Published:Updated:

ஃப்ரான்சைஸ் தொழில் - 20 - ஃப்ரான்சைஸ் தொழிலில் பெண்கள்!

ஃப்ரான்சைஸ் தொழில்
பிரீமியம் ஸ்டோரி
ஃப்ரான்சைஸ் தொழில்

சாதகமான அம்சங்கள்!

ஃப்ரான்சைஸ் தொழில் - 20 - ஃப்ரான்சைஸ் தொழிலில் பெண்கள்!

சாதகமான அம்சங்கள்!

Published:Updated:
ஃப்ரான்சைஸ் தொழில்
பிரீமியம் ஸ்டோரி
ஃப்ரான்சைஸ் தொழில்
‘நீங்கள் ஒரு பெண்ணா... சொந்தமாக ஒரு பிசினஸ் செய்ய வேண்டும் என்ற தீராத ஆசை உங்களிடம் இருக்கிறதா..?’ இந்த இரண்டு கேள்விகளுக்கான பதில் ‘ஆம்’ எனில், ஃப்ரான்சைஸ் உங்களுக்குக்கேற்ற பிசினஸ் வாய்ப்பாக இருக்கும். இந்தத் தொழில் பெண்களுக்கு எப்படிச் சாதகமாக இருக்கும் என்பது குறித்துக் கொஞ்சம் விரிவாகப் பார்ப்போம்.

முதலில் தெரிந்துகொள்ளுங்கள்!

ஃப்ரான்சைஸ் தொழிலில் பெண்கள் இறங்கி, சாதிக்க வழங்கப்படும் சலுகைகள் எல்லாவற்றையும் குறித்துப் படித்துத் தெரிந்துகொள்ளுங்கள். பிறகு, பெண்கள் ஃப்ரான்சைஸிக்கள் ஆவதை எந்தெந்த நிறுவனங்கள் வரவேற்கின்றன என்பது குறித்துப் படியுங்கள். இவற்றில் நீங்கள் முக்கியமாகத் தெரிந்துகொள்ள வேண்டியது, ஃப்ரான்சைஸ் பிசினஸில் பெண்கள் செய்திருக்கும் சாதனைகளை! உண்மையான இந்த வெற்றிக் கதைகளைப் (Case Studies) படிப்பதால், ஃப்ரான்சைஸ் பிசினஸ் எப்படிச் செயல்படுகிறது, அதில் தங்களுடைய பங்கு என்னவாக இருக்கும் என்பதைப் பற்றிப் பெண்கள் தெளிவாகத் தெரிந்துகொள்ள முடியும்; இந்த பிசினஸைத் தங்களால் சிறப்பாகச் செய்ய முடியும் என்ற நம்பிக்கையையும் பெற முடியும்.

ஃப்ரான்சைஸ் தொழில் - 20 - ஃப்ரான்சைஸ் தொழிலில் பெண்கள்!

ஒட்டுமொத்த விகடனுக்கும் ஒரே ஷார்ட்கட்!

இதற்கு நீங்கள் ஒரு புத்தகத்தை அவசியம் படித்தாக வேண்டும். ‘தி ஃப்ரான்சைஸிங் ஹேண்ட்புக்: தி கம்ப்ளீட் கைடு டு சூசிங் எ ஃப்ரான்சைஸ்’ (The Franchising Handbook: The Complete Guide to Choosing a Franchise) என்ற அந்தப் புத்தகத்தில் எழுத்தாளர் இயான் முர்ரே (Iain Murray), பெண்கள் சிறந்த ஃப்ரான்சைஸிக்களாக இருப்பதைப் பற்றி விளக்கமாக எடுத்துச் சொல்லியிருக்கிறார். அதற்குக் காரணங்கள் என்னென்ன என்று அவர் சொல்வதைப் பார்ப்போம்.

ஃப்ரான்சைஸ் தொழில் நிச்சயமாக ஒரு சவாலாகவும், நேரத்தை உபயோகமாகச் செலவிட ஒரு சிறந்த வாய்ப்பாகவும் இருக்கும்.

உங்கள் அன்றாட தேவைகளின் அனைத்து பொருட்களையும் சிறந்த தள்ளுபடியில் வாங்க

VIKATAN DEALS
விகடனின் அதிரடி ஆஃபர்!
தற்பொழுது ரூ.750 சேமியுங்கள்! ரூ.1749 மதிப்புள்ள 1 வருட டிஜிட்டல் சந்தா999 மட்டுமே! மிஸ் பண்ணிடாதீங்க!Get Offer

1. பெண்கள் சிறந்த நிர்வாகிகள்!

இதை நான் சொல்லித்தான் உலகுக்குத் தெரிய வேண்டும் என்பது இல்லை. ஒரு வீட்டை நடத்துவதோ, ஒரு ஹோட்டலை நடத்துவதோ, ஒரு கப்பலை நிர்வகிப்பதோ பெண்ணுக்கு சர்வ சாதாரணமாக இருக்கக்கூடிய திறன். உங்கள் வீட்டுச் சமையலறையையே எடுத்துக் கொள்ளுங்கள். அதில் ஒரு பெண் சோறு பொங்கி, ஒரு குழம்பு வைத்து, கூட்டுப் பொரியல் வைத்து முடித்து, கிச்சனைச் சுத்தம் செய்து வைக்கும் நேர்த்தியுடன் எந்த ஆணாலும் போட்டி போட முடியாது. இப்படிப் பல்வேறு நிகழ்வுகளை ஒருங்கிணைப்பதிலும், மக்களை வழிநடத்துவதிலும், நிர்வகிப்பதிலும் பெண்கள் திறமை மிக்கவர்களாக இருக்கிறார்கள். ஃப்ரான்சைஸ் பிசினஸை வெற்றிகரமாகச் செய்வதற்கு இந்தத் திறமை அடிப்படைத் தேவையாக இருக்கிறது.

ஃப்ரான்சைஸ் தொழில்
ஃப்ரான்சைஸ் தொழில்

2. முடிவெடுக்கும் திறன்!

எது முதலில் நடக்க வேண்டிய வேலை, எந்தக் கேள்விக்கு முதலில் பதில் சொல்லியாக வேண்டும், யாரை எப்போது ஊக்கப்படுத்தி வேலை வாங்க வேண்டும் என்பதையும் பெண்கள் சரியாக யூகிப்பதுடன், அந்த வேலையைச் சரியாக செய்தும் முடிக்கிறார்கள்.

பத்து வேலைகளைச் செய்ய வேண்டியிருப்பது தெரிந்ததும், ஆணுக்கு வரும் அழுத்தம் பெண்ணுக்கு வருவதில்லை. ஒவ்வொன்றையும் எந்தெந்த நேரத்தில், என்ன வேகத்தில் செய்து முடிக்க வேண்டும் என்பதை அவர்களால் எளிதாக முடிவுசெய்ய முடிகிறது. காலையில் சமையற்கட்டில் நுழைந்தவுடன் அன்று யார் யாருக்கு என்ன உணவு சமைக்க வேண்டும் என்பதைத் திட்டமிட்டுச் சமைப்பது, துணி துவைப்பது, வீட்டைச் சுத்தம் செய்வது, உறவினர்களுடனும் அக்கம்பக்கத்தினருடனும் உறவைப் பேணுவது, ஊர் மற்றும் உலக நடப்புகளைத் தெரிந்துகொள்ள படிப்பது என்று அவர்கள் செய்ய வேண்டிய வேலைகள் எதையும் ஒத்திப் போடுவதும் இல்லை. ஏனோதானோ என்று செய்து முடிப்பதும் இல்லை. ஃப்ரான்சைஸ் பிசினஸை நடத்த இந்தத் திறமை மிகவும் அவசியம்.

ஃப்ரான்சைஸ் தொழில்
ஃப்ரான்சைஸ் தொழில்

3. பெண்கள் ஓர் இலக்கை நோக்கிப் பயணிப்பதை எளிதாகச் செய்கிறார்கள்!

பெண்கள் ஃப்ரான்சைஸராகவோ, ஃப்ரான்சைஸியாகவோ இருக்கும்போது அந்த ஃப்ரான்சைஸின் வெற்றிக்காகக் கூட்டு முயற்சியில் இறங்குகிறார்கள். கூட்டு உழைப்பு பெரும்பாலான நேரங்களில் வெற்றியையே பெற்றுத் தருகிறது. ஒரு பொது இலக்கை வைத்துக்கொண்டு எல்லோரும் பயணிக்கும்போது, ஆண்களைவிட பெண்களே அதில் அதிக ஈடுபாட்டுடன் செயல்படுகிறார்கள்.

Follow @ Google News: கூகுள் செய்திகள் பக்கத்தில் விகடன் இணையதளத்தை இங்கே கிளிக் செய்து ஃபாலோ செய்யுங்கள்... செய்திகளை உடனுக்குடன் பெறுங்கள்.

4.பெண்கள் நெட்வொர்க்கிங்கில் சிறப்பாக இருக்கிறார்கள்!

உறவுகளைச் சிறப்பாகப் பேணுவதில் பெண்கள் காட்டும் அக்கறை எப்போதுமே தனித்துவமானது. ஒரு குழுவாக இருக்கும் வேளையில், அந்தக் குழுவிலிருக்கும் அத்தனை பேரின் இணக்கத்தையும் நலனையும் பற்றிச் சிந்திக்க ஒரு பெண்ணால்தான் முடிகிறது. இந்தத் திறமை ஃப்ரான்சைஸ் பிசினஸை வளர்த்தெடுக்க மிக மிக முக்கியம்.

the franchising hand book
the franchising hand book

5.பெண்களின் பிசினஸ் திறன்!

`பெரிய அளவில் முன்னேற்றம் காண வேண்டும்’ என்ற ஆசை இருக்கும் பெண்களுக்கு ஃப்ரான்சைஸ் ஒரு நல்ல வாய்ப்பாக இருக்கிறது. வீட்டிலிருந்து ஒரு கைத்தொழில் தொடங்கினாலே அதில் பெரிய லாபம் பார்க்கும் பெண்களுக்கு, பெரிய அளவில் ஃப்ரான்சைஸ் தொழிலில் இறங்கினால் நிச்சயம் வெற்றிதான்.

ஒரு பெண்ணாக ஃப்ரான்சைஸ் தொழிலில் இருக்கும்போது அவர்களுக்குக் கிடைக்கும் நன்மைகள் என்னென்ன என்று பார்ப்போம்!

ஃப்ரான்சைஸ் தொழில்
ஃப்ரான்சைஸ் தொழில்

1. ஃப்ரான்சைஸ் பிசினஸில் நீங்களே உங்கள் ராஜ்ஜியத்தின் ராணி. வீட்டையும் வேலையையும் சமநிலையில் வைத்து நிர்வகிப்பதில் பெண்கள் கில்லாடிகள். எனவே, இந்த ஃப்ரான்சைஸ் தொழில் நிச்சயமாக ஒரு சவாலாகவும், நேரத்தை உபயோகமாகச் செலவிட ஒரு சிறந்த வாய்ப்பாகவும் இருக்கும்.

2. சிறு தொழில்களில் 20% முதல் வருடத்தில் தோல்வியை அடைகின்றன. இந்த நிலையில் ஃப்ரான்சைஸ் பிசினஸ், ஸ்டார்ட்அப்களில் ஆர்வமுள்ள பெண்களுக்குத் தொழிலில் ஒரு உறுதியை அளிக்கிறது! ஒரு சாராரிடமிருந்து உதவி, ஆதரவு எல்லாம் கிடைக்கும்பட்சத்தில் தொழிலில் எந்த ரிஸ்க்கும் எடுக்க வேண்டியதில்லை.

3. கர்ப்பகால இடைவேளைக்குப் பிறகு வேலைக்குப் போவதில் பெண்களுக்கு ஒருவித தயக்கம் இருக்கிறது அல்லது நம்பிக்கை குறைகிறது. இப்படியிருக்கும் நிலையில் ஃப்ரான்சைஸ் தொழில் என்பது பெண்களுக்கு ஒரு சிறந்த வாய்ப்பாகத்தானே இருக்கும்! பெண்கள் தங்கள் திறன்களை, அறிவை வளர்த்துக்கொண்டு ஓர் ஆதரவான, வெற்றிகரமான சூழலில் தொழில் வாழ்க்கையைத் தொடர இது உதவும் என்பது உறுதி.

இறுதியாக, ஃப்ரான்சைஸ் என்பது ஆர்வமும் திறமையும் உள்ள பெண்களுக்கு தங்கள் சொந்த பிசினஸைத் தொடங்க ஒரு சிறந்த வாய்ப்பு. ஃப்ரான்சைஸ் தொழிலுக்குப் பெண்கள் ஏற்றவர்களாக இருப்பத்தைப்போல, பெண்களின் தேவைகளுக்கேற்றதாக ஃப்ரான்சைஸ் தொழில் இருக்கிறது.

பிசினஸ் வாழ்க்கையில் நம்பிக்கையூட்டக் கூடியதாகவும், போதுமான அளவுக்குச் சுதந்திரமாகச் செயல்படக்கூடியதாகவும் ஃப்ரான்சைஸ் தொழில் பெண்களுக்குக் கைகொடுப்பதால், அதில் அவர்கள் புதிய சாதனைகளைப் படைக்க முடிகிறது என்பது நிரூபிக்கப்பட்ட உண்மை!

(ஜெயிப்போம்)

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism