Published:Updated:

ஃப்ரான்சைஸ் தொழில் - 21 - ஃப்ரான்சைஸரை மதிப்பீடு செய்வது எப்படி?

ஃப்ரான்சைஸ் தொழில்
பிரீமியம் ஸ்டோரி
ஃப்ரான்சைஸ் தொழில்

பாசிட்டிவ் வழிமுறைகள்!

ஃப்ரான்சைஸ் தொழில் - 21 - ஃப்ரான்சைஸரை மதிப்பீடு செய்வது எப்படி?

பாசிட்டிவ் வழிமுறைகள்!

Published:Updated:
ஃப்ரான்சைஸ் தொழில்
பிரீமியம் ஸ்டோரி
ஃப்ரான்சைஸ் தொழில்
ங்கள் வெற்றி விகிதத்தை அதிகரிக்க உங்களை நீங்களே மதிப்பீடு செய்துகொள்ள வேண்டியது அவசியம். அத்துடன் உங்கள் ஃப்ரான்சைஸரையும் நீங்கள்தான் மதிப்பிட்டு தேர்வு செய்ய வேண்டும். எனவே, அதையும் அறிந்துவைத்திருக்க வேண்டும்.

நான்கு முக்கியப் பகுப்புகள்!

ஒவ்வொரு பிசினஸிலும் நான்கு முக்கியப் பகுப்புகள் இருக்கின்றன. அவற்றை ஒவ்வொன்றாகப் பார்ப்போம்.

ஃப்ரான்சைஸ் தொழில் - 21 - ஃப்ரான்சைஸரை மதிப்பீடு  செய்வது எப்படி?

ஒட்டுமொத்த விகடனுக்கும் ஒரே ஷார்ட்கட்!

1. வாடிக்கையாளர்களுக்குத் தரப்படும் சேவை அல்லது தயாரிப்பு: ஒரு ஃப்ரான்சைஸர், ஒரு குறிப்பிட்ட பிசினஸ் திட்டத்தை வகுத்து தன் வாடிக்கையாளர் வட்டத்தில் மார்க்கெட் செய்வது எப்படி, பொருள்களுக்குப் பரிசு நிர்ணயிப்பது எப்படி, விற்பது எப்படி, பொருள்களை வாடிக்கையாளரிடம் இன்னும் அதிகமாகக் கொண்டுபோய்ச் சேர்ப்பது எப்படி ஆகியவற்றைச் சொல்லித்தருவார். ஊழியர்களைப் பணி அமர்த்துவது குறித்த பயிற்சிகளைத் தருவார். ஊழியர்களுக்கான தனிப்பயிற்சியும் இருக்கும். சம்பளத்தை எப்படிப் பிரித்துக் கொடுப்பது என்பதையும், பிற சலுகைகளை எப்படித் தருவது என்பதையும், எந்த சாஃப்ட்வேரை உபயோகிப்பது என்பதையும், பணத்தை எப்படி நிர்வகிப்பது என்பதையும் சொல்லித் தருவார்.

2. பிசினஸுக்குத் தேவையான லொகேஷன்: ஃப்ரான்சைஸர் தொழில் நடத்துவதற்குத் தேவையான இடத்தைத் தேர்வு செய்ய உதவிசெய்வார். உங்கள் பகுதியில், உங்களுக்கான வாடிக்கையாளர்களைப் போதுமான அளவுக்குப் பெறுவதற்கு உதவுவார்.

ஃப்ரான்சைஸ்
ஃப்ரான்சைஸ்

3. முதலீடு செய்த அல்லது கடன் வாங்கிய தொகை: ஃப்ரான்சஸர் உங்களுக்கு ஒரு பட்ஜெட்டைத் தந்துவிடுவார். மேலும், அதை மேலாண்மை செய்வதற்கான அமைப்பையும் உருவாக்கித் தருவார். ஃப்ரான்சைஸ் தொழிலைத் தொடங்கும்போதே, உங்களிடம் போதுமான அளவுக்குப் பணம் இருக்கிறதா, எப்போது லாபம் அடைய முடியும் என்பதையெல்லாம் நீங்கள் எளிதாகக் கணித்துவிட முடியும்!

4. நிர்வாகம் குறித்த ஆலோசனை: உங்கள் வீட்டிலேயே உங்களுக்குப் பயிற்சி அளிக்கப்படும். மேலும், தொடர்ந்து உங்களை அப்டேட் செய்துகொண்டே இருப்பார்கள். உங்கள் அமைப்பு குறித்த, உங்கள் நிர்வாகம் குறித்த ஆலோ சனைகள் உங்கள் வெற்றி விகிதத்தை அதிகரிப்பதாக அமையும். ஃப்ரான்சை ஸரின் அறிவுக்கும் அனுபவத்துக்கும்தான் நீங்கள் காசு தரப் போகிறீர்கள். எனவே, அவர் வழங்கும் வளங்களை நீங்கள் மறுக்காமல் ஏற்க வேண்டும்.

உங்களுக்கு வருங்காலத்தில் எவ்வளவு வருவாய் வரும் என்பதை கணிக்க நீங்கள் முயற்சி செய்ய வேண்டும்.

உங்கள் அன்றாட தேவைகளின் அனைத்து பொருட்களையும் சிறந்த தள்ளுபடியில் வாங்க

VIKATAN DEALS
விகடனின் அதிரடி ஆஃபர்!
தற்பொழுது ரூ.750 சேமியுங்கள்! ரூ.1749 மதிப்புள்ள 1 வருட டிஜிட்டல் சந்தா999 மட்டுமே! மிஸ் பண்ணிடாதீங்க!Get Offer

ஃப்ரான்சைஸைத் தேர்வு செய்வது!

சரியான ஃப்ரான்சைஸைத் தேர்வு செய்வது கொஞ்சம் குழப்பமானதுதான். முதலில், அந்த ஃப்ரான்சைஸ் இணையம் அளிக்கும் தயாரிப்பையோ, சேவையையோ நீங்கள் நம்ப வேண்டும். தொடங்கும் ஃப்ரான்சைஸ் தொழில் சார்ந்த துறை நிலையானதா, விரிவாக்கத்துக்கு ஏற்றதாக நெடுநாள் நிலைத்து இருக்குமா என்பதையெல்லாம் பார்க்க வேண்டும். அடுத்து, அந்தத் துறையின் எதிர்காலத்தை நீங்கள் ஆராய வேண்டும். வணிகத்துறையில் என்ன சொல்கிறார்கள், உங்கள் திறன் வேலைக்கு ஏற்றதாக இருக்கிறதா என்று பார்க்க வேண்டும். உங்களுக்குக் கணக்கு பிடிக்காது என்றால், அக்கவுன்ட்டிங் உங்களுக்கானதல்ல. இந்த இடத்தில் நீங்கள் வெளிநபர் உதவியை நாடலாம். பலவிதமான பர்சனாலிட்டி டெஸ்ட்டுகளை வைத்து உங்களுக்குள் மறைந்திருக்கும் திறமைகளைக் கண்டுபிடியுங்கள்.

ஃப்ரான்சைஸ் தொழில்
ஃப்ரான்சைஸ் தொழில்

உங்களால் எவ்வளவு சம்பாதிக்க முடியும் என்பதைக் கண்டுபிடியுங்கள். பெரும்பாலான ஃப்ரான்சைஸர்களால் இதை கணித்துச் சொல்லிவிட முடியாது. ஆனாலும், உங்களுக்கு வருங்காலத்தில் எவ்வளவு வருவாய் வரும் என்பதை கணிக்க நீங்கள் முயற்சி செய்ய வேண்டும். ஏற்கெனவே இருக்கும் ஃப்ரான்சைஸிகளிடம் பேசி இதைத் தெரிந்துகொள்ளலாம். ஒவ்வொரு ஃப்ரான்சைஸரும் அதன் நெட்வொர்க் உறுப்பினர்களின் பட்டியலைத் தருவார்கள். அதை வைத்துக் கொண்டு, நீங்கள் ஒரு தொகையை கணிக்கலாம். ஒரு ஃப்ரான்சைஸர் அல்லது ஒரு பிசினஸ் வாய்ப்பு அளிப்பவர் உங்களுக்கு ஃப்ரான்சைஸி பட்டியலைத் தரவில்லையென்றால், உடனடியாகப் பேச்சு வார்த்தைகளை நிறுத்த வேண்டும் என்று அர்த்தம்.

ஃப்ரான்சைஸ் டிஸ்குளோஷர் டாக்குமென்ட் (Franchise Disclosure Document)

இது 50 பக்கங்களுக்கு மேல் இருக்கும் ஓர் ஆவணம். ஃப்ரான்சைஸர் என்பவர் யார், நிறுவனத்தின் கொள்கைகள், தொழிலின் பின்னணி மற்றும் அதன் வரலாறு என்ன, என்ன மாதிரியான ஃப்ரான்சைஸிங் உரிமையைத் தரப் போகிறார்கள், ஃப்ரான்சைஸிங் ஒப்பந்தத்தின் கால அளவு, நமக்கு விதிக்கப்படும் கட்டுப்பாடுகள், பொறுப்புகள், வாய்ப்புகள் போன்றவை இதில் குறிக்கப்பட்டிருக்கும்.

இந்த ஃப்ரான்சைஸ் உங்களுக்குச் சரியானதாக இருக்குமா எனப் பிற ஃப்ரான்சைஸிகளுடன் கலந்து ஆலோசித்து முடிவு செய்யலாம்.

Follow @ Google News: கூகுள் செய்திகள் பக்கத்தில் விகடன் இணையதளத்தை இங்கே கிளிக் செய்து ஃபாலோ செய்யுங்கள்... செய்திகளை உடனுக்குடன் பெறுங்கள்.

இவை மட்டுமல்லாமல் எவ்வளவு செலவாகும், முதலில் செலுத்த வேண்டிய தொகை, ராயல்டி, விளம்பரத் தொகை, கருவிகளுக்குத் தேவையான தொகை ஆகியவையும் குறிக்கப்பட்டி ருக்கும். ஃப்ரான்சைஸரின் பொறுப்பு என்ன, அவரே பயிற்சி தருவாரா, பயிற்சிக்குத் தேவையான பொருள்கள், விளம்பரங்கள் போன்றவற்றைத் தயார் செய்வாரா, உங்கள் பொறுப்பு என்ன ஆகியவையும் குறிக்கப்பட்டிருக்கும்.

ஃப்ரான்சைஸ் தொழில்
ஃப்ரான்சைஸ் தொழில்

ஃப்ரான்சைஸரின் பொருளாதாரப் பின்னணி என்ன, அந்த நிறுவனம் நிலையானதுதானா, நீண்டகாலதுக்கு வணிகம் செய்வாரா போன்ற விவரங்களுடன் இதுவரையிலுள்ள ஃப்ரான்சைஸிகளின் பட்டியலும் தரப்பட்டிருக்கும். இந்தத் தொழில் உங்களுக்குச் சரியானதாக இருக்குமா என்று அவர்களை அழைத்துக் கேட்டுக்கொள்ளலாம்.

ஒப்பந்தம் மற்றும் லைசென்ஸின் நகல் மிக முக்கியம். அடுத்த 5, 10 அல்லது 20 ஆண்டுகளுக்கு அந்த நிறுவனத்துடனான உங்கள் பயணத்தை இதுதான் தீர்மானிக்கும். வாசித்துப் புரிந்துகொள்ளுங்கள். மொத்தத்தில், இந்த ஆவணம் கட்டுப்படுத்துவதாகத் தோன்றும். ‘செய்யலாம்’, ‘செய்யக்கூடாது’ என்று பல குறிப்புகள் இருக்கும். ஒப்பந்தத்தை மீறுவது தவறு.

இதிலுள்ள சட்ட நெறிமுறைகள் விஷயத்தில் கவனம் செலுத்த வேண்டும். விதிகளை மீறினால் ஃப்ரான்சைஸ் நிராகரிக்கப்படும். உங்கள் ஃப்ரான்சைஸின் மதிப்பு ஏறும்போது, உங்கள் மொத்த மதிப்பும் அதிகமாகும். நிறுவனத்துக்குப் பிரச்னையென்றால், உங்களுக்கும் பிரச்னைதான். இவை தவிர, கணக்கர்கள் உங்கள் அக்கவுன்ட்டிங் தொடர்பான விஷயங்களுக்கு உதவியாக இருப்பார்கள். எல்லாவற்றுக்கும் மேலாக இந்த ஃப்ரான்சைஸ் உங்களுக்குச் சரியானதாக இருக்குமா எனப் பிற ஃப்ரான்சைஸிகளுடன் கலந்து ஆலோசித்து முடிவு செய்யலாம்.

இறுதி முடிவு எடுப்பது!

உங்கள் ஆய்வுகளெல்லாம் முடிந்த பிறகு சரியான முடிவை எடுங்கள். குறைந்த வருமானம், வேலையின்மை, சவாலில்லாமல் இருப்பது இவை அனைத்துக்கும் உங்கள் ஃப்ரான்சைஸை ஒரு முடிவாக நினைத்துக் கொள்ளுங்கள். கனவு காண்பவராக இருக்காதீர்கள். யதார்த்தத்தைப் புரிந்துகொண்டு நடப்பவராக இருங்கள். ஒரு தேதியைக் குறித்துக் கொண்டு (3-5 நாள்கள் போதும்) முடிவெடுங்கள்!

(ஜெயிப்போம்)

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism