Published:Updated:

மினி தொடர் - 10 - பஜாஜ் ஃபைனான்ஸ் வெற்றிச் சூத்திரம் என்ன?

நிதி நிறுவனங்களின் அனாலிசிஸ்
பிரீமியம் ஸ்டோரி
நிதி நிறுவனங்களின் அனாலிசிஸ்

நிதி நிறுவனங்களின் அனாலிசிஸ்

மினி தொடர் - 10 - பஜாஜ் ஃபைனான்ஸ் வெற்றிச் சூத்திரம் என்ன?

நிதி நிறுவனங்களின் அனாலிசிஸ்

Published:Updated:
நிதி நிறுவனங்களின் அனாலிசிஸ்
பிரீமியம் ஸ்டோரி
நிதி நிறுவனங்களின் அனாலிசிஸ்
ங்கிகள் மற்றும் நிதி நிறுவனங்கள் மத்தியில் `கன்சிஸ்டன்ட் காம்பவுண்டர்ஸ்’ (CCP) குணாதிசயம் கொண்ட நிறுவனத்துக்கு ஓர் உதாரணமாக ஹெச்.டி.எஃப்.சி வங்கியைச் சென்ற வாரம் பார்த்தோம். 2008-09-ம் ஆண்டில் உலகமே நிதிச் சிக்கலில் சிக்கியபோது ஹெச்.டி.எஃப்.சி வங்கி எப்படிச் செயல்பட்டது என்பதை இனி பார்ப்போம்.
மினி தொடர் - 10 - பஜாஜ் ஃபைனான்ஸ் வெற்றிச் சூத்திரம் என்ன?

நிதி நிறுவனங்களின் செயல்பாடு!

நிதி நிறுவனங்கள் மக்களிடமிருந்து வைப்புத் தொகையைப் (Deposit) பெற்று அந்தப் பணத்தைக் கடனாக வழங்குகின்றன. மக்களிடமிருந்து பெறப்படும் வைப்புத் தொகை, நிதி நிறுவனங்களின் கடன். (காரணம், அது டெபாசிட்தாரர்களிடம் இருந்து பெறப்பட்டது). நிதி நிறுவனங்கள் தங்களுடைய வாடிக்கையாளர்களுக்கு வழங்கும் கடன், அந்த நிறுவனத்தின் சொத்துகள். இதில் நிதி நிறுவனம் பெறும் வைப்புத் தொகை (கடன்) குறுகியகாலத்தில் திருப்பித் தர வேண்டியது. (உதாரணமாக, 1, 3, 5 ஆண்டுக்காலத்துக்கான வைப்புத் தொகைகளை டெபாசிட் செய்பவர்களிடமிருந்து பெறுகின்றன).

அதே நேரம், நிதி நிறுவனத்தால் வழங்கப்படும் கடனைத் திருப்பிச் செலுத்துவது என்பது நீண்டகாலத்துக்கானதாக இருக்கிறது. (உதாரணமாக, 5, 7, 10 ஆண்டுக்காலத்தில் திருப்பிச் செலுத்துவது மாதிரி). இந்த கால வித்தியாசத்தை, நிதி நிறுவனங்களின் `சொத்து மற்றும் கடனின் கால அளவு பொருத்தமில்லாமை’ (Asset-Liability Mismatch) என்று அழைக்கிறோம்.

விகடனின் அதிரடி ஆஃபர்!
தற்பொழுது ரூ.800 சேமியுங்கள்! ரூ.1749 மதிப்புள்ள 1 வருட டிஜிட்டல் சந்தா949 மட்டுமே! மிஸ் பண்ணிடாதீங்க!Get Offer

2008-09-ம் ஆண்டில் ஏற்பட்ட நிதிச் சிக்கலின்போது பெரும்பாலான வங்கிசாரா நிதி நிறுவனங்கள், அதிக அளவிலான சொத்து மற்றும் கடனுக்கு இடையேயான கால அளவிலான பொருத்தமில்லாமையைக் கொண்டிருந்தன. குறிப்பாக, வங்கிசாரா நிதி நிறுவனங்கள் ஏற்றுக்கொண்டிருந்த வைப்புத் தொகைகள் (Liabilities) ஒரு வருடம் அல்லது அதற்கும் குறைவான காலத்துக்குள் திருப்பித் தர வேண்டியவையாக இருந்தன. அதே நேரம், இந்த நிதி நிறுவனங்கள் வழங்கியிருந்த கடன்கள் திரும்பி வருவதற்கான காலம் மூன்று வருட அளவில் இருந்தது. இதனால் வங்கிசாரா நிதி நிறுவனங்களின் கையில் பணப்புழக்கம்/இருப்பு என்பது கணிசமாகக் குறைந்தது. இதனால் அந்தக் காலகட்டத்தில் பெரும்பாலான வங்கிசாரா நிதி நிறுவனங்கள் சராசரியாக வழங்கிய கடனின் அளவு 50-70% என்கிற அளவில் மட்டுமே இருந்தது.

