Published:Updated:

மோடி தலைமையில் நடந்த முக்கிய கூட்டம்; பிட்காயினுக்கு வருகிறதா தடை?

கிரிப்டோகரன்சி வர்த்தகத்துக்கு இன்னொரு முறை தடை கொண்டுவந்தால், அது யாராலும் தடுக்க முடியாதபடி இருக்க வேண்டும் என மத்திய அரசு நினைக்கிறது. அதற்காகத்தான் இப்போது பிரதமர் மோடி தலைமையில் கூட்டம் நடந்துள்ளது.

பிரதமர் மோடி தலைமையில் நேற்று டெல்லியில் ஒரு முக்கியமான கூட்டம் நடந்தது. கிரிப்டோகரன்சியை இந்தியாவில் வர்த்தகம் செய்வதற்குத் தடை விதிக்கலாமா என இந்தக் கூட்டத்தில் விவாதிக்கப்பட்டது.

Prime Minister Narendra Modi
Prime Minister Narendra Modi
Jeff J Mitchell/Pool Photo via AP
பண மதிப்பு நீக்கம்: 5 ஆண்டுகள் நிறைவு; மோடி சொன்ன இந்த 4 நோக்கங்கள் நிறைவேறியிருக்கின்றனவா?

அண்மைக்காலமாக கிரிப்டோகரன்சியில் நம் மக்கள் அதிக அளவில் பணத்தைப் போட்டு வருகின்றனர். குறிப்பாக, பிட்காயின், எத்தீரியம் போன்ற கிரிப்டோகரன்சிகளில் ரூ.5,000 முதல் ரூ.50,000 வரை இளைஞர்கள் பணம் போட்டு வருகின்றனர். ``ரிஸ்க் இருந்தாலும் பரவாயில்லை; ஆனால், கொழுத்த லாபம் கிடைக்கும்" என்கிற நோக்கில் அவர்கள் இப்படிச் செய்து வருகின்றனர். இதில் ரிஸ்க் எப்படிப்பட்டது என்று அறியாமல், நல்ல லாபம் கிடைக்கும் என்கிற எதிர்பார்ப்பில் 50 வயதுக்கு மேற்பட்டவர்கள்கூட பணம் போட்டு வருகின்றனர்.

கோவிட் 19-க்குப் பிறகு, கிரிப்டோகரன்சியில் நம் மக்கள் அதிகமாகப் பணம் போட்டு வருவதைப் பார்த்து நமது மத்திய அரசும் ஆர்.பி.ஐ-யும் கலகலத்துப் போயிருக்கிறது.

இந்த கிரிப்டோகரன்சி மூலம் தீவிரவாதிகளுக்கு நிதி ஆதரவு கிடைக்கக் கூடாது என்பதுடன், இதில் பணத்தைப் போட்ட மக்கள் அதை இழந்துவிடக் கூடாது என்றும் நினைக்கிறது. ஆனால், சர்வதேச அளவில் வர்த்தகமாகிவரும் கிரிப்டோகரன்சியை இந்தியாவில் மட்டும் தடை செய்வது எப்படி என்று தீவிரமாக யோசித்து வருகிறது. காரணம், சில ஆண்டுகளுக்கு முன்பு, கிரிப்டோகரன்சி வர்த்தகத்துக்கு மத்திய அரசு மறைமுகமாகச் சில நிபந்தனை விதித்து, கிரிப்டோ பரிவர்த்தனையை நிறுத்தியது. ஆனால், இதை உச்ச நீதிமன்றம் ஆட்சேபித்து, கிரிப்டோ வர்த்தகத்துக்கு அனுமதி தந்தது.

பிட்காயின்
பிட்காயின்
பிட்காயினுக்கும் வரி விதிக்க தயாராகிறதா மத்திய அரசாங்கம்? அதிர்ச்சியில் கிரிப்டோ முதலீட்டாளர்கள்

கிரிப்டோ வர்த்தகத்துக்கு இன்னொரு முறை தடை கொண்டுவந்தால், அது யாராலும் தடுக்க முடியாதபடி இருக்க வேண்டும் என மத்திய அரசு நினைக்கிறது. அதற்காகத்தான் இப்போது பிரதமர் மோடி தலைமையில் கூட்டம் நடந்துள்ளது.

இந்தக் கூட்டத்துக்குப் பிறகு, கிரிப்டோகரன்சி வர்த்தகம் செய்வதற்கு பலப்பல நிபந்தனைகள் விதிக்கப்படலாம் என்று எதிர்பார்க்கப்படுகிறது. கிர்ப்டோகரன்சியில் பணத்தைப் போட்டவர்கள் கொஞ்சம் ஜாக்கிரதையுடன் இருப்பது நல்லது.

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism
அடுத்த கட்டுரைக்கு