<p><strong>சௌ.சிவகுமார், நிறுவனர், www.bestservicerealty.in</strong></p><p>கோவிட் -19 வைரஸ் பரவல் காரணமாக சொந்த வீடு கட்டுவது, வாங்குவது அதிகரித்து வருகிறது. கூடவே, அண்மைக்காலத்தில் முன்பைவிட பெரிய வீடுகளாக வாங்குவது அதிகரித்துள்ளது.வீட்டிலிருந்தே வேலை மற்றும் வீட்டிலிருந்தே படிப்புக்கு ஏற்ப கூடுதல் அறைகளுடன் வீடு பார்ப்பது உயர்ந்துள்ளது.</p>.<p>சென்னை, மும்பை, பெங்களூரு உள்ளிட்ட இந்தியாவின் முன்னணி ஏழு நகரங்களில் சராசரி அடுக்குமாடிக் குடியிருப்பு வீடுகளின் அளவு 2016-ம் ஆண்டில் 1,440 சதுர அடியாக இருந்தது. இது 2017-ல் 1,260 சதுர அடியாகக் குறைந்தது. 2019-ம் ஆண்டில் 1,050 சதுர அடியாகக் குறைந்திருந்தது. இது 2020-ல் கோவிட் பாதிப்புக்குப் பிறகு, 1,150 சதுர அடியாக அதிகரித்துள்ளது. அதாவது, கூடுதலாக 10 X 10 = 100 சதுர அடி என அளவு உயர்ந்துள்ளதாக அனராக் (ANAROCK) ரியல் எஸ்டேட் நிறுவனம் தெரிவித்துள்ளது. <br><br>சென்னையில் அடுக்குமாடி குடியிருப்புகளின் சராசரி அளவு 2019-ல் 1,100 சதுர அடியாக இருந்தது. இது 2020-ல் சுமார் 1,200 சதுர அடியாக அதிகரித்துள்ளது.<br><br>பெரிய வீடாக வாங்குவதற்கு அடுக்குமாடி வீட்டின் விலை குறைந்திருப்பதும், வீட்டுக் கடன் வட்டி சுமார் 6.8% அளவுக்குக் குறைந்திருப்பதும் முக்கியமான காரணங்களாகப் பார்க்கப்படுகிறது.</p>
