Published:Updated:

ஃப்ரான்சைஸ் தொழில் - 18 - தொழில்முனைவில் நான்கு தவறுகள்!

ஃப்ரான்சைஸ் தொழில்
பிரீமியம் ஸ்டோரி
ஃப்ரான்சைஸ் தொழில்

அனுபவப் பாடங்கள்!

ஃப்ரான்சைஸ் தொழில் - 18 - தொழில்முனைவில் நான்கு தவறுகள்!

அனுபவப் பாடங்கள்!

Published:Updated:
ஃப்ரான்சைஸ் தொழில்
பிரீமியம் ஸ்டோரி
ஃப்ரான்சைஸ் தொழில்
யாருக்குத்தான் பில்கேட்ஸ் ஆக வேண்டும் என்ற ஆசை இருக்காது...

மார்க் சக்கர்பர்க்காக, இலான் மஸ்க்காக ஆக வேண்டும் என்ற கனவு இருக்காது? தொழில் வாழ்க்கையில் அந்த உயரத்தை எப்படியாவது தொட்டுவிட வேண்டும் என நம்மில் பலருக்கும் வேட்கை இருக்கிறது. ஆனால், வெறும் ஆசையோ, கனவோ நிஜமாகி விடாது. வாழ்க்கையில் வெற்றி காண நிறைய போராட வேண்டியிருக்கும். நம்மில் நிறைய பேருக்குப் போராடத் தொடங்கவே தைரியம் இருப்பதில்லையே!

அதையும் மீறிப் போராடத் தொடங்குபவர்களுக்கும் அந்தப் பாதை அத்தனை எளிதாக அமைவதில்லை. `பிசினஸ் செய்கிறேன்’ என்று வருபவர்கள் ஆரம்பகாலத்தில் செய்யும் தவறுகள், அவர்களின் பிசினஸை முட்டுச்சந்தில் கொண்டுபோய் நிறுத்திவிடுகின்றன. நீங்கள் செய்வது சுயதொழிலாக இருந்தாலும் சரி, ஃப்ரான்சைஸ் தொழிலாக இருந்தாலும் சரி... நான்குவிதமான தவறுகளைச் செய்யாமல் இருந்தாலே போதும், உங்கள் தொழில் முட்டுச்சந்தில் போய் நிற்பதைத் தவிர்த்துவிடலாம். அந்தத் தவறுகள் என்னென்ன?

ஃப்ரான்சைஸ் தொழில் - 18 - தொழில்முனைவில் நான்கு தவறுகள்!

ஒட்டுமொத்த விகடனுக்கும் ஒரே ஷார்ட்கட்!

1.இலக்கு உண்டு, திட்டம் இல்லை!

திட்டமிடுதல்தான் பிசினஸ் பள்ளியின் அரிச்சுவடியாக இருக்கிறது. இலக்கை மட்டுமே வைத்துக்கொண்டு ஒரு திட்டமும் இல்லாமல் பயணம் செய்தீர்களென்றால், உங்கள் வளர்ச்சியை எப்படிக் கணக்கிட முடியும்? சொல்லப் போனால், ஒரு ஐடியாவை பிசினஸாக மாற்றுவதற்கே திட்டம் என்ற ஒன்று அவசியமாகிறது. வெறும் இலக்கை மட்டுமே வைத்துக்கொண்டு நின்று கொண்டிருந்தால், வெற்றி தேடி வந்து கைகொடுக்காது. இலக்கை அடைவதற்கான வரைபடத்தை நீங்கள்தான் வரைந்தாக வேண்டும்.

ஃப்ரான்சைஸ் தொழில்
ஃப்ரான்சைஸ் தொழில்

ஒரு வெற்றிகரமான பிசினஸுக்கு உங்களால் மேலும் பங்களிக்க முடியும் என்று தோன்றினால், அதன் நிறுவனர்களைக் கண்டுபிடியுங்கள், பேசுங்கள் அல்லது உங்கள் ரோல் மாடல்களிடமிருந்து கற்றுக்கொள்ள வேண்டும் என்று நினைத்தால், அவர்களைத் தொடர்பு கொள்ளுங்கள். அவர்கள் எழுதிய படைப்புகளைப் படியுங்கள், கேள்விகள் கேளுங்கள், கருத்து சொல்லுங்கள். உங்களுக்கு முன்பு ஒரு பாதையில் சென்றவர்களிடம் உதவி கேளுங்கள். உங்களுக்கான ஒரு சிறந்த மென்ட்டாரைக் கண்டுபிடிப்பதுதான் பிசினஸில் உங்களை வெற்றிகரமானவராக மாற்றும். மேலும், பிசினஸ் சார்ந்த கருத்தரங்குகளில் பங்கேற்பதாக இருந்தாலும் நீங்கள் ஒரு பிசினஸ் திட்டத்தை வரைவது எப்படி என்று படிக்கலாம்.

உங்கள் அன்றாட தேவைகளின் அனைத்து பொருட்களையும் சிறந்த தள்ளுபடியில் வாங்க

VIKATAN DEALS
விகடனின் அதிரடி ஆஃபர்!
தற்பொழுது ரூ.750 சேமியுங்கள்! ரூ.1749 மதிப்புள்ள 1 வருட டிஜிட்டல் சந்தா999 மட்டுமே! மிஸ் பண்ணிடாதீங்க!Get Offer

2.வலிமையான மார்க்கெட்டிங் திட்டம்!

நீங்கள் ஒரு வெப்சைட்டையோ, ஒரு பிசினஸையோ கட்டமைத்துவிட்டீர்கள் என்று வைத்துக்கொள்வோம். அதைப் பார்க்க எங்கிருந்து வாடிக்கையாளர்கள் வருவார்கள்... இந்த இடத்தில்தான் ஒரு மார்க்கெட்டிங் திட்டம் என்பது அநாவசியமோ, பிரமாண்டமோ இல்லை என்பதையும், அது ஒரு பிசினஸுக்கு அடிப்படை என்பதையும் நீங்கள் புரிந்துகொள்வீர்கள். விளம்பரம், பொதுமக்கள் தொடர்பு அல்லது நேரடி மெயில் என நீங்கள் இருக்கும் துறையைப் பொறுத்து, இந்த மார்க்கெட்டிங் திட்டத்தைச் செயல்படுத்த வேண்டும். லிங்க்டு இன், கன்டென்ட் மார்க்கெட்டிங், இ-மெயில் மார்க்கெட்டிங் அல்லது டிஜிட்டல் மார்க்கெட்டிங் என எந்தத் தளத்தை வேண்டுமானாலும் இதற்கு நீங்கள் பயன்படுத்திக்கொள்ளலாம்.

ஃப்ரான்சைஸ் தொழில்
ஃப்ரான்சைஸ் தொழில்

நீங்கள் ஒரு மார்க்கெட்டிங் கோச்சையோ ஒரு கன்சல்டன்ட்டையோகூட பணியமர்த்திக் கொண்டு, ஒரு தீர்க்கமான மார்க்கெட்டிங் திட்டத்தை உருவாக்கி பிசினஸை அடுத்த கட்டத்துக்குக் கொண்டு செல்லலாம்.

3.நீங்கள் இன்னும் 9-5 மனநிலையில்தான் இருக்கிறீர்கள்!

புதிதாகத் தொழிலோ, ஃப்ரான்சைஸோ தொடங்கியிருக்கும் ஒரு நபராக இருக்கும் பட்சத்தில் நீங்கள் முதலில் செய்ய வேண்டியது 9-5 வேலை மனநிலையிலிருந்து வெளியே வருவது. உங்கள் உள்ளூரிலிருக்கும் ஒரு மளிகைக்கடையைப்போல, நீங்கள் உங்கள் பிசினஸ் நிறுவனத்தை 7-11 வரை திறந்தே வைத்திருப்பீர்கள் என்பதை மனதில் பதிய வைத்துக்கொள்ளுங்கள். பலர் தொழில்முனைவைத் தேர்ந்தெடுக்க காரணமே, பிடித்த நேரத்தில் வேலை பார்க்கலாம் என்பதுதான். நீங்கள் தொழில்முனைவைத் தேர்ந்தெடுத்தால், நீங்கள் விரும்பும் நேரத்தில் வேலை செய்யலாம்; ஊட்டி, கொடைக்கானல் மாதிரி எந்த இடத்திலிருந்து வேண்டுமானாலும் வேலை செய்யலாம்.

ஃப்ரான்சைஸ் தொழில்
ஃப்ரான்சைஸ் தொழில்

ஆனால், அப்படி ஓர் இடத்துக்கு வர முதலில் நீங்கள் கணிசமான நேரத்தை பிசினஸில் முதலீடு செய்ய வேண்டியிருக்கும். சில நேரங்களில் நீங்கள் வீட்டு விழாக்களையோ, பள்ளி நிகழ்வுகளையோ தவிர்க்க வேண்டியி ருக்கலாம். இதைப் போன்ற தியாகங்களைச் செய்வதால், நீங்கள் பலமான அடித்தளத்தை உங்கள் பிசினஸுக்கு அமைக்கிறீர்கள் என்பதைப் புரிந்துகொள்ள வேண்டும். இப்படிப்பட்ட தியாகங்களை நீங்கள் செய்யவில்லையென்றால், சொல்வதற்கு ஒரு வெற்றிக் கதை உங்களிடம் இருக்காது!

Follow @ Google News: கூகுள் செய்திகள் பக்கத்தில் விகடன் இணையதளத்தை இங்கே கிளிக் செய்து ஃபாலோ செய்யுங்கள்... செய்திகளை உடனுக்குடன் பெறுங்கள்.

4. கம்ஃபர்ட் ஸோனைவிட்டு வெளியே வாருங்கள்!

ஒரு கதையைக் கேளுங்கள். ஹெர்னான் கோர்டெஸ் (Hernan Cortes) என்று ஒரு ஸ்பானிய எக்ஸ்ப்ளோரர். உலகம் முழுவதும் பயணம் செய்து பல நாடுகளைக் கைப்பற்ற வேண்டும் என்பதே அவருடைய குறிக்கோளாக இருந்தது. ஒரு பெரிய கப்பலில் தன் வீரர்களோடு புறப்படுவார்; கண்ணுக்குத் தெரியும் நாட்டில் வந்து இறங்குவார். ஒரு போருக்குப் பிறகு அந்த நாடு ஸ்பானிஷ் காலனியாக மாறும். இப்படி 15-ம் நூற்றாண்டின் ஒரு ஏப்ரல் மாதத்தில் மெக்ஸிகோவின் வெரக்ரூஸ் எனுமிடத்தில் வந்து இறங்கினார் கோர்டெஸ். இறங்கியதும் அவர் செய்த முதல் வேலையே, அவர் வந்த கப்பல்களை எரிக்கச் சொன்னதுதான். காரணம், ‘செய் அல்லது செத்து மடி’ எனும் தத்துவம். `இந்த நாட்டைக் கைப்பற்றுவோம் அல்லது போராடிச் சாவோம்’ எனும் வெறி.

ஃப்ரான்சைஸ் தொழில் - 18 - தொழில்முனைவில் நான்கு தவறுகள்!

தொழில்முனைவோரும் இப்படி ஒரு உணர்வோடு தொழிலை அணுகியாக வேண்டும். இந்தத் தொழில் இல்லையென்றால், அதைச் சமாளித்துக்கொள்ள ஒரு பிளான் பி வைத்திருந்தீர்களென்றால், நீங்கள் எப்போதுமே தொழிலில் முன்னேறப் போவதில்லை. `போனால் போகட்டும்...’ என்ற மனநிலையோடு ஒரு தொழிலைத் தொடங்கினால், அதில் எப்படி வெற்றி கிடைக்கும்... எனவே, ஒரு காதலோடு, ஒரு குறிக்கோளோடு தொழிலில் குதியுங்கள்!

`என் செளகர்யம் எந்த வகையிலும் குறையக் கூடாது’ என நீங்கள் கம்ஃபர்ட் ஸோனுக்குள் இருக்கும் வரை வெற்றி கிடைப்பதே இல்லை.

`கம்ஃபர்ட் ஸோனுக்கு வெளியேதான் வெற்றி இருக்கிறது’ என்பதைப் பல முறை கேட்டிருப்பீர்கள். ஆனால், எத்தனை பேர் அதைவிட்டு வெளியே வரத் தயாராக இருக்கிறோம்.. உங்கள் போராட்டம் கம்ஃபர்ட் ஸோனுக்கு வெளியே வருவதிலிருந்து தொடங்கினாலும், வெற்றியை நீங்கள் அடையும்வரை தொடர்ந்துகொண்டேதான் இருக்கும்.

மேற்சொன்ன குணங்கள் உங்களிடமிருந்தால், அதை எப்படி மாற்றுவதென்று சிந்தித்து, அதற்கான நடவடிக்கையை எடுத்து உடனடியாக மாற்றுங்கள். ஒரு புதுப் பழக்கத்தை நடைமுறைப்படுத்த 90 நாள்கள் ஆகும் என்று சொல்வார்கள். 90 நாள்கள் துறவுபோல புதுப்பழக்கத்தைப் பின்பற்றுங்கள்.

தொழில்முனைவில் இறங்குவோர் அது தனி பிசினஸாக இருந்தாலும் சரி, ஃப்ரான்சைஸாக இருந்தாலும் சரி... செய்யும் தவறுகள் என்னென்ன என்பதைப் பற்றிப் பேசினோம். தவறுகள் செய்துதான் பாடங்கள் கற்க வேண்டும் என்பல்லை. பிறர் செய்யும் தவறுகள் அல்லது பிறருடைய அனுபவங்கள் வழியாகவும் நாம் பாடங்கள் கற்கலாம்.

(ஜெயிப்போம்)

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism