Published:Updated:

நீங்கள் ஏன் வாங்க வேண்டும் எலெக்ட்ரிக் வாகனம்? முடிவெடுக்க உதவும் செலவுக் கணக்கு..!

எலெக்ட்ரிக் கார்
பிரீமியம் ஸ்டோரி
எலெக்ட்ரிக் கார்

E L E C T R I C V E H I C L

நீங்கள் ஏன் வாங்க வேண்டும் எலெக்ட்ரிக் வாகனம்? முடிவெடுக்க உதவும் செலவுக் கணக்கு..!

E L E C T R I C V E H I C L

Published:Updated:
எலெக்ட்ரிக் கார்
பிரீமியம் ஸ்டோரி
எலெக்ட்ரிக் கார்

எலெக்ட்ரிக் பைக், கார் என்று மின்சாரத்தில் இயங்கும் வாகனங்கள் மீதான ஆர்வம் கடந்த சில ஆண்டுகளில் தமிழ்நாட்டு மக்களிடையே அதிகரித்து வருகிறது. அதிலும் பெட்ரோல் விலை 100 ரூபாயைத் தாண்டி எகிறியிருக்கும் இன்றைய சூழலில், “மின்சார ஸ்கூட்டர்களை வாங்கினால் தேவலையே” என்ற எண்ணம் பலருக்கும் வந்திருக்கிறது.

இருந்தாலும், பெட்ரோல் வாகனங்களைவிட எலெக்ட்ரிக் வாகனங்களுக்கு ஆகும் செலவு குறைவுதானா என்கிற கேள்வி பலருக்கும் இருக்கிறது. அதற்கான பதிலைப் பார்ப்போம்.

பெட்ரோல் கார்களுக்கு ஆகும் செலவு...

ஒருவர் பெட்ரோல் கார் ஒன்றை, உதாரணமாக, டாடா நெக்சன் காரை ரூ.9 லட்சத்துக்கு வாங்குகிறார். அதற்கான சர்வீஸ் செலவு சராசரி யாக ரூ.8,000 ஆகிறது. ஒரு லிட்டருக்கு 17 கி.மீ என்ற கணக்கில் ஆண்டுக்கு 10,000 கி.மீ ஓட்டுகிறார் எனில், அதற்கு ஆகும் மொத்த பெட்ரோல் 590 லிட்டர். சென்னையில் இப்போதைய பெட்ரோல் விலை ரூ.102.49. அதன்படி, அவருக்கு ஓராண்டுக்கு ரூ.60,469 பெட்ரோல் செலவாகும்.

இதுவே ஒருவர் டீசலில் இயங்கும் டாடா நெக்சன் காரை வாங்கினால், எரிபொருளுக்கு மட்டும் ஓராண்டுக்கு 45,312 ரூபாயைச் செலவு செய்ய வேண்டும்.

நீங்கள் ஏன் வாங்க வேண்டும் 
எலெக்ட்ரிக் வாகனம்? முடிவெடுக்க உதவும் செலவுக் கணக்கு..!

எலெக்ட்ரிக் கார்களுக்கு ஆகும் செலவு...

பெட்ரோல் காரும் வேண்டாம், டீசல் காரும் வேண்டாம். டாடா நெக்சன் வெளியிட்டிருக்கும் எலெக்ட்ரிக் காரை வாங்கினால், அதற்கு எவ்வளவு செலவாகும் என்று பார்ப்போம்.

எலெக்ட்ரிக் கார்களுக்கான விலை பெட்ரோல், டீசல் கார் களுக்கான விலையைவிடக் கொஞ்சம் அதிகம்தான். சுமார் ரூ.14 லட்சத்துக்கு இப்போது டாடா நெக்சன் எலெக்ட்ரிக் கார் விற்பனை யாகிறது. இந்த காரை ஒருமுறை முழுதாக சார்ஜ் செய்தால், 300 கி.மீ வரை ஓட்டலாம். ஒருமுறை சார்ஜ் செய்ய, 20 யூனிட் மின்சாரம் செலவாகும். ஓராண்டுக்கு 12,000 கி.மீ ஓட்ட வேண்டும் எனில், அதற்கு 800 யூனிட் மின்சாரம் செலவு செய்ய வேண்டும்.

சென்னை நிலவரப்படி, 500 யூனிட்டுக்கு மேலே பயன்படுத்தினால், ஒரு யூனிட்டுக்கு 6.6 ரூபாய் விலை வைக்கப்படுகிறது. நாம் ரூ.7 என்றே வைத்துக் கணக்கிடுவோம். அதன்படி, 800 யூனிட்டுக்கு ஆகும் செலவு, 5,600 ரூபாய். ஐந்து ஆண்டுகளுக்கு 50,000 கி.மீ ஓட்ட வேண்டுமென்றால்கூட ரூ.23,450 மட்டுமே செலவாகும்.

நீங்கள் ஏன் வாங்க வேண்டும் 
எலெக்ட்ரிக் வாகனம்? முடிவெடுக்க உதவும் செலவுக் கணக்கு..!

இ-பைக்குகள் எப்படி..?

சரி, இப்போது இரு சக்கர வாகனங்களைப் பார்ப்போம். நாளொன்றுக்கு ஒருவர் 40 கி.மீ என்ற விகிதத்தில், ஆண்டுக்கு 12,500 கி.மீ ஓட்டுகிறார். இரு சக்கர வாகனம் லிட்டருக்கு 45 கி.மீ மைலேஜ் கொடுக்கிறது. அப்படியெனில், அவருக்கு ஓராண்டுக்குக் குறைந்தபட்சம் 280 லிட்டர் பெட்ரோல் வேண்டும். இன்றைய பெட்ரோல் விலைப்படி, ஆண்டுக்கு அவர் 28,698 ரூபாயை அதற்காக செலவு செய்ய வேண்டும். இதுவே எலெக்ட்ரிக் இருசக்கர வாகனத்தை அவர் பயன் படுத்தும்போது, 70 கி.மீ ஓட்டுவதற்கு 3 யூனிட் மின்சாரம் போதுமானது. ஆக, அதே 12,500 கி.மீ ஓட்டுவதற்கு அவர் செய்ய வேண்டிய செலவு, ரூ.3,572 மட்டுமே. ஒருவர் எலெக்ட்ரிக் பைக்கை பயன்படுத்தும் போது ஆகக்கூடிய சுமார் 25,000 ரூபாயை மிச்சப்படுத்த முடியும்.

ஒரு எலெக்ட்ரிக் ஸ்கூட்டரின் விலை குறைந்தபட்சம் 75,000 ரூபாய். வழக்கமான பெட்ரோல் ஸ்கூட்டர்களின் விலையை விட சிறிதளவு மட்டுமே அதிகம்.

டி.முரளி
டி.முரளி

எலெக்ரிக் வாகனங்களில் என்ன பிரச்னை..?

பெட்ரோல், டீசல் வாகனங் களைவிட எலெக்ட்ரிக் வாகனங்கள் வாங்குவது லாபகர மானதா என மோட்டார் வாகன நிபுணர் டி.முரளியிடம் கேட்டோம்.

“பெட்ரோல் விலை 100 ரூபாயைத் தாண்டிவிட்டது. எலெக்ட்ரிக் வாகனங்களைப் பொறுத்தவரை, இந்தியாவில் தமிழ்நாடு உட்பட 17 மாநிலங்கள் மானியங்கள் வழங்குகின்றன. அதுபோக, FAME II (Faster Adoption of Manufacturing Electric vehicles) என்று மத்திய அரசின் மானியம் கிடைக்கிறது. இப்போது எலெக்ட்ரிக் வாகனங் களை வாங்கினால், ஒரு வாகனத்துக்கு ஆகும் தினசரி செலவு குறிப்பாக, எரிபொருளுக்கான செலவு மிகப்பெரிய அளவில் குறையும்.

பெட்ரோல் வாகனங்களைப் பொறுத்தவரை, ஒருவர் 60 கி.மீ ஓட்டுவதற்கு செலவு சுமார் 105 ரூபாய். அதுவே எலெக்ட்ரிக் டூவீலரில் அந்தச் செலவு வெறும் 15 ரூபாய். பெட்ரோல் வாகனத்தின் விலையைவிட எலெக்ட்ரிக் வாகனத்தின் விலை அதிகம்தான். இருந்தாலும், இன்றைய பெட்ரோல் விலையில் கணக்கிடும் போது, அந்தச் செலவு இல்லாத தால் எரிபொருளுக்கான செலவை மிச்சப்படுத்துவதன் மூலம் 18 மாதங்களில் வாகனம் வாங்கச் செய்த செலவையே மீண்டும் எடுத்துவிட முடியும்.

ஆனால், கார்களைப் பொறுத்த வரை, சில சிக்கல்கள் தற்போது நிலவுகின்றன. உதாரணதமாக, டூவீலர்களுக்குச் சாதாரணமாக குளிர்சாதனப் பெட்டிகளுக்கு, தொலைக்காட்சிகளுக்குப் பயன் படுத்தும் மின் இணைப்பு களிலேயே சார்ஜ் செய்துகொள்ள முடியும். ஆனால், கார்களுக்கென தனிப்பட்ட சார்ஜர் வசதிகள் வேண்டும். சராசரி மின் இணைப்புகளில் சார்ஜ் செய்தால் 16 மணி நேரங்களுக்கு சார்ஜ் ஏற வேண்டும். இதுவே ரேபிட் சார்ஜர் என்றொரு வசதி உண்டு. அதில் ஒரு மணி நேரத்திலேயே முழுதாக சார்ஜ் செய்துகொள்ள முடியும். ஆனால், அதை பெட்ரோல் பங்க், சார்ஜிங் சென்டர்களில்தான் அமைக்க முடியும். அந்த வசதிகள் பரவலாக வந்தால்தான் அனைவரும் எளிதில் பயன் படுத்த முடியும்.

பல நன்மைகள் உண்டு...

எலெக்ட்ரிக் வாகனத்தின் பராமரிப்பு மிகவும் எளிதானது. பொதுவாக, ஒரு வாகனத்தில் தொடர்ந்து அசைந்து கொண்டேயிருக்கும் 2,500 பாகங்கள் இருக்கும். ஆனால், எலெக்ட்ரிக் வாகனத்தில் அந்த பாகங்களின் எண்ணிக்கை வெறும் 50 மட்டுமே. ஒரு வாகனத்தை சர்வீஸ் செய்வதற்கு முக்கியமான காரணம், தேய்மானம். ஆனால், எலெக்ட்ரிக் வாகனத்தில் தேய் மானம் பெரியளவு இருக்காது.

அதுமட்டுமன்றி, பெட்ரோல், டீசல் இன்ஜினில் 600 டிகிரி அளவுக்குச் சூடு இருக்கும். ஆனால், எலெக்ட்ரிக் வாகனத்தில் அந்தளவுக்கு சூடு இருக்காது. மேலும், ஒரு காருக்காக ஒட்டுமொத்தமாகத் தேவைப்படும் க்ரீஸ் சுமார் ஒரு கிலோ இருக்கும். அதன் விலை 600 ரூபாய். அதே அளவுள்ள எலெக்ட்ரிக் காருக்கு அதிகபட்சமாகத் தேவைப்படுவதே 50 கிராம் க்ரீஸ்தான். இதன் விலை சுமார் 1,000 ரூபாய். ஆனால், இதற்கு நாம் போடும் க்ரீஸின் ஆயுள் 20 ஆண்டுகள் வரை தாக்குப் பிடிக்கும்.

சாதாரண கார்களில் அதிகபட்சம் மூன்று ஆண்டுகளுக்கு ஒருமுறை மாற்றி யாக வேண்டும். இப்படியாக நாம் வாங்கிய பிறகு, செய்ய வேண்டிய செலவுகள், சாதாரண வாகனங்களில் 100 ரூபாய் எனில், எலெக்ட்ரிக் வாகனங்களில் 2 ரூபாய் மட்டுமே’’ என்றார்.

காராக இருந்தாலும் இருசக்கர வாகனமாக இருந்தாலும், அதில் எலெக்ட்ரிக் வாகனத்தை வாங்கி, பயன் படுத்தினால் பெரும் பணம் மிச்சமாகவே செய்யும். எலெக்ட்ரிக் வாகனங்களை ரீசார்ஜ் செய்யும் உள்கட்டமைப்பு வசதிகள் இன்னும் பரவலாக மக்களுக்குக் கிடைக்கும்பட்சத்தில் எலெக்ட்ரிக் வாகனங்களை நோக்கி மக்கள் செல்வதைத் தவிர்க்க முடியாது. இன்னும் சில ஆண்டுகளில் இந்த உள்கட்டமைப்பு வசதிகள் நமக்குக் கிடைக்கும் என எதிர்பார்ப்போம்.