Published:Updated:

`எஸ் பேங்கை கையிலெடுத்தது ரிசர்வ் வங்கி’ - வாடிக்கையாளர்கள் ரூ.50,000 மட்டுமே எடுக்க முடியும்

எஸ் பேங்க்
எஸ் பேங்க்

தனியார் வங்கியான `எஸ் பேங்க்' ரிசர்வ் வங்கியின் கட்டுப்பாட்டின் கீழ் கொண்டுவரப்பட்டுள்ளதாக அறிவிப்பு வெளியாகியுள்ளது.

வாராக்கடன் அதிகரித்ததால் தனியார் வங்கியான `எஸ் பேங்க்' கடுமையான நிதிச்சிக்கலில் தவித்து வந்தது. இந்நிலையில் `எஸ் பேங்க்’ முழுவதும் ரிசர்வ் வங்கியின் கட்டுப்பாட்டின் கீழ் கொண்டுவரப்பட்டுள்ளதாக அறிவிப்பு வெளியாகியுள்ளது. எஸ் பேங்க்கை நிர்வகிக்க எஸ்.பி.ஐ வங்கியின் முன்னாள் அலுவலரான பிரசாந்த் குமார் நியமிக்கப்பட்டுள்ளார்.

ரிசர்வ் வங்கி
ரிசர்வ் வங்கி
vikatan

ரிசர்வ் வங்கி வெளியிட்டுள்ள அறிவிப்பில், தனியார் வங்கியான `எஸ் பேங்க்' ரிசர்வ் வங்கியின் முழு கட்டுப்பாட்டின் கீழ் கொண்டுவரப்பட்டுள்ளது. கடன்சுமையிலிருந்து மீட்டெடுக்கும் பொருட்டு இந்த நடவடிக்கை மேற்கொள்ளப்படவுள்ளது. எஸ் பேங்க்கின் நிர்வாகக் குழு முழுமையாக ரிசர்வ் வங்கியின் கட்டுப்பாட்டின் கீழ் கொண்டு வரப்படுகிறது. வங்கியில் வைப்புத்தொகை வைத்திருப்பவர்கள் தற்போது அதிலிருந்து ரூ. 50,000 வரையே எடுக்க அனுமதிக்கப்படுவார்கள்.

மருத்துவம் மற்றும் திருமணம் உள்ளிட்ட அவசர தேவைகளுக்கு 50,000-க்கு மேல் பணம் எடுக்க வேண்டுமென்றால் வங்கி மேலாளரிடம் தெரிவித்து அவரது அனுமதியுடன் பணத்தைப் பெற்றுக்கொள்ளலாம். இதனால் யாரும் அச்சப்படத்தேவையில்லை. வாடிக்கையாளர்களின் நன்மதிப்பை பெறும் வகையில் இந்த நடவடிக்கை எடுக்கப்படுகிறது. இந்த அறிவிப்பானது உடனடியாக அமலுக்கு வருகிறது” எனத் தெரிவிக்கப்பட்டுள்ளது.

அடுத்த கட்டுரைக்கு