Published:Updated:

தொழிலில் லாபத்தைப் பாதிக்கும் காரணிகள்... புரிந்துகொள்ள உதவும் உத்திகள்..!

பிசினஸ்

பிரீமியம் ஸ்டோரி

சுப.மீனாட்சி சுந்தரம்

ஹார்வர்டு பிசினஸ் ஸ்கூல் பேராசிரியர் மைக்கேல் போர்ட்டர் உருவாக்கி யுள்ள ‘போர்ட்டர்ஸ் 5 ஃபோர்ஸ் ஃபிரேம்வொர்க் (Porter’s 5 Force Framework)’ என்பது ஒரு தயாரிப்பு அல்லது நிறுவனம் செயல்படும் சூழலை ஆராய பயன்படுத்தப் படும் ஒரு மாதிரி (Model). குறிப்பிட்ட தொழிலில் லாபத்தைப் பாதிக்கும் காரணிகளைப் புரிந்துகொள்ள, வணிகச் சூழ்நிலையில் அதிகாரம் எங்குள்ளது என்பதை அடையாளம் காண போர்ட்டரின் ஐந்து சக்திகள் உதவுகின்றன. ஒரு குறிப்பிட்ட துறையில்/ தொழிலில் நுழைய வேண்டுமா, போட்டி களுக்கான உத்திகளை மாற்றியமைக்க வேண்டுமா, உற்பத்தியை அதிகரிக்க வேண்டுமா என்பன போன்ற முடிவுகளை எடுப்பதற்கு உதவும் கருவியாக போர்ட்டரின் மாடல் இருக்கிறது.

சுப.மீனாட்சி சுந்தரம்
சுப.மீனாட்சி சுந்தரம்

ஒரு தொழிலில் போட்டி என்பது ஐந்து முக்கியமான நிலையிலிருந்து ஏற்படலாம். அந்த விஷயங்களைப் பற்றிப் பார்ப்போம்.

புதிதாக நுழைபவர்களின் அச்சுறுத்தல்...

சந்தையில் எந்தவொரு புதிய போட்டியும் தொழில் துறையில் ஏற்கெனவே இருக்கும் நிறுவனங்களுக்கு அச்சுறுத்தலாக உள்ளது. ஒரு தொழிலுக்குப் புதிதாக நுழைபவர்கள் புதிய திறனுடன் மார்க்கெட் சேவையைக் கைப்பற்றுவதற்கான விருப்பத்துடன் வருகிறார்கள். அதன் தீவிரம், குறிப்பிட்ட துறையில் நுழைவதற்கான தடைகளைப் பொறுத்தது. புதியவர்களால் சந்தையில் ஏற்படும் தாக்கத்தைக் குறைப்பதற்கு நிறுவனங்கள் அதிக அளவில் விளம்பரத்துக்குச் செலவிட வேண்டிய கட்டாயம் ஏற்படும். இது நீண்ட காலத்தில் வணிகத்தை வெகுவாகப் பாதிக்கும்.

சந்தையில் குறைந்த அளவில் இருக்கும் பிராண்ட் விசுவாசம், சந்தையில் இருக்கும் பிராண்டின் பெயர்களின் பிரபலமின்மை, குறைந்தபட்ச ஆரம்ப முதலீடு, பிரத்யேகமான தொழில்நுட்பங்கள் தேவையில்லாதது, பலவீனமான அரசு விதிமுறைகள், விநியோக சேனல்களின் நெட்வொர்க் கொண்ட நிறுவனங்களுக்கு புதிதாக நுழையும் நிறுவனங் களால் அச்சுறுத்தல் ஏற்படும். உதாரணமாக, விமானத் துறையில் 100% அந்நிய நேரடி முதலீட்டுக்கு இந்திய அரசு ஒப்புதல் அளித்தபோதிலும் புதிதாக வரும் நிறுவனங்கள் மிகப் பெரும் முதலீட்டை செய்ய வேண்டியிருக்கும்.

சப்ளையர்களின் பேரம் பேசும் திறன்...

இந்த அம்சம் சப்ளையர்களால் ஒரு நிறுவனத்தின் லாபம் எந்த அளவுக்கு பாதிப்படைகிறது என்பதைக் குறிப்பதாகும். குறைவான சப்ளையர்கள் இருந்தால், அந்த நிறுவனம் அவர்களைச் சார்ந்திருக்கக்கூடிய கட்டாயம் ஏற்படும். இதனால், இயல்பாகவே அவர்களது ஆதிக்கம் அதிகமாக இருக்கும்; அதிகமான சப்ளையர்கள் இருக்கும்போது இந்த வகையான அச்சுறுத்தல்கள் குறைவு. மூலப்பொருள்களின் தரம் அல்லது தனித்தன்மை கொண்டதாக இருந்தால், சப்ளையர்களின் பேரம் பேசும் திறன் அதிகமாக இருக்கும்.

மிகப் பெரும் எஃப்.எம்.சி.ஜி (FMCG) நிறுவனங்கள் முக்கிய பொருள்களை உள்ளூர் தயாரிப்பாளர்களிடமிருந்து வாங்கக்கூடிய விலைகளில், தங்களது ஆதிக்கத்தை நிலைநாட்ட வாய்ப்புகள் அதிகம் இருக்கின்றன. அதே நேரத்தில், இந்தப் பொருள்களை வழங்குபவர்கள் விலைகளை உயர்த்துவது, தரத்தைக் குறைப்பது அல்லது தயாரிப்புகள் கிடைப்பதைக் குறைப்பதன் மூலமாக வணிகர்களுக்கும் வாங்குபவர்களுக்கும் நெருக்கடியைத் தர முடியும்.

தொழிலில் லாபத்தைப் பாதிக்கும் காரணிகள்... புரிந்துகொள்ள உதவும் உத்திகள்..!

வாங்குபவர்களின் பேரம் பேசும் திறன்...

வாடிக்கையாளர்கள் இல்லா மல் யாரும் தமது வணிகத்தை நடத்த முடியாது. மிகச் சிறந்த விலை ஒப்பந்தங்கள் (பிரைஸ் கான்ட்ராக்ட்) சேவை ஆகிய வற்றின் மூலம் விற்பனையாளர் களைக் கட்டுப்படுத்தும் அதிகாரம் வாங்குபவர்களுக்கு உண்டு. வாங்குவோர் பேரம் பேசுவதால், பொருள்கள்/ சேவை களின் விலையைக் குறைக்க வேண்டிய நிலை ஏற்படும். நிறுவனங்கள் எத்தனை வாடிக் கையாளர்களைக் கொண்டுள் ளது, ஒவ்வொரு வாடிக்கை யாளரும் விற்பனையாளருக்கு எந்த அளவுக்கு முக்கியமானவர் என்பதைப் பொறுத்து இந்தப் பேரம் பேசும் திறன் நிர்ணயிக்கப் படுகிறது.

ஒரு சப்ளையரிடமிருந்து இன்னொரு சப்ளையருக்கு மாறி, பொருள்களை வாங்குவதற் கான சாத்தியங்கள் எளிதா கவும், மாறுவதற்கான செலவு குறைவாகவும் இருந்தால், வாங்குபவரின் பேரம் பேசும் திறன் அதிகமாக இருக்கும். வாடிக்கையாளர் வாங்கும் எண்ணிக்கையின் அளவு (Volume buyers) அதிகமாக இருந்தாலும், வாங்குபவர்களின் பேரம் பேசும் திறன் அதிகமாக இருக்கும்.

மீண்டும் விமானத் துறையையே உதாரணமாக எடுத்துக்கொண்டால், இதன் வாடிக்கையாளர்களின் பேரம் பேசும் திறன் அதிகமாகக் கருதப்படுகிறது. வாடிக்கையாளர்கள் வெவ்வேறு கட்டணங்களையும் சலுகைகளையும் ஒப்பிடுவதற்கு பல வழிகள் உள்ளன. மேலும், அனைவரும் குறைந்த கட்டணத்தில் செல்ல விரும்புவதால், மாறுவதற்கான செலவுகள் ஏதும் இல்லை.

மாற்றுப் பொருள்கள் அல்லது சேவைகளின் அச்சுறுத்தல்...

வெவ்வேறு தொழில்களில் உள்ள இரண்டு நிறுவனங்கள் சந்தையில் போட்டியிடும் தயாரிப்புகளை உருவாக்கக்கூடும். அந்தப் பொருள்கள் நுகர்வோர்கள் ஏற்றுக்கொள்ளக்கூடிய மாற்றுப் பொருள்களாக இருந்தால், விற்பனை விலையும், தயாரிப்புகளில் வரக்கூடிய லாபமும் குறையும்.

இந்த மாதிரியான சூழலில், மிகப்பெரும் நிறுவனங்கள் மாற்றுப் பொருளைத் தயாரிக்கும் நிறுவனத்தைக் கையகப்படுத்தி அவற்றின் மூலம் சந்தையில் ஏற்படக்கூடிய போட்டியைத் தவிர்க்க முயற்சி செய்யும். இந்தியாவின் மிகப்பெரிய எஃப்.எம்.சி,ஜி நிறுவனமான இந்துஸ்தான் யுனிலிவர் லிமிடெட், கிளாஸோ ஸ்மித்கிளீன் நிறுவனத்தின் ஹார்லிக்ஸ் பிராண்டைக் கையகப்படுத்தியது. இந்த இணைப்பின் மூலம் ஹார்லிக்ஸ், பூஸ்ட், மால்டோவா போன்ற கிளாஸோ ஸ்மித்கிளீன் பிராண்டுகள் யுனிலீவரின் போர்ட்ஃபோலியோவுக்கு வந்துள்ளன. தொழிற்சாலைகளிலும் வாகனங்களிலும் உபயோகப் படுத்தப்படும் டேப்பர் ரோலர் பேரிங் தயாரிப்பாள ரான ஏ.பி.சி பிராண்டை டிம்கென் (Timken) நிறுவனம் கையகப்படுத்தியது. எய்ஷர் (Eicher) டிராக்டர் நிறுவனத்தை டாஃபே நிறுவனம் கையகப்படுத்தியதும், “உங்களால் அவர்களை வெல்ல முடியாவிட்டால் அவர்களோடு சேர்ந்துவிடுங்கள்” என்கிற இந்த உத்தியே.

ஏற்கெனவே உள்ள தொழிலில் சந்தையில் நிலவும் போட்டி...

ஒரு தொழில்துறையில் உள்ள நிறுவனங்கள் ஒருவருக்கொருவர் நெருக்கடி தருவதுடன், போட்டி நிறுவனத்தின் லாபத்தை வெகுவாகக் குறைத்துவிடும்.

போட்டி நிறுவனங்களின் எண்ணிக்கை, தயாரிப்பு அல்லது சேவையின் தேவை வளர்ச்சி (சந்தை வளர்ச்சி விகிதம்), தொழில்துறையின் சந்தை அளவு/ மூலதனம், நிலையான செலவுகளின் அளவு, வாடிக்கை யாளர்களுக்கான மாறுதல் செலவுகள், சந்தையி லிருந்து வெளியேறுவதற்கான தடைகள் ஆகியவை ஒரு தொழில்துறையில் போட்டியின் தீவிரத்தின் பின்னணியில் உள்ள சக்திகளாகும். மிகப் பெரும் சில்லறை விற்பனை யாளர்கள் சலுகைகள், தள்ளுபடி களுடன் கவர்ச்சிகரமான விலையில், தங்களது பிரைவேட் லேபிள் பிராண்டு களை அறிமுகப்படுத்துவது பலவீன மான பிராண்டுகளை சந்தையைவிட்டு வெளியேற வைக்கும்.

புதிதாகத் தொழில் தொடங்கு பவர்களுக்கு மட்டுமல்லாமல், இருக்கும் வணிகத்தைத் தக்கவைத்துக் கொள் வதற்கும் விரிவுபடுத்துவதற்கும் போர்ட் டரின் ஐந்து சக்தி கட்டமைப்பைப் பற்றித் தெரிந்துகொண்டு, சூழலுக்குத் தகுந்தவாறு வியூகத்தை அமைப்பது இன்றியமையாதது. இந்த ஐந்து அம்சங்கள்படி உங்கள் பிசினஸை மாற்றியமைக்க முடியுமா என்று பார்த்தால், உங்களுக்கு நிச்சயம் வெற்றி கிடைக்கும்.

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism
அடுத்த கட்டுரைக்கு