Published:Updated:

தடுப்பூசி சுற்றுலா... சரியான அணுகுறையா... வியாபார சூட்சுமமா..? கொரோனா கால டூரிஸம்...

தடுப்பூசி சுற்றுலா
பிரீமியம் ஸ்டோரி
தடுப்பூசி சுற்றுலா

V A C C I N E T O U R I S M

தடுப்பூசி சுற்றுலா... சரியான அணுகுறையா... வியாபார சூட்சுமமா..? கொரோனா கால டூரிஸம்...

V A C C I N E T O U R I S M

Published:Updated:
தடுப்பூசி சுற்றுலா
பிரீமியம் ஸ்டோரி
தடுப்பூசி சுற்றுலா

சுற்றுலாத்துறை கடந்த ஓராண்டாக முடங்கிக் கிடந்தாலும் தற்போது மருத்துவச் சுற்றுலா (Medical Tourism) என்கிற பெயரில் மீண்டும் தலையெடுக்க ஆரம்பித்திருக்கிறது. இதை ‘தடுப்பூசி சுற்றுலா’ (Vaccine Tourism) என்றும் சொல்கிறார்கள். கோவிட்-19 தடுப்பூசியைப் பெறு வதற்காகத் தங்கள் சொந்தப் பகுதியை விட்டு வேறு மாநிலத்துக்கோ, நாட்டுக்கோ பயணம் செல்வதைத் தான் தடுப்பூசி சுற்றுலா என்கிறார்கள்.

ரஷ்யாவுக்கு சுற்றுலா!

கோவிட இரண்டாம் அலை தீவிரமடைந்திருந்த நிலையில், துபாயைச் சேர்ந்த டிராவல் நிறுவனம் ஒன்று, ரஷ்யாவுக்கு ஸ்புட்னிக் வி தடுப்பூசி போட்டுக்கொள்ள டெல்லி யிலிருந்து ரஷ்யாவின் மாஸ்கோவுக்குச் செல்லும் டிரிப் பேக்கேஜ் ஒன்றை அறிவித்தது. ரஷ்யாவுக்கு 24 நாள்கள் செல்ல கட்டணம் ரூ.1.3 லட்சம். அங்கு சென்ற உடன் முதல் தவணை, திரும்பும்போது இரண்டாம் தவணை தடுப்பூசி போட்டுக் கொள்ளலாம். சில இடங்களையும் சுற்றிப் பார்க்கலாம் என்று சொன்னது. இதற்கான முதல் டிரிப் மே 29-ம் தேதியைத் தொடர்ந்து ஜூன் 7, 14-ம் தேதிகளில் அடுத்தடுத்த பயணங்கள் நடக்கும் என ட்விட்டரில் அறிவிப்பு வெளியானது. இந்த ஏற்பாட்டுக்கு ரஷ்ய அரசாங்கம் அனுமதி தராததால், இந்தச் சுற்றுலா ரத்தானது.

ஆனால், உலகின் சில நாடுகள் இந்தத் தடுப்பூசி சுற்றுலாவை நடைமுறைப்படுத்துவதில் அக்கறை காட்டி வருகின்றன. உதாரணமாக, மாலத்தீவுவைச் சொல்லலாம். தற்போது தென்னாபிரிக்காவைச் சேர்ந்தவர்கள் ஜிம்பாப்வேவுக்கும், கனடா நாட்டைச் சேர்ந்தவர்கள் அமெரிக்காவுக்கும் தடுப்பூசிக்காகப் பயணப்படுகின்றனர். துபாய் குடியுரிமை வைத்திருக்கும் இந்தியப் பணக்காரர்கள் சிலர் போக்குவரத்து கட்டுப்பாடுகள் விதிக்கப்படுவதற்கு முன்பாக மார்ச் மாதத்திலேயே துபாய்க்கு அமெரிக்காவின் ஃபைசர் தடுப்பூசியைப் போட்டுக்கொள்ள சென்றிருக்கின்றனர்.

தடுப்பூசி சுற்றுலா... சரியான அணுகுறையா... வியாபார சூட்சுமமா..? கொரோனா கால டூரிஸம்...

இந்தியர்கள் பயணப்படலாமா?

“இந்தியாவிலிருந்து வெளி நாட்டுக்கு தடுப்பூசிக்காக சுற்றுலா செல்வதற்கு எந்த அவசியமும் இல்லை. தகுதியுடைய அனைவருக்கும் இந்த ஆண்டு இறுதிக்குள் தடுப்பூசி செலுத்தப்படும். அதுவும் மிகவும் நியாயமான கட்டணத்தில்” என்று தெரிவித்துள்ளார் மத்திய சுற்றுலாத் துறை அமைச்சர் பிரகலாத் பாட்டீல்.

சட்டபூர்வமானதா?

சில நாடுகளில் தடுப்பூசிக்கு பற்றாக்குறை இருப்பதால், இந்தத் தடுப்பூசி சுற்றுலா என்கிற கருத்து உருவாகியுள்ளது. தற்போது வரை தடுப்பூசிக்காக வேறு நாட்டுக்குப் பயணப்படுவது எந்த நாட்டுச் சட்டத்திலும் தவறு என்றோ, குற்றம் என்றோ குறிப்பிடப்படவில்லை. ஆனால், அமெரிக்கா உள்ளிட்ட ஒரு சில நாடுகளைத் தவிர்த்து, பிற நாடுகளில் தடுப்பூசி தட்டுப்பாடு நிலவுகிறது. இந்தியா உட்பட பல்வேறு நாடுகள் தங்களுடைய மக்கள் அனைவருக்கும் தடுப்பூசி கிடைப்பதற்கு சில விதிமுறை களைப் பின்பற்றி வருகின்றன. மேலும், இந்தத் தடுப்பூசி அவசியம் செலுத்தப்பட வேண்டியவர்களுக்கு முன்னுரிமை கொடுத்து வழங்கி வருகிறது.

தடுப்பூசிக்காக வேறு நாட்டுக்குப் பயணப்படுவது சட்டப்படி குற்றம் இல்லை என்றாலும் பணம் படைத்த வர்களுக்கு மட்டும் இது சாத்தியப் படும். அவ்வாறு பணம் படைத்த வர்களுக்கு வேறு நாடுகளுக்குப் பயணப்பட்டுத் தடுப்பூசியைப் போடுவது, அந்த நாட்டில் ஒருவருக்கு நியாயமாகக் கிடைக்க வேண்டிய தடுப்பூசியைத் தடுப்பது போன்றது. எனவே, தடுப்பூசி சுற்றுலா என்பதை மனசாட்சிக்கு விரோதமான நடவடிக் கையாகப் பார்க்க வேண்டும் என்று பலர் கருத்து தெரிவிக்கின்றனர்.

தடுப்பூசி சுற்றுலா பற்றி இப்போது சிலர் பேசினாலும், தடுப்பூசி பற்றாக்குறை குறைந்தபின், இதற்கான தேவை குறையும். எனவே, இந்தத் தடுப்பூசி சுற்றுலா நீண்டகாலத்துக்கு நிலைத்திருக்க வாய்ப்பில்லை என்றே நிபுணர்கள் கருதுகிறார்கள்!

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism