Published:Updated:

NMP: அரசின் சொத்துகள் விற்பனை; ரூ.6 லட்சம் கோடி திரட்ட முடிவு; என்ன செய்கிறார் நிர்மலா சீதாராமன்?

Finance minister Nirmala Sitharaman
Finance minister Nirmala Sitharaman ( Photo: Twitter / PIB_India )

அடுத்த நான்கு ஆண்டுகளுக்கு உள்கட்டமைப்புத் திட்டங்களுக்குத் தேவையான மூலதனத்தை இந்தத் திட்டத்தின்மூலம் பெற மத்திய அரசாங்கம் திட்டமிட்டுள்ளது.

செய்திகளை உடனுக்குடன் தெரிந்துகொள்ள... இங்கே க்ளிக் செய்து இன்றே விகடன் ஆப் இன்ஸ்டால் செய்யுங்கள்!

மத்திய அரசின் வசமிருக்கும் நெடுஞ்சாலைகள், ரயில்வே, மின் உற்பதி, மின் விநியோகம், சுரங்கம் உள்ளிட்ட உள்கட்டமைப்பு சார்ந்த நிறுவனங்களை தனியாருக்கு விற்பதன் மூலம் ரூ.6 லட்சம் கோடியைத் திரட்டும் தேசிய பணமாக்கல் திட்டத்தை (National Monetisation Pipeline) மத்திய நிதி அமைச்சர் நிர்மலா சீதாரமன் இன்று முறைப்படி தொடங்கி வைத்தார். அடுத்த நான்கு ஆண்டுகளுக்கு உள்கட்டமைப்புத் திட்டங்களுக்குத் தேவையான மூலதனத்தை இந்தத் திட்டத்தின்மூலம் பெற மத்திய அரசாங்கம் திட்டமிட்டுள்ளது.

Railway
Railway
Union Budget 2021: 1.50 மணி நேரம்... பட்ஜெட்டை நிறைவு செய்த நிர்மலா சீதாராமன்! #LiveUpdates

பொதுவாக, ஒரு நாட்டில் உள்கட்டமைப்பு வசதிகள் பெருகினால்தான் அந்த நாட்டில் வேகமான வளர்ச்சி அடையும். ஐம்பது ஆண்டுகளுக்கு முன்பு அமெரிக்காவும், முப்பது ஆண்டுகளுக்கு முன்பு சீனாவும் இப்படித்தான் அதிவேக வளர்ச்சி கண்டது. நம் நாடும் மிகப் பெரிய வளர்ச்சி காணவேண்டுமெனில், உள்கட்டமைப்பு வசதிகளைப் பெருக்க வேண்டும் என மத்திய மிகப் பெரிய அளவில் திட்டம் தீட்டி வருகிறது. இதற்கு பல லட்சம் கோடி ரூபாய் முதலீடு தேவைப்படும் என்பதால், இதற்குத் தேவையான நிதியைத் திரட்ட பொதுத் துறை நிறுவனங்களின் பங்குகளை விற்கவும் மத்திய அரசாங்கம் முடிவு செய்துள்ளது.

தேசிய நெடுஞ்சாலை மற்றும் மின் பகிர்மானம் தொடர்பான பொதுத் துறை நிறுவனப் பங்குகளை விற்று பணமாக்குவதன் மூலமே இந்த ரூ.6 லட்சம் கோடியை மத்திய அரசாங்கம் திரட்டப் போவதாகத் தெரிவித்துள்ளது. உதாரணமாக, நெடுஞ்சாலையில் ஒரு குறிப்பிட்ட தூரத்தைத் தனியார் நிறுவனங்கள் நிர்வகிக்க அனுமதி வழங்குவதன் மூலம் அரசுக்கு வருமானம் கிடைக்கும்.

Highway (Representational Image)
Highway (Representational Image)
Photo: Vikatan / Ashok kumar.D
நிர்மலா சீதாராமன் குறிப்பிட்ட ஆயில் பாண்டுகள்; பெட்ரோல் விலையைக் குறைக்காததற்கு இதுதான் காரணமா?

அரசின் இந்த முடிவுக்கு பல்வேறு தரப்பிலிருந்து விமர்சனம் கிளம்பியிருக்கிறது. அரசின் இந்த முடிவு மிகப் பெரும் கார்ப்பரேட் நிறுவனங்களுக்கும், வெளிநாட்டு நிறுவனங்களுக்கும்தான் சாதகமாக அமையும். சாலைவசதிகள் மற்றும் மின்சார வசதியை குறைந்த கட்டணத்தில் பயன்படுத்திக் கொண்டிருந்த மக்கள், இனி அதிகமான கட்டணத்தைச் செலுத்தி பயன்படுத்த வேண்டியிருக்கும் என்கிற விமர்சனம் பரவலாகவே எழுந்துள்ளது.

ஆனால், கொரோனா போன்ற பேரிடரால் வளர்ச்சிப் பணிக்கான நிதி இல்லாமல் மத்திய அரசாங்கம் ஏற்கெனவே தவித்துவருகிறது. இந்த நிலையில், வளர்ச்சித் திட்டங்களுக்கான நிதியை இப்படித் திரட்டாவிட்டால், வேறு வகையில் திரட்ட முடியாது என ஆளும்கட்சி தரப்பிலிருந்து விளக்கம் தரப்பட்டு வருகிறது. சுருக்கமாக, இந்தத் திட்டம் உருவாக்கும் சர்ச்சை அடுத்த சில நாள்கள் வரை நம் கவனத்துக்கு வந்துகொண்டே இருக்கும்!

Follow @ Google News: கூகுள் செய்திகள் பக்கத்தில் விகடன் இணையதளத்தை இங்கே கிளிக் செய்து ஃபாலோ செய்யுங்கள்... செய்திகளை உடனுக்குடன் பெறுங்கள்.

விகடன் தயாரிப்பில் வெளிவர இருக்கும் ஆதலினால் காதல் செய்வீர் தொடரின் Promo

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism
அடுத்த கட்டுரைக்கு