Published:Updated:

இரண்டாவது வீடு! - கவனிக்க வேண்டியது என்ன?

ஆலோசனை

இரண்டாவது வீடு! - கவனிக்க வேண்டியது என்ன?

ஆலோசனை

Published:Updated:
இரண்டாவது வீடு! - கவனிக்க வேண்டியது என்ன?

ஏற்கெனவே சொந்தமாக ஒரு வீடு வைத்திருப்பவர்கள் மற்றொரு வீட்டை முதலீட்டுக் கண்ணோட்டத்தில் வாங்குவது அண்மைக் காலத்தில் அதிகரித்து வருகிறது. இரண்டாவது வீடு வாங்கும்போது கவனிக்க வேண்டிய விஷயங்கள் குறித்து ஆடிட்டர் சி.ஏ.சதீஷ்குமாரிடம் கேட்டோம். அவர் சொன்ன விஷயங்கள் இதோ உங்களுக்காக..!

இரண்டாவது வீடு! - கவனிக்க வேண்டியது என்ன?

ஒட்டுமொத்த விகடனுக்கும் ஒரே ஷார்ட்கட்!

இரண்டாவது வீடு! - கவனிக்க வேண்டியது என்ன?

பொதுவாக வீட்டுக் கடன் வாங்கி வீடு வாங்கும்போது, அந்த வீட்டில் குடியிருந்தால் ஓராண்டில் திரும்பச் செலுத்தும் வட்டியில் 1.50 லட்சம் ரூபாய் வரை வரி விலக்கு கிடைக்கும். அதே நேரத்தில், அந்த வீட்டை வாடகைக்கு விட்டிருக்கும் பட்சத்தில் முழு வட்டிக்கும் வரி விலக்கு உண்டு. 80சி பிரிவின் கீழ் அசலுக்கும் ஒரு லட்ச ரூபாய் வரை வரிச் சலுகை பெற முடியும்.

முதல் வீட்டுக்கு வாங்கிய கடனை முழுவதுமாக அடைக்க நமக்கு வசதி வரும்பட்சத்தில் அதை முழுவதுமாக அடைக் காமல், அந்தத் தொகையை பயன்படுத்தி வேறொரு வீடு வாங்கலாம். இரண்டாவது வீடு வாங்க அந்தத் தொகை போதுமானதாக இல்லை என்கிறபோது, குறையும் தொகையை கடனாக வாங்க முயற்சிக்கலாம்.

வீட்டுக் கடன் வட்டியை வாடகை வருமானம் தவிர, இதர வருமானங்கள் முறையே, சம்பளம், தொழில் வருமானங்களிலும் சரிகட்டி, மீதமுள்ள தொகைக்கு மட்டுமே வருமான வரிச் செலுத்தினால் போதும். வரி கட்டுபவர் 30 சதவிகித வருமான விகிதத்தில் இருந்தால், அவருக்கு இதன் மூலம் 30% வருமான வரி மிச்சமாகும்.

##~##
இரண்டாவது வீடு வாங்கும்போது அதில் நீங்கள் பெரும்பாலும் குடியிருக்க மாட்டீர்கள் என்பதால், கடன் வாங்கும் தொகை கொஞ்சம் அதிகமாகவே இருக்க வாய்ப்பு இருக்கிறது. இதற்கேற்ப உங்களிடம் மார்ஜின் மணி இருக்கிறதா என்று பார்ப்பார்கள்.

உதாரணமாக, முதல் வீடு வாங்கும்போது மார்ஜின் மணி சுமார் 15% ஆக இருந்தால், இரண்டாவது வீடு வாங்கும்போது மார்ஜின் தொகை 25% உங்களிடம் இருக்கிறதா என்று பார்க்க வாய்ப்பிருக்கிறது.  

இரண்டாவது வீடு ஒருவருக்கு அத்தியாவசியம் இல்லை என்பதால், அந்த வீட்டுக்கான கடனை நம்மால் சரியாக திரும்பச் செலுத்த முடியுமா என்று பார்ப்பது அவசியம். வீட்டுக் கடனை சரியாக கட்ட முடியவில்லை எனில், அந்த வீட்டை விற்க வேண்டிய கட்டாயம் ஏற்படலாம்.    

இரண்டாவது வீட்டுக்கான கடனை, கொஞ்சம் காலதாமதமானாலும் பொதுத் துறை வங்கிகளிலேயே பெறுவது நல்லது. காரணம், வட்டி குறைவாக இருக்கும். தவிர, நண்பர்களிடம் இருந்தோ, உறவினர்களிடம் இருந்தோ வாங்குவதைத் தவிர்ப்பதும் நல்லது.

இரண்டாவது வீட்டுக்கான கடன் நீண்ட காலத்துக்கானதாக இருப்பது நல்லது. அடுத்து வரும் காலத்தில் உங்கள் வருமானம் பெருகும் பட்சத்தில், கடனுக்கான பணத்தை அதிகமாக கட்டி முடிக்கலாம்.  

இரண்டாவது வீட்டை ஓராண்டில் 300 நாட்களுக்கு குறையாமல் வாடகைக்கு விடவேண்டும். இல்லையெனில், செல்வ வரி (வெல்த் டாக்ஸ்) கட்ட வேண்டும்.

நிபுணர் சொல்லிவிட்டார். இனி இரண்டாவது வீடு வாங்க முடிவு செய்ய வேண்டியது நீங்கள்தான்!

- செ.கார்த்திகேயன்

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism