Published:Updated:

ஏற்றுமதியாளர்கள் கட்டாயம் எடுக்க வேண்டிய மரைன் இன்ஷூரன்ஸ்!

மரைன் இன்ஷூரன்ஸ்!
பிரீமியம் ஸ்டோரி
மரைன் இன்ஷூரன்ஸ்!

இன்ஷூரன்ஸ்

ஏற்றுமதியாளர்கள் கட்டாயம் எடுக்க வேண்டிய மரைன் இன்ஷூரன்ஸ்!

இன்ஷூரன்ஸ்

Published:Updated:
மரைன் இன்ஷூரன்ஸ்!
பிரீமியம் ஸ்டோரி
மரைன் இன்ஷூரன்ஸ்!

டி.ஏ.ராமலிங்கம், முதன்மை தொழில்நுட்ப அதிகாரி, பஜாஜ் அலையன்ஸ் ஜெனரல் இன்ஷூரன்ஸ்

மரைன் காப்பீடு என்ற வார்த்தையைக் கேட்டதும் உங்கள் மனதில் தோன்றுவது என்ன? மரைன் காப்பீடு என்றதும் கப்பல், கடல் போன்றவற்றைத் தொடர்புப் படுத்திப் பார்ப்பீர்கள் என்று கருதுகிறேன். மரைன் காப்பீடானது கப்பலுக்கும் கப்பல் மூலமாகக் கொண்டு செல்லப்படும் சரக்கு களுக்கும், நிதிசார் பாதுகாப்பை வழங்குகிறது.

டி.ஏ.ராமலிங்கம்
முதன்மை தொழில்நுட்ப அதிகாரி, 
பஜாஜ் அலையன்ஸ் ஜெனரல் இன்ஷூரன்ஸ்
டி.ஏ.ராமலிங்கம் முதன்மை தொழில்நுட்ப அதிகாரி, பஜாஜ் அலையன்ஸ் ஜெனரல் இன்ஷூரன்ஸ்

ஆனாலும், இந்தக் காப்பீடு இவற்றுடன் நின்றுவிடுவதில்லை. மரைன் காப்பீட்டின்கீழ் விநியோக சங்கிலியின் பல்வேறு விஷயங்கள் அடங்குகின்றன. அதாவது, விநியோக சங்கிலியில் சரக்குகள் ரயில் மூலமாக, சாலை மூலமாக மற்றும் கப்பல் மூலமாகக் கொண்டு செல்லப்படும். பல நூறு ஆண்டுகளாக இறக்கு மதியாளர்கள், ஏற்றுமதியாளர்கள், பொருள் களை வாங்குபவர்கள், விற்பவர்கள் மற்றும் சரக்குப் போக்குவரத்து சேவை நிறுவனங்கள் என அனைவரும் தங்களின் நிதிசார் ஆபத்தைக் குறைத்துக்கொள்ள மரைன் காப்பீடு திட்டங்களை எடுத்து வருகிறார்கள்.

மரைன் காப்பீட்டுத் திட்டத்தில் இயற்கை சீரழிவுகளான நிலநடுக்கம், இடி, மின்னல் பாதிப்புகள் அல்லது எரிமலை வெடிப்புகள் போன்றவை காரணமாக ஏற்படும் சேதங் களுக்குக் காப்பீடு வழங்கப்படுகிறது. அது மட்டுமல்லாமல், ரயில் தடம் புரள்வது, வாகனம் கவிழ்வது, மோதி விபத்து ஏற்படுவது, ஆறு, குளங்களில் வாகனம் மூழ்குவது மற்றும் சேமிப்புக் கிடங்குகளில் ஏற்படும் விபத்துகள் போன்றவற்றுக்கும் காப்பீடு தரப்படுகிறது.

மூன்று விதமான காப்பீட்டுத் திட்டங்கள்...

மரைன் காப்பீட்டுத் திட்டங்களில் மூன்று விதமான காப்பீடுகள் கிடைக்கின்றன. ஐ.சி.சி எனப்படும் இன்ஸ்டிடியூட் கார்கோ கிளாஸ் ஏ, பி, சி சர்வதேச சரக்குப் போக்குவரத்துக்கான காப்பீடுகளையும் மற்றும் ஐ.டி.சி எனப்படும் இன்ஸ்டிடியூட் டிரான்சிட் கிளாஸ் ஏ, பி, சி உள்நாட்டு சரக்குப் போக்குவரத்துக்கான காப்பீடுகளையும் வழங்குகின்றன. இவற்றில் ஐ.சி.சி மற்றும் ஐ.டி.சி-சி மிக அடிப்படையான காப்பீடுகளாகும். ஐ.சி.சி, ஐடிசி-பி காப்பீடானது கூடுதலான கவரேஜ் களைக் கொண்ட காப்பீடாகும். ஐ.சி.சி, ஐ.டி.சி-ஏ காப்பீடு முழுமையான மரைன் காப்பீடு ஆகும். இந்த அனைத்துக் காப்பீடுகளும் அவற்றின் நிபந்தனைகளுக்கு உட்பட்டு செயல்படுத்தப் படும். இந்தக் காப்பீடுகளை எடுக்கும் முன் கவரேஜ் குறித்த நிபந்தனைகளை முழுமையாகப் படிப்பது அவசியம். காப்பீடு திட்டங்கள் குறித்து முழுமையாகப் புரிந்து கொள்ள காப்பீட்டு ஆலோகரை அணுகி கலந்தாலோசிப்பது அவசியம்.

ஏற்றுமதியாளர்கள் கட்டாயம் எடுக்க வேண்டிய மரைன் இன்ஷூரன்ஸ்!

யாருக்கெல்லாம் மரைன் காப்பீடு தேவை?

காப்பீட்டுத் துறை நிபுணராக இருந்து கூறுகையில் உங்களுடைய தொழிலில் சரக்குப் போக்குவரத்துக்கான தேவை இருக்கும் பட்சத்தில், மரைன் காப்பீடு எடுத்துக்கொள்வது அவசியம். வழக்கமாக, மரைன் காப்பீடு தேவைப்படுவோர், இறக்குமதியாளர்கள், ஏற்றுமதியாளர்கள், லாஜிஸ்டிக் நிறுவனங்கள், இடைநிலை சேவையாளர்கள், உற்பத்தியாளர்கள், சரக்கு வியாபாரிகள், வாடிக்கையாளர்கள்.

மரைன் காப்பீட்டின் முக்கியத்துவம்

மரைன் காப்பீடானது பொருள் அனுப்பும் இடத்திலிருந்து பயணத்தை ஆரம்பித்ததுமே தொடங்கிவிடும். பொருள் சென்றுசேரும் இடத்தை அடைந்ததும் நிறைவடையும். அனுப்பும் இடத்திலிருந்து சென்றுசேரும் இடம் வரையிலான வழித்தடம் முழுவதும் மரைன் காப்பீடு கவரேஜ் உத்தரவாதம் இருக்கிறது. இந்தக் காப்பீடு உங்களுடைய தொழிலில் ஏற்படுகிற இழப்புகளை, ஆபத்து களைச் சமாளிக்கவும், தொழிலில் பின்னடைவு ஏற்படாதவாறு தடுக்கவும் உதவியாக இருக்கிறது. மரைன் காப்பீட்டில் சரக்கு பொருள்களுக்கான பொறுப்பை உங்களிடம் இருந்து காப்பீடு நிறுவனம் ஏற்றுக்கொள்கிறது. பெரும்பாலும், சர்வதேச சரக்குப் போக்கு வரத்துகளுக்கு முழுமையான கவரேஜ்களைக் கொண்ட மரைன் காப்பீடு கட்டாயமாக உள்ளது. இது உள்நாட்டு சரக்குப் போக்கு வரத்துகளுக்கும் பொருந்தும்.

இயற்கை பேரழிவுகள் அதிகம் காணப்படு வதாலும், போர் உள்ளிட்ட காலங்களில் நிலையற்ற சூழல் உருவாவதாலும் வர்த்தக நடவடிக்கைகள் அதிக பாதிப்புகளுக்கு உள்ளாகும் என்பதால், மரைன் காப்பீடு போன்றவற்றில் கவனம் செலுத்துவது தொழில் பின்னடைவு ஏற்படாமல் பாதுகாத்துக்கொள்ள உதவியாக இருக்கும். தற்போது ஏற்பட்டுள்ள கொரோனா பெருந்தொற்று பேரழிவும் உலகம் எந்த அளவுக்கு ஆபத்தான சூழலைக் கொண்டிருக்கிறது என்பதை உணர்த்தியிருக் கிறது. எனவே, தொழில் சார்ந்தும் நிதிநிலை சார்ந்தும் நம்மைப் பாதுகாத்துக்கொள்ள மரைன் காப்பீட்டுத் திட்டங்கள் அவசியம் என்பதை உணர வேண்டும்.ஏற்றுமதியாளர்கள் கட்டாயம்

எடுக்க வேண்டிய மரைன் இன்ஷூரன்ஸ்!மரைன் காப்பீட்டுத் திட்டத்தில் இயற்கை சீரழிவுகளால் ஏற்படும் சேதங்களுக்கான இழப்பீடு கிடைப்பதுடன், ரயில் தடம் புரள்வது, வாகனம் கவிழ்வது, மோதி விபத்து ஏற்படுவது, ஆறு, குளங்களில் வாகனம் மூழ்குவது மற்றும் சேமிப்புக் கிடங்குகளில் ஏற்படும் விபத்துகள் போன்றவற்றுக்கும் காப்பீடு தருகிறது.