Published:Updated:

ஊரடங்கு காலத்திலும் சூப்பர் லாபம்! - பிக்பேஸ்கெட் நிறுவனத்தின் பிசினஸ் உத்தி!

பிக்பேஸ்கெட்
பிரீமியம் ஸ்டோரி
பிக்பேஸ்கெட்

‘நடப்பு நிதியாண்டு வருமானம் ஒரு பில்லியன் டாலர் என்னும் நிலையை எட்டும்’ என நிறுவனம் அறிவித்துள்ளது!

ஊரடங்கு காலத்திலும் சூப்பர் லாபம்! - பிக்பேஸ்கெட் நிறுவனத்தின் பிசினஸ் உத்தி!

‘நடப்பு நிதியாண்டு வருமானம் ஒரு பில்லியன் டாலர் என்னும் நிலையை எட்டும்’ என நிறுவனம் அறிவித்துள்ளது!

Published:Updated:
பிக்பேஸ்கெட்
பிரீமியம் ஸ்டோரி
பிக்பேஸ்கெட்
கொரோனாவால் பாதிக்கப்படாத துறைகளே இல்லை. `அதிகம் பாதிக்கப்பட்டவை’, `குறைவாக பாதிக்கப்பட்டவை’ என்ற அடிப்படையிலேயே தொழில் துறையைப் பிரிக்க முடியும். அப்படிப் பார்த்தால், மளிகைப் பொருள்களை விற்கும் பிசினஸை `குறைவாக பாதிக்கப்பட்ட துறை’ எனலாம்.

ஆனால், `மளிகைப் பொருள்களை விற்கும் பிசினஸில் என்ன பிரச்னை இருக்க முடியும்; அவை அத்தியாவசியமானவை ஆயிற்றே...’ எனப் பலரும் நினைக்கலாம். ஆனால், பிக்பேஸ்கெட் சி.இ.ஓ ஹரிமேனன் கூறுவது வேறுவிதமாக இருக்கிறது. “ஊரடங்கு தொடங்கிய நேரத்தில் ஆர்டர்கள் கடுமையாகச் சரிந்திருந்தன. தினமும் 2.2 லட்சம் ஆர்டர்கள் என்று இருந்த சூழல், அதன் பிறகு ஒரு நாளைக்கு 28,000 என்னும் அளவுக்குச் சரிந்தது. அந்த நேரத்தில் பணியாளர்களும் பாதுகாப்பை விரும்பியதால், அந்த ஆர்டர்களைக்கூட டெலிவரி செய்ய முடியாத சூழல் ஏற்பட்டது” என்கிறார். அந்தச் சூழல் எப்படி மாறியது, பிக்பேஸ்கெட் என்ன உத்திகளைக் கையாண்டு வெற்றிகண்டது என்பதைப் பார்ப்போம்.

பிக்பேஸ்கெட்
பிக்பேஸ்கெட்

ஒட்டுமொத்த விகடனுக்கும் ஒரே ஷார்ட்கட்!

சிக்கலான சூழலைத் தொடர்ந்து ஒவ்வொரு நகரத்திலும் புதிய பார்ட்னர்களைக் கண்டுபிடித்தார்கள். மேலும், உணவகவங்கள், வாடகை டாக்ஸிகள் எனப் பல தரப்புகளையும் டெலிவரி பார்ட்னர்களாக இணைத்துக்கொண்டார்கள். இதனால் ஒரு நாளைக்கு 2,00,000 ஆர்டர்கள் என்னும் நிலையிலிருந்து 3.5 லட்சம் ஆர்டர்களாக உயர்ந்தன.

ஆர்டர்களின் எண்ணிக்கை உயர்ந்ததைத் தொடர்ந்து வருமானமும் உயர்ந்திருக்கிறது. மே மாதம் வருமானம் ரூ.650 கோடி என்னும் அளவில் இருக்கிறது. `வருமானம் இதே அளவில் நீடித்தால், நடப்பு நிதியாண்டு வருமானம் ஒரு பில்லியன் டாலர் (ரூ.7,500 கோடி) என்னும் நிலையை எட்டும்’ என அறிவிக்கப்பட்டிருக்கிறது. நிறுவனங்களைப் பொறுத்தவரை, ஒரு பில்லியன் டாலர் வருமானம் என்பது முக்கியமான மைல்கல்.

உங்கள் அன்றாட தேவைகளின் அனைத்து பொருட்களையும் சிறந்த தள்ளுபடியில் வாங்க

VIKATAN DEALS
விகடனின் அதிரடி ஆஃபர்!
தற்பொழுது ரூ.750 சேமியுங்கள்! ரூ.1749 மதிப்புள்ள 1 வருட டிஜிட்டல் சந்தா999 மட்டுமே! மிஸ் பண்ணிடாதீங்க!Get Offer

வருமானம் உயர்வது முக்கியம். அதைவிட, லாபம் ஈட்டுவதும் முக்கியம். பெரும்பாலான இ-காமர்ஸ் நிறுவனங்களின் வருமானம் அதிகமாக இருந்தாலும், லாபம் ஈட்டுவது என்பது கண்ணுக்கெட்டிய தூரம் வரை இல்லை.

பிக்பேஸ்கெட்
பிக்பேஸ்கெட்

ஆனால், பிக்பேஸ்கெட்டில் பிசினஸ் சாதகமான நிலையை எட்டியது. அதாவது, சம்பளம், நிரந்தரச் செலவுகள், மாறுபடும் செலவுகள், வாடகை, மார்க்கெட்டிங், தள்ளுபடி உள்ளிட்ட அனைத்துச் செலவுகளுக்குப் பிறகும் நிறுவனத்தில் பணம் இருக்கும் நிலை உருவானது. பொருளை விற்பதன் மூலமே செலவுகளைக் கையாள முடியும். முதலீடு செய்யப்பட்ட தொகையிருந்து எடுக்கத் தேவையில்லை என்ற நிலைக்கு நிறுவனம் உயர்ந்தது.

வென்ச்சர் கேப்பிடல் முதலீடுகளால் நடத்தப்படும் நிறுவனம் பிக்பேஸ்கெட். இதுவரை 100 கோடி டாலர் அளவுக்கு நிதி திரட்டியிருக்கிறது. புதிய நகரங்களுக்கு விரிவாக்கம் செய்வது, மார்கெட்டிங் செலவுகள், தள்ளுபடிகள், புதிய ஊழியர்கள் என நிதி திரட்டுவதன் மூலம் விரிவாக்கம் செய்துவந்தது. தற்போது நிறுவனத்தின் விற்பனை மூலமே மற்ற அனைத்துச் செலவுகளையும் பார்த்துக்கொள்ள முடிவதால், நிதி திரட்டும் திட்டங்களையும் தள்ளிவைக்க பிக்பேஸ்கெட் திட்டமிட்டுள்ளதாகத் தெரிகிறது.

தவிர, தற்போது 26 நகரங்களில் பிக்பேஸ்கெட் செயல்பட்டுவருகிறது. `தற்போதைய கோவிட் சூழலில் புதிய நகரங்களில் விரிவாக்கம் செய்யும் திட்டம் இல்லை’ என நிறுவனம் தெரிவித்திருக்கிறது. அதனால் புதிய நிதிக்கான அவசியம் குறைந்திருக்கிறது.

Follow @ Google News: கூகுள் செய்திகள் பக்கத்தில் விகடன் இணையதளத்தை இங்கே கிளிக் செய்து ஃபாலோ செய்யுங்கள்... செய்திகளை உடனுக்குடன் பெறுங்கள்.

ஏப்ரல் மாதம் 6 கோடி டாலர் அளவுக்கு நிதி திரட்டியது. இந்த நிலையில், ஜூலை மாதம் 15 கோடி டாலர் அளவுக்கு நிதி திரட்ட மார்கன் ஸ்டான்லி நிறுவனத்தை பிக்பேஸ்கெட் ஏற்கெனவே நியமித்திருக்கிறது. ஆனால், நிதி நிலைமை மேம்பட்டிருப்பதால், நிதி திரட்டும் திட்டம் குறித்து மறுபரிசீலனை செய்யவிருப்பதாக நிறுவனம் தெரிவித்திருக்கிறது.

ஊரடங்கு காலத்திலும் சூப்பர் லாபம்! - பிக்பேஸ்கெட் நிறுவனத்தின் பிசினஸ் உத்தி!

இந்த நிலையில், சீனாவின் 59 செயலிகளைப் பாதுகாப்பு காரணங்களுக்காக மத்திய அரசு தடை விதித்தது. இந்த நிலையில், பெருமளவு தொகையை பிக்பேஸ்கெட்டில் அலிபாபா நிறுவனம் முதலீடு செய்திருக்கிறது. இது குறித்துப் பேசிய ஹரிமேனன், ‘‘முதலீட்டை எங்கிருந்து வேண்டுமானாலும் திரட்டலாம். ஆனால், இந்தியர்களால் நிர்வகிக்கப்படும் இந்திய நிறுவனம் பிக்பேஸ்கெட்’’ என்று கூறியுள்ளார்.

தினமும் 3.5 லட்சம் ஆர்டர்கள் என்பது பெரிய எண்ணிக்கைதான். ஆனால், டிஜிட்டல் பரிவர்த்தனைக்கு வரும் வாடிக்கையாளர்களின் எண்ணிக்கை தொடர்ந்து உயர்ந்துவருகிறது. தவிர சென்னை, புனே, கொல்கத்தா, மும்பை ஆகிய நகரங்களில் மொத்த செயல்திறனில் அதிகபட்சம் 60% வரை மட்டுமே நிறுவனம் செயல்பட்டுவருகிறது. அதனால், `கோவிட் பிரச்னை முடிந்தாலும், வளர்ச்சிக்கான வாய்ப்பு இருக்கிறது’ என பிக்பேஸ்கெட் கருதுகிறது.

புதிய நிதி திரட்டல் இல்லாமல் வளர்ச்சியை எட்டுவது என்பது ஆரோக்கியமானதே!

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism