Published:Updated:

ஜியோவுடன் கைகோக்கும் ஃபேஸ்புக்! - யாருக்கு லாபம்?

ஃபேஸ்புக் ஜியோ
பிரீமியம் ஸ்டோரி
ஃபேஸ்புக் ஜியோ

ஃபேஸ்புக் ஜியோ இணைப்பு, சில டிஜிட்டல் புரட்சிகளை இந்தியாவில் ஏற்படுத்தும்.

ஜியோவுடன் கைகோக்கும் ஃபேஸ்புக்! - யாருக்கு லாபம்?

ஃபேஸ்புக் ஜியோ இணைப்பு, சில டிஜிட்டல் புரட்சிகளை இந்தியாவில் ஏற்படுத்தும்.

Published:Updated:
ஃபேஸ்புக் ஜியோ
பிரீமியம் ஸ்டோரி
ஃபேஸ்புக் ஜியோ
முகேஷ் அம்பானிக்குச் சொந்தமான ரிலையன்ஸ் ஜியோ நிறுவனத்தின் 9.9% பங்குகளை 5,700 கோடி அமெரிக்க டாலர் (இந்திய ரூபாய் மதிப்பில் ரூ.43,574 கோடி) கொடுத்து வாங்கியிருக்கிறது ஃபேஸ்புக் நிறுவனம்.

டிஜிட்டல் உலகில் மாபெரும் சாம்ராஜ்ஜியத்தை கட்டமைத்திருக்கும் இந்த இரு நிறுவனங்களின் இந்த முதலீட்டு இணைப்பு, உலகின் கவனத்தை ஈர்த்திருக்கிறது.

ஃபேஸ்புக் ஜியோ
ஃபேஸ்புக் ஜியோ

ஒட்டுமொத்த விகடனுக்கும் ஒரே ஷார்ட்கட்!

“இந்திய நிறுவனங்களின் பங்குகளை வாங்குவது ஃபேஸ்புக் நிறுவனத்துக்கு இது முதன்முறையல்ல. முன்னதாக, `மீஷோ’ (Meesho) என்ற சமூக வர்த்தக நிறுவனத்திலும், `அன்அகாடமி’ (Unacademy) என்ற ஆன்லைன் கல்வி சார்ந்த ஸ்டார்ட்அப் நிறுவனத்திலும் பங்குகளை வாங்கியிருக்கிறது ஃபேஸ்புக். ஆனால், அந்த முதலீடுகள் பலரின் கவனத்தைப் பெறவில்லை. இப்போது ரிலையன்ஸ் ஜியோ பங்குகளை வாங்கியது எல்லோரும் பேசும் விஷயமாக மாறியிருக்கிறது. ஏன்?

இந்தியத் தொழில்நுட்பத்துறையில் இதுவரை இல்லாத அளவுக்கு மிகப்பெரிய அந்நிய நேரடி முதலீடாக இருக்கிறது ஃபேஸ்புக்கின் இந்த முதலீடு. இதன் மூலம், ரிலையன்ஸ் ஜியோ நிறுவனத்தின் சிறுபான்மை பங்குதாரர்களிலேயே அதிக அளவிலான பங்குகளைக்கொண்டிருக்கும் பங்குதாரராக இனி ஃபேஸ்புக் நிறுவனம் இருக்கும்.

இந்த முதலீட்டால் யாருக்கு, என்ன லாபம்..? இந்தியா, ஃபேஸ்புக் சமூக வலைதளத்துக்கு உலகிலேயே அதிக பயனாளர்கள் உள்ள நாடாக இருந்துவருகிறது. இந்த நிறுவனத்துக்குச் சொந்தமான வாட்ஸ்அப் ஆப்ளிகேஷனுக்கு இந்தியாவில் சுமார் 30 கோடி பயனாளர்கள் இருப்பதாகப் புள்ளிவிவரங்கள் சொல்கின்றன. எனவே, வேகமாக வளர்ந்துவரும் இந்தியச் சந்தையில் ஃபேஸ்புக் நிறுவனம் வலுவான இடத்தைப் பிடிக்க இந்த ஒப்பந்தம் உதவும்.

மேலும் இசை, நேரலை ஒளிபரப்பு, ஆன்லைன் பணப் பரிமாற்றம் உள்ளிட்ட பல துறைகளில் இயங்கும் ரிலையன்ஸ் ஜியோ நிறுவனத்தில் பங்குதாரர் ஆகியிருப்பதன் மூலம் இந்திய வர்த்தகச் சந்தைக்குள் நேரடியாகக் காலடி எடுத்துவைக்கிறது ஃபேஸ்புக். இதனால் இந்தியாவில் அந்த நிறுவனத்துக்கு ஏற்கெனவே இருக்கும் தொழில் ஆதாயங்களை விரிவுபடுத்த இந்த முதலீடு நிச்சயம் உதவும். 2016-ம் ஆண்டு ஜியோ தொடங்கப்பட்ட தேதியிலிருந்து தற்போது வரை சுமார் 38.8 கோடி வாடிக்கையாளர்களைக் கொண்டிருப்பதால், அவர்களை நேரடியாக ஃபேஸ்புக் சென்றடைய முடியும்.

ஃபேஸ்புக் ஜியோ இணைப்பு, சில டிஜிட்டல் புரட்சிகளை இந்தியாவில் ஏற்படுத்தும்.

உங்கள் அன்றாட தேவைகளின் அனைத்து பொருட்களையும் சிறந்த தள்ளுபடியில் வாங்க

VIKATAN DEALS
விகடனின் அதிரடி ஆஃபர்!
தற்பொழுது ரூ.750 சேமியுங்கள்! ரூ.1749 மதிப்புள்ள 1 வருட டிஜிட்டல் சந்தா999 மட்டுமே! மிஸ் பண்ணிடாதீங்க!Get Offer

கடன் சுமை குறையும்!

“ரிலையன்ஸ் ஜியோ நிறுவனம் 2021, மார்ச் மாதத்துக்குள் கடன் ஏதும் இல்லாத நிறுவனமாக மாற வேண்டும்” என முகேஷ் அம்பானி சொல்லிவந்த நிலையில், ஃபேஸ்புக் நிறுவனம் ஜியோ நிறுவனத்தில் செய்திருக்கும் முதலீடு அதற்கு மிகவும் உதவும்.

ஃபேஸ்புக் ஜியோ
ஃபேஸ்புக் ஜியோ

இந்தப் பங்கு விற்பனையின் மூலம் கிடைத்திருக்கும் பணம், ரிலையன்ஸ் நிறுவனத்தைக் கடன் சுமையிலிருந்து கண்டிப்பாக மீட்டெடுக்கும். தவிர, இந்த முதலீட்டின் மூலம் ஜியோ பிளாட்ஃபார்ம்ஸ், ரிலையன்ஸ் ரீடெயில் உள்ளிட்டவை ஃபேஸ்புக்கின் வாட்ஸ்அப்பைப் பயன்படுத்தி வர்த்தகத்தை விரிவுபடுத்த முடியும். ‘ஜியோ மார்ட்’ எனும் ஆப் மூலம் உணவுப் பொருள் விநியோகத்தை அதிகரிக்கவும் ரிலையன்ஸ் நிறுவனம் முன்னதாகத் திட்டமிட்டிருந்தது. அது இனி எளிதில் சாத்தியமாகும்.

‘சிறு, குறு தொழில்முனைவோர்களை ஊக்குவிக்கும் வகையில் சின்னச் சின்ன மளிகைக் கடை உரிமையாளர்களும் வாட்ஸ்அப் செயலியைப் பயன்படுத்தி ஆர்டர்களைப் பெறலாம். அவர்களின் வாடிக்கை யாளர்களுக்குத் தொடர்ந்து சிறப்பான சேவைகளை வழங்குவதற்கான யோசனைகளையும் விரைவில் நடைமுறைப் படுத்துவோம்’ என்று இந்த முதலீட்டு இணைப்பின் மூலம் இரு நிறுவனங்களும் தெரிவித்துள்ளன.

Follow @ Google News: கூகுள் செய்திகள் பக்கத்தில் விகடன் இணையதளத்தை இங்கே கிளிக் செய்து ஃபாலோ செய்யுங்கள்... செய்திகளை உடனுக்குடன் பெறுங்கள்.

டிஜிட்டல் பணப் பரிவர்த்தனை!

இந்தியாவில் மத்திய அரசு டிஜிட்டல் பணப் பரிவர்த்தனையை ஊக்குவிக்கும் வகையில் பல்வேறு நடவடிக்கைகளை மேற்கொண்டது நாம் அனைவரும் அறிந்ததே. மத்திய அரசின் இந்த தீவிர முயற்சியால், பண மதிப்பிழப்பு நடவடிக்கைக்குப் பின்னர் இந்தியாவில் டிஜிட்டல் பணப் பரிவர்த்தனை சற்று வேகமாகவே அதிகரித்தது.

ஜியோ
ஜியோ

சினிமா டிக்கெட்டுகள், ரயில் டிக்கெட்டுகள், மின் கட்டணம், உணவகங்களில் பணம் செலுத்துதல், பணம் கொடுக்கல் வாங்கல், பெட்ரோல் போடுவதற்கு, ஷாப்பிங் செய்வதற்கு என அனைத்து இடங்களிலும் டிஜிட்டல் பணப் பரிவர்த்தனைகள் பெருகின. டிஜிட்டல் பணப் பரிவர்த்தனைகளை ஊக்குவிக்கும் வகையில், போன் பே, பேடிஎம், கூகுள் பே, பீம் போன்ற ஆப்களும் பல்வேறு சலுகைகளை வாரி இரைத்தன. இதையெல்லாம் கவனித்துவந்த, ஃபேஸ்புக் நிறுவனம் இந்தியாவில் தானும் டிஜிட்டல் பரிவர்த்தனையில் கால் பதிக்க வேண்டும் என நினைத்தது. இதற்காகத் தன் ‘வாட்ஸ்அப் பே’ ஆப்ளிகேஷனைப் பயன்படுத்த முடிவு செய்தது. ஆனால், அந்த ஆப்ளிகேஷனுக்கான வரவேற்பு இந்திய மக்களிடம் குறைவாகவே இருந்துவந்தது. குறுகிய காலத்தில் அதிக வாடிக்கையாளர்களைப் பெற்றிருக்கும் ஜியோவுடன் தற்போது இணைந்திருப்பதால், இனி ஃபேஸ்புக் நிறுவனத்துக்கு வாட்ஸ்அப் மூலமான பணப் பரிவர்த்தனையும் கைகூடும்.

இந்தியாவில் 40 கோடி ஸ்மார்ட்போன் பயன்பாட்டாளர்கள் வாட்ஸ்அப் பயன்படுத்துவதாகவும், பல கோடிப் பேர் ஜியோவையும் பயன்படுத்துவதாகவும் புள்ளிவிவரங்கள் சொல்கின்றன.

இந்தியாவில் சிம் நிறுவனங்கள் அதிகபட்ச கட்டணங்களை வசூலித்துக்கொண்டிருந்த போது, திடீர் புரட்சி மூலம் டேட்டாக்களையும், போன் அழைப்புகளையும் மிகக் குறைவான விலைக்கு கிடைக்கச் செய்தது ஜியோ. அந்த வகையில், டிஜிட்டல் உலகின் முடிசூடா மன்னர்களான ஃபேஸ்புக்-ஜியோ இணைப்பு, சில டிஜிட்டல் புரட்சிகளை இந்தியாவில் ஏற்படுத்தும். டிஜிட்டல் பணப் பரிவர்த்தனையில் அதிவேக வளர்ச்சி கண்டுவரும் பேடிஎம் நிறுவனத்துக்கு இனி கடும் போட்டியைக் கொடுக்கும் ஃபேஸ்புக் - ஜியோ கூட்டணி!

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism