Published:Updated:

கொரோனா... முடங்கிய ஏற்றுமதி! - சந்திக்க வேண்டிய சவால்கள்!

ஏற்றுமதி
பிரீமியம் ஸ்டோரி
ஏற்றுமதி

மூலப் பொருள், மதிப்புகூட்டுப் பொருள் பற்றாக்குறையால் ஏற்றுமதித்துறை முற்றிலுமாக முடங்கியுள்ளது!

கொரோனா... முடங்கிய ஏற்றுமதி! - சந்திக்க வேண்டிய சவால்கள்!

மூலப் பொருள், மதிப்புகூட்டுப் பொருள் பற்றாக்குறையால் ஏற்றுமதித்துறை முற்றிலுமாக முடங்கியுள்ளது!

Published:Updated:
ஏற்றுமதி
பிரீமியம் ஸ்டோரி
ஏற்றுமதி
ர்வதேச வர்த்தகம், கொரோனா அச்சத்தின் காரணமாகப் பெருமளவுக்கு முடங்கியிருக்கிறது; இந்திய ஏற்றுமதியாளர்களுக்கு மிகப்பெரும் சவாலாக உருவெடுத்திருக்கிறது.

அந்நிய வாடிக்கையாளர்களின் ஏற்றுமதி ஆர்டர்கள் ரத்து செய்யப்படுவதால் ஏற்படும் இழப்புகள் ஒருபக்கம்... உள்ளூர் ஊரடங்கு உத்தரவால் ஏற்கெனவே இருக்கும் ஆர்டர்களுக்கான உற்பத்தியையும் சரியான நேரத்தில் நிறைவேற்ற முடியாமல் போகும் இன்னல்கள் மறுபக்கம் என ஏற்றுமதியாளர்களுக்கு இரு பக்கமும் அடி. மேலும், கடந்த இரு மாதங்களாக அந்நியச் செலாவணிச் சந்தையில் நிகழ்ந்துவரும் வேகமான ஏற்றத்தாழ்வுகளும் ஏற்றுமதியாளர்களைக் கடுமையாக பாதித்திருக்கின்றன.

கொரோனா... முடங்கிய ஏற்றுமதி! - சந்திக்க வேண்டிய சவால்கள்!

ஒட்டுமொத்த விகடனுக்கும் ஒரே ஷார்ட்கட்!

ஏற்றுமதி ஆர்டர்கள் ரத்து..!

2020-ம் ஆண்டின் ஆரம்பகாலகட்டம் இந்திய ஏற்றுமதியாளர்களுக்கு மகிழ்ச்சிகரமாகவே அமைந்திருந்தது. கொரோனா நோய் காரணமாக சீனாவில் ஏற்பட்ட உற்பத்தி பாதிப்பு, பல மேற்கத்திய வாடிக்கையாளர்களின் கவனத்தை இந்தியாவின் பக்கம் திருப்பியது. டாலருக்கு நிகரான ரூபாயின் வீழ்ச்சியும் இந்திய ஏற்றுமதியாளர்களுக்கு உதவியாக இருந்தது. டாலருக்கு நிகரான யூரோ நாணயத்தின் உயர்வும் மற்றொரு சாதகமான அம்சமாக அமைந்தது.

கொரோனா வைரஸ்
கொரோனா வைரஸ்

ஆனால், கடந்த இரு வாரங்களாக இந்திய ஏற்றுமதியாளர்கள் கடும் சவால்களை எதிர்கொண்டுவருகின்றனர். குறிப்பாக, பெரும்பாலான மேற்கத்திய நாடுகள் கொரோனாவால் முடங்கிப்போயிருப்பதால், தற்போது பல ஏற்றுமதி ஆர்டர்கள் ரத்தாகியிருக்கின்றன அல்லது சில மாதங்களுக்கு தற்காலிகமாக ஒத்திவைக்கப்பட்டிருக்கின்றன.

மூலப் பொருள், மதிப்புகூட்டுப் பொருள் பற்றாக்குறையால் ஏற்றுமதித்துறை முற்றிலுமாக முடங்கியுள்ளது!

உங்கள் அன்றாட தேவைகளின் அனைத்து பொருட்களையும் சிறந்த தள்ளுபடியில் வாங்க

VIKATAN DEALS
விகடனின் அதிரடி ஆஃபர்!
தற்பொழுது ரூ.750 சேமியுங்கள்! ரூ.1749 மதிப்புள்ள 1 வருட டிஜிட்டல் சந்தா999 மட்டுமே! மிஸ் பண்ணிடாதீங்க!Get Offer

அரசுத் தரப்பு கட்டுப்பாடுகள்..!

கொரோனா பரவலைத் தடுப்பதற்காக உலகெங்கும் இந்தியா உள்ளிட்ட பல அரசாங்கங்கள் கடுமையான ஊரடங்கு உத்தரவுகளைப் பிறப்பித்துவருகின்றன. இதனால் சரக்குப் போக்குவரத்து சர்வதேச அளவிலும், உள்நாட்டிலும் தடை செய்யப்பட்டுள்ளது. உற்பத்திக்கான மூலப் பொருள்கள், மதிப்பு கூட்டுப் பொருள்கள், பணியாட்கள் பற்றாக்குறையால் ஏற்றுமதித்துறை முற்றிலுமாக முடங்கிப் போயிருக்கிறது. மருந்துப் பொருள்கள், மருத்துவ உபகரணங்கள் போன்ற அத்தியாவசியப் பொருள்களின் ஏற்றுமதி மீதான அரசின் புதிய கட்டுப்பாடுகளும் அந்தந்தத் தொழில் துறைகளைப் பாதித்திருக்கின்றன.

ஏற்றுமதி
ஏற்றுமதி

முடங்கும் மூலதனம்!

ஆங்காங்கே தேங்கியிருக்கும் சரக்குகளும், தாமதமாகும் பணப் பரிவர்த்தனைகளும் ஏற்றுமதிக்கான மூலதனத் தேவையை அதிகப் படுத்தியுள்ளன. இதனால், கூடுதலான வங்கிக் கடன், சுய முதலீடு ஆகியவற்றை உடனடியாகவும் போதுமான அளவும் திரட்ட இயலாத சிறு, குறு ஏற்றுமதியாளர்கள் பெருமளவு பாதிப்படைய வாய்ப்பிருக்கிறது.

அந்நியச் செலாவணிச் சந்தையில் ஏற்றத்தாழ்வுகள்..!

பொதுவாகவே, டாலருக்கு நிகரான இந்திய ரூபாய் வீழ்ச்சியடைவது என்பது ஏற்றுமதியாளர்களுக்கு மகிழ்ச்சி தரக்கூடிய ஒன்று. ஏனென்றால், ஏற்றுமதியின் மூலம் ஈட்டக்கூடிய அந்நியச் செலாவணியை நாணயச் சந்தையில் விற்று அதிகப்படியான ரூபாயைப் பெற்றுக்கொள்ள முடியும். ஆனால், ரூபாயின் மதிப்பு வெகு வேகமாகச் சரிவது ஏற்றுமதியாளர்களுக்கு எதிர்மறையான சிக்கல்களை ஏற்படுத்திவிடுகிறது. பொதுவாக, ஏற்றுமதி ஆர்டரின் அடிப்படையில் ஏற்றுமதியாளர்கள் நாணயச் சந்தையில் டாலர் ஃபார்வேர்டுகளை விற்பனை செய்கின்றனர். ஃபார்வேர்டு கான்ட்ராக்ட் முதிர்ச்சி அடையும் தேதியில், தமது அந்நிய நாட்டு வாடிக்கையாளர் களிடமிருந்து பெற்ற டாலரை உள்ளூர் வங்கிகளிடம் டெலிவரிக்காக ஒப்படைக்கின்றனர். கொரோனா சிக்கலின் காரணமாக, மேற்கத்திய நாடுகளைச் சேர்ந்த வாடிக்கை யாளர்கள் பலரும் தமது ஏற்றுமதி ஆர்டர்களை ரத்து செய்துவரும் நிலையில், இந்திய ஏற்றுமதியாளர்களால் ஏற்கெனவே ஒப்புக்கொண்டபடி குறித்த தேதியில் டாலர் டெலிவரி செய்ய முடியாது. இவ்வாறான தருணத்தில், முதிர்வு தினத்தன்று சந்தை விலை அடிப்படையில் டாலர் கான்ட்ராக்ட்டுகளை ரத்து செய்ய நேரிடும். இந்திய ரூபாய்க்கு நிகரான டாலர் விலை தற்போது அதிகரித்துள்ள நிலையில், ஏற்றுமதியாளருக்குப் பெருத்த நஷ்டம் ஏற்பட வாய்ப்பிருக்கிறது.

உதாரணமாக, இரண்டு மாதங்களுக்கு முன்னர், டாலருக்கு நிகரான ரூபாய் மதிப்பு 71-ஆக இருந்தபோது ஒரு ஏற்றுமதியாளர் ஒரு மில்லியன் டாலர் (71.50) அளவுக்கு (ரூபாய் மதிப்பில் 7.15 கோடி) ஃபார்வேர்டு விற்பனை செய்திருக்கிறார் என்று வைத்துக்கொள்வோம். தற்போது டாலரின் மதிப்பு ரூ.76-ஆக உயர்ந்துள்ள நிலையில், முன்கூட்டியே ஒப்புக்கொண்டபடி டாலரை டெலிவரி செய்ய முடியாத ஏற்றுமதியாளருக்கான நஷ்டம் (ஒரு டாலருக்கு ரூ.4.50) ரூ.45 லட்சம் ரூபாயாக இருக்கும். இந்த அளவுக்குப் பெரிய நஷ்டத்தை ஒரு சிறு முதலீட்டாளரால் எப்படித் தாங்கிக்கொள்ள முடியும்?

Follow @ Google News: கூகுள் செய்திகள் பக்கத்தில் விகடன் இணையதளத்தை இங்கே கிளிக் செய்து ஃபாலோ செய்யுங்கள்... செய்திகளை உடனுக்குடன் பெறுங்கள்.

ஃபெடாய் அறிவித்த சலுகைகள்!

இந்த நிலையில், ஃபெடாய் (Foreign Exchange Dealers’ Association of India-FEDAI) நிறுவனம், இந்திய ரிசர்வ் வங்கியின் அனுமதியுடன் சில நாணய வர்த்தக விதிகளில் தளர்வுகளை அறிவித்துள்ளது.

ஏற்றுமதி
ஏற்றுமதி

1. ஏற்றுமதி/இறக்குமதி ஆர்டர்களுக்கான ஆதாரத்தைச் சமர்ப்பிக்க வேண்டிய கால அவகாசம் (ஃபார்வேர்டு கான்ட்ராக்ட் ஒப்பந்தம் மேற்கொண்ட தினத்திலிருந்து) 15 நாள்களிலிருந்து 60 நாள்களாக அதிகரிக்கப் பட்டிருக்கிறது.

2. `ஃபார்வேர்டு கான்ட்ராக்ட் முதிர்ச்சி அடையும் தினத்துக்கு முன்னதாக மட்டுமே ஃபார்வேர்டு கான்ட்ராக்ட்டுகளை ரத்து செய்ய முடியும்’ என்ற விதியில் தளர்வு வழங்கப்பட்டுள்ளது. தற்போது முதிர்ச்சி நாளுக்குப் பிறகு மூன்று தினங்கள் வரை ரத்து செய்ய முடியும்.

3. அந்நியச் செலாவணிப் பரிமாற்றத் தேவை குறித்த மாதாந்தர மற்றும் காலாண்டு அறிக்கைகளை 30.04.2020 வரை சமர்ப்பிக்கத் தேவையில்லை.

ஏற்றுமதியாளர்களின் குறைகள் தீர்க்கப்பட வேண்டும்!

மிகவும் அவசியமானதும் அரிதானதுமான அந்நியச் செலாவணியை நம் நாட்டுக்கு ஈட்டித் தருபவர்கள் ஏற்றுமதியாளர்கள். உலகளாவிய போட்டியைச் சமாளிக்க வேண்டிய கட்டாயத்திலும் அவர்கள் இருக்கிறார்க்கள். இந்தக் கடினமான தருணத்தில் அவர்களுக்குத் தேவையான உதவிகளைச் செய்ய வேண்டியது, வங்கிகள், அரசு மற்றும் ரிசர்வ் வங்கியின் உடனடிக் கடமை.

கடன் மற்றும் வட்டியை திருப்பிச் செலுத்தும் கால அவகாசத்தை நீட்டித்தல், தேவையான அளவுக்கு புதிய கடன் வசதியை அளித்தல், வட்டிச் சலுகையை அதிகரித்தல், ஃபார்வேர்டு கான்ட்ராக்ட் அளவுகளை அதிகப்படுத்துதல், ஏற்றுமதிச் சலுகைகளை அதிகப்படுத்துதல், நிலுவையாக அரசு வழங்க வேண்டிய ஊக்கத் தொகையை வழங்குதல் போன்றவற்றைப் போர்க்கால அடிப்படையில் உடனடியாக மேற்கொள்ள வேண்டும்.

குறிப்பு: இந்தக் கட்டுரையில் சொல்லப்பட்டிருப்பவை கட்டுரையாளரின் தனிப்பட்ட கருத்துகளே.

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism