Published:Updated:

வாழ்க்கையில் எனர்ஜி தந்த டீக்கடை! தோல்விகளில் பிறந்த வெற்றி..!

சங்கர், சுரேஷ்
பிரீமியம் ஸ்டோரி
News
சங்கர், சுரேஷ்

ஒரு நாளைக்கு 50 டீ விற்பனை செய்த என்னோட நிறுவனம், இப்போ மாசத்துக்கு 13,000 டீக்களை விற்பனை செய்யுது!

‘‘வாழ்க்கையில் ஒவ்வொரு தோல்வியையும் கொண்டாடணும். என்னுடைய தோல்விகள்தாம் இன்னைக்கு என்னை ஒரு தொழில்முனைவோரா உருவாக்கி யிருக்கு’’ என்று ஒரு பிசினஸ்மேன் சொன்னால், வித்தியாசமான சிந்தனைதானே! இந்த வித்தியாசமான சிந்தனைக்குச் சொந்தக்காரர் சுரேஷ் ராதாகிருஷ்ணன். இவர் ‘சாய்காந்த்’ என்ற பிரபலமான டீ பிராண்டை உருவாக்கியவர். ரூ.10 லட்சம் முதலீட்டில் ஆரம்பித்த இவரின் தற்போதைய டேர்ன் ஓவர், மாதத்துக்கு ரூ.50 லட்சம். தன்னுடைய வெற்றியின் ரகசியத்தை நம்மிடம் பகிர்ந்துகொள்ளத் தொடங்கினார் சுரேஷ்.

“நல்ல வேலையில் சேர்ந்து வெளிநாட்டில் செட்டில் ஆகணும்னு சராசரிக் கனவுகளோட வாழ்க்கையைத் தொடங்குன நடுத்தரக் குடும்பத்துப் பையன் நான். பி.இ பட்டதாரி. அம்மா, அப்பா படிக்கலைன்னாலும் அவங்க சக்திக்கு மீறி என்னைப் படிக்க வச்சாங்க. படிப்புதான் மிடில் கிளாஸ் மக்களோட முதலீடுனு எங்க அப்பா அடிக்கடி சொல்வாரு.

வாழ்க்கையில் எனர்ஜி தந்த டீக்கடை! தோல்விகளில் பிறந்த வெற்றி..!

விகடன் Daily

Quiz

சேலஞ்ச்!

ஈஸியா பதில் சொல்லுங்க...

ரூ.1000 பரிசு வெல்லுங்க...

Exclusive on APP only
Start Quiz

அம்மா, அப்பா ஆசைப்பட்ட மாதிரியே படிப்ப முடிச்சு ஐ.டி நிறுவனத்தில் நல்ல சம்பளத்தில் வேலைக்குச் சேர்ந்துட்டதும் அவங்களுக்குப் பரம சந்தோஷம். நாலு வருஷம் ஐ.டி துறையில் வேலை பார்த்தேன். சம்பளத்துக்கு குறைச்சல் இல்லைன்னாலும் வாழ்க்கை எந்திரம் போல ஓடிக்கிட்டே இருந்த மாதிரி இருந்துச்சு. ஒருவர்கிட்ட வேலை பார்ப்பதைவிட, வேலை கொடுக்குற இடத்துக்கு வரணும்னு நினைச்சேன். அந்த நேரத்தில் பிசினஸ் பத்தி எனக்கு சுத்தமா எதுவும் தெரியாது. கைடு பண்றதுக்கும் ஆளில்லை. அப்பதான், பிசினஸ் பத்தின புத்தகங்களைப் படிக்க ஆரம்பிச்சேன்.

பிசினஸ் ஆரம்பிச்சுடலாம்னு முடிவு பண்ணி வீட்ல சொன்னதும், கொஞ்சம் பயந்துட்டாங்க. அதனால் வேலையை உடனே விட முடியல. பார்ட் டைமா பிசினஸ் பண்ணலாம்னு முடிவெடுத்தேன். சில எதிர்ப்புகள், நிறைய சமாதானங்களுக்குப் பிறகு, என் சேமிப்பு எல்லாவற்றையும் முதலீடாக்கி ஐ.டி டிரெயினிங் சென்டர் ஆரம்பிச்சேன். ஆனா, அதுதான் நான் என் வாழ்க்கையில செஞ்ச மிகப்பெரிய தப்பு.

ஒரு பிசினஸுக்கு முதலீட்டைவிட பிசினஸ் பண்றவங்களின் நேரமும் அக்கறையும் ரொம்ப முக்கியம்னு பிசினஸ் ஆரம்பிச்ச கொஞ்ச நாளிலேயே எனக்குப் புரிஞ்சுது. துணிஞ்சு வேலையை விட்டுட்டேன். ஆனாலும் அந்த பிசினஸ்ல என்னால சக்சஸ் ஆக முடியல. அஞ்சு வருஷத்தில் ரூ.40 லட்சம் கடனோட வெளிய வந்தேன். எப்படியாவது ஜெயிச்சுருவேன்னு வீட்டில் நான் சொல்லி யிருந்த எல்லா நம்பிக்கை வார்த்தைகளும் உடைஞ்சு போயிருந்தது. ஒரு மிடில் கிளாஸ் குடும்பத்துக்கு அது ரொம்ப பெரிய தொகை. வீட்ல எல்லாரும் உடைஞ்சு போயிட்டாங்க. சொந்தபந்தமெல்லாம் வஞ்சனையில்லாம அட்வைஸ் பண்ணாங்க. ஆனா, கடனிலிருந்து எப்படி மீண்டுவர்றதுங்கறதைப் பத்தி என் சிந்தனை முழுக்க இருந்தது.

உங்கள் அன்றாட தேவைகளின் அனைத்து பொருட்களையும் சிறந்த தள்ளுபடியில் வாங்க

VIKATAN DEALS

எல்லாரும் நான் தோத்துட்டதா சொன்னாங்க. அந்தக் கஷ்டத்தில்கூட, ‘நான் தோக்கல. என்னோட பிசினஸ் மாடல்தான் தோத்துருக்கு’ங்கிற எண்ணம் என் மனசுக்குள்ள ஸ்ட்ராங்கா இருந்துச்சு. பிசினஸ் ஆரம்பிச்ச திலிருந்து நான் பண்ண ஒவ்வொரு தப்பையும் டைரியில எழுதுனேன். இந்தத் தப்புகள் இல்லாமல் இன்னொரு பிசினஸ் ஆரம்பிக்கிற ஐடியாவுக்கு வந்தேன். இன்னொரு பிசினஸ்னு வீட்டில சொன்னதும் சம்மதிக்கவே இல்ல. ஆனா, என் மனைவி துணை நின்னாங்க. குடும்பப் பொறுப்புகளை அவங்க தோளில் ஏத்திக்கிட்டு என் கனவுக்கு வழிவிட்டாங்க.

சூப்பர் ஸ்டார் ரஜினி சார் மாதிரி என் பிராண்டும் தனித்து தெரியணும்னுதான் ‘சாய்காந்த்’னு பெயர் வச்சேன்.

என்னோட புது பிசினஸ் அன்றாட வாழ்க்கையில் தவிர்க்கவே முடியாத ஒன்றாக இருக்கணும்னு தோணுச்சு. நான் ஒரு டீ லவ்வர். நல்ல டீ குடிக்கணுங்கிறதுக்காக 1 கிலோ மீட்டர் நடக்கச் சொன்னாலும் நடப்பேன். அதனால டீ பிரியர்களுக்கான ஷாப் தொடங்கலாம்னு ஐடியா வந்துச்சு. அது தொடர்பா நிறைய சர்வே பண்ண ஆரம்பிச்சேன். ரெகுலரான டீ மாஸ்டர்கள் கிடைக்காதது, பெண்கள் தனியா நின்னு டீ குடிக்கும் சூழல் இல்லாதது, சுத்தம் இல்லாததுனு நிறைய பிரச்னைகள் டீ கடைகளுக்கு இருந்தது தெரிஞ்சுது. இந்த பிரச்னைகளை எல்லாம் நிவர்த்தி பண்ற மாதிரியான ஒரு அவுட்லெட்டில் என்னோட பிசினஸை ஆரம்பிக்கணும்னு முடிவு செஞ்சேன். அப்படியான ஒரு ஷாப் டிசைனை உருவாக்குனேன்.

என்னோட பிசினஸ் ஐடியாவைக் கேட்டுட்டு நிறைய பேர் சிரிச்சாங்க. யார் கருத்தையும் நான் மூளைக்கு ஏத்திக்கல. சில லட்சங்கள் லோன் வாங்கி ‘சாய் கிங்’னு ஒரு பிராண்டை ஆரம்பிச்சேன். என்னோட பிராண்ட்ல யாரு எப்போ டீ குடிச்சாலும் டேஸ்ட் ஒரே மாதிரியா இருக்கணும்னு முடிவு பண்ணி, டீயில் சேர்க்கும் எல்லாப் பொருளையும் ஓர் அளவுக்குள் கொண்டு வந்தேன். அதனால மாஸ்டர்களே தேவைப்படல. ஊட்டியிலிருந்து கொண்டு வரப்படும் ஃப்ரெஷ் டீத்தூளில் டீ தயார் பண்ணோம்.

Follow @ Google News: கூகுள் செய்திகள் பக்கத்தில் விகடன் இணையதளத்தை இங்கே கிளிக் செய்து ஃபாலோ செய்யுங்கள்... செய்திகளை உடனுக்குடன் பெறுங்கள்.

கொஞ்சம் எழுந்து நிற்க ஆரம்பிச்சதும், எல்லாரும் வித்தியாசமான ஐடியானு பாராட்டுனாங்க. மூணு ஐ.டி நிறுவனங்களில் ஷாப் ஓப்பன் பண்ணினேன். ஆரம்பத்தில நல்ல ரீச் இருந்துச்சு. ஆனா தொடர்ந்து ஐ.டி நிறுவனகளுக்கு டீ டெலிவரி பண்றதில் நிறைய சிக்கல். பணப்புழக்கத்துல பிரச்னை வந்துச்சு. என்னால பிசினஸைத் தொடர்ந்து நடத்த முடியல. ஐ.டி நிறுவனங்களில் வெச்சுருந்த மூணு ஸ்டால்களையும் குளோஸ் பண்ணினேன்.

சங்கர், சுரேஷ்
சங்கர், சுரேஷ்

அடுத்த சில வருஷத்தில் 15 ஸ்டால்கள் திறக்கணும்னு ஐடியாவோட ஓட ஆரம்பிச்சேன். முதலீடு செய்ய என்கிட்ட 1 ரூபாய்கூட கிடையாது. இன்வெஸ்டர்களின் உதவியோட களமிறங்குனேன்.

பொதுமக்கள் எல்லாரும் பயன்படுத்தும் வகையிலான டீ ஷாப் வைக்கலாம்னு முடிவு பண்ணேன். என் ஃபிரெண்ட் சங்கரையும் பார்ட்னரா இணைச்சுக்கிட்டேன். என்னுடைய செகண்ட் இன்னிங்க்ஸ் மாஸா இருக்கணும்னு நிறைய மெனக்கெட்டேன். பிராண்டை ரீ பிராண்ட் பண்ணினேன். லோகோவில் ஆரம்பிச்சு நிறுவனத்தின் பெயர் வரை ஒவ்வொன்றையும் பார்த்துப் பார்த்து ரெடி பண்ணினேன். சூப்பர் ஸ்டார் ரஜினி சார் மாதிரி என் பிராண்டும் தனித்து தெரியணும்னு தான் ‘சாய்காந்த்’னு பெயர் வச்சேன். நிறைய டீயை டெஸ்ட் பண்ணி விதவிதமான 21 வகையான டீ வகைகளை அறிமுகம் செஞ்சேன். கொரில்லா மார்க்கெட்டிங் முறை மூலமா நிறைய விளம்பரப்படுத்துனேன். ஒரு நாளைக்கு 50 டீ விற்பனை செய்த என்னோட நிறுவனம், இப்போ மாசத்துக்கு 13,000 டீக்களை விற்பனை செய்யுது. இப்போ 16 இடத்தில் நடத்தப்படும் நிறுவனமாக உருவாகியிருக்கு.

சில வருஷ போராட்டத்துக்குப் பின்னால் நான் இப்ப ஒரு சக்சஸ்ஃபுல் பிசினஸ்மேன். இது என் தன்னம்பிக்கையோட வெற்றி. நம்முடைய ஆசைகளுக்கும் கனவுகளுக்கும் உயிர்கொடுக்கவும், உழைக்கவும் நாம் தயாராக இருக்கும்போது நம்முடைய எண்ணங்களை யாராலும் அழிக்க முடியாது. போராடித்தான் ஜெயிக்க முடியும்’’ என்றபடி விடை பெறுகிறார் சுரேஷ்.