Published:Updated:

முழு உண்மையைச் சொல்கின்றனவா அரசின் தரவுகள்? விளக்கும் `Whole Numbers and Half Truths' புத்தகம்

Whole Numbers and Half Truths புத்தகம்

ஒருவரிடம் இருக்கும் தரவுகளை அவர் எப்படி வேண்டுமென்றாலும் கையாளலாம். உதாரணம், பட்ஜெட் குறித்தத் தரவுகளும் புள்ளி விவரங்களும். இதை ஆளுங்கட்சியைச் சேர்ந்தவர்களும் எதிர்க்கட்சியைச் சேர்ந்தவர்களும் அவர்களுக்குச் சாதகமான வகையில் கையாள்வதை நாம் ஆண்டுதோறும் பார்த்துக்கொண்டிருக்கிறோம்!

முழு உண்மையைச் சொல்கின்றனவா அரசின் தரவுகள்? விளக்கும் `Whole Numbers and Half Truths' புத்தகம்

ஒருவரிடம் இருக்கும் தரவுகளை அவர் எப்படி வேண்டுமென்றாலும் கையாளலாம். உதாரணம், பட்ஜெட் குறித்தத் தரவுகளும் புள்ளி விவரங்களும். இதை ஆளுங்கட்சியைச் சேர்ந்தவர்களும் எதிர்க்கட்சியைச் சேர்ந்தவர்களும் அவர்களுக்குச் சாதகமான வகையில் கையாள்வதை நாம் ஆண்டுதோறும் பார்த்துக்கொண்டிருக்கிறோம்!

Published:Updated:
Whole Numbers and Half Truths புத்தகம்

தரவுகளுக்கும் ஜனநாயகத்துக்கும் என்ன சம்பந்தம், இந்தியர்களுக்கு உண்மையிலேயே தரவுகளின் மீது அக்கறை இருக்கிறதா? போன்ற கேள்விகளுக்கு விடையளிக்கும் வகையில் தரவு-இதழியல் (data-journalism) முன்னோடியும் சுமார் இருபதாண்டுக் கால பத்திரிகைத்துறை அனுபவமும் கொண்ட ருக்மிணி ஸ்ரீனிவாசன் எழுதி சமீபத்தில் வெளிவந்திருக்கும் புத்தகம் `ஹோல் நம்பர்ஸ் அண்ட் ஹாஃப் ட்ரூத்ஸ் (Whole Numbers and Half Truths: What Data Can and Cannot Tell Us About Modern India) ஆகும்.

ருக்மிணி சீனிவாசன்
ருக்மிணி சீனிவாசன்

``2020-ம் ஆண்டில் மக்கள் தொகை வளர்ச்சி சுமார் ஒரு சதவிகிதத்துக்கும் குறைவாக இருக்கிறது; இன்றைக்கு 100 இந்தியர்களில் 31 பேர் மட்டும் நகரங்களில் வசித்து வருகிறார்கள்; மாதமொன்றுக்கு ரூ.8,500 மேல் ஒருவர் செலவு செய்தால் அவர் நகர்ப்புற இந்தியாவில் வசிப்பவர்களில் முதல் ஐந்து சதவிகிதப் பேர்களில் ஒருவராக இருப்பார்” எனப் பலவிதமான தரவுகளை நாம் பல ஊடகங்களில் தினசரி பார்த்துக்கொண்டிருக்கிறோம். இந்தத் தரவுகள் அல்லது புள்ளிவிவரங்களின் முக்கியத்துவம் என்ன? அவை சொல்ல வரும் செய்திகள் என்ன?

ஒருவரிடம் இருக்கும் தரவுகளை அவர் எப்படி வேண்டுமென்றாலும் கையாளலாம். உதாரணம், பட்ஜெட் குறித்தத் தரவுகளும் புள்ளிவிவரங்களும். இதை ஆளுங்கட்சியைச் சேர்ந்தவர்களும் எதிர்க்கட்சியைச் சேர்ந்தவர்களும் அவர்களுக்குச் சாதகமான வகையில் கையாள்வதை நாம் ஆண்டுதோறும் பார்த்துக் கொண்டிருக்கிறோம்.

ஒட்டுமொத்த விகடனுக்கும் ஒரே ஷார்ட்கட்!

உங்கள் அன்றாட தேவைகளின் அனைத்து பொருட்களையும் சிறந்த தள்ளுபடியில் வாங்க

VIKATAN DEALS
விகடனின் அதிரடி ஆஃபர்!
தற்பொழுது ரூ.750 சேமியுங்கள்! ரூ.1749 மதிப்புள்ள 1 வருட டிஜிட்டல் சந்தா999 மட்டுமே! மிஸ் பண்ணிடாதீங்க!Get Offer

இந்தப் புத்தகம் இந்தியாவின் குற்ற எண்ணிக்கையில் ஆரம்பித்து இந்தியர்கள் எப்படி சிந்திக்கிறார்கள், தேர்தலில் எப்படி வாக்கு அளிக்கிறார்கள், எவ்வளவு பணம் சம்பாதிக்கிறார்கள் அதில் எவ்வளவு செலவழிக்கிறார்கள், பெரும்பாலான இந்தியர்கள் எப்படிப்பட்ட நிலையில், எந்த மாதிரியான நிலையில் வசிக்கிறார்கள், உணவு, வழிபாடு, கொண்டாட்டம், காதல், திருமணம் ஆகியவற்றைப் பொறுத்தவரையில் பன்முகப்பட்ட இந்தியா எப்படி வாழ்கிறது, இந்தியர்கள் எப்படி, என்ன வேலை செய்கிறார்கள்; இந்தியா எப்படி வளர்ச்சியடைகிறது, அதிக இளம் வயதினரைக் கொண்ட இந்தியாவில் எந்தப் பகுதி மக்கள் விரைவாக முதுமை அடைகிறார்கள், இந்தியா மக்களின் ஆரோக்கியம் எப்படியிருக்கிறது என நாம் பரவலாக, அடிக்கடி பேசாத பல விஷயங்களைத் தரவுகளின் அடிப்படையில் பேசுகிறது.

Sexual Harassment
Sexual Harassment
சித்திரிப்பு படம்

குற்றங்கள் தொடர்பான புள்ளிவிவரங்கள்

இந்தியாவில் நடைபெறும் குற்றங்கள் குறித்து காவல்துறை வெளியிடும் புள்ளிவிவரங்களும், ஊடகங்கள் வெளியிடும் காவல் துறை அறிக்கைகளும் ஒன்றுக்கொன்று முரணான ஒரு தெளிவற்ற குழப்பமான சித்திரத்தைக் கொடுக்கிறது. 2019-ம் ஆண்டு அதிகமான குற்றங்கள் நிகழ்ந்த மாநிலங்கள் டெல்லியும், கேரளாவும் ஆகும். அதற்காக 200 மில்லியன் மக்கள் தொகை கொண்ட உத்தரப்பிரதேசத்தில் குற்றங்கள் குறைவு என நினைத்து விட வேண்டாம். இதற்குக் காரணம் நன்கு வளர்ந்த மாநிலங்களோடு ஒப்பிடும்போது வளர்ந்து வரும் அல்லது பொருளாதார நிலையில் பின் தங்கிய மாநிலங்களில் குற்றங்கள் நடந்தாலும், அதைப் பதிவு செய்ய மக்கள் முன் வருவதில்லை இதனால் அம்மாநிலங்களில் குற்றங்கள் குறைவாக நடப்பதாக ஒரு பிம்பம் கட்டமைக்கப்படுகிறது. அது போல டெல்லியில் ஒரு மாணவிக்கு ஏற்பட்ட `பாலியல் வன்கொடுமை’ அந்தப் பிரிவில் பதிவுசெய்யப்படாமல் `கொலை’ என்கிற பிரிவில் பதிவு செய்யப்பட்டது.

Follow @ Google News: கூகுள் செய்திகள் பக்கத்தில் விகடன் இணையதளத்தை இங்கே கிளிக் செய்து ஃபாலோ செய்யுங்கள்... செய்திகளை உடனுக்குடன் பெறுங்கள்.

வேலைவாய்ப்பு தொடர்பான புள்ளிவிவரங்கள்

பெரும்பாலான இந்தியர்கள் அவர்களுடைய குழந்தைகளுக்கு அரசு வேலை வேண்டுமென நினைக்கிறார்கள், பெரும்பாலான இந்தியர்கள் தொழில்நுட்பத் துறையில் வேலை செய்வதாகப் பலரும் நினைத்துக்கொண்டிருக்கிறார்கள். அது போல, வேலைக்கு ஆள் எடுப்பதும், வேலையை விட்டு ஒருவரை நீக்குவதும் இந்தியாவில் மிகவும் சிரமம் எனப் பலர் நம்பிக் கொண்டிருக்கின்றனர். ஆனால், இந்தியர்கள் என்ன மாதிரியான வேலை செய்து வருகிறார்கள், எதிர்காலத்தில் வேலை வாய்ப்புகள் எப்படியிருக்கும், பெரும்பாலான மக்களின் கருத்துகள் சரியா, தவறா என்பதற்கு பல தரவுகளை நூலாசிரியர் மேற்கோள் காட்டியிருக்கிறார். இந்தியாவின் வேலைவாய்ப்பு சம்பந்தமான தரவுகளை 1950-ம் ஆண்டிலிருந்து தொடர்ந்து சிறப்பான முறையில் தகவல் சேகரித்து வரும் அமைப்பு என்.எஸ்.எஸ்.ஓ (NSSO) என்கிற அமைப்பாகும். ஆனால், 2017-18-ம் ஆண்டிலிருந்து ஒவ்வொரு மூன்று மாதங்களுக்கும் தகவல்களை சேகரித்து அதை ஆண்டு அளவில் ஒன்றிணைக்கிறது. சமீபத்தில் இவை தரவுகளை ஒழுங்காக வெளியிடுவதில்லை. அப்படி வெளியிட்டாலும் அது சர்ச்சைக்கு உள்ளாக்கப்படுகிறது.

Job (Representational Image)
Job (Representational Image)

1992-93-ம் ஆண்டில் இந்தியாவின் மக்கள் தொகை 839 மில்லியனாக இருந்தபோது 19.5 மில்லியன் வேலைகள் பொதுத் துறை நிறுவனங்களில் இருந்தன. ஆனால், மக்கள் தொகை 1.2 பில்லியனாக அதிகரித்தபோது பொதுத்துறை நிறுவனங்களில் வேலை 17.6 மில்லியனாகக் குறைந்தது. கிராமப்புறங்களில் வாழ்ந்து வரும் குடும்பங்களைச் சேர்ந்தவர்களில் 10 சதவிகிதத்துக்கும் குறைவானவர்களே `சம்பளம் பெறக்கூடிய’ வேலைகளில் இருக்கிறார்கள்; 0.05 சதவிகிதத்தினர்தான் அரசு வேலையில் இருக்கிறார்கள்.

ஆக, வேலைவாய்ப்புகளை எப்படி, எங்கே உருவாக்குவது என்கிற கொள்கைரீதியிலான முடிவுக்கு முறைப்படுத்தப்பட்ட தரவுகள் மிகவும் முக்கியமானதாகும்.

நோய் தொடர்பான புள்ளிவிவரங்கள்

அரசு சுகாதரத்துறையில் குறைவாக செலவிடுவதிலும் தனிப்பட்ட நபர்கள் ஆரோக்கியத்திற்கு என்று அதிகமாக செலவிடுவதிலும் உலகளவில் இந்திய முன்னணியில் இருக்கும் ஒரு நாடாகும். இன்றைக்கும் அதிகமான சத்துக் குறைவான குழந்தைகளைக் கொண்ட நாடாக இந்தியா இருந்து வருகிறது.

ஒரு நாடு வளர்ந்த நாடு என்பதற்கு அறிகுறி அந்த நாட்டில் தொற்றாத நோயால் இறப்பவர்களின் எண்ணிக்கை அதிகமாக இருக்கும். இது பெரும்பாலும் வாழ்வியல் நிலை சார்ந்த (lifestyle) நோய்களாக இருக்கும். இந்தியா இப்போது பெரிய மாற்றத்தின் நடுவில் இருக்கிறது. இந்தியர்கள் அதிகமாக இறப்பதற்கானக் காரணங்கள் `தொற்றாத’ இரண்டு நோய்கள். அவை இருதயம் சார்ந்த நோய்களும், புற்று நோயுமாகும்.

ஒவ்வொரு நோயாலும் எவ்வளவு பேர் பாதிக்கப்படுகிறார்கள், இறக்கிறார்கள் போன்ற தகவல்களைச் சேகரித்து மத்திய சுகாதாரத்துறை `நேஷனல் ஹெல்த் புரொஃபைல்’ என்கிற அறிக்கையை வெளியிட்டு வருகிறது.

C0VID 19 hospital (Representational Image)
C0VID 19 hospital (Representational Image)
AP Photo / Rajanish Kakade

எந்த ஓர் அரசுக்கும் நிறுவனத்துக்கும் மற்ற அமைப்புகளுக்கும் தரவு என்பது இன்றியமையாத ஒன்றாகும். எந்தத் துறையில் என்ன மாதிரியான கவனம் செலுத்த வேண்டும், எவ்வளவு முதலீடு செய்ய வேண்டுமென்பதை முடிவு செய்ய `நம்பகத்தன்மை’ கொண்ட தரவுகள் அவசியமாகும். `பெருந்தொற்றால் இறந்தவர்கள்’ யார் என்பதை நிர்ணயிக்கும் காரணிகளிலும் பதிவு செய்வதிலும் பல குழப்பங்கள் ஏற்பட்டது அனைவருக்கும் தெரியும். தரவுகள் சரியில்லாதபோது அதன் அடிப்படையில் எடுக்கப்படும் முடிவுகள் சரியான பலனைக் கொடுக்காது.

தலைப்புக்கேற்ப இந்தப் புத்தகத்தின் அட்டையில் பொய் சொல்ல சொல்ல வளரும் மூக்கை உடைய கற்பனை கதாபாத்திரமான `பினோக்கியோ’வின் (Pinocchio) வரைபடம் இருப்பது ஒரு குறியீடாகும்.

மூக்கு வளரும் `பினோக்கியோ’...

``தரவுகள் மூலம் பொய்யான அல்லது அவரவர்களுக்கு ஏற்ற வகையில் அதை உபயோகித்துக் கொள்வது சமீபத்தில் அதிகமாகி வருகிறது. நல்லவேளை, `பினோக்கியோ’ போல அவர்களுக்கு மூக்கு வளரவில்லை. அப்படி வளர்ந்தால் அவர்களை மக்கள் கண்டு கொள்ள எளிதாக இருக்கும்!

இந்தியா போன்ற பெரிய நாட்டில் புள்ளிவிவரங்கள் சேகரிப்பது எளிதான காரியமல்ல இருப்பினும் அதை முறையாக சேகரித்து விமர்சன ரீதியில் பயன்படுத்தும்போது அது பல செயல்திட்டங்களுக்கு உதவுவதோடு ஜனநாயகத்தை வலுப்படுத்தும்’’ என்கிறார் நூலாசிரியர்.

தரவுகளைக் கையாளும் அனைவரும் அவசியம் வாசிக்க வேண்டிய நூலாக இது இருக்கிறது.

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism