Published:Updated:

நான்கு ஆண்டுகளில் 10,000 நிறுவனங்கள்... ஸ்டார்ட்அப்பில் முன்னேறும் தமிழகம்!

ஸ்டார்ட்அப்
பிரீமியம் ஸ்டோரி
ஸ்டார்ட்அப்

ஸ்டார்ட்அப்

நான்கு ஆண்டுகளில் 10,000 நிறுவனங்கள்... ஸ்டார்ட்அப்பில் முன்னேறும் தமிழகம்!

ஸ்டார்ட்அப்

Published:Updated:
ஸ்டார்ட்அப்
பிரீமியம் ஸ்டோரி
ஸ்டார்ட்அப்

வளர்ச்சிக்கும் வேலைவாய்ப்புக்கும் முக்கியமான தேவை புதிய நிறுவனங்களின் வருகை. மக்கள் தொகை தொடர்ந்து அதிகரித்து வருவதுடன், மாறிவரும் நவீன டிஜிட்டல் யுகத்தில் மக்களின் தேவைகளும் நாளுக்கு நாள் அதிகரித்துக்கொண்டே வருகிறது. இத்தகைய தேவைகளைப் பூர்த்தி செய்ய ஆயிரக்கணக்கில் ஸ்டார்ட்அப் நிறுவனங்கள் தொடங்கப்பட வேண்டியிருக்கிறது.

உலக அளவில் ஸ்டார்ட்அப் தொழில் களுக்கான சூழல் இந்தியாவில் சிறந்து விளங்க வேண்டும் என்கிற இலக்குடன் 2016-ல் பிரதமர் நரேந்திர மோடி ‘ஸ்டார்ட்அப் இந்தியா’ திட்டத்தைத் தொடங்கினார். இந்தத் திட்டத்தின்கீழ் ஸ்டார்ட்அப் நிறுவனங்களை ஊக்குவித்து வளர்த்தெடுக்கத் தேவையான நிதியுதவி, வழிகாட்டுதல், வரிச் சலுகை உள்ளிட்டவற்றை வழங்குவதுடன், ஸ்டார்ட் அப் தொழில்களுக்கான சூழலையும் மேம்படுத்தி வருகிறது.

இதன் பலனாக 2014-ல் 500-ஆக இருந்த ஸ்டார்ட்அப் நிறுவனங்களின் எண்ணிக்கை தற்போது 70,000-க்கும் அதிகமான நிறுவனங் களைப் பெற்றுள்ளன. அது மட்டும் இல்லாமல் யுனிகார்ன் நிறுவனங்களின் (ஒரு பில்லியன் டாலர் மதிப்புகொண்ட நிறுவனங்கள்) எண்ணிக்கையும் 100-ஐ தாண்டியுள்ளது.

நான்கு ஆண்டுகளில் 10,000 நிறுவனங்கள்... ஸ்டார்ட்அப்பில் முன்னேறும் தமிழகம்!

இந்த நிலையில், ஸ்டார்ட்அப் தொழில் சூழலில் மாநிலங்களின் செயல்பாடு எப்படி இருக்கிறது என்பதை மத்திய வர்த்தகம் மற்றும் தொழில் மேம்பாட்டு துறை (The Department of Promotion of Industry and Internal Trade - DPITT) ஆய்வு செய்து தரவரிசை அறிக்கை வெளியிட்டு வருகிறது.

2018-லிருந்து இந்தத் தரவரிசை பட்டியல் வெளியிடப்பட்டுவருகிறது. தற்போது மூன்றாம் முறையாக 2021-ம் ஆண்டுக்கான ஸ்டார்ட் அப் நிறுவனங்களுக்கான தரவரிசை அறிக்கை வெளியிடப்பட்டுள்ளது.

மத்திய தொழில்துறை அமைச்சர் பியூஷ் கோயல் இந்த தரவரிசை அறிக்கையைக் கடந்த வாரத்தில் வெளியிட்டார். ஐந்து வகையான பிரிவுகளில் இந்தத் தரவரிசைப் பட்டியல் தயார் செய்யப்பட்டுள்ளது. (பார்க்க, அடுத்த பக்கத்தில் உள்ள அட்டவணை)

இந்தத் தரவரிசை பட்டியலில் தமிழகம் முந்தைய ஆண்டு பட்டியலிலிருந்து ஆறு இடங்கள் முன்னேறியுள்ளது. ஸ்டார்ட் அப் தொழில்களுக்கான சூழலை மேம்படுத்துவதில் தமிழகம் எடுத்துவரும் முயற்சிகளால் இந்த இடத்தை எட்டி யுள்ளது என்று முதல்வர் ஸ்டாலின் சொல்லியிருக்கிறார். இந்த முன்னேற்றத்துக்கு காரணமான தமிழ்நாடு புத்தொழில் மற்றும் புத்தாக்க இயக்கம் (TANSIM) மற்றும் சிறு, குறு மற்றும் நடுத்தரத் தொழில் துறைக்கும் பாராட்டுகளைத் தெரிவித்துள்ளார்.

சிவராஜா ராமநாதன்
சிவராஜா ராமநாதன்

ஸ்டார்ட்அப் சூழலை மேம்படுத்தும் தமிழக அரசின் முயற்சிகள் குறித்தும், அடுத்த கட்ட திட்டங்கள் குறித்தும் தமிழ்நாடு ஸ்டார்ட்அப் இயக்கத்தின் சி.இ.ஓ சிவராஜா ராமநாதனிடம் பேசினோம். தமிழகத்தில் ஸ்டார்ட்அப் நிறுவனங்களின் வளர்ச்சி குறித்து நம்மிடம் விளக்கமாக எடுத்துச் சொன்னார்.

‘‘திமுக அரசு பொறுப்பேற்ற பிறகு, தமிழ்நாடு புத்தொழில் மற்றும் புத்தாக்க இயக்கம் (TANSIM) என்ற அமைப்பை உருவாக்கி தமிழகத் தில் தொழில் சூழலை மேம்படுத் துவதற்கான பல்வேறு முயற்சிகள் மேற்கொள்ளப் பட்டு வருகின்றன. பட்ஜெட் டில் இதற்கான அறிவிப்புகளும் இடம்பெற்றன.

ஸ்டார்ட்அப் நிறுவனங் களுக்கான ஈக்விட்டி நிதி உதவிக்காக ரூ.50 கோடி ஒதுக்கீடு, பட்டியல் இனத்தவர் கள் ஸ்டார்ட்அப் தொடங்க தனி நிதி ஒதுக்கீடு, சென்னை யில் ஸ்டார்ட்அப் அமைக்க ரூ.75 கோடி ஒதுக்கீடு, மதுரை, கோயம்புத்தூர், ஈரோடு உள்ளிட்ட இடங்களிலும் ஸ்டார்ட்அப் அமைப்பது உள்ளிட்ட திட்டங்கள் வகுக்கப் பட்டன.

இவை அனைத்தும் ஆக்க பூர்வமாக செயல்படுத்தப் பட்டு வருகின்றன. ஸ்டார்ட் அப் நிறுவனங்களுக்கான நிதி உதவி மட்டுமல்லாமல், வழிகாட்டுதல் வழங்குவது, வணிக செயல்பாடுகளுக்கான ஆதரவுகளைத் தருவது உள்ளிட்ட முயற்சிகளும் செயல்படுத்தப்பட்டு வருகின்றன.

இந்த முயற்சிகளின் பலனாகத் தமிழகம் தரவரிசை பட்டியலில் ஆறு இடங்கள் முன்னேறி முன்னிலை மாநிலம் என்ற இடத்தைப் பிடித்துள்ளது.

நான்கு ஆண்டுகளில் 10,000 நிறுவனங்கள்... ஸ்டார்ட்அப்பில் முன்னேறும் தமிழகம்!

தமிழகம் ஸ்டார்ட்அப் தொழில்களுக்கான சூழலில் சிறந்த செயல்பாட்டாளர்கள் என்ற முதன்மை இடத்தை எட்டுவதற்கான அனைத்து திறன்களையும் கொண்டு உள்ளது. தமிழக அரசு எடுத்துவரும் முயற்சிகள், புதுமையான நடவடிக்கைகள் இன்னும் சில ஆண்டுகளில் முதன்மை இடத்தை அடை வதற்கான வாய்ப்பு நிச்சயம் உள்ளது.

ஸ்டார்ட்அப் நிறுவனங்கள் பாரம்பர்யத் தொழில்கள் போல அல்ல. ஸ்டார்ட் அப் தொழில்கள் அவற்றின் எதிர்கால வளர்ச்சிக் கணிப்பின் அடிப்படையில் தான் தீர்மானிக்கப்படும். இப்போதுள்ள ஸ்டார்ட் அப் நிறுவனங்கள் பலவும் நஷ்டத்தில் இருந்தாலும், எதிர்வரும் காலத்தில் அவற்றின் வளர்ச்சி எப்படி இருக்கும் என்பதைப் பொறுத்துதான் ஸ்டார்ட் அப் நிறுவனங்களுக்கான யோசனைகள் திட்டமிடப் படும். அந்த வகையில், வளர்ச்சிக்கு சாத்தியமுள்ள யோசனைகளை அடை யாளம் கண்டு அவற்றை வளர்த்தெடுக்கும் நடவடிக் கைகள் எடுக்கப்பட்டு வருகின்றன.

நான்கு ஆண்டுகளில் 10,000 நிறுவனங்கள்... ஸ்டார்ட்அப்பில் முன்னேறும் தமிழகம்!

தமிழ்நாட்டில் இன்னும் நான்கு ஆண்டுகளில் 10,000 ஸ்டார்ட்அப் நிறுவனங்களை உருவாக்க வேண்டும் என்பதுதான் ‘டான்சிம்’ (TANSIM) இயக்கத்தின் நோக்கம். அந்த இலக்கை நோக்கி தீவிரமாக இயங்கிக் கொண்டிருக்கிறோம்.

ஒவ்வொரு நகரத்திலும் ஸ்டார்ட்அப் தொழில்களை ஊக்குவிக்கும் விதமான நிகழ்ச்சி களையும் திட்டமிட்டு நடத்திவருகிறோம். புத்தாக்க தொழில் வளர்ச்சியில் தமிழகம் மேம்பட அரசின் செயல்பாடுகளும் திட்டங்களும் மிகவும் அவசியமானதாக இருந்தாலும் தொழில் முனைவோர்களுக்கான தேவையும் புதிய யோசனைகளும்தான் மிகவும் தேவையாக உள்ளன. எனவே, தொழில் முனைவோர்கள் தமிழக அரசு வழங்கும் இந்தத் தொழில் வாய்ப்புகளை அவசியம் பயன்படுத்திக் கொள்ள வேண்டும்” என்றார்.

மக்களின் தேவை களைப் பூர்த்தி செய்யக் கூடிய அதேவேளையில் தொழில்நுட்பம் சார்ந்தும் எதிர்காலத்துக்கான தொழிலாக இருக்கக்கூடிய யோசனைகள் அனைத்துமே ஸ்டார்ட் அப் தொழில்களுக்கான வாய்ப்புகளைப் பிரகாசமாகக் கொண்டிருக்கின்றன. ஒவ்வொரு நாளும் புதிய புதிய ஆச்சர்யங்களுடன் வந்துகொண்டிருக்கும் ஸ்டார்ட்அப் தொழில்களை வரவேற்கத் தயாராவோம்!