Published:Updated:

எஸ்.எம்.இ நிறுவனங்களுக்கான புதிய வரையறை... ஏற்றுமதியாளர்களுக்கு என்ன சலுகை?

எஸ்.எம்.இ
பிரீமியம் ஸ்டோரி
News
எஸ்.எம்.இ

புதிய வரையறைபடி பல ஏற்றுமதி நிறுவனங்கள் எம்.எஸ்.எம்.இ வரையறையின்கீழ் வருவதுடன் 2% வட்டி மானியமும் பெற முடியும்!

டந்த ஜூன் மாதத்தில், சிறு, குறு மற்றும் நடுத்தர நிறுவனங்களை (MSME) நிர்ணயிப்பதற்கான புதிய வரையறையை மத்திய அரசு வெளியிட்டது. 01.07.2020 முதல் நடைமுறைக்கு வரவுள்ள புதிய வரைமுறைபடி, எம்.எஸ்.எம்.இ நிறுவனங்களுக்கான முதலீடு மற்றும் விற்பனை வரம்புகள் குறிப்பிடத்தக்க அளவுக்கு உயர்த்தப்பட்டுள்ளதுடன், ஏற்றுமதி நிறுவனங்கள் தமது ஏற்றுமதி விற்பனையை, நிறுவனத்தின் மொத்த விற்பனையிலிருந்து கழித்துக்கொள்ளவும் முடியும். இதனால் பல ஏற்றுமதியாளர்கள் எம்.எஸ்.எம்.இ நிறுவனப் பட்டியலில் இடம்பிடிக்க முடியும் என்பதுடன், அதிகப்படியான ஏற்றுமதிக் கடனையும் வட்டிச் சலுகைகளையும் பெற முடியும்.
எஸ்.எம்.இ நிறுவனங்களுக்கான புதிய வரையறை... ஏற்றுமதியாளர்களுக்கு 
என்ன சலுகை?

புதிய வரன்முறைக்கான அளவுகோல் என்ன..?

தொழிற்சாலை மற்றும் இயந்திரங்களில் செய்யப்படும் முதலீடு ரூ.1 கோடிக்கு மிகாமலும் மொத்த விற்பனை ரூ.5 கோடிக்கு மிகாமலும் உள்ள நிறுவனம் குறுந்தொழில். முதலீடு ரூ.10 கோடிக்கு மிகாமலும் மொத்த விற்பனை ரூ.50 கோடிக்கு மிகாமலும் உள்ள நிறுவனம் சிறு தொழில். முதலீடு ரூ.50 கோடிக்கு மிகாமலும் மொத்த விற்பனை ரூ.250 கோடிக்கு மிகாமலும் உள்ள நிறுவனம் நடுத்தர நிறுவனம்.

முதலீடு மற்றும் விற்பனையைக் கணக்கிடும் முறை..!

முந்தைய ஆண்டுகளில் தாக்கல் செய்துள்ள வருமான வரி அறிக்கைகளில் பதியப்பட்டுள்ள முதலீடுகள் நேரடியாகக் கணக்கில் எடுத்துக்கொள்ளப்பட்டு எம்.எஸ்.எம்.இ என வரையறை செய்யப்படும். இதுவரை வருமான வரி ஏதும் தாக்கல் செய்திராத புதிய நிறுவனங்களாகவோ தொழில்முனைவோராகவோ இருக்கும் பட்சத்தில், அவர்களின் சுயபிரமாண அறிக்கை, தற்காலிகச் சான்றாக ஏற்றுக்கொள்ளப்படும். இவ்வாறு பெறப்பட்ட எம்.எஸ்.எம்.இ அந்தஸ்து நடப்பாண்டு இறுதி வரை மட்டுமே செல்லுபடி ஆகும். நிதியாண்டு முடிந்த பிறகு, தாக்கல் செய்யப்படுகிற புதிய வருமான வரி அறிக்கையில் குறிப்பிடப்பட்டுள்ள முதலீட்டு அளவு அடுத்த ஆண்டுக்கான எம்.எஸ்.எம்.இ வரையறைக்கு பயன்படுத்திக் கொள்ளப்படும். இதேபோல, விற்பனை வரையறை, முந்தைய ஆண்டுகளில் தாக்கல் செய்துள்ள வருமான வரி மற்றும் ஜி.எஸ்.டி அறிக்கைகளின் அடிப்படையிலும் வருமான வரி எண் / ஜி.எஸ்.டி எண் இல்லாத நிறுவனங்கள் அளிக்கும் சுயபிரமாண பத்திரங்களின் அடிப்படையிலும் மேற்கொள்ளப்படும். ஆனால், 01.04.2021-க்குப் பிறகு, வருமான வரி எண் மற்றும் ஜி.எஸ்.டி எண் கட்டாயம் தேவை. புதிய முதலீடுகள், தேய்மானங்கள், விற்பனையில் ஏற்ற இறக்கங்கள் ஆகிய மாற்றங்களுக்கேற்ப ஒரு நிறுவனத்தின் எம்.எஸ்.எம்.இ அந்தஸ்தும் மாறுபடும்.

விகடன் Daily

Quiz

சேலஞ்ச்!

ஈஸியா பதில் சொல்லுங்க...

ரூ.1000 பரிசு வெல்லுங்க...

Exclusive on APP only
Start Quiz
தொழில் முதலீடு ரூ.50 கோடிக்கு மிகாமல் இருந்தால், குறிப்பிட்ட நிறுவனம் எம்.எஸ்.எம்.இ வரையறைக்குள் வர முடிவதுடன் ஏற்றுமதி வட்டி சலுகைகளையும் பெறமுடியும்.

உங்கள் அன்றாட தேவைகளின் அனைத்து பொருட்களையும் சிறந்த தள்ளுபடியில் வாங்க

VIKATAN DEALS

எம்.எஸ்.எம்.இ நிறுவனமாகப் பதிவு செய்தல்!

மேற்கண்ட வரையறைகள் கொண்ட நிறுவனங்கள் மத்திய அரசால் நேரடியாகப் பராமரிக்கப்படும் https://udyamregistration.gov.in இணையதளத்தில் பதிவு செய்து கொண்டு பதிவுச் சான்றிதழைப் பெற்றுக்கொள்ளலாம். இந்த இணையத்தில் பதிவு செய்ய எந்த ஒரு கட்டணமும் வசூலிக்கப்படுவதில்லை. இதே பெயரில் ஏராளமான போலி வலைதளங்கள் உலவி வருகின்றன. எனவே, உஷார்!

எஸ்.எம்.இ நிறுவனங்களுக்கான புதிய வரையறை... ஏற்றுமதியாளர்களுக்கு 
என்ன சலுகை?

ஏற்றுமதியாளர்களுக்கான சலுகை...

மத்திய அரசின் புதிய ஆணைப்படி, ஒரு நிறுவனத்தின் மொத்த விற்பனையிலிருந்து ஏற்றுமதி பங்கு கழித்துக்கொள்ளப்படுகிறது. அதாவது, ஜி.எஸ்.டி அறிக்கையின்படி, ஒரு நிறுவனத்தின் மொத்த விற்பனை ரூ.300 கோடியாகவும் மொத்த விற்பனையில் வெளிநாடுகளுக்கான ஏற்றுமதியின் பங்கு ரூ.150 கோடியாகவும் இருந்தால், எம்.எஸ்.எம்.இ அளவீட்டு முறைப்படி, அந்த நிறுவனத்தின் மொத்த விற்பனை ரூ.150 கோடி என்றே கணக்கில் எடுத்துக்கொள்ளப்படும். தொழில் முதலீடு ரூ.50 கோடிக்கு மிகாமல் இருந்தால், குறிப்பிட்ட நிறுவனம் எம்.எஸ்.எம்.இ வரையறைக்குள் வர முடிவதுடன் ஏற்றுமதி வட்டி சலுகைகளையும் பெறமுடியும்.

எம்.எஸ்.எம்.இ நிறுவனங்கள், இந்திய ரூபாய் கணக்கில் பெறும் ஏற்றுமதி வங்கிக் கடன் களுக்கான வட்டியில் 5 சதவிகிதத்தை மத்திய அரசு மானியமாக வழங்குகிறது. அதே சமயம், எம்.எஸ்.எம்.இ வரையறையில் வர முடியாத நிறுவனங்களின் குறிப்பிட்ட 416 வகையான ஏற்றுமதிப் பொருள்களுக்கு மட்டுமே 3% அளவுக்கு ஏற்றுமதிக் கடன் வட்டி மானியம் வழங்கப்படுகிறது. ஆக மொத்தத்தில், புதிய வரன்முறைப்படி, பல ஏற்றுமதி நிறுவனங்கள் எம்.எஸ்.எம்.இ என்ற வரையறையின்கீழ் வருவதுடன் 2% அதிகப்படியான வட்டி மானியமும் பெற முடியும் என்பது ஏற்றுமதித் துறையினருக்கு மகிழ்ச்சியான செய்தியே!