Published:Updated:

பழைய ஃப்ளாட்... 10 டிப்ஸ்!

பழைய ஃப்ளாட்... 10  டிப்ஸ்!
பிரீமியம் ஸ்டோரி
பழைய ஃப்ளாட்... 10 டிப்ஸ்!

எஸ்.சிவகுமார், துணைத் தலைவர், பெஸ்ட் சர்வீஸ் ரியால்டி

பழைய ஃப்ளாட்... 10 டிப்ஸ்!

எஸ்.சிவகுமார், துணைத் தலைவர், பெஸ்ட் சர்வீஸ் ரியால்டி

Published:Updated:
பழைய ஃப்ளாட்... 10  டிப்ஸ்!
பிரீமியம் ஸ்டோரி
பழைய ஃப்ளாட்... 10 டிப்ஸ்!
பழைய ஃப்ளாட்... 10  டிப்ஸ்!

சென்னை, கோயம்புத் தூர், மதுரை உள்ளிட்ட பெரிய நகரங்களில் மனை விலை மற்றும் வீட்டின் விலை மிகவும் அதிகரித்து விட்டது.

பழைய ஃப்ளாட்... 10  டிப்ஸ்!



இந்த நிலையில், நகருக்குள் சொந்த வீடு வாங்குவது பலருக்குக் கஷ்டமான காரியமாக இருக்கிறது. எனவே, பலர் பழைய அடுக்குமாடிக் குடியிருப்புகளில் வீடு வாங்குகிறார்கள்.

புதிய ஃப்ளாட்டுகளைவிட, பழைய ஃப்ளாட்டுகள் 25% - 30% விலை குறைவாக இருக்கும். மேலும், மின் வசதி, தண்ணீர் வசதி போன்ற அனைத்து வசதிகளும் ஏற்கெனவே தயார் நிலையில் இருக்கும். இது  எதற்காகவும் காத்திருக்க வேண்டிய அவசியம் இல்லை. தவிர, உடனே வாடகைக்கு விடலாம் என பல சாதக அம்சங்களை அடுக்கிக் கொண்டே செல்லலாம்.

இப்படி பல பாசிட்டிவ் அம்சங்கள் உள்ள பழைய அடுக்குமாடிக் குடியிருப்பில் வீடு வாங்கும்முன் சில விஷயங்களைக் கவனிக்க வேண்டியது மிக மிக அவசியம். அவற்றில் கட்டாயம் கவனிக்க வேண்டிய 10 முக்கிய விஷயங்களைப் பார்ப்போம்.

1. நீங்கள் வாங்கப்போகும் சொத்து பற்றிய சட்டக் கருத்தினை வழக்கறிஞர் ஒருவரிடம் (Legal openion) வாங்கவேண்டும். மேலும், வில்லங்கச் சான்றினை 30 ஆண்டுகளுக்கு எடுத்துப் பார்ப்பது அவசியம்.

2. யூடிஎஸ் (பிரிக்கப்படாத சொத்தின் மதிப்பு UDS - Un Divided Share) 40% - 50% இருப்பது நன்மை பயக்கும்.

 3. ஃப்ளாட் கட்டப்பட்டு 15 ஆண்டுகள் முதல் 20 ஆண்டுகளுக்குள் இருப்பது நல்லது. அப்போதுதான் வீட்டுக் கடன் கிடைப்பது சுலபமாக இருக்கும்.

4. உங்கள் குழந்தையின் பள்ளிக்கூடம் அல்லது உங்களின் அலுவலகத்துக்கு அருகில் இருப்பதாகப் பார்த்து வாங்க வேண்டும். இதனால் பயண நேரம், எரிபொருள் செலவு, அலைச்சல் குறையும்.

5. கட்டடத்தின் உறுதித்தன்மையினை அறிந்துகொள்ள வேண்டியது அவசியம். அதற்கு மதிப்பீட்டுப் பொறியாளர் (Valuation Engineer) ஒருவரை அழைத்துச்சென்று மதிப்பீடு செய்வது பயனுள்ளதாக இருக்கும்.

6. பிரதானச் சாலையில் ஃப்ளாட் வாங்குவதைத் தவிர்ப்பது நல்லது. காரணம், காற்று மாசு, ஒலி மாசு அதிகமாக இருக்கும். மேலும், விலையும் அதிகமாக இருக்கும். சாலை விரிவாக்கம் செய்தால் இடிக்கப்பட வாய்ப்பு அதிகம். பிரதானச் சாலையில் அலுவலகம் இருப்பது சிறந்தது. ஆனால், வீடு வாங்குவது மகிழ்ச்சி தராது.

7. நீங்கள் வாங்கும் ஃப்ளாட் நம்பகத் தன்மைக்கொண்ட கட்டுமான நிறுவனம் மூலமாகக் கட்டப்பட்ட ஃப்ளாட்டாக இருந்தால் கூடுதல் சிறப்பாக இருக்கும்.

8. கார் பார்க்கிங், லிஃப்ட் வசதி போன்ற அடிப்படை வசதிகள் உள்ள ஃப்ளாட்டைத் தேர்வு செய்வது கூடுதல் நன்மை பயக்கும்.

9.மருத்துவமனை, சூப்பர் மார்க்கெட், பஸ் நிலையம், ரயில் நிலையம், ஆன்மிகத் தலங்கள் போன்ற அடிப்படைத் தேவைகள் நீங்கள் வாங்கும் ஃப்ளாட்டுக்கு அருகில் இருக்கிறதா என்று பார்க்க வேண்டும்.

10. மிக முக்கியமான விஷயம், நீங்கள் வாங்கும் ஃப்ளாட்டுக்கு ப்ளான் அப்ரூவல் முறையாக வாங்கப்பட்டு உள்ளதா எனக் கவனிக்க வேண்டியது அவசியம். ப்ளான் அப்ரூவல் இருந்தால்தான் வீட்டுக் கடன் கிடைக்கும். மேலும், இதுவே உங்கள் சொத்துக்கு பாதுகாப்பைத் தருவதாகவும் இருக்கும்.