Published:Updated:

புதிய பகுதி  : பிசினஸில் ஜெயிக்க உதவும் பரம ரகசியங்கள்! - நீங்களும் அறிந்துகொள்ளுங்கள்...

MBA BOOKS

பிரீமியம் ஸ்டோரி
ரு பிசினஸ் ஆரம்பித்து பெரும் பணம் சேர்க்க வேண்டும் என்ற ஆசை எல்லோருக்குமே இருக்கும். கூடவே, நிறைய பயமும் இருக்கும். ‘பிசினஸ் ஆரம்பித்து நஷ்டம் வந்தால்...’, ‘நாம் ஆரம்பிக்கும் பிசினஸ் சரியாகப் போகவில்லை என்றால்...’ எனப் பல கேள்விகள் நம் மனசுக்குள் எழுந்து, எந்த பிசினஸையும் செய்ய விடாமல் நம்மைத் தடுத்துவிடும்.

‘‘இவையெல்லாம் தேவையற்ற பயமும் அச்சமுமே. பிசினஸில் வெற்றி பெற அது எப்படிச் செயல் படுகிறது எனச் சில அடிப்படை விஷயங்களை நன்றாகப் புரிந்து கொண்டாலே போதும்.

பிசினஸை ஆரம்பிப்பது எப்படி, ஒரு பிசினஸ் எப்படி நடக்கிறது, நன்கு நடக்கும் பிசினஸை விரிவாக்கம் செய்வது எப்படி, பிசினஸ் சம்பந்தப்பட்ட திறன்களைக் கொண்டு நம்முடைய தனிப்பட்ட வாழ்க்கையின் இலக்குகளை அடைவது எப்படி என்பது குறித்து உலக மக்கள் தொகையில் ஒரு சதவிகிதத்துக்கும் குறைவான மக்களே புரிந்து வைத்துக் கொண்டுள்ளனர்’’ என்று பிசினஸ் பற்றிய பல தவறான பிம்பங்களை உடைக்கும் ‘தி பர்ஷனல் எம்.பி.ஏ’ என்ற புத்தகத்தில் பிசினஸில் ஜெயிக்க உதவும் பரம ரகசியங்கள் பல உள்ளன.

ஜோஷ் காஃப்மென் எழுதியிருருக்கும் இந்தப் புத்தகத்தில் சொல்லப்பட்டுள்ள முக்கியமான விஷயங்கள் இனி...

புதிய பகுதி  : பிசினஸில் ஜெயிக்க உதவும் பரம ரகசியங்கள்! - நீங்களும் அறிந்துகொள்ளுங்கள்...

226 அடிப்படை விஷயங்கள்..!

1. பிசினஸ் குறித்த அனைத்து விஷயங்களையும் நீங்கள் கரைத்துக் குடிக்கத் தேவையில்லை. சில அதிமுக்கியமான அடிப்படை விஷயங்களை மட்டும் தெளிவாகத் தெரிந்துகொள்வதே போதுமானது. இலகுவான 226 அடிப்படை விஷயங் களைப் புரிந்துகொண்டால் பிசினஸ் என்பது உங்கள் வசப்படும்.

2. எந்த பிசினஸ் ஆனாலும் சரி, அவை அனைத்துமே ஒரு வரைமுறை யிலேயே இயங்குவதாக இருக்கும். இந்த வரைமுறைகளைத் தெளிவாகப் புரிந்துகொள்வதில்தான் பிசினஸை நடத்துவதன் சூட்சுமம் இருக்கிறது.

கார் ஓட்டும்போது வேகம் குறைந்தால், உடனடியாக ஆக்சி லேட்டரை அழுத்த வேண்டும் என்பது எப்படி நமக்குத் தானாகத் தெரிகிற மாதிரி, உங்கள் பிசினஸில் நீங்கள் எதிர்கொள்ளும் சூழ்நிலை களுக்கேற்ப தானாகவே செயல்படும் திறனை உங்களால் நிச்சயமாகப் பெற முடியும்.

பிசினஸ் குறித்த அனைத்து விஷயங் களையும் நீங்கள் கரைத்துக் குடிக்கத் தேவை இல்லை. இலகுவான 226 விஷயங்களைப் புரிந்து கொண்டால் போதும்!

பிசினஸ் என்றாலே ரிஸ்க்...

3. பிசினஸ் தொடங்குவது ரிஸ்க்கான விஷயம் என்பது தவறான எண்ணம். நிச்சயமற்ற சூழலிலேயே அனைத்து பிசினஸ்களும் இயங்கு கின்றன. சில நிச்சயமற்ற சூழ் நிலைகள் சுலபமாகக் கையாளக் கூடியவையாக இருக்கின்றன. அதையும் தாண்டி இருக்கும் நிச்சய மற்ற சூழ்நிலைகளில் ரிஸ்க்கைக் குறைப்பதற்கான வழிகள் பலவும் இருக்கவே செய்கின்றன.

4. வெற்றிகரமான பிசினஸ் ஒன்றை நிறுவ தவறுகளே இல்லாத திட்டம் (Plan) ஒன்று கையில் தயாராக இருக்க வேண்டும் என்ற எண்ணமும் தவறானதே. என்னதான் திட்டம் போட்டுச் செய்தாலும், சில சவால்கள் திடீரென முளைத்து உங்களுக்கு ஆச்சர்யம் தர வேண்டும். அவற்றை நீங்கள் எதிர்கொள்வதைத் தவிர, வேறு வழியில்லை.

5. ஒரு பிசினஸை ஆரம்பிக்கும் முன்பே எக்கச்சக்கமான முதலீட்டைத் திரட்ட வேண்டும் என்று நினைக்காதீர்கள். சரியான வாய்ப்புகள் உங்களுக்குக் கைகூடிவந்தால், உங்கள் கையில் இருக்கும் பணம்போக மேலும் முதலீடு தேவை எனில் மட்டுமே அதிக அளவிலான முதலீட்டைத் திரட்டுங்கள். முதலீடு மட்டுமே பிசினஸில் ஜெயிக்க உதவாது.

6. பிசினஸில் வெற்றி பெற உங்களுக்கு யாரைத் தெரியும் என்பதைவிட உங்களுக்கு என்ன தெரியும் என்பதுதான் முக்கியம். பர்சனல் நெட்வொர்க் என்பது கொஞ்சம் தேவையான ஒன்றாக இருக்கின்றபோதிலும் அந்த நெட்வொர்க்கை எப்படி வெற்றிக்குப் பயன் படுத்திக்கொள்ளப் போகிறோம் என்பதற்கான அறிவே மிக முக்கிய மானதாகும்.

நீங்கள் தரும் விஷயம் அல்லது விற்கும் பொருள் நிறைய பேருக்குத் தேவைப்படாவிட்டால் அல்லது அதுபோன்ற விஷயத்தை உங்களால் தர முடியாவிட்டால் அந்த பிசினஸில் நீண்ட நாள் நிலைத்திருக்கும் வாய்ப்பு குறைவு!

மார்க்கெட்டிங் ரிசர்ச்!

7. அனைவரும் மதிக்கும் ஒரு பொருளை / சேவையை உருவாக்கித் தர மக்களின் தேவையைப் புரிந்துவைத்திருக்க மார்க்கெட் ரிசர்ச் என்பது குறித்த புரிந்துகொள்ளல் அவசியம். வாடிக்கையாளர்களின் கவனத்தைப் பெற்று அவர்களின் ஈடுபாட்டை உருவாக்க மார்க்கெட்டிங் குறித்த புரிந்துகொள்ளல் அவசியம்.

8. விற்பனையைப் பெருக்க இல்லாத பொய்களை எல்லாம் சொல்லக் கூடாது. உங்கள் தயாரிப்புகள் குறித்து நீங்கள் சொல்லும் விஷயங்களை அப்படியே செய்துகொடுக்கும் வாக்குசுத்தமும் இந்த நிறுவனத்துக்கு இருக்கிறது என்ற நம்பிக்கையை உருவாக்கும் வேல்யூ டெலிவரி மற்றும் ஆபரேஷன் குறித்த புரிந்து கொள்ளல் அவசியம்.

9. வாடிக்கையாளர்களின் எதிர்பார்ப்பையும் கடந்து செயல் படுவதற்கு கஸ்டமர் சர்வீஸ் என்பது குறித்த புரிந்துகொள்ளல் அவசியம். தொடர்ந்து தொழிலில் நிலைத்திருக்க (நிச்சயமற்ற சூழல் பல வந்துபோகும் போதும்) போதுமான அளவு லாபம் பெறுவதற்கு ஃபைனான்ஸ் குறித்த புரிந்துகொள்ளல் அவசியம்.

இரும்புச் சட்டம்..!

10.
பிசினஸ் உலகின் இரும்புச் சட்டம் என்ன தெரியுமா? உலகில் நிறைய பேர்களுக்கு நீங்கள் தரும் விஷயம் தேவைப்படாவிட்டால் (விரும்பி ஏற்றுக்கொள்ளப்படா விட்டால்) அல்லது அதுபோன்ற விஷயத்தை உங்களால் தரமுடியா விட்டால் அந்த பிசினஸில்நீண்ட நாள் நிலைத்திருக்கும் வாய்ப்பு மிகமிக குறைவே என்பதாகும்.

11. போட்டிகள் இல்லாத தொழிலைவிட போட்டிகள் நிறைந்த தொழில்களே மிகவும் அனுகூலமானது. ஏனென்றால், போட்டியாளர்கள் என்னென்ன தவறு செய்கின்றனர் என்பதைச் சுலபத்தில் கண்டுபிடித்துவிடலாம். அவர்களிடமிருந்து குறைந்த செலவில் கற்றுக்கொண்ட பாடத்தை வைத்தே சிறந்த தயாரிப்பை உங்களால் உருவாக்க முடியும்.

12. கவனச்சிதறல் அதிகமாக உள்ள இன்றைய உலகில் மார்க்கெட்டிங் மூலம் கவனத்தைப் பெறுவது மிக மிக சிரமமான மற்றும் பொருள் செலவு அதிகம் கொண்ட ஒரு செயலாக இருக்கிறது. மார்க்கெட்டிங் என்பது விற்பனைக்கான ஒரு வழியே தவிர, அதை மட்டுமே நம்பியிருக்காமல், தரம், பேக்கிங் போன்ற விஷயங்களிலும் கவனம் செலுத்தத் தவறக் கூடாது. அப்படிச் செலுத்தவில்லை என்றால், நீங்கள் செய்யும் மார்க்கெட்டிங் விற்பனைக்கு வழி வகுக்காது.

புத்தகத்தின் பெயர்:   
The Personal MBA 
ஆசிரியர்:  
Josh Kaufman
பதிப்பகம்:  
Penguin
புத்தகத்தின் பெயர்: The Personal MBA ஆசிரியர்: Josh Kaufman பதிப்பகம்: Penguin

குறைந்த செலவு, அதிக லாபம்..!

12.
பிசினஸ் என்பது விற்று வரவின் மூலம் உங்களுக்கு எவ்வளவு பணம் வருகிறது என்பதைப் பொறுத்ததல்ல. உங்கள் நிறுவனம் எவ்வளவு பணத்தை மீதமாக (லாபமாக) வைக்கிறது என்பதிலேயே இருக்கிறது. லாபம் என்பது நீங்கள் செலவழிக்கும் தொகையை விட அதிக அளவு சம்பாதிப் பதிலேயே இருக்கிறது. சிறந்த பிசினஸ்கள் அதிக அளவு சம்பாதித்து குறைந்த அளவு செலவழிக்கும் கலையில் தலை சிறந்தவையாக இருக்கின்றன. லாபமாகப் பெறும் தொகை அதிகமாக இருக்கும் நிறுவனங் களினாலேயே வாடிக்கையாளர்களுக்குத் தொடர்ந்து சிறப்பான தயாரிப்புகளை வழங்கிவர முடியும்.

13. பிசினஸின் மற்றொரு அங்கம் மனிதர்களை ஒருங்கிணைத்து பணிசெய்ய வைப்பதாகும். கையில் இருக்கும் ஒரு வேலையைச் செய்து முடிப்பது, செய்யாமல் விட்டுவிடுவது, அதை மற்றொரு வரை செய்யச் சொல்வது அல்லது தள்ளிப் போடுவது என்ற நான்கு வழிமுறைகளைக் கையாளலாம்.

இப்படியெல்லாம் நினைக்காமல் முக்கியமான வேலை, முடித்தே ஆக வேண்டிய வேலை என்று வேலைகளைப் பிரித்துச் செய்யப் பழகிக்கொள்வதே சிறந்த ஒன்றாகும்.

பிசினஸ் என்பது ராக்கெட் சயின்ஸ் அல்ல..!

14.
மதிப்புள்ள ஒரு விஷயத்தை உருவாக்குவது, அப்படி உருவாக்கிய விஷயத்தின்மீது அனைவரின் கவனத்தையும் திருப்புவது எப்படி, விற்பனையை அதிகரிப்பதுஎப்படி, அதிக வாடிக்கையாளர்களுக்குசிறப்பான சேவையை வழங்குவது எப்படி, பார்க்கும் வேலையில் பதவி உயர்வு பெறுவது எப்படி என்பதைச் சொல்லித் தருகிறது இந்தப் புத்தகம்.

15. மேலே சொன்னவை எல்லாம் ராக்கெட் சயின்ஸ் இல்லை என்பதை நிச்சயம் நீங்கள் அனைவருமே ஒப்புக் கொள்வீர்கள். இவற்றை தெளிவாகப் புரிந்துகொண்டு சரிவர செயல்படுத்தாவிட்டால் பிசினஸில் நீண்ட நாள்களுக்கு நிலைத்திருக்க முடியாது.

பிசினஸின் நடைமுறைகளையும், உத்திகளையும் மிகமிக எளிதான முறையில் சொல்லித் தரக்கூடிய இந்தப் புத்தகத்தை எம்.பி.ஏ படிக்கும் மாணவர்கள் மற்றும் பிசினஸ் பற்றித் தெரிந்துகொள்ள நினைப்பவர்கள் என அனைவருமே ஒருமுறை கட்டாயம் படித்துப் பலன் பெறலாம்.

- நாணயம் விகடன் டீம்

வெற்றிகரமான பிசினஸ்... 5 அடிப்படை அம்சங்கள்!

1. மதிப்புக்கூட்டிய விஷயத்தை அது வாடிக்கையாளருக்குத் தருவதாக இருக்கும்.

2. மக்களுக்கு அத்தியாவசியமாகத் தேவைப்படுவதைத் தருவதாக இருக்கும்.

3. வாடிக்கையாளர் அந்த நிறுவனம் சொல்லும் விலையைக் கொடுத்து வாங்கத் தயாராக இருப்பார்.

4. அந்த விலையானது வாடிக்கையாளருடைய தேவையைப் பூர்த்தி செய்துகொள்ள நியாயமான ஒன்றாக இருக்கும்.

5. அந்த விலை அந்த நிறுவனத்தின் செயல்பாட்டுச் செலவுகள் போக கணிசமான லாபத்தைத் தருவதாகவும் இருக்கும்.

பிட்ஸ்

ந்த ஆண்டு நடக்க இருந்த ஒலிம்பிக் போட்டி 2021-ம் ஆண்டுக்கு ஒத்திவைக்கப் பட்டிருப்பதால், ஜப்பானிய அரசுக்கு 200 பில்லியன் யென் (1.9 பில்லியன் டாலர்) நஷ்டம் ஏற்படும் என மதிப்பிடப் பட்டுள்ளது!

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism
அடுத்த கட்டுரைக்கு