Published:Updated:

ஃப்ரான்சைஸ் தொழில் -14 - உங்களைக் கண்டறிய உதவும் ‘டிஸ்கவரி டே!’

ஃப்ரான்சைஸ் தொழில்
பிரீமியம் ஸ்டோரி
ஃப்ரான்சைஸ் தொழில்

எப்படித் தயாராவது?

ஃப்ரான்சைஸ் தொழில் -14 - உங்களைக் கண்டறிய உதவும் ‘டிஸ்கவரி டே!’

எப்படித் தயாராவது?

Published:Updated:
ஃப்ரான்சைஸ் தொழில்
பிரீமியம் ஸ்டோரி
ஃப்ரான்சைஸ் தொழில்

ங்களுக்குப் பொருத்தமான ஃப்ரான்சைஸை வாங்கும் நடவடிக்கையில் நீங்கள் இருக்கிறீர்களென்றால், ‘டிஸ்கவரி டே’ என்ற வார்த்தையை நிச்சயம் கேள்விப்பட்டி ருப்பீர்கள்.

‘டிஸ்கவரி டே’ என்றால் என்ன?

‘டிஸ்கவரி டே’ என்பது ஃப்ரான்சைஸர்களால் நடத்தப்படும் ஒரு நிகழ்வு. தங்கள் நிறுவனங்களுக்கு கிளை ஃப்ரான்சைஸிக்கள் இன்னும் நிறைய பேர் வேண்டும் என விரும்பும் ஃப்ரான்சைஸர்கள், அந்தக் கிளைகளை நடத்தத் தகுதியான ஆட்களைத் தேர்வு செய்யும் நிகழ்வுதான் ‘டிஸ்கவரி டே.’ சொல்லப்போனால், ஃப்ரான்சைஸியாக விரும்பும் அத்தனை பேரும் ‘டிஸ்கவரி டே’க்கு வரவேற்கப்படுவதில்லை. முதன்மை ஃப்ரான்சைஸ் நிறுவனம், `இவர்கள் தகுதியானவர்கள்’ என நம்பும் சில நபர்கள் மட்டுமே அந்த நிகழ்வுக்கு வரவேற்கப்படுவார்கள். எனவே, நீங்கள் ‘டிஸ்கவரி டே’க்கு வரவேற்கப்பட்டால், ஒரு பெரும் நிறுவனம் உங்கள்மீது நம்பிக்கை வைத்து, உங்களை மதித்து, உங்களுக்கு ஒரு வாய்ப்பளிக்கிறது என்பதை நினைவில்கொள்ளுங்கள்.

ஐயப்பன் ராஜேந்திரன் 
நிறுவனர், Strategizer Franchise Consulting Services
ஐயப்பன் ராஜேந்திரன் நிறுவனர், Strategizer Franchise Consulting Services

எப்படித் தயாராவது?

சரி, ‘டிஸ்கவரி டே’-வுக்கான அழைப்பு வந்துவிட்டது. அதில் கலந்துகொள்ளப் புறப்பட்டு, முதன்மை அலுவலகத்துக்கும் சென்றாகிவிட்டது. பிறகு..?

கேள்விகள் கேட்கும் குழந்தைகள் பின்னாள்களில் சிந்தனையாளர்களாக மாறுவதைப் பார்த்திருப்பீர்கள். அதுபோல, ‘டிஸ்கவரி டே’க்கு அழைக்கும் ஃப்ரான்சைஸர், நீங்கள் எந்தெந்த மாதிரியான கேள்விகளைக் கேட்கிறீர்கள் என்று நிச்சயம் கவனிப்பார். நீங்கள் அந்த நிறுவனத்தை எப்படி நடத்தப் போகிறீர்கள் என்பதுதான் ஃப்ரான்சைஸருக்கு இருக்கும் பெரிய கேள்வி. எனவே, அந்த பிசினஸ் குறித்த சந்தேகங்களைக் கேளுங்கள்; சிக்கல்களைப் பற்றிக் கேளுங்கள்; சிக்கல்களைத் தீர்க்கும் வழிமுறைகள் குறித்துக் கேளுங்கள்.

அந்த நிறுவனத்துக்குள் இருக்கும் அலுவலகக் கலாசாரம் எப்படிப் பட்டது என்பதைத் தெரிந்து கொள்ளுங் கள். முதன்மை ஃப்ரான்சைஸரிடம் மட்டுமல்லாமல், அலுவலகத்திலிருக்கும் பிற ஊழியர்களிடமும் பேசுங்கள். ஒருவேளை, உங்களுக்கு எதிர்காலத் தில் பயிற்சி அளிக்கப் போகும் அலுவலர் களைப் பார்த்தால், அவர்களிடம் பேசுங்கள். நீங்கள் வைத்திருக்கும் திட் டத்தை ஃப்ரான்சைஸரி டம் சொல்லி, அதைப் பற்றி அவர் என்ன நினைக்கிறார் என்று கேட்டுத் தெரிந்து கொள்ளுங்கள்.

ஒட்டுமொத்த விகடனுக்கும் ஒரே ஷார்ட்கட்!

ஃப்ரான்சைஸ் ஒப்பந்தத்தில் குறிப்பிடப் பட்டிருப்பவை உங்கள் பிசினஸ் வளர்ச்சிக்கு உதவுவதாக இருக்கிறதா என்பதைப் பேசித் தீருங்கள்!

உங்கள் அன்றாட தேவைகளின் அனைத்து பொருட்களையும் சிறந்த தள்ளுபடியில் வாங்க

VIKATAN DEALS
விகடனின் அதிரடி ஆஃபர்!
தற்பொழுது ரூ.750 சேமியுங்கள்! ரூ.1749 மதிப்புள்ள 1 வருட டிஜிட்டல் சந்தா999 மட்டுமே! மிஸ் பண்ணிடாதீங்க!Get Offer

தெரிந்துகொள்ள வேண்டிய விஷயங்கள்

இவற்றையெல்லாம் தாண்டி நீங்கள் கண்டிப்பாகத் தெரிந்துகொள்ள வேண்டிய சில விஷயங்கள் இருக்கின்றன. ஒப்பந்தங்கள் குறித்து பிற ஃப்ரான்சைஸிகளிடம் கண்டிப்பாகக் கேட்டுத் தெரிந்துகொள்ள வேண்டும்.

ஃப்ரான்சைஸரை இம்ப்ரெஸ் செய்யும்விதமாக, ‘நான் ஒரு சூப்பர்மேன்’ என்ற தொனியில் பேசிக்கொண்டேயிருந்தால், ஃப்ரான்சைஸர் அதை நிச்சயம் ரசிக்க மாட்டார். ஏனென்றால், ஒரு பிசினஸ்மேன் எந்த நேரமும் சிக்ஸர் அடித்துக்கொண்டே இருக்க முடியாது. அவ்வப்போது கொஞ்சம் கவனமாக அடித்து ஆடவும் வேண்டியிருக்கும்.

ஃப்ரான்சைஸ் தொழில்
ஃப்ரான்சைஸ் தொழில்

முன்னரே குறிப்பிட்டதுபோல உங்கள் மேல் அழுத்தமான ஓர் அபிப்ராயம் இல்லாமல், ‘டிஸ்கவரி டே’க்கு அழைக்க மாட்டார்கள். எனவே, உங்களைப் பற்றி நெகட்டிவ்வான சிந்தனை எதுவும் ஏற்படாமல் பார்த்துக்கொள்ளுங்கள்.

நான்கு பயன்கள்

‘டிஸ்கவரி டே’யின் பயன்கள் என நான்கு விஷயங்களைச் சொல்லலாம். ஒன்று, ஃப்ரான்சைஸ் வாங்கப் போகும் நபருக்கு ஃப்ரான்சைஸர் குறித்த முழு விவரங்களும், அந்த நிறுவனம் குறித்த தகவல்களும் தெரிய வரும். இரண்டாவது, ஃப்ரான்சைஸ் வாங் கும் நபர் எப்படிப்பட்ட பிசினஸ்மேன் என்பது ஃபிரான்சைஸருக்குத் தெரியவரும். மூன்றா வது, ஃப்ரான்சைஸர் தன் மேலாண்மைக் குழுவினரிடமிருந்து அவர்கள் சந்தித்துப் பேசிய ஃபிரான்சைஸி குறித்த அபிப்ராயங் களைக் கேட்டறியலாம். இறுதியாக, ஒரு ஃப்ரான்சைஸை வாங்கப் போகும் நீங்கள் ஒரு நல்ல அபிப்ராயத்தை எளிதாக ஃபிரான்சைஸர் மனதில் கட்டமைக்கலாம்.

‘டிஸ்கவரி டே’-வுக்கு எனத் தனிப்பட்ட வரையறைகளோ, திட்டங்களோ யாராலும் விதிக்கப்படவில்லை. ஃப்ரான்சைஸரின் வசதிக்கேற்ப, விருப்பத்துக்கேற்ப இந்த நாள் அமைக்கப்படுகிறது. உதாரணமாக, சில ஃப்ரான்சைஸர்கள் உங்களைப் பக்கத்திலிருக்கும் அவருடைய ஃப்ரான் சைஸுக்கு அழைத்துச் செல்லலாம். அங்கே, அந்த நிறுவனம் எப்படித் தனியே இயங்குகிறது, தலைமை நிறுவனத்துடன் சேர்ந்து எப்படி இயங்குகிறது என்பதை உங்களுக்கு விவரிக்கலாம். இல்லையென்றால், அந்தச் சந்திப்பு ஒரு சின்ன அலுவலகத்தில்கூட நடந்து முடியலாம்.

ஓர் இலகுவான சந்திப்பாக ‘டிஸ்கவரி டே’ இருக்க வேண்டுமென்று நினைத்தால், அதற்கும் வழியுண்டு. ஒரு ஃபார்மலான சந்திப்பு நடப்பதற்கு முந்தைய நாள், ஓர் உணவகத்தில் டின்னருக்கு ஏற்பாடு செய்யலாம் அல்லது வீட்டிலிருக்கும் அலுவலகத்துக்கு அழைத்துச் சென்று அங்கிருப்பவர்களை அறிமுகப்படுத்தலாம். இரண்டு குழுக்கள் சந்தித்துக்கொள்ளும் பட்சத்தில், இரு தரப்பும் மாறிமாறிப் பேசி சந்தேகங்களை, குழப்பங்களைத் தீர்த்துக்கொள்ளலாம். ஃபார்மலாகச் செல்ல வேண்டுமென்றால், பிசினஸ் கான்செப்ட் குறித்து, சந்தை நிலவரங்கள் குறித்து, பிற முக்கியக் காரணிகள் குறித்து ஒரு பவர் பாயின்ட் பிரசன்டேஷன்கூட காண்பிக்கலாம்.

‘டிஸ்கவரி டே’-வுக்கு எனத் தனிப்பட்ட வரையறைகளோ, திட்டங்களோ யாராலும் விதிக்கப்படவில்லை. ஃப்ரான்சைஸரின் வசதிக்கேற்ப, விருப்பத்துக்கேற்ப இந்த நாள் அமைக்கப்படுகிறது.

Follow @ Google News: கூகுள் செய்திகள் பக்கத்தில் விகடன் இணையதளத்தை இங்கே கிளிக் செய்து ஃபாலோ செய்யுங்கள்... செய்திகளை உடனுக்குடன் பெறுங்கள்.

‘டிஸ்கவரி டே’வுக்குப் பிறகு....

‘டிஸ்கவரி டே’ முடிந்தவுடன் ஃப்ரான்சைஸ் சாவியை ஒப்படைத்துவிடுவார்கள் என்று நினைக்க வேண்டாம். ‘டிஸ்கவரி டே’ அன்று நடந்த சந்திப்பை முழுமையாக ஜீரணிக்க, அதைப் பகுத்து ஆராய்ந்து பார்க்க ஃப்ரான்சைஸருக்கு அவகாசம் தேவைப்படும். அந்தக் குறிப்பிட்ட காலம் வரை பொறுமை காக்க வேண்டும்.

ஃப்ரான்சைஸ் தொழில்
ஃப்ரான்சைஸ் தொழில்

அந்த இடைவெளியில், உங்களுக்கு ஃப்ரான்சைஸ் அளிப்பதா வேண்டாமா எனும் முடிவுக்கு ஃப்ரான்சைஸர் வந்துவிடுவார். ஃப்ரான்சைஸ் அழைப்பு வந்த பிறகு நீங்கள் செய்ய வேண்டிய முதல் காரியம், உங்கள் வழக்கறிஞருடன் அமர்ந்து உங்கள் ஃப்ரான்சைஸ் ஒப்பந்தம் குறித்துப் பேசுவது. ஃப்ரான்சைஸ் ஒப்பந்தத்தில் குறிப்பிடப் பட்டிருப்பவை உங்கள் பிசினஸ் வளர்ச்சிக்கு உதவுவதாக இருக்கிறதா என்பதைப் பேசித் தீருங்கள். அப்படி இல்லையெனில், தயக்கமே இல்லாமல் ஒப்பந்தத்தை மாற்றச் சொல்லுங்கள்.

‘டிஸ்கவரி டே’ என்பது கொஞ்சம் பழைய கான்செப்ட். தற்போது, ஃப்ரான்சைஸி ஆக வேண்டும் என நினைப்பவர்கள் ஃப்ரான்சைஸர் நிறுவனம் குறித்த முழு விவரங்களையும் இணையதளத்திலிருந்தே எடுத்துக் கொள்ளலாம். ஆனால், நேரடிச் சந்திப்பு இணைய விவரங்களைவிட நிச்சயம் பயனுள்ளவையாக இருக்கும்.

தொடர்ந்து, சிங்கிள் யூனிட் ஃப்ரான்சைஸுக்கும், மல்டி யூனிட் ஃப்ரான்சைஸுக்கும் உள்ள வித்தியாசங்கள் என்னென்ன எனப் பேசுவோம்.

(ஜெயிப்போம்)

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism