Published:Updated:

மூன்றாம் அலையிலிருந்து சிறுதொழில் நிறுவனங்கள் தப்பிப்பது எப்படி? இப்போதே தயாராவோம்!

சிறுதொழில் நிறுவனங்கள்
பிரீமியம் ஸ்டோரி
சிறுதொழில் நிறுவனங்கள்

MSME

மூன்றாம் அலையிலிருந்து சிறுதொழில் நிறுவனங்கள் தப்பிப்பது எப்படி? இப்போதே தயாராவோம்!

MSME

Published:Updated:
சிறுதொழில் நிறுவனங்கள்
பிரீமியம் ஸ்டோரி
சிறுதொழில் நிறுவனங்கள்

சிறு, குறு, நடுத்தரத் தொழில்கள் தான் இந்தியாவில் 12% பேருக்கு வேலைவாய்ப்பு தந்துகொண்டிருக்கின்றன. தொடர்ந்து இரண்டு ஊரடங்கால் மிகப் பெரிய நஷ்டத்தைச் சந்தித்துக் கொண்டிருக்கிற இந்தத் தொழில்கள் அடுத்து இன்னொரு ஊரடங்கைச் சந்தித்தால் என்னவாகும் என்று நினைத்துப் பார்க்க முடியாத நிலை. குறைந்த முதலீட்டில் இயங்கும் இந்த நிறுவனங்கள் கொரோனா மூன்றாவது அலையிலிருந்து தப்பும் வழிகள் பற்றித் தொழில்துறை சார்ந்த மூவருடன் பேசினோம். அவர்கள் விளக்கமாக எடுத்துச் சொன்னார்கள்.

மோகன்
மோகன்

‘‘ஊழியர்களுக்கு தடுப்பூசி போடுங்கள்!’’

- மோகன், தலைவர், டான்ஸ்டியா.

‘‘ஐந்து பேர் வேலை பார்த்தாலும் சரி, 50 பேர் வேலை பார்த்தாலும் சரி, முகக்கவசம், சானிடைசர், சமூக இடைவெளி என இந்த மூன்று பாதுகாப்பு வழிமுறைகளையும் கடைப்பிடித்துத் தொடர்ந்து இயங்கிக்கொண்டிருப்பதுதான் சிறு, குறு, நடுத்தரத் தொழில்கள் தப்பிப் பிழைப்பதற்கான வழி. இதைவிட முக்கியமாக, அந்தந்த நிறுவனங்களே தங்களிடம் வேலை பார்ப்பவர் களுக்குத் தடுப்பூசி போடுவதற்கான பணிகளை முன்னெடுப்பதுடன் தடுப்பூசி போட்டுக் கொண்டவர் களுக்கு ஒருநாளோ, இரண்டு நாளோ சம்பளத்துடன் விடுமுறையும் வழங்கி ஊக்குவிக்கலாம்.’’

கேசவன் பாண்டியன்
கேசவன் பாண்டியன்

“மூன்று ‘M’-களை சரியாக நிர்வகிக்க வேண்டும்!”

- கேசவன் பாண்டியன், நிறுவன மேம்பாடு ஆலோசகர்.

‘‘சிறு, குறு, நடுத்தரத் தொழில்களைப் பொறுத்தவரை, Men, Material, Machine என்ற மூன்று ‘M’-களும் சரியாக நடந்தால்தான், அவை தொடர்ந்து இயங்கிக்கொண்டே இருக்க முடியும். கடந்த இரண்டு ஊரடங்குகள் அமலில் இருந்தபோதும் இந்த மூன்று இயக்கங்களையும் அப்படியே நிறுத்திவிட்டோம். மருத்துவர்கள் சொல்கிறபடி, கொரோனா மூன்றாவது அலை வந்தால், இந்த இயக்கங்களைத் தொடர்வது மட்டுமே முழுமையான தீர்வாக இருக்க முடியும். ஏனென்றால், இந்தத் சிறுதொழில் நிறுவனங்கள் நலிவடைந்தால் இந்தியப் பொருளா தாரமும் தொய்ந்துபோகும்.

ஒவ்வொரு தொழிலிலும் ஏழெட்டு செயல்முறைகள் ஒன்றிணைந்துதான் ஓர் உற்பத்திப்பொருளாக வெளிவரும். ஒரு செயல்முறையை முதல் ஷிஃப்டிலும் அடுத்த செயல்முறை இரண்டாவது அல்லது மூன்றாவது ஷிஃப்டிலும் செய்ய முடியாது. அதனால், அத்தகைய நிறுவனங்களை அவர்களுடைய வழக்கமான எண்ணிக்கையிலான தொழிலாளர் களுடன் செயல்பட அனுமதிக்கப் பரிசீலிக்க வேண்டும்.

சில நிறுவனங்களில் இயந்திரங் களைத் தொடர்ந்து இயக்கினால் மட்டுமே முழுமையான உற்பத்திக்கு சாத்தியம். மெஷினை நிறுத்தி நிறுத்தி இயக்கினால் இயந்திரங்களிலும் பிரச்னை ஏற்படும். இப்படிப்பட்ட நிறுவனங்கள் தொடர்ந்து ஷிஃப்ட்டில் இயங்க அனுமதிக்க வேண்டும். இந்த நிறுவனங்களில் வேலை பார்ப்பவர்கள் இரவில் வேலை முடிந்து தாமதமாகத்தான் வீடு திரும்புவார்கள். இவர்கள் அடையாள அட்டை காண்பித்த வுடன் வீட்டுக்குச் செல்ல காவல் துறையினர் அனுமதிக்க வேண்டும் என்கிற புதிய விதியைக் கொண்டு வர வேண்டும்.

மூன்றாம் அலையிலிருந்து சிறுதொழில் நிறுவனங்கள் தப்பிப்பது எப்படி? இப்போதே தயாராவோம்!

முக்கியமான இன்னொரு விஷயம், தொழிலாளர்களின் பாதுகாப்பு. மூன்று மணி நேரத்துக்கு ஒருமுறை தெர்மல் ஸ்கேனிங், பல்ஸ் ஆக்ஸி மீட்டர் பரிசோதனை, மனிதவள மேம்பாட்டு ஆலோசகர் மூலம் வேலை பார்ப்பவர்களின் உடல் நிலையை அடிக்கடி கண்காணிப்பது, அனை வருக்கும் தடுப்பூசி போடுவதற்கான முயற்சியில் ஈடுபடுவது என நிறுவனங்களை நடத்துபவர்கள் காலத்துக்கேற்ப இயங்க வேண்டும்.

மேலே குறிப்பிட்ட மூன்றுக்குமான அனுமதியைத் தொழில் குழுமங்களின் தலைவர்கள் அரசு, மருத்துவத்துறை மற்றும் காவல் துறையிடம் கலந்து ஆலோசித்து சிறு, குறு, நடுத்தரத் தொழில்களை நடத்துபவர்களுக்குப் பெற்றுத் தர வேண்டும்.’’

சிவகுமார்
சிவகுமார்

‘‘நடைமுறை மூலதனத்தை உடனே தர வேண்டும்!’’

- சிவகுமார், தொழில் ஆலோசகர்.

‘‘முதலாவது, வங்கிகள் விதிமுறைகளைத் தளர்த்தி தங்கள் வாடிக்கையாளர் களுக்கு நடைமுறை மூலதனத்தை 5 சதவிகிதமோ, 10 சதவிகிதமோ அதிகம் கொடுக்க வேண்டும். இதுதான் அந்த நிறுவனங்களுக்கு ஆக்ஸிஜன். சிறு, குறு நடுத்தர நிறுவனங்களுக்கு 1,20,000 கோடி கடன் வழங்க விருப்பதாக நிதியமைச்சர் நிர்மலா சீதாராமன் அறிவித் திருக்கிறார். இந்தத் தொகை யை வகைப்படுத்தி, சட்ட மாக்கி, அந்தத் தொகை வங்கிகளுக்கு வந்து, மக்களுக் குக் கொடுப்பதற்கு காலமெடுக் கும் அல்லது முடியாமலும் போகலாம். அதனால், வங்கிகள் தன்னுடைய வாடிக்கையாளர்களில் நடைமுறை மூலதனம் இல்லாமல் தவித்துக் கொண்டிருப்பவர்களுக்கு, ‘அவர்கள் லாக்டெளனுக்கு முன்பு கடனை சரியாகக் கட்டவில்லை. இப்போது அவர்களுக்கு எங்களால் உதவ முடியாது’ என்று தவிர்க்காமல், சட்டங்களைத் தளர்த்தி உடனடியாக நடைமுறை மூலதனத்தை வழங்க வேண்டும்.

இந்த நிறுவனங்களுக்குச் சரக்கு கொடுத்தவர், கச்சாப் பொருள்கள் கொடுத்தவர்கள் எனப் பல்வேறு வகையில் கடன் தந்தவர்கள், இந்த நேரத்தில் கடனைக் கேட்டு கழுத்தை நெரிக்காமல் ஒரு மாதமோ, ஒன்றரை மாதமோ கால அவகாசம் வழங்கலாம். இதற்கென சட்டம் இயற்றினாலும் நல்லது.இது இரண்டாவது வழி.

சிறு, குறு, நடுத்தரத் தொழில் செய்பவர் களைக் கொல்லும் இன்னொரு விஷயம், ஜி.எஸ்.டி-க்கான பணத்தைக் குறிப்பிட்ட தேதிக்குள் கட்ட வில்லை என்றால், நடவடிக்கை, அபரா தம், 15 தேதிக்குள் ரிட்டர்ன் சப்மிட் போன்ற வற்றைத் தளர்த்த வேண்டும். இது மூன்றாவது வழி. இந்த மூன்று விஷயங் களையும் செய்தால், மூன்றாவது அலை மட்டுமல்ல, நான்கா வது, ஐந்தாவது அலை வந்தால்கூட சிறு தொழில் நிறுவனங்கள் கவலைப்படாமல் தப்பித்துவிட முடியும்’’ என்றார்.

எதிர்பாராதது எதுவும் நடக்காது என்று நினைத்தது அந்தக் காலம். எதிர்பாராதது எல்லாம் நடக்கும் என்பது இந்தக் காலம். என்ன நடந்தாலும் தொழில் நிறுவனத்தைத் தொடர்ந்து நடத்தத் தேவையான திட்டம் இருந்தால்தான், இனி எத்தனை ஊரடங்கு வந்தாலும் சிறுதொழில் நிறுவனங்களால் அதிலிருந்து மீண்டு வர முடியும்!

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism