Published:Updated:

சின்ன நிறுவனங்களும் செய்யலாம் டிஜிட்டல் மார்க்கெட்டிங்..!

டிஜிட்டல் மார்க்கெட்டிங்
பிரீமியம் ஸ்டோரி
டிஜிட்டல் மார்க்கெட்டிங்

டிஜிட்டல் மார்க்கெட்டிங்

சின்ன நிறுவனங்களும் செய்யலாம் டிஜிட்டல் மார்க்கெட்டிங்..!

டிஜிட்டல் மார்க்கெட்டிங்

Published:Updated:
டிஜிட்டல் மார்க்கெட்டிங்
பிரீமியம் ஸ்டோரி
டிஜிட்டல் மார்க்கெட்டிங்

ஜா.இளஞ்செழியன், பிசினஸ் கன்சல்டன்ட்

கோவிட்-19 தொற்று நோய் பரவத் தொடங்கிய பிறகு, எல்லா வகையான தொழில் களும் கடுமையாகப் பாதிப்பு அடைந்திருக்கிறது. இதனால் வருமானமும் கணிசமாகக் குறைந் திருக்கிறது. இந்த நிலையில், விளம்பரத்துக்கு செலவு செய்யாமலே இருந்துவிடலாமா என்று பலரும் யோசிக்கிறார்கள். அப்படி யோசிப்பது தவறான முடிவாகும். காரணம், நிறுவனத்தின் தயாரிப்புகளையும் சேவைகளையும் விளம்பரம் செய்யா விட்டால், அது பலருக்கும் தெரியாமல் போய், ஒரு குறுகிய வட்டத்தில் மட்டுமே விற்பனை நடக்கிற மாதிரி ஆகிவிடும்.

ஜா.இளஞ்செழியன் 
பிசினஸ் கன்சல்டன்ட்
ஜா.இளஞ்செழியன் பிசினஸ் கன்சல்டன்ட்

ஆனால், பெரிய அளவில் விளம்பரம் செய்ய நிதி வசதி இல்லை என்பவர்கள் கொஞ்சம் மாற்றி யோசித்தால், நமக்குக் கிடைப்பது தான் டிஜிட்டல் மார்க்கெட்டிங். இன்றைக்குப் பெரிய நிறுவனங்கள் அனைத்தும் டிஜிட்டல் விளம்பர முறைக்கு மாறிவிட்டன. ஆனால் சிறு, குறு நிறுவனங்கள் இந்த விஷயத்தில் ஆரம்ப நிலையிலேயே உள்ளன. காரணம், இந்த டிஜிட்டல் மார்க்கெட்டிங் பற்றி அதிகம் தெரியாதது தான்.

சிறு நிறுவனங்கள் மிகக் குறைந்த செலவில் டிஜிட்டல் மார்க்கெட்டிங்கை பணம் செலவழிக் காமல் செய்யலாம். உங்களிடம் ஒரு செல்போனும், இன்டர்நெட் வசதியும் இருந்தாலே போதும். ஃபேஸ்புக், ட்விட்டர், யூடியூப், இன்ஸ்டா கிராம் எனப் பல்வேறு வகையான சமூக வலைதளங்களைப் பயன்படுத்தி, உங்கள் பொருள் மற்றும் சேவையைப் பலரும் பார்க்கிற மாதிரி விளம்பரம் செய்யலாம்.

ஆனால், சமூக வலைதளமும் நம்முடையது இல்லை. ஒவ்வொரு சமூக வலைதளத்துக்கும் விதிமுறைகள், சட்டதிட்டங்கள் உண்டு. அவற்றை நாம் முழுமையாகப் பின்பற்ற வேண்டும். சில நேரம் என்னென்ன விதி முறைகள் உள்ளன என்றுகூட முழுமையாக நமக்குத் தெரியாது. சில வலைதளங்களில் நீங்கள் இடும் பதிவு பலரது கவனத்துக்கு வராமலேகூட போகலாம். சில சமயம், உங்களுடைய பதிவு நீக்கப்படவோ, உங்கள் சமூக வலைதளக் கணக்கே முடக்கப்படவோ வாய்ப்பிருக்கிறது.

சின்ன நிறுவனங்களும் செய்யலாம் டிஜிட்டல் மார்க்கெட்டிங்..!

டிஜிட்டல் மார்க்கெட்டிங் என்பது எழுத்து- படம் - வீடியோ ஆகிய மூன்றும் உள்ளடக் கியவை. இந்த மூன்றையும் எப்படிப் பயன் படுத்த வேண்டும், எங்கு பயன்படுத்த வேண்டும் என்று தெரிந்துகொண்டால் சிக்கல் வராமல் செய்ய முடியும். தேவையில்லாத படத்தையோ, மற்றவர்களுக்கு உரிமை உள்ள படம், வீடியோ போன்றவற்றை நீங்கள் பயன்படுத்துவதை நிச்சயம் தவிர்க்க வேண்டும். இணையத்திலேயே ஆயிரக்கணக்கான இலவச படங்கள் உள்ள வலைதளங்கள் உண்டு. அவற்றை நாம் நம் தொழிலுக்கு பயன் படுத்தலாம். அதற்கு யாரும் உரிமை கோர மாட்டார்கள்.

தினமும் கூகுள் பயன்படுத்தாதவர்கள் மிக குறைவாக இருப்பார்கள். எதைப் பற்றித் தெரிந்துகொள்ள வேண்டும் என்றாலும் உடனே கூகுளில் தேடுவோம். அப்படி ஒருவர் நம் பொருள்களைப் பற்றி கூகுளில் தேடும்போது நம்முடைய தொழில் பற்றிய விவரங்கள், படங்கள், வீடியோக்கள் இணையத்தில் பல இடங்களில் இருந்தால், சுலபமாக மற்றவர் களுக்குக் காட்டும். அப்படித்தான் நாம் தேடும் விவரங்களும் கூகுள் தேடித் தருகிறது. அதனால் எந்த அளவுக்கு நாம் தயாரிக்கும் பொருள்கள், சேவைகள் பற்றிய விவரங்களைப் பரவலாக இணையத்தில் பதிவு செய்கிறோமோ, அந்த அளவுக்கு நன்மை. நம் தொழிலைப் பற்றி பதிவு செய்ய நூற்றுக்கணக்கான வலைதளங்கள் உண்டு. அதில்தான் நம் தொழில் தொடர்பான விவரங்களைப் பதிவு செய்ய வேண்டும்.

டிஜிட்டல் மார்க்கெட்டிங்கை கொஞ்சம் காலத்துக்கு மட்டும் செய்துவிட்டு, சும்மா இருந்துவிடக் கூடாது. டிஜிட்டல் மார்க் கெட்டிங் தினமும் செய்யக்கூடிய செயல் ஆகும். ஒரு விளம்பரம் தொலைக்காட்சியில் தினமும் வந்தால்தான் மக்களைச் சென்றடையும். அதேபோல், தினமும் உங்களுடைய பங்களிப்பு இருந்தால்தான் இணையத்தில் நம் தொழில் முன்னணியில் இருக்கும். கூகுளும் அடிக்கடி இணையத்தில் பதிவு செய்துகொண்டிருப்பவர்களின் விவரங்களைக் காட்ட முன்னுரிமை கொடுக்கும்.

தினமும் உங்கள் தொழிலுக்கு இடையில் டிஜிட்டல் மார்கெட்டிங்கில் கவனம் செலுத்த முடியுமா என்று கேட்டால், அந்த வேலையை உங்கள் பணியாளரிடம் தரலாம். அல்லது அதை அவுட்சோர்ஸ்கூட செய்யலாம். நீங்கள் தயாரிக்கும் பொருள்கள் பற்றி மக்களுக்கு எந்த வகையில் எல்லாம் பயன்படும் என்பதை சுவாரஸ்யமாக எடுத்துச் சொல்ல ஆரம்பித்தாலே போதும், உங்களை ஃபாலோ செய்கிற ஒரு கூட்டம் உருவாகும். நாளடைவில் இந்தக் கூட்டம் பெருகுவதுடன், உங்கள் தயாரிப்புகளை அவர்கள் வாங்கவும் வாய்ப்பு இருக்கிறது என்பதை நீங்களே போகப் போகப் புரிந்துகொள்வீர்கள்!