Published:Updated:

தண்ணீர் பற்றாக்குறை... தேக்கத்தில் கட்டுமானம்... வீட்டைக் கட்டி முடிக்க என்ன வழி?

தண்ணீர் பற்றாக்குறை... தேக்கத்தில் கட்டுமானம்... வீட்டைக் கட்டி முடிக்க என்ன வழி?
பிரீமியம் ஸ்டோரி
News
தண்ணீர் பற்றாக்குறை... தேக்கத்தில் கட்டுமானம்... வீட்டைக் கட்டி முடிக்க என்ன வழி?

ரியல் எஸ்டேட்

மிழகம் முழுக்கவே தண்ணீர் பஞ்சம் தலைவிரித்தாடுகிறது. குடிப்பதற்கும் குளிப்பதற்கும் தண்ணீர் இல்லை என்கிற நிலையில், கட்டுமானப் பணிகள் கடுமையாகப் பாதிப்படைந்துள்ளன.

தண்ணீர் பற்றாக்குறை... தேக்கத்தில் கட்டுமானம்... வீட்டைக் கட்டி முடிக்க என்ன வழி?

நம் நாட்டில் அதிவேகமாக வளர்ந்துவரும் நகரங்களின் பட்டியலில் சென்னை முக்கிய இடத்தை வகிக்கிறது. நாளுக்கு நாள் விரிவடைந்துவரும் சென்னையில் ஆண்டுக்கு ஆயிரக் கணக்கில் அடுக்குமாடிக் குடியிருப்புகள், தனி வீடுகள், பல லட்சம் சதுர அடி பரப்பிலான வணிகக் கட்டடங்கள் கட்டப்படுகின்றன. இதில் 15 ஆயிரம் சதுர அடி கட்டுமானத்துக்கு சுமார் 30 ஆயிரம் லிட்டர் வரை தண்ணீர் தேவைப்படுகிறது. சென்னையில் பெரும்பாலான கட்டுமானப் பணிகள் தனியார் தண்ணீர் லாரிகளை நம்பியே நடைபெறுகின்றன.

விகடன் Daily

Quiz

சேலஞ்ச்!

ஈஸியா பதில் சொல்லுங்க...

ரூ.1000 பரிசு வெல்லுங்க...

Exclusive on APP only
Start Quiz
தண்ணீர் பற்றாக்குறை... தேக்கத்தில் கட்டுமானம்... வீட்டைக் கட்டி முடிக்க என்ன வழி?



இந்த நிலையில், தண்ணீர் பற்றாக்குறை காரணமாகச் சென்னையின் பல்வேறு பகுதிகளில் நடைபெற்றுவரும் கட்டுமானப் பணிகளில் சுணக்கம் ஏற்பட்டுள்ளது. இதன் காரணமாக, கட்டுமானத்திற்காக ரூ.1,500 முதல் ரூ.2,000 வரை விற்பனை செய்யப்பட்டு வந்த 24 ஆயிரம் லிட்டர் கொள்ளளவு கொண்ட ஒரு டேங்கர் லாரி தண்ணீர், தற்போது, ரூ.3,000 முதல் ரூ.4,000  வரை விற்பனை செய்யப்படுகிறது.

“கடுமையான வறட்சி காரணமாக ஆழ்துளைக் கிணறுகள் முழுவதும் வறண்டுவிட்டன. தண்ணீருக்காகத் திருவள்ளூர்  மற்றும் காஞ்சிபுரம் மாவட்டத்திலுள்ள கிராமங்களைத் தேடித் தான் செல்லவேண்டியுள்ளது. இதனால் நாளொன்றுக்கு இரண்டு அல்லது மூன்று முறைதான் தண்ணீர் எடுத்துவர முடிகிறது. அதிக தொலைவிலிருந்து கொண்டுவர வேண்டியிருப்பதால் தண்ணீரின் விலை உயர்த்தப்பட்டுள்ளது” என்கிறார்கள் தனியார் தண்ணீர் லாரி உரிமையாளர்கள்.

 சில கட்டுமான இடங்களில் ஆழ்துளைக் கிணறு அமைத்து, அதிலிருந்து பெறப்படும் தண்ணீர் பயன்படுத்தப்படுகிறது. சில இடங்களில் ஆழ்துளைக் கிணற்று நீர் அதிக உப்புத்தன்மை கொண்டுள்ளதால், அவற்றைப் பயன்படுத்த முடியாத நிலை உள்ளது. தண்ணீர் பற்றாக்குறை, தண்ணீர் கொண்டு வருவதில் ஏற்படும் காலதாமதம் காரணமாக பெரும்பாலான கட்டுமானப் பணிகள் பாதிக்கப்பட்டுள்ளன. மழை பெய்யாமல் கடும் வறட்சி நிலவுவதால், கட்டுமானப் பணிகளை உரிய நேரத்தில் முடிப்பதில் கடும் சுணக்கம் ஏற்பட்டிருப்பதுடன், தண்ணீருக்காக அதிக தொகையும் செலவழிக்க நேரிடுகிறது என பில்டர்கள் கவலை தெரிவித்துள்ளனர்.

பில்டர்களை வாட்டும் தண்ணீர் பிரச்னை

இதுகுறித்து, நவீன்ஸ் குழுமத்தின் மேலாண்மை இயக்குநரும், கிரெடாய் அமைப்பின் முன்னாள் தலைவருமான ஆர்.குமாரிடம் பேசினோம். “ஏற்கெனவே கட்டுமானப் பணிகளுக்கான தளவாடப் பொருள்கள் விலை உயர்வால் பில்டர்கள் கடுமையாகப் பாதிக்கப் பட்டுள்ளார்கள். இந்தச் சூழ்நிலையில், இப்போது தண்ணீர் பிரச்னையும் சேர்ந்து பில்டர்களை வாட்டி வதைக்கிறது. அதிக விலை கொடுத்து பொருள்களை வாங்கியும், கட்டுமானப் பணிகளைத் தொடர முடியாத நிலை ஏற்பட்டுள்ளது. தமிழகம் முழுவதுமே நடந்துவரும் கட்டுமானப் பணிகளுக்குத் தேவையான தண்ணீர் கிடைக்காததால், வேலையைத் தொடர முடியாமல் பில்டர்களும் வீடு கட்டுபவர்களும் தவியாகத் தவித்துவருகின்றனர். குறிப்பாக, சென்னை மற்றும் புறநகர் பகுதிகளில் கட்டப்பட்டு வரும் வானுயர கட்டடப் பணிகள் எல்லாம் அப்படியே நிறுத்தப்பட்டு வருகின்றன. 

தண்ணீர் பற்றாக்குறை... தேக்கத்தில் கட்டுமானம்... வீட்டைக் கட்டி முடிக்க என்ன வழி?

பல நூறு அடிக்கு ஆழ்துளைக் கிணறு அமைத்தும் தண்ணீர் இல்லாததால், வேறு வழியில்லாமல் கட்டுமானப் பணியைத் தொடர முடியாத நிலை உள்ளது. விலை கொடுத்துத் தண்ணீரை வாங்கி, தினமும் பணிகளைத் தொடரவேண்டுமானால், பட்ஜெட் எங்கேயோ போய்விடும் என்பதால், இந்த முடிவுக்குக் கட்டுமான உரிமையாளர்கள் வந்திருக்கிறார்கள். இதனால் கட்டுமானப் பணிகளில் ஈடுபட்டுவந்த லட்சக்கணக்கான தொழிலாளர்கள் வேலையில்லாமல் தவிக்கும் அபாய நிலையில் உள்ளனர். இவர்கள் மாற்று வேலைக்குச் செல்ல முடியாத நிலையில் இருப்பதால், வாழ்வாதாரத்தைத் தொடர முடியாத நிலைக்குத் தள்ளப்பட்டுள்ளனர். தினக்கூலி அடிப்படையில் செல்லும் அவர்கள் கூலி இல்லாமல், அடுத்த வேளைச் சோற்றுக்கு என்ன செய்வதென்று தெரியாமல் தவிக்கின்றனர்” என்றார்.

மேலும் பேசிய அவர், “எங்களுடைய அனைத்து புராஜெக்ட்டுகளும் ஓரளவுக்கு முடிந்துவிட்டன. இதனால் நீர் தட்டுப்பாட்டி லிருந்து நாங்கள் தப்பித்துக் கொண்டோம். இருப்பினும் இதே நிலை தொடர்ந்தால், பல பில்டர்களைப்போல, எதிர்காலத்தில் நாங்களும் தண்ணீர் பிரச்னையைச் சந்திக்கவேண்டியிருக்கும்’’ என்றார்.

தண்ணீர் பயன்பாட்டை எப்படிக் குறைப்பது?

கட்டடம் கட்டுவதில் தண்ணீரைச் சிக்கனப்படுத்துவதற்கான வழிமுறைகள் குறித்து, ஃபெடரேஷன் ஆஃப் ஃப்ளாட் அண்டு ஹவுஸிங் புரமோட்டர்ஸ் அசோசி யேஷன் தலைவர் பி.மணிசங்கரிடம் பேசினோம்.

“சென்னை, வேலூர் நகரங்களில் நிலவி வரும் தண்ணீர் தட்டுப்பாட்டினால் பெரும்பாலான கட்டடப் பணிகள் அப்படியே நிறுத்தப்பட்டுள்ளன. பெரும்பாலான கட்டடங்கள் லாரி தண்ணீர் மூலம்தான் கட்டப்பட்டு வருகின்றன. எனவே, அதன் விலை அதிகமாகியிருப்பது ஒட்டுமொத்த கட்டுமானச் செலவுகளில் பாதிப்பை ஏற்படுத்தியுள்ளது. 

கட்டடங்களைக் கட்டும்போது,  கண்டபடி தண்ணீரை செலவழித்து வந்தோம். ஆனால், இன்றைய சூழ்நிலையில், தண்ணீர் பயன்பாட்டை மேலாண்மை செய்வதற்காகவே தனியாக ஒருவரை நியமித்து, தண்ணீர் வீணாவதைத் தடுக்க பல்வேறு நடவடிக்கைகளை பில்டர்கள் மேற்கொண்டு வருகிறார்கள். இன்றைய நிலையில் கட்டுமானப் பொருள்களில் நிறைய மாற்றுப் பொருள்கள் வந்திருக்கின்றன. 

செங்கல் எப்போதுமே நீரை அதிகம் உறிஞ்சக் கூடியது.  அதற்கு மாற்றான ப்ளை ஆஷ் கற்கள் நீரின் தேவையைக் குறைவாகக் கொண்டவை. அதேபோல, சிமென்டும் நீரை அதிகமாகக் குடிக்கும் தன்மை கொண்டது.இதற்கு மாற்றாக, ஜிப்ஸம் பிளாஸ்டரைப் பயன்படுத்தலாம். இப்படித் தண்ணீரின் தேவையைக் குறைக்கக்கூடிய மாற்றுப் பொருள்களைப் பயன்படுத்துவதன்மூலம், தற்காலிகமாகத் தண்ணீர் தட்டுப்பாட்டி லிருந்து தப்பிக்கலாம்” என்றார். 

தண்ணீர் பற்றாக்குறை... தேக்கத்தில் கட்டுமானம்... வீட்டைக் கட்டி முடிக்க என்ன வழி?

மற்ற மாவட்டங்களிலும் கட்டுமானப் பணிகளை தண்ணீர் பிரச்னை பாதிப்புக்குள்ளாக்கி இருக்கிறதா என்பதைத் தெரிந்துகொள்ள மதுரை, திருச்சி மற்றும் கோவை நகரங்களிலுள்ள பில்டர்கள் சிலரைத் தொடர்புகொண்டு பேசினோம்.

“தண்ணீர் பிரச்னையால் கட்டடப் பணிகள் தற்போது வரை நிற்கவில்லை. போதுமான அளவு தண்ணீர் இருந்துகொண்டுதான் இருக்கிறது.இப்போதைக்கு இருக்கும் தண்ணீரைக்கொண்டு சமாளித்து வருகிறோம். பருவமழை பொய்த்துப் போனாலோ அல்லது நிலத்தடி நீர்மட்டம் குறைந்தாலோ கட்டடப் பணிகளுக்கான தண்ணீருக்கு விரைவில் பிரச்னை உருவாகும்” என அங்குள்ள நிலைமையை விளக்கினார்கள்.

மழை பெய்து நிலத்தடி நீர்மட்டம் அதிகரித்தால்தான்  தண்ணீர்  பிரச்னைக்குத் தீர்வு கிடைக்கும். இனிமேல் கிடைக்கும் மழைநீரை முறையாகச் சேமித்தாவது நிலத்தடி நீர்மட்டத்தை உயர்த்துவோம்!

செ.கார்த்திகேயன்

தண்ணீரில் என்னென்ன இருக்க வேண்டும்?

பி.ஹெச் 6.0 மி.கிராம், காரத்தன்மை 250 மி.கிராம், அமிலத்தன்மை 50 மி.கிராம், கனிமம் 200 மி.கிராம், கரிமம் 3000 மி.கிராம், படிந்திருக்கும் உப்பு 2000 மி.கிராம், குளோரைடு 2000 மி.கிராம், சல்பேட் 400 மி.கிராம் என்ற அளவில் உள்ள தண்ணீரை மட்டுமே கட்டுமானத்துக்குப் பயன்படுத்தவேண்டும். இதில் கான்கிரீட் போடும்போது குளோரைடு அதிகபட்சம் 500     மி. கிராம் உள்ள தண்ணீரை மட்டுமே பயன்படுத்த வேண்டும் என அரசு வரையறை விதித்துள்ளது.

தண்ணீரில் உப்புத்தன்மை குறைந்தாலும் மிகுதியாக இருந்தாலும் நீரில் கரைந்துள்ள நுண்பொருள்களின் தன்மையும் மாறுகிறது. அவ்வாறு மாறுதலுக்குள்ளான தண்ணீரைக் கொண்டு கட்டடம் கட்டக்கூடாது. அதையும் மீறிக் கட்டினால், அந்த கட்டடத்தின் ஆயுள்காலம் குறையும் என்கிறார்கள் கட்டட நிபுணர்கள்!