ஃப்ரான்சைஸ் தொழில் -15 - சிங்கிள் யூனிட் மல்டி யூனிட் ஃப்ரான்சைஸ்கள்!

வ ணிக வரலாற்றில் இரண்டு பொதுமாதிரியான ஃப்ரான்சைஸ்கள் இருந்திருக்கின்றன. அவை, சிங்கிள் யூனிட் ஃப்ரான்சைஸ் மற்றும் மல்டி யூனிட் ஃப்ரான்சைஸ். தனிநபர்கள் அல்லது திருமணமான தம்பதிகள் சொந்தமாக பிசினஸ் நடத்த விரும்பும்போது தங்கள் மொத்தச் சேமிப்பையும் ஒரு சிங்கிள் யூனிட் ஃப்ரான்சைஸில் முதலீடு செய்வார்கள்.

. பல ஆண்டு காலமாக இதே மாடல்தான் பிரபலமாக இருந்துவந்தது. ஆனால், கடந்த இருபது வருடங்களில் மல்டி யூனிட் ஃப்ரான்சைஸ் அதிகரித்திருக்கிறது. குறிப்பாக, 2008-ம் ஆண்டுக்குப் பிறகு தங்கள் சொத்தைப் பாதுகாத்து வளர்க்க வேண்டும் என நினைக்கும் தனிநபர்களுக்கும், நிறுவனங்களுக்கும் மல்டி யூனிட் ஃப்ரான்சைஸே ஏற்றதாக இருக்கிறது. இருப்பினும், பல பிராண்டுகளுக்கு சிங்கிள் யூனிட் ஃப்ரான்சைஸ்தான் ஏற்றதாக இருக்கிறது. அது எப்படி என்று பார்ப்போம்.

. சிங்கிள் யூனிட் ஃப்ரான்சைஸ்

`பாரம்பர்ய ஃப்ரான்சைஸிங்’ என்று யோசிக்கத் தொடங்கினால் நம் கண்முன் வருவது சிங்கிள் யூனிட் ஃப்ரான்சைஸ்தான். செய்யும் வேலையை விட்டுவிட்டு, தாங்கள் ஒரு நிறுவனத்தின் ஓனர்களாக இருக்க வேண்டும் என விரும்பும் தனிநம்பரோ, கணவனும் மனைவியுமோ தேர்தெடுப்பது சிங்கிள் யூனிட் ஃப்ரான்சைஸ்தான். தங்கள் சேமிப்புகளை மட்டுமே இதில் அவர்கள் முதலீடு செய்வார்கள். இவர்களுக்கு ஒரு பிசினஸை நடத்தும் அனுபவம் இருக்கலாம்... இல்லாமலும் இருக்கலாம். மேலும், இந்த ஃப்ரான்சைஸ் அலுவலகத்தை மேலாண்மை செய்ய வேறு ஒரு நபரை நியமிக்கவும் வாய்ப்பிருக்கிறது. ஆனால், `சம்பளம்’ என்ற பெயரில் ஒரு செலவை இழுத்து வைக்க வேண்டாம் என அதையும் அவர்கள் தவிர்க்கவே பார்ப்பார்கள்.

. தற்போது புகழிலும், அதிகளவு தாக்கத்தை உருவாக்குவதிலும் முன்னணியில் இருப்பது மல்டி யூனிட் ஃப்ரான்சைஸ்தான். . புதிதாக ஃப்ரான்சைஸராக வளரும் ஒரு பிராண்ட் இருக்கிறது என்று வைத்துக்கொள்வோம். அவர்கள் தங்கள் பிராண்டை விரிவாக்கம் செய்ய வேண்டும் என்று முடிவுசெய்கிறார்கள். அவர்களுக்கு இரண்டு அலுவலகங்கள்தான் இருக்கின்றன என்று வைத்துக்கொள்வோம். அப்படி இருக்கும் பட்சத்தில் அவர்கள் தேர்வு செய்வதுதான் சிங்கிள் யூனிட் ஃப்ரான்சைஸ். சிங்கிள் யூனிட் ஃப்ரான்சைஸ் வழியே அவர்கள் தங்கள் நிறுவன விரிவாக்கத்தைத் தொடங்குவார்கள்.

. அதேசமயம், மல்டி யூனிட் ஃப்ரான்சைஸிகள் கொஞ்ச நாள் காத்திருந்து, ஒரு ஃப்ரான்சைஸர் எப்படி இயங்குகிறார், அவர் நிர்வாகத் தரம் எப்படி இருக்கிறது, அவர் தரும் பயிற்சி எப்படி இருக்கிறது, உதவி நிலையங்கள் எப்படி இருக்கின்றன என்பதையெல்லாம் பார்த்த பிறகுதான், அந்த ஃப்ரான்சைஸ் நிறுவனத்தில் முதலீடு செய்யலாமா, வேண்டாமா என முடிவு செய்வார்கள். இப்போதுதான் ஃப்ரான்சைஸ் துறையில் காலடி எடுத்துவைத்திருக்கும் ஒரு சின்ன நிறுவனத்துக்கு இது பலவீனம்.

சிங்கிள் யூனிட் ஃப்ரான்சைஸிகளுக்கு என்று முன்னர் ஒரு நிலப்பரப்பு ஒதுக்கி வைக்கப்படும். அவர்களுக்கென்று விதிக்கப்பட்டிருக்கும் எல்லைக்கோட்டுக்கு உள்ளே, அவர்கள் எத்தனை புது நிறுவனங்கள் வேண்டுமானாலும் தொடங்கலாம் என ஒப்பந்தம் இடப்பட்டிருக்கும்.

ஆனால், சமீபத்திய டிரெண்டுகள் எவையும் ஃப்ரான்சைஸியை நான்கு சுவர்களுக்குள் முடக்குவதில்லை. ஃப்ரான்சைஸிக்கென எந்த எல்லையும் கோடும் இருப்பதில்லை. அருகருகில் நெருக்கமாக ஃப்ரான்சைஸ்கள் அமைக்கக் கூடாது என்பது போன்ற அடிப்படையான புரிந்துணர்வுடன் நடந்துகொண்டு, பிராண்டை வளர்த்தாலே போதும் என்பதுதான் தற்கால போதனை. ஏனென்றால், அருகருகில் இருக்கும் ஒரே பிராண்டின் இரு ஃப்ரான்சைஸ்கள் பகைமையையும் பொறாமையையும் வளரச் செய்யும். இந்தப் போட்டியும், பொறாமையுணர்வும் மாறி மாறி பரஸ்பரம் வீழ்த்தும் நோக்கில் பிராண்டை காலி செய்துவிடும்.

. சமீபத்திய டிரெண்டுகள் எவையும் ஃப்ரான்சைஸியை நான்கு சுவர்களுக்குள் முடக்குவதில்லை. ஃப்ரான்சைஸிக்கென எந்த எல்லையும் கோடும் இருப்பதில்லை. . மல்டி யூனிட் ஃப்ரான்சைஸ்

தற்போது புகழிலும், அதிகளவு தாக்கத்தை உருவாக்குவதிலும் முன்னணியில் இருப்பது மல்டி யூனிட் ஃப்ரான்சைஸ்தான். கடந்த இருபது ஆண்டுகளில் மல்டி யூனிட் அடைந்திருக்கும் வளர்ச்சி அபரிமிதமானது. இந்த மாடலின்கீழ் ஒரு ஃப்ரான்சைஸி பல யூனிட்களை ஒரே நிலப்பரப்பில் நடத்தலாம்.

. மல்டி யூனிட் ஃப்ரான்சைஸிக்கு ஏரியா டெவலப்பர் அக்ரிமென்ட் என ஒன்று இருக்கிறது. இது ஒரு ஃப்ரான்சைஸி எத்தனை யூனிட்களைத் தொடங்கலாம், எந்தக் கால இடைவெளியில் தொடங்கலாம், எந்த ஏரியாவில் தொடங்கலாம் ஆகிய விவரங்களைக் கொண்டிருக்கும். இந்த ஏரியாரீதியான ஒப்பந்தம் பெரும்பாலான நேரங்களில் பாதுகாப்பாகவே இருக்கிறது. ஃப்ரான்சைஸர் அதை மீறினால் மட்டுமே மாற்றங்கள் வரலாம். இது இல்லாமல், திறக்கப்படும் ஒவ்வொரு ஃப்ரான்சைஸ் யூனிட்டுக்காக ஃப்ரான்சைஸருக்கும், ஃப்ரான்சைஸிக்கும் தனி ஃப்ரான்சைஸ் ஒப்பந்தமும் போடப்படுகிறது. வழக்கமாக ஏரியா டெவலப்பர் ஒப்பந்தத்தின்படி, எப்போது புதிய யூனிட் தொடங்கப்பட வேண்டும் என்று ஒரு வரையறை இருக்கிறது. அதை ஃப்ரான்சைஸி சரியாகப் பின்பற்றவில்லையென்றால், அவர் மேலும் ஃப்ரான்சைஸ் யூனிட்களைத் திறக்கத் தேவையான உரிமையை இழப்பார். அதாவது, மொத்தம் இரண்டு வகையான ஒப்பந்தங்கள் இருக்கின்றன. ஒன்று, ஏரியா டெவலப்பர் ஒப்பந்தம். இது ஒரு மொத்தமான ஒப்பந்தம். இன்னொன்று, தனி ஃப்ரான்சைஸ் ஒப்பந்தம். இது ஒவ்வொரு ஃப்ரான்சைஸுக்குமான ஒப்பந்தம்.

சிங்கிள் யூனிட் ஃப்ரான்சைஸில் குறிப்பிட்டதுபோல, மல்டி யூனிட் ஃப்ரான்சைஸையும் ஒரு தனிநபரோ, ஒரு தம்பதியோ தொடங்கலாம். ஆனால், சமீப காலத்தில் மல்டி யூனிட் ஃப்ரான்சைஸி ஒரு தனி கார்ப்பரேஷனாகவே இருக்கிறது. இப்படியிருக்கும் ஒரு கார்ப்பரேஷன் பல வித்தியாசமான ஃப்ரான்சைஸ் பிராண்டுகளை வைத்துக்கொண்டு, அவற்றை வழிநடத்த ஒரு வலிமையான குழுவையும் வைத்திருக்கிறது. இந்த கார்ப்பரேட்டுகள் வெற்றி பெற்ற ஃப்ரான்சைஸ்களில் மட்டுமே முதலீடு செய்கின்றன என்பது குறிப்பிடத்தக்கது.

ஒரு மல்டி யூனிட் ஃப்ரான்சைஸிக்கு பிரமாண்டமான முதலீடு தேவைப்படுகிறது. நீங்கள் ஒரு பிராண்டிடம் சென்று, `மல்டி யூனிட் ஃப்ரான்சைஸ் வேண்டும். ஆனால் முதலீட்டுத் தொகை அதிமாக இருக்கிறது’ என்று பேசிப் பார்த்தால், `இப்படி ஒரு வாய்ப்பைத் தவறவிட வேண்டாம்’ என்று ஃப்ரான்சைஸர் உங்களுக்கு ராயல்டி ஃபீஸைக் குறைத்துத் தரவும் வாய்ப்பிருக்கிறது.

சிங்கிள் யூனிட் ஃப்ரான்சைஸ் மற்றும் மல்டி யூனிட் ஃப்ரான்சைஸ் ஆகிய இரண்டுக்குமே அவற்றுக்கான தனி இடங்கள் இருக்கின்றன. தொடர்ந்து ஃப்ரான்சைஸ் தனியார் ஈக்விட்டிகளுக்கும், பிற மூலதனங்களுக்கும் வருவாய் ஈட்டி தருவதால் மல்டி யூனிட் ஃப்ரான்சைஸ் எண்ணிக்கைகள் அதிகரிக்கும். அவற்றின் தாக்கமும் அதிகரிக்கும்.

இப்போது நீங்கள் ஃப்ரான்சைஸில் ஒரு சின்ன அடி எடுத்து வைக்க நினைக்கிறீர்கள் என்றால், தாராளமாக சிங்கிள் யூனிட்டிலிருந்து தொடங்குங்கள். அதுவே உங்களுக்குப் போதுமானதாக இருக்கலாம். அடுத்து, உணவு சார்ந்த வணிகத்துறைகளில் இருக்கும் ஃப்ரான்சைஸிங் வாய்ப்புகள் குறித்துப் பேசுவோம்.

(ஜெயிப்போம்)

ஃப்ரான்சைஸ் தொழில் -15 - சிங்கிள் யூனிட் மல்டி யூனிட் ஃப்ரான்சைஸ்கள்!

நாணயம் விகடன் டீம்