Published:Updated:

இ-காமர்ஸ் நிறுவனங்களுக்கு புதிய நெருக்கடி..! வளர்ச்சியைப் பாதிக்குமா..?

இ-காமர்ஸ்
பிரீமியம் ஸ்டோரி
இ-காமர்ஸ்

E C O M M E R C E

இ-காமர்ஸ் நிறுவனங்களுக்கு புதிய நெருக்கடி..! வளர்ச்சியைப் பாதிக்குமா..?

E C O M M E R C E

Published:Updated:
இ-காமர்ஸ்
பிரீமியம் ஸ்டோரி
இ-காமர்ஸ்

அண்மையில் இ-காமர்ஸ் நிறுவனங்களுக்கான வரைவு விதிமுறையை மத்திய அரசு வெளியிட்டது. இந்த வரைவு விதிமுறைகள் தொடர்பாக வரும் 6-ம் தேதி வரை கருத்து தெரிவிக்கலாம் என மத்திய அரசு தெரிவித்திருக்கிறது. இந்த வரைவு, இ-காமர்ஸ் நிறுவனங்கள் என்பது பொருள்களை விற்கும் நிறுவனங்கள் மட்டுமல்ல, சேவைகளை வழங்கும் நிறுவனங்கள் கூட என அறிவித்திருப்பதன்மூலம் சில பாதிப்புகளை ஏற்படுத்தியுள்ளது. இந்த வரைவில் சொல்லப்பட்டிருக்கும் முக்கியமான விஷயங்கள் என்னென்ன?

வரைவில் இருப்பவை...

இனி இ-காமர்ஸ் நிறுவனங்கள் அதிக தள்ளுபடி கொடுத்து விற்பனை செய்யக் கூடாது என வரைவில் இருக்கிறது. ஆனால், வழக்கமாக வழங்கும் தள்ளுபடிக்கு எந்த பிரச்னையும் இல்லை என அறிவிக்கப் பட்டிருந்தாலும் அதிக தள்ளுபடி வழங்க முடியாது.

அடுத்து, இனி விற்பனையாளர் களின் அனைத்து விற்பனைக்கும் இ-காமார்ஸ் நிறுவனங்கள் பொறுப் பேற்க வேண்டும். ஒருவேளை, விற்பனை நிறுவனங்கள் ஏதேனும் தவறு செய்தாலோ, வாடிக்கையாளர் களுக்கு இழப்பு ஏற்பட்டாலோ அதற்கும் இ-காமர்ஸ் நிறுவனங்கள் பொறுப்பேற்க வேண்டும். அந்தப் பிரச்னையை இ-காமர்ஸ் நிறுவனங்களே தீர்க்க வேண்டும். இதற்கென பிரத்யேகமாக சிறப்பு புகார் அதிகாரியை (chief compliance officer) நியமிக்க வேண்டும். இந்த அதிகாரி இந்தியராக இருக்க வேண்டும் என்றும் கூறப்பட்டுள்ளது.

அதேபோல, ஒவ்வொரு இ-காமர்ஸ் நிறுவனமும் தொழில் மற்றும் சர்வதேச வர்த்தக ஊக்குவிப்புத்துறை (Department for Promotion of Industry and Internal Trade - DPIIT) என்னும் அமைப்பில் முறையாகப் பதிவு செய்யப்பட வேண்டும். அதேபோல, இறக்குமதி செய்யப்படும் பொருள்கள் எந்த நாட்டிலிருந்து கொண்டுவரப் படுகிறது என்பது உள்ளிட்ட அனைத்துத் தகவல்களையும் தெரிவிக்க வேண்டும் என்றும் கூறப்பட்டுள்ளது.

அதேபோல, இ-காமர்ஸ் நிறுவனத் துக்குச் சொந்தமான அல்லது முதலீடு செய்திருக்கிற (10 சதவிகிதத்துக்கு மேல் பங்குகள் உள்ள) விற்பனை நிறுவனங்கள் சம்பந்தப்பட்ட இ-காமர்ஸ் தளத்தில் பொருள்களை விற்கக் கூடாது என்பது உள்ளிட்ட பல வரைவு விதிகள் உள்ளன.

இ-காமர்ஸ் நிறுவனங்களுக்கு 
புதிய நெருக்கடி..! வளர்ச்சியைப் பாதிக்குமா..?

பழைய வரைவு என்னாச்சு?

இந்த வரைவை வர்த்தக அமைச்சகமோ, தொழில்துறை அமைச்சகமோ வெளியிடவில்லை. மாறாக, நுகர்வோர் விவகார அமைச்சகம் வெளியிட்டிருக்கிறது. அதனால் ஏற்கெனவே மற்றொரு அமைச்சகம் வெளியிட்ட விதிமுறைகள் என்னவானது என்னும் கேள்விகளும் எழுகின்றன.

முன்னதாக, வர்த்தக அமைச்சகம் வேறு ஒரு விதிமுறையை வெளியிட்டது. அதில் ஒரு இ-காமர்ஸ் நிறுவனத்துடன் தொடர்புடைய விற்பனை நிறுவனத்தில் அதிகபட்சம் 24% பங்குகளுக்கு மேல் இருக்கக் கூடாது என விதிமுறை விதிக்கப் பட்டது. புரியும்படி சொல்ல வேண்டும் எனில், அதாவது, அமேசான் என்பது இ-காமர்ஸ் தளம். அமேசான் நிறுவனத் தில் உள்ள கிளவுட்டெய்ல் என்பது பொருள்களை விற்பனை செய்யும் பல நிறுவனங்களில் இதுவும் ஒன்று. இதில் அமேசான் நிறுவனம் 49% பங்கை வைத்திருந்தது. இந்தப் பங்கை 24 சதவிகிதமாகக் குறைத்தது. தற்போது, இந்த நிறுவனம் அமேசானில் பட்டியலிடக் கூடாது என்பது குழப்பத்தை உருவாக்கியிருக்கிறது. இப்போது இ-காமர்ஸ் நிறுவனங்களுடன் தொடர்புடைய விற்பனை நிறுவனங்கள் என்னவாகும், பங்குகளைக் குறைக்க வேண்டுமா என்பதில் தெளிவில்லாத சூழல் உருவாகியிருக்கிறது.

அதேபோல, தள்ளுபடிக்குத் தடை இல்லை; ஆனால், குறிப்பிட்ட காலத்துக் கான தள்ளுபடிக்குத் தடை என்றால் என்ன என்று தெரியாமல் இ-காமர்ஸ் நிறுவனங்கள் தெளிவில்லாமல் குழம்பி யுள்ளன.

அதேபோல, ‘விற்பனை நிறுவனங் களின் தவறுகளுக்கு இ-காமர்ஸ் நிறுவனங்கள் எப்படிப் பொறுப்பேற்க முடியும். பல நூறு விற்பனையாளர்கள் இருக்கும் சூழலில் எப்படி சாத்தியம்’ என்னும் கேள்வியை இ-காமர்ஸ் நிறுவனங்கள் எழுப்புகின்றன. ‘எங்கள் விற்பனைக்கு நாங்கள் பொறுப்பேற்கலாம். ஆனால், மற்றவர்கள் விற்பனைக்கு நாங்கள் எப்படி பொறுப்பேற்க முடியும்’ என இ-காமர்ஸ் நிறுவனங்கள் கருதுகின்றன.

வைத்தீஸ்வரன்
வைத்தீஸ்வரன்

சாத்தியமற்ற விதிமுறைகள்...

இது தொடர்பாக இ-காமர்ஸ் துறையின் முன்னோடிகளில் ஒருவரான வைத்தீஸ்வரனிடம் கேட்டோம். ‘‘இந்த விதிமுறைகள் நடைமுறை சாத்தியமற்றது. கேட்பதற்கு நன்றாக இருந்தாலும் இந்த விதிமுறைகளை அமல்படுத்த முடியாது. ஆப்லைன் கடைகளை செழிக்க வைக்க வேண்டும் என்ப தற்காக இ-காமர்ஸ் நிறுவனங் களுக்கு இதுபோன்ற சிக்கல்களைக் கொண்டுவருவது இந்தத் துறைக்கு நல்லதல்ல. இப்போது வளரத் தொடங்கியிருக்கும் இந்தத் துறைக்கு தொடர்ந்து புதிய விதிமுறைகள் கொண்டுவருவது துறை வளர்ச்சியைத் தடுக்கும்.

திருட்டு, முறைகேடு களை தடுக்கத் தேவை யான நடவடிக்கை களை எடுக்கலாம். ஆனால், விலையைக் கட்டுப்படுத்துவது இந்தத் துறையின் வளர்ச்சியைத் தடுக்கும். தவிர, இதுபோன்ற விதிமுறை களால் இந்தத் துறையில் செய்யப்படும் முதலீடுகளும் குறையும். இ-காமர்ஸ் மட்டு மல்லாமல், எந்தத் துறைக்கும் தெளிவான நீண்டகாலத்துக்கான விதிமுறைகள் அவசியம்’’ என்றார் அவர்.

நுகர்வோரை பாதுக்காகும் அதே சமயத்தில் இ-காமர்ஸ் துறையின் வளர்ச்சியிலும் அரசு கவனம் செலுத்த வேண்டும் என்பதே இந்தத் துறையினரின் கோரிக்கையாக இருக்கிறது. இந்தத் துறையினரின் கோரிக்கைகளை அரசு பரிசீலிக்குமா?