பஜாஜ் ஃபைனான்ஸ்
பஜாஜ் ஃபைனான்ஸ்

2008-ம் ஆண்டு செப்டம்பர் மாதத்தில் மியூச்சுவல் ஃபண்டுகளிடமிருந்து வங்கிசாரா நிதி நிறுவனங்கள் வாங்கியிருந்த கடனானது, அவற்றின் மொத்த கடனில் 45% என்ற அளவில் இருந்தது. இது, 2006-ம் ஆண்டு மார்ச் மாதத்தில் 30 சதவிகிதமாக மட்டுமே இருந்தது.

அந்தக் காலகட்டத்தில் தனியார் வங்கிகளில் மிகப்பெரிய வங்கியாக இருந்த ஐ.சி.ஐ.சி.ஐ வங்கிக்கு அதனுடைய மொத்த வாராக்கடன் என்பது 100 அடிப்படைப் புள்ளிகள் (Basis Point) என்ற அளவில் அதிகரித்தது. அதாவது, மொத்த வாராக்கடன் என்பது 3.3% (2007-08-ம் நிதியாண்டு) என்ற அளவிலிருந்து, 4.4% (2008-09-ம் நிதியாண்டு) என்ற அளவுக்கு அதிகரித்தது.

பஜாஜ் ஃபைனான்ஸ்
பஜாஜ் ஃபைனான்ஸ்

2008-ல் லேமேன் பிரதர்ஸ் (Lehman Brothers) திவாலான பிறகு ஏப்ரல் 2010 முதல் அக்டோபர் 2011 வரையிலான காலகட்டத்தில் இந்திய ரிசர்வ் வங்கி 13 முறை வட்டி விகிதத்தை மாற்றியமைத்தது (3.25% என்ற அளவிலிருந்து 8.50% என்ற அளவுக்கு உயர்த்தியது).

இது போன்ற அதிக அளவிலான நிச்சயமற்ற சூழ்நிலையைக்கொண்ட மற்றும் வாராக்கடன் அதிகரிக்கும் சூழ்நிலையில், ஹெச்.டி.எஃப்.சி வங்கி நல்லதொரு முன் ஜாக்கிரதையுடன் தன்னுடைய கடன் வழங்கும் தொழிலை நிதானமாக வளர்த்துக் கொண்டிருந்தது.

சென்ற வாரம் நாம் கூறியிருந்தவற்றில் சிலவற்றை இப்போது மீண்டும் ஞாபகப்படுத்திக் கொள்வோம். மேலே சொல்லப்பட்டிருக்கும் இதே காலகட்டத்தில் சி.சி.பி நிறுவனமான ஹெச்.டி.எஃப்.சி வங்கியின் மொத்த வாராக்கடன் (Gross NPA) 50% அதிகரித்தது என்பதை மேலேயுள்ள அட்டவணையைப் பார்த்தால் புரியும்.

ஆதாரம்: மார்செல்லஸ் இன்வெஸ்ட்மென்ட் மேனேஜர்ஸ், ஏஸ் ஈக்விட்டி.
குறிப்பு: செஞ்சுரியன் பேங்க் ஆஃப் பஞ்சாப் வங்கியை இணைத்த விளைவையும் எடுத்துக்கொண்டு கணக்கீடு செய்தால் 2008-09-ம் நிதியாண்டில் வரிக்குப் பிந்தைய லாபத்தின் வளர்ச்சி 34 சதவிகிதமும், கடன் வழங்கிய அளவின் வளர்ச்சி 38 சதவிகிதமும் இருக்கும்
ஆதாரம்: மார்செல்லஸ் இன்வெஸ்ட்மென்ட் மேனேஜர்ஸ், ஏஸ் ஈக்விட்டி. குறிப்பு: செஞ்சுரியன் பேங்க் ஆஃப் பஞ்சாப் வங்கியை இணைத்த விளைவையும் எடுத்துக்கொண்டு கணக்கீடு செய்தால் 2008-09-ம் நிதியாண்டில் வரிக்குப் பிந்தைய லாபத்தின் வளர்ச்சி 34 சதவிகிதமும், கடன் வழங்கிய அளவின் வளர்ச்சி 38 சதவிகிதமும் இருக்கும்

உலக நிதிச் சந்தைச் சிக்கல்களுக்குப் பிறகு (2009 நிதியாண்டுக்குப் பிறகு), ஹெச்.டி.எஃப்.சி வங்கியால் வேகமாகத் தன்னுடைய சந்தைப் பங்களிப்பை வளர்த்துக்கொள்ள முடிந்த அதே வேளையில், அந்த வங்கியின் மொத்த வாராக் கடனின் அளவும் கணிசமாகச் சீரடைய ஆரம்பித்து, சிக்கலான நாள்களுக்கு முந்தையநிலைக்குத் திரும்பியது. மார்ச் 2008-மார்ச் 2013 காலகட்டத்தில், ஹெச்.டி.எஃப்.சி பேங்க் பங்குகளில் செய்யப்பட்ட முதலீடு என்பது 26% (சி.ஏ.ஜி.ஆர்) அளவிலான லாபத்தைத் தந்தது. அதே காலத்தில், சென்செக்ஸ் வெறும் 4% (சி.ஏ.ஜி.ஆர்) லாபத்தையே தந்தது.

கடன் தரும் முடிவுகளை விவேகத்துடன் எடுத்தல்

ஒரு நிறுவனம் சி.சி.பி குணாதிசயம்கொண்ட நிறுவனமாக மாறக் காரணம், அது போட்டியாளர்களிடமிருந்து வேறுபட்டு நிற்பதுதான்.

பொருளாதாரம் சிறப்பாகச் செயல்படும் காலகட்டங்களில், சராசரிக்கும் குறைவான தரத்தைக்கொண்டிருக்கும் நிதி நிறுவனங்கள் கடன் வழங்கும் கொள்கைகளிலிருக்கும் கட்டுப்பாடுகளைத் தளர்த்தி, பல நவீன கடன் வசதிகளை அறிமுகப்படுத்தி, பல புதிய ஊர்களில் விரிவாக்கங்களைச் செய்து, தன்னுடைய கவனம் முழுவதையும் லாப, நஷ்டக் கணக்கிலேயே (Profit & Loss Account) வைத்துக்கொண்டு செயல்படுமே தவிர, தன்னுடைய இருப்புநிலை அறிக்கையைக் (Balance Sheet) கருத்தில்கொண்டு செயல்படாது. அது போன்ற சமயங்களிலுமே தரமான நிதி நிறுவனங்கள் தங்களுடைய கடன் வழங்கும் சட்ட திட்டங்களில் சமரசம் ஏதும் செய்துகொள்ளாமலேயே செயல்பட்டுவரும்.

உதாரணமாக, ஹெச்.டி.எஃப்.சி வங்கியின் போட்டியாளர்கள் அனைவரும் 2008-09-ம் ஆண்டுக்கு முன்னர் வந்த வளர்ச்சி ஆண்டுகளான 2005-07 வரையிலான காலகட்டத்தில் சில்லறைக் கடன்களைப் பரபரப்பாகத் தந்தன. ஆனால், ஹெச்.டி.எஃப்.சி வங்கியோ, தன்னுடைய கடன் வழங்கும் சட்ட திட்டங்களில் எந்தச் சமரசமும் செய்துகொள்ளாமல், குறுகிய காலத்துக்குக் கடன் வழங்குதலில் வளர்ச்சி குறைவு என்ற நிலையை மாற்றவில்லை.

மேலும், ஹெச்.டி.எஃப்.சி வங்கி புதிய கடன் திட்டங்களை, தேர்ந்தெடுத்த சில வாடிக்கையாளர்கள் மத்தியில் முதலில் அறிமுகம் செய்து, அதிலிருக்கும் நெளிவுசுளிவுகளை நன்கு தெரிந்துகொண்ட பிறகே அந்தத் திட்டத்தை அனைத்து வாடிக்கையாளர்களுக்கும் எடுத்துச் செல்லும். இந்தப் பழக்கத்தை விட்டுவிடாமல் தொடர்ந்து கடைப்பிடித்து வருவதனாலேயே கடந்த பல ஆண்டுகளிலும் தொடர்ந்து பல பொருளாதார ஏற்ற/இறக்கச் சூழ்நிலைகளிலும் சிறப்பாக இந்த வங்கியால் தொடர்ந்து செயல்பட முடிகிறது.

பஜாஜ் ஃபைனான்ஸ்
பஜாஜ் ஃபைனான்ஸ்

சரியாக முதலீடுகளைச் செய்யும் நிர்வாகிகள் குழு..!

கடன் வழங்கும் நிதி நிறுவனங்களை நோக்கி அதிக முதலீடுகள் ஓடி வருவது, அந்த நிறுவனங்களின் சி.இ.ஓ-க்கள் முதலீடுகளை எந்தவிதத்தில் பல்வேறு திட்டங்களுக்கு ஒதுக்குகிறார் என்பதைப் பொறுத்தே அமையும். `நல்ல முதலீட்டு ஒதுக்கீடு’ என்பது மிகச்சிறந்த லாபத்தையும், `தரமற்ற முதலீட்டு ஒதுக்கீடு’ என்பது ஒரு நிறுவனத்தை அல்லது அந்த இருப்பையே காணாமல் போகச் செய்துவிடும். உதாரணமாக, சி.சி.பி குணாதிசயத்தைக் கொண்ட கோட்டக் மஹிந்திரா வங்கி டிவிடெண்ட் வழங்குவது, நிறுவனங்களைக் கையகப்படுத்துவது, கூட்டணி நிறுவனங்களிடமிருந்து பங்குகளை வாங்குவது உள்ளிட்ட பல விஷயங்களில் சிறந்த வகையில் முதலீட்டு ஒதுக்கீடு செய்யும் பண்புகளைக் கொண்டிருக்கிறது.

பஜாஜ் ஃபைனான்ஸ்
பஜாஜ் ஃபைனான்ஸ்

கோட்டக் மஹிந்திராவின் வெற்றி!

2009-2019 வரையிலான நிதியாண்டுகளில் கோட்டக் மஹிந்திரா வங்கி லாபத்தில் வெறும் 2.9 சதவிகிதத்துக்கு மட்டுமே பங்குதாரர்களுக்கு டிவிடெண்ட் தந்துள்ளது. நிதி நிறுவனங்களில் முதலீடு என்பது அதிகம் தேவை. காரணம், முதலீடு செய்யும் பணம்தான் இந்தத் தொழிலின் மூலப்பொருள். அதனாலேயே சம்பாதிக்கும் லாபத்தை அதிக அளவில் டிவிடெண்டாகத் தந்துவிடாமல், மீண்டும் தொழிலிலேயே மறுமுதலீடாகப் போடுகிறது இந்த நிறுவனம். இந்தவித மறுமுதலீடு செய்யப்பட்ட லாபத்தில் வந்த பணத்துக்கு 2009-2019 வரையிலான நிதியாண்டுகளில் சராசரியாக 14.5% பங்கு முதலீடு மூலமான வருமானம் (RoE - Return on Equity) கிடைத்துள்ளது. லாபத்தில் 97 சதவிகிதத்தை மறுமுதலீடு செய்தும், அதற்கு 14.5% பங்கு முதலீடு மூலமான வருமானம் கிடைத்ததுமே கோட்டக் மஹிந்திராவின் இ.பி.எஸ் வளர்ச்சி ஏறக்குறைய 23% (CAGR) என்ற அளவில் அந்தக் காலகட்டத்தில் இருப்பதற்கு உதவியுள்ளது. இந்தவித இ.பி.எஸ் வளர்ச்சியே இந்த நிறுவனத்தின் பங்குகளின் விலை 2009-2019 காலகட்டத்தில் 34% உயர (CAGR) உதவியது.

சொத்து மற்றும் கடனின் கால அளவு பொருத்தமில்லாமையைத் திறம்பட நிர்வகித்தல்!

பஜாஜ் ஃபைனான்ஸ் நிறுவனம் இந்தப் பொறுத்தமில்லாமையை நிர்வகிப்பதில் கைதேர்ந்த நிறுவனம். தான் தர வேண்டிய பணத்துக்கான காலத்தை (Liabilities) அதிகமாகவும், வாடிக்கையாளர்களுக்கு வழங்கியுள்ள கடனுக்கான காலத்தைக் குறைவாகவும் நிர்வகித்துவரும் ஒரே நிறுவனம். பெரும்பாலான நிதி நிறுவனங்கள் இதற்கு எதிர்மறையாகவே செயல்பட்டன. இதனால் கடினமான காலத்தில் வெகு விரைவிலேயே கடன் வழங்க பணம் இல்லாமல் போய்விடும். 2012-2019 வரையிலான காலகட்டத்தில் வெறும் 8% அளவுக்கு மட்டுமே இந்த நிறுவனம் குறுகியகாலத்தில் தன் வாடிக்கையாளர்களுக்குத் திரும்பத் தர வேண்டியதாக இருந்தது.

இப்படிச் செயல்பட்டால்தான், பஜாஜ் ஃபைனான்ஸ் நிறுவனம் குறுகியகால வட்டி விகித ஏற்றங்களால் பாதிப்படையாதபடி தன்னைப் பாதுகாத்துக்கொள்ள முடிகிறது.

(முதலிடுவோம்)