Published:Updated:

அப்பார்ட்மென்ட் வீடு வாங்கப் போகிறீர்களா? அலட்சியம் வேண்டாம்! சிக்கல் இல்லாமல் வாங்க ஆலோசனை...

A P A R T M E N T

பிரீமியம் ஸ்டோரி

சொந்த வீடில்லாதோருக்கு ‘சொந்த வீடு’ என்பது வாழ்நாள் கனவு. வாழ்க்கை லட்சியம். சென்னை போன்ற பெருநகரங்களில் தனி வீடு என்பது எல்லோருக்கும் சாத்தியப்படாத ஒன்று. அத்தகை யோர்களுக்கு அடுக்குமாடி குடியிருப்புகள்தான் ஆசுவாசம். அந்த வகையில் அப்பார்ட்மென்ட் வீடு வாங்கும்போது கவனிக்க வேண்டிய விஷயங்கள் குறித்து விரிவாக எடுத்துச் சொன்னார் வீடு மற்றும் அடுக்குமாடி கட்டுவோர் சங்கங்களின் கூட்டமைப்பின் மாநிலத் தலைவர் மணிசங்கர்.

மணிசங்கர்
மணிசங்கர்

‘‘ஒரு அடுக்குமாடிக் குடியிருப்பைக் கட்டுவதற்கு சில பில்டர்கள் ஐந்திலிருந்து ஆறு வருடங்களை எடுத்துக்கொள்கின்றனர். ஆரம்பத்திலேயே வீட்டை புக் செய்தவர்கள் பணத்தைக் கொடுத்து விட்டு அந்த ஆறு வருடங்களும் தண்டமாக இ.எம்.ஐ கட்ட வேண்டிய நெருக்கடிக்குள் தள்ளப்படுகின்றனர். அப்படி வீடு வாங்குவது நஷ்டம்தான்.

இதை மறைக்க ஒரு சில பில்டர்கள் ‘உங்களுக்கு 5,550 ரூபாய்க்கு விற்றேன். இப்போது 6,000 ரூபாய்க்கு விற்கிறேன் உங்களுக்கு லாபம்தான்’ என்பார்கள். 5,550 ரூபாய்க்கு ஐந்து வருடங்களுக்கு வட்டி போட்டால் 8,000 ரூபாய்க்கு மேல் போய்விடும் என்பதை பில்டர்கள் யோசிப்பதே இல்லை. ஆக, பணம் செலுத்தி எவ்வளவு நாள்களுக்குள் உங்களுக்கு வீடு கிடைக்கிறது என்பது மிகவும் முக்கியமாகக் கருத்தில்கொள்ள வேண்டிய விஷயம். தங்கம் கொடுக்கிறார்கள், கார் பரிசு தருகிறார்கள் என்று கண்ணை மூடிக்கொண்டு போய் விழுந்துவிடக் கூடாது.

ஒரு கட்டுமானத் திட்டம் குறிப்பிட்ட காலத்துக்குள் நிறை வேறவில்லை எனில், அந்த வாடிக்கையாளர் எவ்வளவு பணம் செலுத்தியுள்ளாரோ, அந்தப் பணத்துக்கு ஒவ்வொரு நாளுக்கும் வட்டிக் கணக்கீடு செய்து பில்டர் தர வேண்டும். உதாரணத்துக்கு, ரூ.90 லட்சம் மதிப்புள்ள வீட்டுக்கு நீங்கள் ரூ.80 லட்சம் செலுத்தியிருந்தால், அந்த ரூ.80 லட்சத்துக்குத் தினம் 18% வட்டியை பில்டர் கொடுக்க வேண்டும் என்று சொன்னால், அந்த பில்டர் குறிப்பிட்ட காலத்துக்குள் கட்டடத்தைக் கட்டி முடித்துவிடுவார். ஆனால், அப்படி செய்யாமல் மாதக் கணக்கில் காலக்கெடு விதிப்பதால்தான் சிக்கலாகிறது.

கட்டி முடிக்கப்படாத வீட்டுக்கு நாம் இ.எம்.ஐ செலுத்தும் நிலைக்குத் தள்ளப்படுவதற்கு வங்கியின் லோன் சாங்ஷனுக்கு நாம் அளிக்கும் ஒப்புதல் தான் காரணம். அதாவது, வீட்டைக் கட்டி முடித்திருக்கிறாரோ இல்லையோ, அதற்கான 90% பணத்தை உடனடியாக வங்கியிலிருந்து பில்டருக்கு ரிலீஸ் செய்து விடுவார்கள். நாம் தேவை இல்லாமல் இ.எம்.ஐ கட்டிக்கொண்டிருக்க வேண்டும். ‘பில்டர் பணம் கேட்கிறார் சாங்ஷன் செய்துவிடலாமா’ என்று வங்கியிலிருந்து நம்மிடம் மொட்டையாகக் கேட்பார்கள். ‘பணம் ரிலீஸ் செய்தால்தானே நமக்கு வீடு கிடைக்கும்’ என்று நினைத்து நாமும் உடனே ஓகே சொல்லிவிடுவோம். எவ்வளவு தொகை ரிலீஸ் செய்யப்படுகிறது. எவ்வளவு கட்டட வேலை முடிந்திருக்கிறது என்றெல்லாம் நாம் பார்ப்பதில்லை. எல்லாப் பணத்தையும் தந்துவிட்டு, அவரிடமிருந்து எப்போது வீடு கிடைக்கும் என்று பில்டரின் பின்னால் நாம் அலைந்துகொண்டிருப்போம்.

பொதுவாக, உங்களது சைட்டுக்கு வந்து எவ்வளவு கட்டட வேலைகள் முடிந்திருக்கிறது என்று மதிப்பீடு செய்து அதற்குரிய தொகையைத்தான் பில்டருக்கு கொடுக்க வேண்டும். ஆனால், வங்கிகள் அப்படிச் செய்யாமல் மொத்த கட்டடப் பணிகளையும் சதவிகிதத்தின் அடிப்படையில் மதிப்பீடு செய்து பணத்தைத் தந்துவிடுவார்கள்.

உதாரணத்துக்கு, உங்கள் வீடு 8-வது தளத்தில் கட்டப்பட வேண்டும் என்று வைத்துக் கொள்வோம். 8-வது தளத்தில் உங்களது வீட்டுப்பணி எந்தளவு முடிந்துள்ளது என்று மதிப்பீடு செய்து அதற்கேற்ற தொகையைத் தானே சாங்ஷன் செய்ய வேண்டும். அப்படி செய்யாமல், அந்தக் கட்டடத்தில் 5 தளங்கள் மட்டுமே கட்டி முடிக்கப் பட்டிருந்தாலும் 70% வேலைகள் முடிக்கப்பட்டுள்ளது என ஒட்டுமொத்த கட்டடத்துக்கும் சேர்த்து மதிப்பீடு செய்து 70% பணத்தை சாங்ஷன் செய்து விடுவார்கள்.

வங்கிகள் நமக்கு வீட்டுக்கடன் தருகிறார்கள் என்பதற்காக அவர்கள் எல்லா விதத்திலும் நன்மை செய்வார்கள் என்று நினைக்கக் கூடாது. வங்கியின் ஒவ்வொரு நடவடிக்கையையும் கூர்ந்து கவனிக்க வேண்டும், கேள்வி எழுப்ப வேண்டும்.

அப்பார்ட்மென்ட்
அப்பார்ட்மென்ட்

அடுத்ததாக பராமரிப்புக் கட்டணம் (maintanance charge) சார்ந்த பிரச்னைகள். புதிதாக வீடு வாங்கும்போது இரண்டு அல்லது மூன்று ஆண்டுகளுக்கு சேர்த்து மொத்தமாக பராமரிப்புக் கட்டணத்தை சில பில்டர்கள் வாங்கிக்கொள்கின்றனர். அவர்களே பராமரிப்பு செய் வார்கள் என்று நினைத்துதான் பணத்தைத் தந்திருப்போம். ஆனால், பராமரிப்புப் பணி அங்குள்ள அசோசியேஷன் கைக்குச் சென்று பல வருடங்கள் ஆகிவிட்டதென வீட்டுக்கு குடியேறிய பிறகுதான் நமக்குத் தெரியும். அதாவது, முதல் இரண்டு வருடங்கள் பில்டரே மெயின்டனன்ஸ் பார்த்திருப் பார். அப்போது அந்த வீடுகளுக்கு இரண்டு வருடங்களுக்கு மொத்தமாக மெயின்டனன்ஸ் வாங்கியிருப்பார். இரண்டு வருடங்களுக்குப் பிறகு, விற்கும் வீடுகளுக்கும் முந்தைய இரண்டு வருடங்களுக்கான மெயின் டனன்ஸ் வாங்கிக் கொள் வதில்தான் சிக்கல் உண்டாகிறது.

அடுக்குமாடிக் கட்டடங்கள் என்று வரும்போது பேஸ்-1, பேஸ்-2 பிரச்னைகளில் சிக்கிக் கொள்வபவர்களும் இருக் கிறார்கள். அதாவது, பேஸ்-1 கட்டடத்தில் நூறு வீடுகள் இருக்கின்றனவென்றால், அந்த வீட்டுக்கென நீச்சல் குளம், கிளப் ஹவுஸ் எனச் சில வசதிகள் செய்து கொடுக்கப் பட்டிருக்கும்.

அந்த இடத்தை ஒட்டியே பேஸ்-2 என்று சொல்லி இன்னொரு நூறு வீடுகளைக் கட்டுவார்கள். பேஸ் 1-க்கான வசதிகளைக் காட்டி பேஸ்-2 வீடுகளையும் விற்று விடுவார்கள். நீங்கள் வீட்டை வாங்கிய பிறகு, அந்த வசதிகளுக்கு அணுகும்போது பேஸ்1-ல் குடியிருப்பவர்கள் உங்களை அனுமதிக்க மாட்டார்கள்.பேஸ் 1-ல் இருக்கும் நீச்சல் குளத்தைக் காட்டி உங்களை ஏமாற்றி இருக்கிறார்கள் என்பது அப்போதுதான் உங்களுக்குத் தெரியும். ஆகையால், உங்கள் வீட்டுக்கு என்னென்ன வசதிகள் உண்டு என்பதைத் தெளிவாகத் தெரிந்துகொள்ள வேண்டும். பேஸ் 1-க்கும் பேஸ் 2-க்கும் இணைப்பே இருக்கக் கூடாது. பேஸ் 2-க்குத் தனியாக எல்லா வசதிகளும் செய்து தரப்பட்டிருக்கிறதா என்று பார்த்து வாங்க வேண்டும்.

சில பில்டர்கள் ஒரு வீட்டுக்குரிய கார் பார்க்கிங்கை இன்னொரு வீட்டுக்குக் காரருக்கு விற்றுவிடுகிறார்கள். கேட்டால், கார் பார்க்கிங்கோடு சேர்த்து வாங்கு வதற்கு அவரிடம் பணம் இல்லை என்பார்கள். அது முற்றிலும் தவறானது. பிற்காலத்தில் அவர் கார் வாங்கும்போது பெரிய சிக்கல் உண்டாகும். கார் பார்க்கிங் என்பது அத்தியாவசியமானது. ஒருவருக்கு கார் பார்க்கிங் கொடுத்துவிட்டு, இன்னொருவருக்கு கொடுக்காமல் இருப்பது சரியான நடைமுறை கிடையாது. எனவே, கொஞ்சம் பணத் தைக் குறைக்கிறார்கள் என்பதற்காக கார் பார்க்கிங் வேண்டாம் எனச் சொல்லி விடக் கூடாது.

அதேபோல சொத்து வரி கட்டுவதிலும் சில ஏமாற்று வேலைகள் நடக்க வாய்ப் புள்ளது. ஒரு அடுக்கு மாடிக் குடியிருப்பில் உள்ள நூறு வீடுகளில் 60 வீடுகள் விற்றுவிட்டன. 40 வீடுகள் விற்கவில்லை என்று வைத்துக் கொள்வோம். அந்த 40 வீடுகளுக்கும் சொத்து வரி கட்டாமலேயே சில பில்டர்கள் வைத்திருக்க வாய்ப்புண்டு. அது தெரியாமல் வாங்கிவிட்டால் நாம் சொத்து வரி செலுத்தச் செல்லும்போது எத்தனை வருடங்கள் சொத்துவரி செலுத்தவில்லையோ, அத்தனை வருடங் களுக்கும் சேர்த்து நாம்தான் சொத்து வரி செலுத்த வேண்டியிருக்கும். எனவே, அதையும் கவனத்தில்கொள்ள வேண்டும்.

சில இடங்களில் மெட்ரோ வாட்டர் இணைப்பு இருக்காது. அவ்வளவு ஏன் அதற்கு விண்ணப்பித்திருக்கக்கூட மாட்டார்கள். ஆனால், மெட்ரோ வாட்டர் இருப்பதாகச் சொல்லி வீட்டை விற்றுவிடுவார்கள். பிறகு குடிதண்ணீருக்கு நாம் திண்டாட வேண்டியிருக்கும். எனவே, அதுகுறித்த ஆவணங்களையும் பார்த்து, நாம் வீடு வாங்க வேண்டும்.

பிட்ஸ்

லகளவில் சிறப்பாகச் செயல்படும் 20 முக்கியமான எரிசக்தி நிறுவனங் களில் ஒன்றாக அதானி எனர்ஜி நிறுவனம் 16-வது இடத்தைப் பிடித்திருக் கிறது. இந்தப் பட்டியலில் வேறெந்த இந்திய நிறுவனமும் இல்லை!

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism
அடுத்த கட்டுரைக்கு