Published:Updated:

கொரோனா 2.0... கடும் பாதிப்பில் தொழில் துறை..! அரசாங்கம் என்ன செய்ய வேண்டும்?

தொழில் துறை
பிரீமியம் ஸ்டோரி
தொழில் துறை

I N D U S T R Y

கொரோனா 2.0... கடும் பாதிப்பில் தொழில் துறை..! அரசாங்கம் என்ன செய்ய வேண்டும்?

I N D U S T R Y

Published:Updated:
தொழில் துறை
பிரீமியம் ஸ்டோரி
தொழில் துறை

கொரோனா முதல் அலை, ஊரடங்கு, சம்பளக் குறைப்பு, வேலையிழப்பு, சிறு, குறு, நடுத்தரத் தொழில் நசிவு என்று நம் நாட்டுப் பொருளாதாரத்தின்மேல் அடி மேல் அடி விழுந்துகொண்டிருக்கிறது. சென்ற மே மாதத்தில் மட்டும் நம் நாட்டில் சுமார் ஒரு கோடி பேர் வேலைவாய்ப்பை இழந்துள்ள தாகவும், நாட்டில் ‘வேலை வாய்ப்பின்மை அளவு’ 11% வரையில் உயரலாம் என்றும் தெரிவித்திருக்கிறது Centre for Monitoring Indian Economy அமைப்பு. கொரோனா இரண்டாம் அலை விளைவாக ஏற்பட்ட வேலையின்மை, தொழில் நசிவு போன்றவற்றை சரிசெய்ய மத்திய, மாநில அரசுகள் என்ன செய்ய வேண்டும் எனச் சில பொருளாதார நிபுணர்களிடம் கேட்டோம்.

‘‘2019-ம் ஆண்டு நிலையை எட்ட இரண்டு, மூன்று ஆண்டுகள் ஆகும்!’’

‘‘முதல் அலையில் கிட்டத்தட்ட கால் பங்கு வருமானம் குறைந்ததன் விளைவு, நம் நாட்டில் கடந்த 30 வருடங்களில் வறுமைக்கோட்டுக்கு மேல் வந்தவர்கள் அனைவரும் கீழே சென்றுவிட்டார்கள். இதுமட்டுமல்ல, அதிக வருமானம் கொண்டவர்கள் நடுத்தர வருமானத்துக்கும், நடுத்தர வருமானம் கொண்டவர்கள் அதற்கும் கீழேயும் இறங்கியிருக் கிறார்கள். இவையெல்லாம் கொரோனா முதல் அலையின்போது போட்ட ஊரடங்கின் விளைவு.

எல்லோருக்கும் தடுப்பூசி போட முடியாததால், கொரோனா இரண்டாவது அலை உருவாகி, மறுபடியும் ஊரடங்கு நடவடிக்கை எடுக்க வேண்டிய நிலை ஏற்பட்டு உள்ளது. இதனால் இன்னும் எத்தனை சதவிகித மக்கள் பொருளாதாரத்தில் பின்தங்கு வார்கள் எனத் தெரிய வில்லை. மூன்றாவது அலையும் வரும் என்று வேறு அறிவிய லாளர்கள் சொல்வதால், நாளை என்ன நடக்கும் என்பதைத் துல்லிய மாகக் கணிக்க முடியவில்லை. கொரோனாவுக்கு முந்தைய 2019-ம் வருடத்துக்கு நம் பொருளாதாரம் செல்வதற்கே 2 அல்லது 3 வருடங்கள் ஆகலாம்’’ என்கிறார் பொருளாதார நிபுணர் ஜோதி சிவஞானம்.

கொரோனா 2.0... கடும் பாதிப்பில்         தொழில் துறை..! அரசாங்கம் என்ன செய்ய வேண்டும்?

‘‘கடனைத் திரும்பக் கட்ட 10 ஆண்டு அவகாசம் வேண்டும்!’’

அடுத்து கொடீசியா அமைப்பின் தலைவர் ராமமூர்த்தியுடன் பேசினோம்.

“இந்தியாவில் 12% பேருக்கு சிறு, குறு, நடுத்தர தொழில்கள்தான் வேலைவாய்ப்பு கொடுத்து வருகின்றன. சிறு, குறு, நடுத்தரத் தொழில்களை நடத்துபவர்கள் பெரும் பாலும் கடன் வாங்கியே வியாபாரம் செய்பவர்கள். தோராயமாக வருடத்துக்கு ஆறு மாதங்கள் லாக்டெளன் போட்டால், அதில் 70 சதவிகிதத்தினர் மறுபடியும் வியாபாரம் செய்வது கடினம். வங்கிகளும் அரசாங்கமும் நீண்ட காலத்துக்குக் கடன் கொடுத்தால் மட்டுமே இவர்களால் இந்த எதிர்பாராத பொருளாதார சரிவிலிருந்து மீள முடியும்.

மாவட்டம்தோறும் கமிட்டியை அமைத்து, ஒவ்வொரு மாவட்டத்தில் இருக்கிற சிறு, குறு, நடுத்தரத் தொழில்கள் எந்தளவுக்குப் பாதிக்கப்பட்டிருக்கிறது என்பதைக் கண்டறிய வேண்டும். அந்த கமிட்டி, மத்திய அரசும் மாநில அரசும் அவர்களை மீட்க என்ன செய்ய வேண்டும் என்பதை சர்வே செய்து அரசுக்குத் தெரிவிக்க வேண்டும். சிறு, குறு, நடுத்தரத் தொழிலில், குறுந்தொழில்களும் நடுத்தரத் தொழில் களும் வங்கிகளும் அரசாங்கமும் கடன் கொடுத்தால் பிழைத்துக்கொள்ளும். சிறுதொழில் மானியத்தையும் சேர்த்துக் கொடுத்தால்தான் பிழைக்கும். தவிர, இவர்களுக்குக் குறைந்த வட்டியில் கடன் தருவதோடு, அதைக் கட்டுவதற்கு 10 வருடங்கள் கால அவகாசமும் அளிக்க வேண்டும்.

சிறு, குறு நடத்துபவர்கள் தினசரி கூலித்தொழிலாளிகள் மாதிரிதான். ஆனால், இவர்கள் தாம் பலருக்கும் வேலை கொடுப் பார்கள். அதனால், இந்த விஷயத்தில் அரசாங்கம் விரைந்து செயல்பட வேண்டும்.

கோவையில் சிறு, குறு, நடுத்தரத் தொழில்கள்தான் தற்போது, ஆக்ஸிஜன் டியூப், ஆக்ஸிஜன் பிளான்ட் போன்ற மருத்துவ உபகரணங்களைத் தயாரிக்கின்றன. இதையே இந்தியா முழுக்கப் பின்பற்றினால், ஒரே நேரத்தில் இரண்டு பிரச்னை களுக்குத் தீர்வு கிடைக்கும்’’ என்கிறார் இவர்.

ஜோதி சிவஞானம், ராமமூர்த்தி, மோகன், சேதுராமன் சாத்தப்பன்
ஜோதி சிவஞானம், ராமமூர்த்தி, மோகன், சேதுராமன் சாத்தப்பன்

‘‘ஜி.எஸ்.டி தாக்கல் செய்ய விலக்களிக்க வேண்டும்!’’

‘டான்ஸ்டியா’ அமைப்பின் மோகன் பேசுகையில், “சிறு, குறு தொழில்கள் தொடர்ந்து நஷ்ட மடைந்துகொண்டே இருக்கின்றன. 70 சதவிகிதத்துக்கும் மேற்பட்ட நிறுவனங்கள் மூடப் பட்டுவிட்டன. இந்த நிறுவனங்கள் தற்போது இயங்கவில்லை என்றாலும், அவர்களிடம் வேலை பார்ப்பவர்களின் கணக்கில் இ.எஸ்.ஐ, பி.எஃப்-க் கான தொகையைச் செலுத்த வேண்டியிருக்கிறது. கடன் வாங்கியோ, நகையை விற்றோ இதைச் செலுத்து கிறார்கள். இதற்கான கால அவகாசத்தை நீட்டிக்க வேண்டும்.

இந்தப் பெருந்தொற்று நேரத்திலும் மூலப்பொருள்களின் விலை ஏறிக்கொண்டே போகிறது. அதைக் கட்டுக்குள் கொண்டு வர வேண்டும்.

சிறு, குறுந்தொழில் செய் பவர்கள் ஜி.எஸ்.டி தாக்கல் செய்யவில்லை எனில், அபராதம் கட்ட வேண்டும். அந்த அபராதத்தை இந்தப் பெருந் தொற்று நேரத்தில் விலக்கிக் கொள்ளலாம். ஏனென்றால், இவர்கள் ஒருமுறை தங்கள் நிறுவனங்களை மூடிவிட்டால், இவர்களுடைய அடுத்த தலைமுறையினர்கூட தொழில் ஆரம்பிப்பது கடினம். இதனால், வேலையின்மை பிரச்னை இன்னும் அதிகரிக்கும்.

இனி மூன்றாவது அலையும் வந்து மறுபடியும் லாக்டெளன் என்று வந்தால் சிறு, குறு, நடுத்தரத் தொழில்கள் இல்லாமலே போக லாம்’’ என்றார்.

‘‘எஸ்.எம்.இ நிறுவனங்கள் தயாரிக்கும் பொருள்களை வாங்க வேண்டும்’’

பொருளாதார ஆலோசகரான சேதுராமன் சாத்தப்பன், ‘‘இந்தக் கொடிய தொற்று நமக்குக் கற்றுக் கொடுத்திருக்கும் பாடம், உங்கள் வருமானத்தில் 30% சேமிப்பாக இருக்க வேண்டும் என்பதுதான். இது எந்தவோர் அசாதாரண சூழ்நிலையிலும் உதவும். தொழில் சரியாக நடக்காதபட்சத்தில் ஏற்படும் வருமானம் இழப் பீட்டை ஈடுகட்ட இன்ஷுரன்ஸ் பாலிசி எடுக்க வேண்டும். தனிமனித வாழ்க்கையில் இன்ஷுரன்ஸ் எந்தளவு முக்கியமோ, அந்தளவுக்கு தொழிலிலும் இன்ஷுரன்ஸ் எடுப்பது அவசியம்.

பல செக்டார்கள் இந்த கொரோனா காலத்திலும் சிறப்பாகப் பரிணமித்திருக் கின்றன. குறிப்பாக ஃபார்மா, ஆன்லைன் வர்த்தகம், மளிகை போன்ற அத்தியாவசியமான சாமான்கள், எஃப்.எம்.சி.ஜி, லாஜிஸ்டிக்ஸ், ஏற்றுமதி, விவசாயம் ஆகியவை. நீங்கள் வியாபார வாய்ப்புகளை இழந்திருந்தால் இந்தத் துறைகளில் வியாபாரம் செய்ய முயற்சி செய்யுங்கள்.

இந்தியாவின் மொத்த உள்நாட்டு உற்பத்தியில் 30 - 35 சதவிகிதத்தைக் கொடுக்கும் எம்.எஸ்.எம்.இ. நிறுவனங் களைக் காப்பாற்ற, இனிமேல் அவர்கள் தயாரிக்கும் பொருள்களை நாம் அதிகமாக வாங்க வேண்டும். ஐ.எஸ்.ஐ / அக்மார்க் தர முத்திரைகள் போல, எம்.எஸ். எம். இ. நிறுவனங்களின் தயாரிப்பு களுக்கும் ஒரு தர முத்திரை தேவை. இதன் மூலம் அவர் களுடைய தயாரிப்பு களைக் கண்டறிந்து வாங்கலாம். இதனால் அவர்களின் விற்பனையும் கூடும். இதற்கான முயற்சிகளை அரசு முன்னெடுக்க வேண்டும்’’ என்கிறார்.

கொரோனா இரண்டாம் அலையால் ஏற்பட்ட பாதிப்பி லிருந்து மீள்வதற்கு அரசாங்கம் பல உதவிகளைச் செய்ய வேண்டும் என்று நாம் எதிர்பார்க்கும் அதே நேரத்தில், இந்த சிக்கலிலிருந்து மீண்டுவர நம்மாலான முயற்சிகளை நிச்சயமாகச் செய்ய வேண்டும். மீண்டும் ஓர் அலை வந்தால், அதிலிருந்து தப்பிப் பிழைக்கும் வழிமுறைகளைக் கற்றறிந்துகொண்டு செயல்பட வேண்டும்!

நிரந்தரமின்மைதான் இனி நிரந்தரமான உண்மையாக மாறிவிட்டதை நாம் மனதில்கொண்டு செயல்பட்டால், நமக்கு எப்போதும் தோல்வி வராது!

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism