Published:Updated:

வீட்டுக் கடனில் வீடு... யார் வாங்கலாம், யார் வாங்கக் கூடாது? என்ன காரணம்..?

வீட்டுக் கடன்
பிரீமியம் ஸ்டோரி
வீட்டுக் கடன்

H O M E L O A N

வீட்டுக் கடனில் வீடு... யார் வாங்கலாம், யார் வாங்கக் கூடாது? என்ன காரணம்..?

H O M E L O A N

Published:Updated:
வீட்டுக் கடன்
பிரீமியம் ஸ்டோரி
வீட்டுக் கடன்

நமக்கென சொந்தமாக ஒரு வீடு வாங்க வேண்டும் என்கிற ஆசை எல்லோருக் கும் உண்டு. இப்படி ஆசைப் படுவதில் எந்தத் தவறும் இல்லை. ஆனால், வீட்டுக் கடனில் வீடு வாங்கும் முன் பல விஷயங்களை நன்கு யோசித்து, அந்த விஷயங்கள் பற்றி நமக்கு தெளிவான திட்டமிடல் இருந்தால் தாராளமாக வீடு வாங்கலாம். காரணம், வீட்டுக் கடனில் வீடு வாங்கும் பலரும் பல விஷயங்கள் பற்றி கொஞ்சம்கூட யோசிக்காமல் ஏதோ ஒரு உணர்ச்சி வேகத்தில் வீட்டுக் கடனை வாங்கி விட்டு, பின்பு படாதபாடு படுகிறார் கள். வீட்டுக் கடனில் நீங்கள் வீடு வாங்கும்போது, தவிர்க்க வேண்டிய தவறுகள் என்னென்ன என்பது குறித்து விளக்கமாக எடுத்துச் சொல்கிறார் நிதி ஆலோசகர் பி.பத்மநாபன்.

பி.பத்மநாபன்
பி.பத்மநாபன்

திருமணத்துக்காக சொந்த வீடு...

‘‘மாப்பிள்ளைக்கு சொந்த வீடு இருக்கிறதா என்ற கேள்வியுடன்தான் பெண் பார்க்கும் படலமே தொடங்கு கிறது. சொந்த வீடு இருந்தால், பெண் கொடுப்பதில்கூட முன்னுரிமை கிடைக்கிறது. இதற்காகவே கடன் வாங்கியாவது வீடு வாங்க ஆர்வம் காட்டும் நடுத்தரக் குடும்பத்தினரும் உண்டு. திருமணத்துக்குப் பிறகு, மனைவி ஓரிடத்திலும், கணவன் இன்னோரிடத்திலும் வேலை பார்க்கும் சூழ்நிலை உருவானால், அவர்கள் அந்த வீட்டில் வாழ இயலாத சூழ்நிலையே ஏற்படும். கடன் வாங்கி வீட்டைக் கட்டிய பின் அல்லது வாங்கியபின், அதில் வசிக்க முடியாத நிலை ஏற்பட்டால், அதை விட பெரிய தவறு வேறெதுவுமில்லை. எனவே, திருமணம் ஆக வேண்டும் என்பதற்காக வீட்டுக் கடன் மூலம் வீடு வாங்கி, அதில் வசிக்க முடியாத நிலையில், கடனுக்கான இ.எம்.ஐ செலுத்துவது ஒருபக்கம், வாடகை செலுத்துவது இன்னொரு பக்கம் என்று இருந்தால், நம் வருமானத்தில் பெரும் பணத்தை இழக்க வேண்டியிருக்கும்.

வீட்டுக் கடனில் வீடு... யார் வாங்கலாம், யார் வாங்கக் கூடாது? என்ன காரணம்..?

பிறரைப் பார்த்து வீடு வாங்க நினைப்பது...

வீட்டுக் கடன் மூலம் வீடு வாங்கும் முன் உங்களை நீங்களே கேட்க வேண்டிய கேள்வி... `நான் வீட்டுக் கடன் மூலம் வீடு வாங்குவது அவசியமா?’ என்பதுதான். உங்கள் நிதிநிலையைச் சரியாக எடை போடும் தன்மை உங்களைத் தவிர, வேறு யாருக்கும் இருக்காது. உங்கள் நண்பர் வீட்டுக் கடன் வாங்கி வீடு வாங்கிவிட்டார், உங்கள் உறவினர்கள் வாங்கிவிட்டார்கள் என்பதற்காக நீங்கள் வீடு வாங்க நினைக்கும் எண்ணத்தை உங்களுக்குள் உருவாக்கி வளர விடாதீர்கள். மற்றவர்களுக்கு இருக்கும் பண வசதி, செலவுகள், எதிர்காலத்துக்கான தேவைகள் வேறு, உங்களுக்கு இருக்கும் பண வசதி, செலவுகள், எதிர்காலத் தேவைகள் வேறாக இருக்கலாம். அப்படி இருக்கும்போது, அவர் செய்த மாதிரி நீங்களும் செய்வது பல சமயங்களில் சரியாக இருக்காது. எனவே, நீங்கள் வீட்டுக் கடன் வாங்க வேண்டுமெனில், உங்கள் நிதி நிலையை ஆராய்ந்து, பார்த்துதான் முடிவு செய்ய வேண்டும்.

வாடகைக்கு விடுவதற்கு வீடு...

வீட்டுக் கடன் மூலம் வீட்டை வாங்கி, அதை வாடகைக்கு விட்டு அதிலிருந்து கிடைக்கும் வருமானத்தைக் கொண்டு கடனை அடைத்துவிடலாம் என்று நினைத்து பலரும் வீடு வாங்குகிறார்கள். வாடகையாக வரும் பணத்துடன் இன்னும் சில ஆயிரங்களைச் சேர்த்துக் கட்டினால், வீடும் நமக்கு சொந்தமாகிவிடும். அப்படிச் சொந்தமாகும்போது அந்த வீட்டின் மதிப்பு அதிகரித்திருக்கும் என்பது அவர்கள் போடும் கணக்கு. ஆனால், வீட்டை வாடகைக்கு விட்டால் அதன் மூலம் கிடைக்கும் வருமானம் சுமார் 2 - 3 சதவிகிதத்துக்குள் மட்டுமே இருக்கும். இது வங்கி சேமிப்புக் கணக்கில் கிடைக்கும் வருமானத்தைவிடக் குறைவு. இதை ஒரு பெரிய வருமானமாகக் கருதுவது அறியாமைதான். தவிர, வீட்டின் மதிப்பு உயரும் என்பது எல்லா காலத்திலும் எல்லா இடங்களிலும் ஒரே மாதிரி நடக்கக்கூடியதல்ல. எனவே, இது மாதிரியான காரணங்களுக்காக வீட்டுக் கடன் மூலம் வீடு வாங்கும் தவற்றைச் செய்யக் கூடாது.

நிலையான வருமானம் இருக்கிறதா..?

வீட்டுக் கடன்மூலம் வீடு வாங்க நினைப்பவர்கள் அனைவரும் இந்தக் கேள்வியைத் தனக்குத்தானே கேட்டுக்கொள்வது அவசியம். ஏனெனில், நாம் வாழும் இந்தக் காலம் முன்பிருந்ததைப் போன்றதல்ல. தற்போது நாம் அனைவருமே கொரோனா பேரிடர் காலத்தில் வாழ்ந்து கொண்டிருக்கிறோம். பலரும் வேலையிழந்து கஷ்டப்படு கிறார்கள். தனியார் நிறுவனங்களில் வேலை பார்க்கும் ஊழியர்களின் சம்பளம் குறைந்திருக்கிறது. இப்படிப் பல பிரச்னைகள் இருக்கும் இந்த நேரத்தில் புதிதாக பெரிய கடன் சுமையை ஏற்றிக்கொள்ளும் தவற்றைச் செய்யக் கூடாது. நிலையான வருமானத்தை ஏற்படுத்திக்கொள்ளத் தேவையான நடவடிக்கைகளை எடுப்பதுடன், நீங்கள் வாங்கும் வீட்டை நீங்களே பயன்படுத்தும் நிலை இருந்தால் மட்டுமே வீட்டுக் கடன் மூலம் வீட்டை வாங்கும் முயற்சியில் இறங்குங்கள்.

கடன் வாங்கி சொந்த ஊரில் வீடு...

கோவிட் நோய்த் தொற்று வந்த பிறகு வீடு விஷயத்தில் புதிய டிரெண்ட் ஒன்று உருவாகி இருக்கிறது. அது, சொந்த ஊரில் வீடு கட்டுவது. கோவிட் சிக்கலில் சொந்த ஊரில் வீட்டில் இருந்தபடி ‘வொர்க் ஃப்ரம் ஹோம்’ மூலம் வேலை செய்பவர்கள், இனி இங்கேதான் இருக்கப் போகிறோம் என்கிற முடிவில் வீட்டுக் கடன் வாங்கி வீடு கட்டுகிறார்கள். இந்த முடிவிலும் இரண்டு பிரச்னை உண்டு. ஒன்று, இந்த ‘வொர்ம் ஃப்ரம் ஹோம்’ என்பது இன்னும் எத்தனை காலத்துக்கு, கோவிட் சிக்கல் முடிந்தபின் மீண்டும் வேலை செய்ய சென்னை அல்லது பெங்களூர் போய்விட்டால், இந்த வீட்டை என்ன செய்வது என்பது கேள்வியாக இருக்கும். சொந்த ஊரில் வீட்டைக் கட்டிவிட்டோம்; இனி வேறு ஊரில் போய் வசிக்க முடியாது. எனவே, வேலை மாறு வதைத் தவிர, வேறு வழியில்லை என்கிற முடிவை எடுக்கக் கூடாது. வேலை என்பது வருமானத்துக் கான வழி மட்டுமல்ல, குழந்தை களின் படிப்பு உட்பட பல வகையிலும் பயன் தருவது.

ஆக, இந்த விஷயங்களை எல்லாம் யோசித்து, வீட்டுக் கடன் மூலம் வீடு வாங்கினால், பிற்பாடு வருத்தப்பட வேண்டிய அவசியம் இருக்காது’’ என்று முடித்தார் பி.பத்மநாபன்.

புதிதாக வீடு வாங்க நினைப்ப வர்கள் இந்த விஷயங்களைக் கவனத்தில் கொள்ளலாமே!

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism