Published:Updated:

நிஜமாகும் எந்திரன்... உருவாக்கும் பிரம்மாக்கள்..! பாதுகாப்புத் துறையில் ரோபோட்டிக் டெக்னாலஜி...

ரோபோட்டிக் டெக்னாலஜி
பிரீமியம் ஸ்டோரி
News
ரோபோட்டிக் டெக்னாலஜி

S T A R T U P

தற்போது ப்ளஸ் டூ படிக்கும் மாணவர்கள் மெக்கானிக்கல் அல்லது கம்ப்யூட்டர் சயின்ஸ் படிக்க விரும்புகிற அளவுக்கு மெக்கட்ரானிக்ஸ் (mechatronics) பாடத்தைத் தேர்வு செய்து படிக்க விரும்புவதில்லை. ஆனால், இந்தப் படிப்பைப் படித்த மூன்று நண்பர்கள் இணைந்து டாரஸ் ரோபோட்டிக்ஸ் (Torus Robotics) என்னும் நிறுவனத்தைத் தொடங்கியிருக்கிறார்கள். இந்த நிறுவனம் தயாரித்த ஆள் இல்லாத ரோபோ வாகனத்தை இந்தியப் பாதுகாப்புத்துறைக்கு (DRDO) வழங்கியிருக்கிறது.

இந்த நிறுவனத்தின் நிறுவனர்கள் விக்னேஷ், அபிவிக்னேஷ் மற்றும் விபாகர் செந்தில்குமார் ஆகியோரைச் சந்தித்துப் பேசினோம். கல்லூரிக் காலம் தொடங்கி தங்கள் கதையைச் சொல்லத் தொடங்கினார்கள் அவர்கள்.

ரோபோட்டிக் டெக்னாலஜி
ரோபோட்டிக் டெக்னாலஜி

‘‘நாங்கள் மூவரும் கல்லூரிக்கு வந்த பிறகுதான் நண்பர்கள் ஆனோம். எங்களுடைய சிந்தனை கல்லூரியில் சேருவதற்கு முன்பே, ஒரே மாதிரி இருந்ததுதான் நாங்கள் நட்பு பாராட்டவும், நீண்ட நாளைக்கு அந்த நட்பு தொடரவும் காரணமாக இருந்தது. கம்யூட்டர்ஸ், எலெட்க்ரானிக்ஸ், கன்ட்ரோல் சிஸ்டம்ஸ், மெக்கானிக்கல் உள்ளிட்ட அனைத்துத் துறைகளும் சேர்ந்ததுதான் மெக்கட்ரானிக்ஸ். நாங்கள் முதலில் ரோபோட்டிக்ஸ் படிக்க வேண்டும் என நினைத்தோம். ஆனால், இளங்கலைப் படிப்பில் ரோபோட்டிக்ஸ் கிடையாது என்பதால், மெக்கட்ரானிக்ஸ் படித்தால், ரோபோ குறித்து தெரிந்துகொள்ள முடியும் என்பதால், இந்தப் பிரிவை எடுத்தோம்.

கல்லூரியில் நாங்கள் நண்பர்கள் ஆனோம். அப்போது முதலே இந்தத் துறையில் பணியாற்ற வேண்டும் என முடிவெடுத்தோம். இந்தத் துறை சார்ந்த போட்டிகளில் கலந்துகொண்டோம். நாங்கள் படித்த எஸ்.ஆர்.எம் கல்லூரியும் எங்களை ஊக்குவித்து போட்டிகளுக்காக உதவித் தொகையும் வழங்கியது.

கல்லூரி இறுதி ஆண்டு படிக்கும்போது வேலை கிடைத்தது. ஆனால், நாங்கள் மூவரும் வேலைக்குப் போகாமல், சொந்தமாக ஒரு நிறுவனத்தைத் தொடங் கப்போவதாக கல்லூரி இயக்குநரிடம் தெரிவித்தோம். அப்போது, ‘நிறுவனம் தொடங்குவது நல்ல விஷயம்தான். நீங்கள் பாதுகாப்புத்துறையில் தொடங்கத் திட்டமிடுகிறீர்கள். தவிர, இப்போதுதான் படித்து முடித்திருக்கிறீர்கள் என்பதால், இங்கேயே எம்.பி.ஏ படியுங்கள். படிக்கும் போதே நிறுவனம் தொடங்குவதற்கான பணிகளையும் இங்கிருந்தே செய்யுங்கள்’ என்றார். அதற்குத் தேவையான உதவியை கல்லூரி செய்யும் என்பதால், அங்கேயே எம்.பி.ஏ படித்தோம். 2016-ம் ஆண்டு எம்.பி.ஏ சேர்ந்தோம். அப்போது முதலே புதிய நிறுவனத்துக்கான திட்டம் இரண்டையும் சேர்ந்தே செய்தோம்.

பாதுகாப்புத் துறைக்கு என்ன தேவை, அங்கு நம்மால் என்ன செய்ய முடியும் என்பது குறித்து மூன்று ஆண்டுகள் ஆராய்ந்தோம். இந்தத் துறையில் உயரதிகாரிகள் முதல் களப்பணியில் இருப்பவர் கள் வரை உரையாடினோம். நிலம், நீர், ஆகாயம் உள்ளிட்ட இடங்களில் ஆள் இல்லாத வாகனங்கள் தேவை. ஆள் இல்லாத விமானம் என்பது சந்தையில் இருக்கிறது. ஆனால், தரையில் இயங்கக்கூடிய வாகனங்கள் அல்லது நீரில் செயல்படக்கூடிய ஆள் இல்லாத வாகனம் என்பது வெளிநாடுகளில் அதிகமாக இருக்கிறது. ஆனால், இந்தியாவில் இல்லை. அதனால் ஆள் இல்லாத (unmanned Ground Vehicles - UGV) வாகனம் தயாரிக்கத் திட்டமிட்டோம். எல்லைப் பாதுகாப்பு, வெடிகுண்டுகளைக் கையாளுதல் போன்றவற்றைக் கையாள இந்த வாகனம் பயன்படும்.

நாங்கள் தயாரித்த வாகனம் 750 கிலோ எடையை கையாள கூடியது. அதாவது, 750 கிலோ பொருள்களை இந்த வாகனம் மூலம் எடுத்துச் செல்ல முடியும். ராணுவத்தில் ஆயுதங்களைக் கையாளுவதற்கும் பயன்படுத்த முடியும்.

டி.ஆர்.டி.ஓ இந்த புராஜெக்ட்டை எட்டு மாதங் களில் முடித்துக் கொடுக்கச் சொன்னது. ஆனால், முதல் சில மாதங்கள் டி.சி மோட்டாரை (brushless dc motor) இறக்குமதி செய்யவே போய்விட்டது. அது கிடைத்த பிறகு, வேகவேகமாகச் செய்து முடித்தோம்்’’ என்றவர் களிடம், இதற்கான முதலீட்டைத் திரட்டியது பற்றிக் கேட்டோம்.

ரோபோட்டிக் டெக்னாலஜி
ரோபோட்டிக் டெக்னாலஜி

‘‘தற்போதுதான் இந்த புராஜெக்ட் முடித்திருக்கிறோம். இதனுடைய மேம்படுத்தப்பட்ட வடிவத்தைத் தயாரிக்கும் பணியை நாங்கள் ஈடுபட்டு வருகிறோம். இதற்கடுத்துதான் வர்த்தக ரீதியிலான நடவடிக் கையை நாங்கள் தொடங்க இருக்கிறோம். நாங்கள் மூவரும் நண்பர்கள். எங்கள் நிறுவனத்தில் நான்காவதாக ஒரு இயக்குநர் இருக்கிறார். அவர் ரகுநாதன் ஜெகதீஷ். இவர் நந்தன் ஜி.எஸ்.இ (Nandan GSE) என்னும் நிறுவனத்தின் தலைமைச் செயல் அதிகாரி. எங்களுக்கு ஓர் ஆலோசகராகவும் முதலீட்டாள ராகவும் இருந்து வழிகாட்டு கிறார் அவர்” என்றார்கள். பி.இ.எம்.எல் நிறுவனத்துக்காக யு.ஜி.வி தயாரிக்கும் பணிகளிலும் ஈடுபட்டு வரும் இந்த நண்பர்கள் புதிய பிசினஸ் வாய்ப்பை நோக்கிச் செல்கிறார்கள்.

‘‘நாங்கள் டி.சி மோட்டாரை இறக்குமதி செய்வதற்காகப் பல மாதங்கள் காத்திருந்தோம். இதே டி.சி மோட்டார்தான் எலெக்ட்ரிக் வாகனங்களிலும் பயன்படு கிறது. இந்த மோட்டாரை உள்நாட்டிலே தயாரித்தால் என்ன என யோசித்தோம். தற்போது இந்த மோட்டாரை வடிவமைக்கும் இறுதிக்கட்டப் பணிகளில் இருக்கிறோம். இந்த மோட்டருக்கு பெரிய அளவிலான சந்தை இருக்கிறது. அதனால் இந்த புராஜெக்ட்டுக்கு முதலீடு செய்ய முதலீட்டாளர்களுடன் பேச்சுவார்த்தை நடத்தி வருகிறோம்’’ என்றார்கள்.

‘‘பாதுகாப்புத் துறையுடன் இணைந்து செயல்பட்டு வந்தாலும், உடனடியாக நமக்கு ஆர்டர் கிடைக்காது. அரசுத் துறை என்பதால், டெண்டர் மூலமாகவே கிடைக்கும். இதற்குப் பொறுமையாகக் காத்திருக்க வேண்டும். ஆனால், குறிப்பிட்ட காலத்தை கடந்துவிட்டால், நல்ல வளர்ச்சி இருக்கும்’’ என்ற நம்பிக்கை யோடு பேசுகிறார்கள் நண்பர்கள்.

ப்ளஸ் டூ படித்து முடித்த மாணவர் களுக்கு இனியாவது மெக்கட்ரானிக்ஸ் மீது கவனம் இருக்கட்டும்!