக்கு எந்த வங்கியின் ஏ.டி.எம் மூலமும் சேவைக் கட்டணம் இல்லாமல் பணம் எடுக்கலாம். அதேபோல வங்கியில் குறைந்தபட்ச இருப்புத் தொகையை வைத்திருக்க வேண்டும் என்ற அவசியமும் இல்லை’’ எனப் பல அறிவிப்புகளை வெளியிட்டார் நிதியமைச்சர்.

முதற்கட்ட அறிவிப்புகளை முடித்துவிட்டு, ``அடுத்தடுத்து அறிவிப்புகள் தொடரும். அதற்கான வேலைகள் நடந்துவருகின்றன’’ என்று சொல்லியிருந்தார். அதன் தொடர்ச்சியாக வியாழக்கிழமை அன்று ரூ.1.70 லட்சம் கோடி மதிப்பில் பல திட்டங்களை அறிவித்தார் மத்திய நிதியமைச்சர்.

Follow @ Google News: கூகுள் செய்திகள் பக்கத்தில் விகடன் இணையதளத்தை இங்கே கிளிக் செய்து ஃபாலோ செய்யுங்கள்... செய்திகளை உடனுக்குடன் பெறுங்கள்.

இரண்டாம் கட்ட அறிவிப்புகள்

* `பிரதான் மந்திரி கரீப் கல்யாண் அன்ன யோஜனா’ திட்டத்தின் கீழ் அடையாளம் காணப்பட்டுள்ள 80 கோடி மக்கள் அனைவருக்கும் ஏற்கெனவே ஐந்து கிலோ அரிசி அல்லது கோதுமை வழங்கப்பட்டுவரும் நிலையில், அடுத்துவரும் மூன்று மாதங்களில் மேலும் கூடுதலாக ஐந்து கிலோ வழங்கப்படும். இது தவிர, ஒவ்வொரு குடும்பத்துக்கும் ஒரு கிலோ பருப்பு வகை ஒன்றும் வழங்கப்படும்.

பொருளாதாரச் சிக்கலுக்குத் தீர்வாகுமா - நிதியமைச்சரின் அறிவிப்புகள்..?

* விவசாயிகளுக்கு கிசான் யோஜனா திட்டத்தின் கீழ் 2,000 ரூபாய் உடனடியாக வழங்கப்படும். 8.69 கோடி விவசாயிகளின் வங்கிக் கணக்கில் நேரடியாக இந்தப் பணம் செலுத்தப்படும்.

* ஜன் தன் கணக்கு வைத்திருக்கும் பெண்களுக்கு மாதம் 500 ரூபாய் என அடுத்த மூன்று மாதங்களுக்கு வழங்கப்படும். இதனால் நாட்டில் 20 கோடி பெண்கள் பயனடைவார்கள்.

* 60 வயதைக் கடந்தவர்கள், விதவைகள், ஏழை மாற்றுத்திறனாளிகள் ஆகியோருக்கு வங்கி நேரடிப் பணம் செலுத்தும் திட்டத்தின்கீழ் ஒரு முறை 1,000 ரூபாய் நிவாரணத் தொகை வழங்கப்படவுள்ளது.

* பிரதமரின் உஜ்வாலா திட்டத்தின் கீழ் உள்ள பெண்களுக்கு மூன்று மாதங்களுக்கு இலவச கேஸ் சிலிண்டர் வழங்கப்படவுள்ளது.

* பிரதான் மந்திரி கரீப் கல்யாண் அன்ன யோஜனா திட்டத்தின் கீழ் வரும் சுய உதவிக் குழுக்களுக்கு தீன் தயாள் கடன் திட்டத்தின்கீழ், அடமானம் எதுவும் இல்லாமல் ரூ.10 லட்சம் கடன் வழங்கப்பட்டுவரும் நிலையில், தற்போது ரூ.20 லட்சம் ரூபாய் கடன் வழங்கப்படவுள்ளது.

* வருங்கால வைப்புநிதிப் பங்களிப்பில் இருக்கும் நிதியில் 70% பணத்தை ஊழியர்கள் எடுத்துக்கொள்ளலாம் அல்லது மூன்று மாதச் சம்பளத்தை எடுத்துக்கொள்ளலாம்.

* பிரதான் மந்திரி கரீப் கல்யாண் அன்ன யோஜனா திட்டத்தின் கீழ், முறைப்படுத்தப்பட்ட குழுக்களில் இடம்பெற்றுள்ளவர்களுக்கு வருங்கால வைப்புநிதிப் பங்களிப்பு திட்டத்தில் அடுத்த மூன்று மாதங்களுக்கு 24% தொகையை அரசே செலுத்தும். 100 பேருக்கு மேல் இயங்கும் நிறுவனங்களுக்கும், அந்த நிறுவனங்களில் மாதம் 15,000-க்குக் குறைவாகச் சம்பளம் பெறுபவர்களுக்கும் இது பொருந்தும்.

``பொருளாதாரச் சரிவிலிருந்து மீள்வதற்கு நிர்மலா சீதாராமனின் இந்த அறிவிப்புகள் பயன்படுமா?’’ என்று பொருளாதார நிபுணரும், பங்குச் சந்தை ஆலோசகருமான வ.நாகப்பனிடம் கேட்டோம்.

“அறிவிப்பு வெளியான தினத்தில், நிதியமைச்சர் அவருடைய ட்விட்டர் கணக்கில், ‘தற்போதைய பொருளாதார பாதிப்பைத் தடுத்து நிறுத்த, சீர்செய்ய, பல்வேறு நடவடிக்கைகளுக்குத் தயாராகிக்கொண்டிருக்கிறோம். அதற்கிடையில் முதற்கட்ட அறிவிப்புக்காக நான் உங்களைச் சந்திக்கிறேன்’ என்ற செய்தியைப் பதிவுசெய்திருந்தார்.

இதன் மூலம், `அரசாங்கம் இன்னும் பல அறிவிப்புகளைத் தொடர்ந்து வெளியிடும்’ என்பதைச் சுட்டிக்காட்டியிருந்தார். அதன்படி சில தினங்களிலேயே மீண்டும் பத்திரிகையாளர்களைச் சந்தித்து, ஏழை எளிய மக்களுக்காக முக்கியமான சில அறிவிப்புகளையும் வெளியிட்டார். இந்த அறிவிப்பு குறித்து ராகுல் காந்தி, சிதம்பரம் ஆகியோர் பேசும்போதுகூட, ‘அரசின் இந்த அறிவிப்பு பொருளாதார பாதிப்பைச் சீர்செய்ய, சரியான திசையை நோக்கிய முதல் அடி’ என்று குறிப்பிட்டிருந்தனர். நானும் அதையே குறிப்பிட விரும்புகிறேன்.

ஒருவர் நோயால் பாதிக்கப்பட்டால், அவருக்கு முதலில் முதலுதவி சிகிச்சைகள் மேற்கொள்ளப்படும். அதுபோலத்தான் நான் இதைப் பார்க்கிறேன்.

தற்போதைய கொரோனோ தொற்றால் மக்களுக்கு ஏற்பட்டிருக்கும் பொருளாதார பாதிப்பிலிருந்து அவர்களைக் காப்பாற்றுவதற்கான அறிவிப்புகளை அரசாங்கம் வெளியிட்டிருப்பது வரவேற்கத்தக்க ஒன்று.
இவை மட்டுமே நாட்டின் பொருளாதாரத்தைச் சீர்செய்யப் போதுமானதாக இருக்காது. அதனால் நாட்டின் பொருளாதாரத்தை மேம்படுத்துவதற்காக இன்னும் சில முக்கிய அறிவிப்புகளை மத்திய அரசாங்கம் வெளியிடும் என நான் எதிர்பார்க்கிறேன்” என்றார்.

21 நாள் ஊரடங்கு காரணமாகத் தொழில் முடக்கத்தால் கஷ்டப்படும் ஏழை மக்களைக் காப்பாற்ற பல திட்டங்களை அறிவித்திருக்கிறார் நிதியமைச்சர். இதேபோல, தொழில் செய்ய முடியாமல் கஷ்டத்தில் இருப்பவர்களைக் காப்பாற்ற, பல நல்ல திட்டங்களை நிதியமைச்சர் அறிவிக்க வேண்டும்!

நடுத்தர வர்க்கத்தினருக்கு நல்லது செய்த ரிசர்வ் வங்கி கவர்னர்!

கொரோனா வைரஸ் அச்சத்தால் வீடுகளில் முடங்கிக் கிடக்கும் ஏழை மக்களுக்கு நல்லது செய்யும் பல நல்ல திட்டங்களை நிதியமைச்சர் நிர்மலா சீதாராமன் ஒருபக்கம் அறிவித்திருக்க, இந்த முடக்கத்தால் அல்லாடிக்கொண்டிருக்கும் நடுத்தர வர்க்கத்தினருக்கு உதவும் பல அறிவிப்புகளை அறிவித்திருக்கிறார் இந்திய ரிசர்வ் வங்கி கவர்னர் சக்தி காந்ததாஸ். அந்த அறிவிப்புகள் என்னென்ன..?

பொருளாதாரச் சிக்கலுக்குத் தீர்வாகுமா - நிதியமைச்சரின் அறிவிப்புகள்..?

1. வங்கிகளுக்கான ரெப்போ விகிதம் குறைக்கப் பட்டிருக்கிறது. 5.15% என்ற அளவில் இருந்த விகிதம் தற்போது 4.4 சதவிகிதமாகக் குறைக்கப்படவிருக்கிறது. இதனால் வீட்டுக் கடன், வாகனக் கடன் உள்ளிட்ட கடன்களைத் திரும்பச் செலுத்தும் வட்டிச் சுமை குறையும். ரிவர்ஸ் ரெப்போ வட்டி விகிதம் 90 புள்ளிகள் குறைக்கப்பட்டு, 4.9 சதவிகிதத்திலிருந்து 4 சதவிகிதமாக நிர்ணயம் செய்யப்பட்டிருக்கிறது.

2. வங்கிகளில் கடன் பெற்றவர்கள் மூன்று மாதங்களுக்கு அசலையும் வட்டியையும் திருப்பிச் செலுத்தத் தேவையில்லை. கடன்களுக்கான அசலையும் வட்டியையும் திருப்பிச் செலுத்தும் மாதத் தவணைகளைச் செலுத்த மூன்று மாதங்கள் வரை அவகாசம் எடுத்துக்கொள்ளலாம்.

3. தொழில் நிறுவனங்கள் மற்றும் வங்கி வாடிக்கையாளர்களுக்குக் குறைந்த வட்டியில் கடன் கிடைக்க வாய்ப்பு ஏற்படுத்தப்படும்.

4. இந்திய ரிசர்வ் வங்கி அறிவித்திருக்கும் கொரோனா வைரஸ் முன்னெச்சரிக்கை நடவடிக்கையின் மூலம், சுமார் 3,74,000 கோடி ரூபாய் மொத்த பணப்புழக்கத்தில் உட்புகுத்தப்படும்.

மேற்கண்ட அறிவிப்புகளை வெளியிட்டிருக்கிறார் ரிசர்வ் வங்கி கவர்னர். வட்டிக் குறைப்பு, கடனுக்கான மாதத் தவணை குறைப்பு ஆகிய நடவடிக்கைகள் கொரோனாவின் கோரப்பிடியில் சிக்கியிருக்கும் நடுத்தர வர்க்கத்தினருக்கு நிச்சயம் உதவியாக இருக்கும்!

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism