Published:Updated:

கோவிட் சிக்கல்... ஹோட்டல் துறை எழுந்துவருவது எப்போது? விளக்குகிறார் ஜி.ஆர்.டி நடராஜன்

நடராஜன்
பிரீமியம் ஸ்டோரி
நடராஜன்

H O T E L I N D U S T R Y

கோவிட் சிக்கல்... ஹோட்டல் துறை எழுந்துவருவது எப்போது? விளக்குகிறார் ஜி.ஆர்.டி நடராஜன்

H O T E L I N D U S T R Y

Published:Updated:
நடராஜன்
பிரீமியம் ஸ்டோரி
நடராஜன்

இரண்டு கொரோனா அலைகளால் போடப்பட்ட ஊரடங்கின் காரணமாகக் கடும் பாதிப்படைந்து, மீண்டும் எப்போது எழுந்துவரப் போகிறது என்கிற கேள்வியை எழுப்பி இருக்கிறது ஹோட்டல் துறையின் நிலை. தற்போது இந்தத் துறை குறித்த சூழல் எப்படி உள்ளது என்பது குறித்து ஜி.ஆர்.டி ஹோட்டல்ஸ் நிறுவனத்தின் துணை நிர்வாக இயக்குநர் நடராஜனிடம் கேட்டோம். இந்தத் துறை சந்திக்கும் பல பிரச்னை களைப் பற்றி விரிவாக எடுத்துச் சொன்னார்.

கோவிட்டுக்கு முன்பே...

‘‘கோவிட் காரணமாக அதிகம் பாதிக்கப்பட்ட துறைகளில் ஹோட்டல் துறையும் ஒன்று. ஆனால், கோவிட்டுக்கு முன்பாகவும் இந்தத் துறை கஷ்டத்தில்தான் இருந்தது என்பதே உண்மை. கோவிட்டுக்கு முந்தைய இரு நிதி ஆண்டுகளில் பெரிய அளவுக்கு பிசினஸ் நடக்க வில்லை. அப்போது முதலே ஹோட்டல் துறையைச் சேர்ந்த நாங்கள் பெரும் சவாலைச் சந்தித்து வந்தோம். இரு ஆண்டுகளுக்கு முன்பு சமயங்களில் சுமார் 75% அறைகள் முன்பதிவு செய்யப்பட்டாலும், குறைந்த கட்டணத்திலே விற்பனை செய்ய வேண்டியிருந்தது. இதனால் லாப வரம்பு குறைவாகவே இருந்தது.

கோவிட் இந்தச் சூழலை மேலும் மோசமாக்கியது. ஹோட்டல்கள் முழுவதும் மூடப்பட்டன. ஆனால், எங்களுக்கு நிரந்தரச் செலவுகள் எப்போதும் அதிகம். வரி, கடனுக்கான வட்டி, வருமானம் வந்தாலும், வராவிட்டாலும் குறிப்பிட்ட பணியாளர்கள் அவசியம் தேவை என நிரந்தரச் செலவுகள் எங்களுக்கு எப்போதும் இருப்பதால், இந்தத் துறை எப்போதும் சிக்கலிலேயே இருக்கிறது. அதாவது, வருமானம் இல்லாவிட்டாலும் 65% செலவுகளை நாங்கள் செய்தே ஆக வேண்டும்.

நடராஜன்
நடராஜன்

முதல் அலைக்கும் இண்டாம் அலைக்கும் இடைப்பட்ட காலம்...

முதல் அலையின் தாக்கத்துக்குப் பிறகு, கடந்த ஆண்டு அக்டோபர் முதல் பிப்ரவரி வரையில் ஓரளவு பிசினஸ் இருந்தது. ஆனால், அது போதுமானதாக இல்லை. திருமணங்கள் அதிகம் நடக்கவில்லை. நடந்தாலும் குறைந்த விருந்தினர்களே பங்கேற்றனர். பத்திரிகையாளர் சந்திப்பு, விருதுகள், நிகழ்ச்சிகள், புராடக்ட் அறிமுகங்கள் உள்ளிட்ட எதுவும் நடக்கவில்லை என்பதால், சொல்லிக்கொள்ளும்படியான வருமானம் கிடைக்கவில்லை.

கடந்த நிதி ஆண்டில் வழக்கமாக நடக்கும் பிசினஸில் மூன்றில் ஒரு பங்கு அளவுக்குதான் இருந்தது. டெல்லியில் அரசு சார்ந்த விஷயங் களுக்காக ஹோட்டல்கள் பயன்பாடு இருந்தது. நிதித் தலைநகரம் என்பதால் மும்பையிலும் ஹோட்டல்களுக்கு தேவை அதிகமாக இருந்தது. ஆனால், ஒப்பீட்டளவில் நம் மாநிலத்தில் ஹோட்டல் சேவை குறைவாகவே தேவைப்பட்டது.

அரசிடம் எதிர்பார்ப்பது...

மத்திய மற்றும் மாநில அரசுகளுக்கு துறை சார்பாகப் பல விஷயங்களைக் கொடுத்துவிட்டோம். இதுவரை எதுவும் நடக்கவில்லை. கடந்த ஆண்டு மத்திய அரசு சுமார் 20 லட்சம் கோடி ரூபாய்க்கான சலுகைத் திட்டங்களை வெளியிட்டது. ஆனால், ஹோட்டல் துறை குறித்த எந்த அறிவிப்பும் இல்லை. அதேபோல, உள்நாட்டு சுற்றுலாவை ஊக்கப்படுத்த வேண்டும் என அரசு சார்பில் அவ்வப்போது பலர் பேசுகிறார்கள். ஆனால், எந்த மாற்றமும் வந்ததாகத் தெரியவில்லை. உள்நாட்டுச் சுற்றுலாவை மேம்படுத்தாவிட்டால் ஹோட்டல் துறையினர் கடும் சிக்கலை சந்திக்க வேண்டியிருக்கும்.

குஜராத், கர்நாடகா உள்பட சில மாநிலங்கள் சொத்து வரி உள்ளிட்ட சில சலுகைகளை வழங்கியுள்ளன. ஆனால், இவை போதுமானதல்ல. இந்த நிலையில், கடன் தவணை நீட்டிப்பு உள்ளிட்ட சலுகைகள் கொடுத்து இந்தத் துறையைக் காப்பாற்ற வேண்டும். ஏற்கெனவே பல ஹோட்டல்கள் மூடப்பட்டுள்ளன. பல ஹோட்டல்களை விற்கும் சூழல் உருவாகி இருக்கிறது. இதே நிலை நீடித்தால் பல ஹோட்டல்களை வாங்குவதற்குக்கூட ஆள் இல்லாமல் போகும் சூழல் உருவாகும். அதே போல, மற்ற துறைகளைவிட ஹோட்டல் துறையில் முதலீடு செய்த தொகையைத் திருப்பி எடுப்பதற்கு அதிக காலம் (10 ஆண்டுகள்) ஆகும். தற்போது இந்தக் காலம் மேலும் சில ஆண்டுகள் அதிகரித்திருக்கிறது.

ஏலம் விடும் நிலை...

புதிய ஹோட்டல்களை வாங்குவதற் காக சில நிறுவனங்களுடன் நாங்கள் பேசி வருகிறோம். கஷ்டப்படும் ஹோட்டல்களை எங்களைப் போன்ற ஓரளவுக்கு பெரிய நிறுவனங்கள் யாரும் வாங்க முன்வரவில்லை எனில், வங்கிகள் ஏலம் விடும் சூழல்கூட உருவாகலாம். பல ஹோட்டல்கள் அந்த நிலைமையில்தான் உள்ளன.

தற்போது சில ஹோட்டல்கள் மருத்துவமனைகளாக மாறி யுள்ளன. சில ஹோட்டல்களில் ரூ.2500-க்கு (உணவுக்கும் சேர்த்து) டாக்டர்கள் தங்கியிருக்கிறார்கள். இந்தத் தொகை என்பது மிகவும் குறைவு. இந்தத் தொகையும் சரியாக வந்துசேரவில்லை. இதனால் பணியாளர்களுக்கு எப்படி சம்பளம் தருவது என்று தெரியாமல் நாங்கள் தவிக்கும் நிலை ஏற்பட்டுள்ளது.

வளர்ச்சி அடையும்...

தற்போது அனுமதி வழங்கினால் கொடைக்கானல், ஏற்காடு உள்ளிட்ட சுற்றுலா தளங்களுக்கும் மக்கள் செல்லத் தயாராக இருக்கிறார்கள். ஆனால், இவையெல்லாம் குறுகிய காலத் துக்கு மட்டுமே.

நீடித்த வளர்ச்சிக்கு இந்திய பொருளாதாரம் மட்டுமல்லாமல், பொருளாதாரம் சர்வதேச அளவிலும் முன்னேற்றம் காணத் தொடங்க வேண்டும் என்பது முக்கியம். கடந்த இரு ஆண்டு களாக பிசினஸ் பெரிதாக நடக்க வில்லை. இந்த சூழலில் தொழிலில் இருப்பவர்கள் ஏன் பயணம் செய்ய வேண்டும் என நினைக் கிறார்கள். அதேபோல, மக்களிடம் பணம் இருந்தால்தான் சுற்றுலா வுக்கு வருவார்கள். எனவே, மீண்டும் கொரோனா பயமற்ற சூழ்நிலை, பணியாளர்களின் சம்பளம் உயர்வு, பொருளாதார வளர்ச்சி போன்ற பல விஷயங்கள் நடக்கும்போதுதான் இந்தத் துறை வளர்ச்சி அடையும்’’ என்றார்.

ஹோட்டல் துறை மீண்டும் புத்துயிர் பெற மத்திய, மாநில அரசுகள்தான் நடவடிக்கை எடுக்க வேண்டும்!

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism