Published:Updated:

வீட்டுக்கடன் முன்ஒப்புதல்... கவனிக்க வேண்டிய விஷயங்கள்..!

வீட்டுக் கடன்
பிரீமியம் ஸ்டோரி
வீட்டுக் கடன்

கைகொடுக்கும் வீட்டுக் கடன்! - 5

வீட்டுக்கடன் முன்ஒப்புதல்... கவனிக்க வேண்டிய விஷயங்கள்..!

கைகொடுக்கும் வீட்டுக் கடன்! - 5

Published:Updated:
வீட்டுக் கடன்
பிரீமியம் ஸ்டோரி
வீட்டுக் கடன்

வீடு என்பதற்கு இணையாகத் தமிழில் பல சொற்கள் உள்ளன. இல், இல்லம், மனை, உறையுள், அகம் போன்றவை முக்கிய மானவை. இவற்றில் இல், இல்லம், மனை ஆகிய சொற்களே பெரும்பாலும் பழந்தமிழ் இலக்கியங்களில் பயன்படுத்தப்பட்டுள்ளன. இந்த இல்லத்தை சொந்தமாக்கிக்கொள்ள இன்றைய காலகட்டத்தில் பெரும்பாலும் கடன்தான் கைகொடுக்கிறது.

எஸ்.கார்த்திகேயன், நிதி ஆலோசகர், 
https://winworthwealth.com/
எஸ்.கார்த்திகேயன், நிதி ஆலோசகர், https://winworthwealth.com/

வீட்டுக் கடன் முன்ஒப்புதல்...

வீட்டைத் தேர்வு செய்யும் முன் வீட்டுக் கடன் தொகையை நிர்ணயம் செய்வது புத்தி சாலித்தனம். ஒருவருக்கு வீடு வாங்க எவ்வளவு தொகை தோராயமாக கடன் கிடைக்கும் என்பது முன்கூட்டியே தெரிந்தால் நன்றாக இருக்கும் இல்லையா? வங்கிகள், வீட்டுவசதி நிறுவனங்கள் அதை வீட்டுக் கடன் முன் ஒப்புதல் (Pre-approved) என்கிற பெயரில் தெரிவிக்கின்றன. இந்த முன்ஒப்புதலைப் பெறுவதன்மூலம் வீடு வாங்க கிட்டத்தட்ட எவ்வளவு கடன் கிடைக்கும் என்பது தெரிந்து விடும். இந்த நிலையில், நீங்கள் வாங்கப்போகும் சொத்து ஆவணத் தின் உண்மைத்தன்மை, கிரெடிட் ஸ்கோர் போன்றவற்றை பரிசோதனை செய்ய மாட்டார்கள்.

முன்ஒப்புதல் பெற்றுவிட்டால் வீட்டுக் கடன் கிடைப்பது உறுதியா?

வங்கி, வீட்டுவசதி நிறுவனங்கள் அல்லது நிதி நிறுவனங்களில் முன்கூட்டியே ஒப்புதல் பெற்றுவிட்டால் கடன் உறுதியாக கிடைத்துவிடும் என்பதில்லை. வீட்டுக் கடன் தோராயமாக எவ்வளவு கிடைக்கும் என்பதை முன்கூட்டியே வங்கியைத் தொடர்புகொண்டு உறுதிப்படுத்திக்கொள்வதுதான் முன்கூட்டிய ஒப்புதல் ஆகும்.

உங்களுக்கு எவ்வளவு கடன் கிடைக்கும் எனத் தெரிந்துவிட்டால், அதற்கேற்ற விலை உள்ள வீடுகளைத் தேட வசதியாக இருக்கும். ஆனால், அது கொடுப்பதை 100% உறுதி செய்வதாகாது. பொதுவாக, முன்கூட்டிய ஒப்புதல் பெறும் கடிதம் மூன்று மாதத்துக்குதான் செல்லுபடியாகும். இந்தக் காலம் வங்கிகள், வீட்டு வசதி நிறுவனங் களின் விரும்பத்தைப் பொறுத்து சற்று மாறுபடும்.

முன்கூட்டிய ஒப்புதல் பெறும் கடிதத்தில் வீட்டுக் கடனுக்கான வட்டி விகிதம் குறிப்பிடப்பட்டிருக்கும். இப்படி முன்கூட்டியே பெற்றிருக்கும்பட்சத்தில் வீட்டுக் கடனுக்கான நடைமுறைகள் விரைவாக முடிந்து, குறுகிய காலத்தில் கடன் கிடைத்துவிடும். அதைக் கொண்டு, பில்டர்/ புரொமோட்டரிடம் விலையை பேரம் பேசலாம். மேலும், உங்களிடம் இந்தக் கடிதம் கையில் இருக்கும்போது, உண்மையில் வீடு வாங்கும் நோக்கத்துடன் இருக்கிறார்கள் என்பதைப் புரிந்துகொண்டு, உங்களை கஸ்டமராக மாற்றிக்கொள்ளவும் வாய்ப்பிருக்கிறது.

வீட்டுக்கடன் முன்ஒப்புதல்... கவனிக்க வேண்டிய விஷயங்கள்..!

வீட்டுக் கடன் முன்ஒப்புதல் பெறத் தேவையான ஆவணங்கள்...

ஒருவர் வீட்டுக் கடன் முன்ஒப்புதல் பெற கீழ்க்கண்ட முக்கிய ஆவணங்களை வங்கிகள் அல்லது வீட்டு வசதி நிறுவனங்களுக்குத் தர வேண்டி வரும்.

1. வருமான ஆதாரங்கள்: கடந்த மூன்று ஆண்டுகளில் வருமான வரிக் கணக்குத் தாக்கல் செய்தற்கான ஆதாரம் / படிவம் 16 (சம்பளத்தில் டிடிஎஸ் பிடிக்கப்பட்ட விவரத் துடன்)/ வங்கி சேமிப்புக் கணக்கு கடந்த ஆறு மாதப் பரிவர்த்தனை விவரங்கள்.

இதுவே சுயதொழில் செய்பவராக இருந்தால் பேலன்ஸ்டு ஷீட், லாப / நஷ்ட ஆதாரங்களைக் கொடுக்க வேண்டி வரும்.

2. தனிப்பட்ட விவரங்கள்: கடன் வாங்கப்போகிறவரின் அடையாளம் மற்றும் முகவரிக்கான ஆதாரங்கள்.

அடையாள ஆதாரமாக பான் கார்டு, ஆதார் கார்டு, வாக்காளர் அடையாள அட்டை, ஓட்டுநர் அடையாள அட்டை ஆகியவற்றைக் கொடுக்கலாம். முகவரிக்கான ஆதாரமாக ஆதார், வாக்காளர் அடையாள அட்டை, ஓட்டுநர் அடையாள அட்டை ஆகியவற்றைக் கொடுக்கலாம்.

ஆதார் அட்டையை அடையாளம் மற்றும் முகவரிக்கான ஆதாரமாக எடுத்துக்கொண்டாலும், குறைந்தபட்சம் இரு ஆதாரங்களை வங்கிகள் மற்றும் வீட்டு வசதி நிறுவனங்கள் எதிர்பார்க்கின்றன. அந்த வகையில் ஆதார், வாக்காளர் அடையாள அட்டை, ஓட்டுநர் அடையாள அட்டை இவற்றில் ஏதாவது இரண்டு ஆவணங் களைக் கொடுப்பது நல்லது.

வீட்டுக் கடன் முன்ஒப்புதல் பெற சொத்து தொடர்பான ஆவணங்கள் எதையும் சமர்பிக்கத் தேவையில்லை என்பது முக்கியமான விஷயம்...

வீட்டுக்கடன் முன்ஒப்புதல்... கவனிக்க வேண்டிய விஷயங்கள்..!

கவனிக்க வேண்டிய விஷயங்கள்..!

 வீட்டுக் கடன் முன்ஒப்புதல் பெற ஒருவர் விண்ணப்பம் செய்தவுடன், கடன் வழங்கப் போகும் வங்கி / வீட்டு வசதி நிறுவனம் உங்களின் கிரெடிட் ஸ்கோரைப் பரிசோதிக்கும். இந்தச் செயல் உங்களில் ஸ்கோரைக் குறைக்க வாய்ப்பு இருக்கிறது. எனவே, தேவை இல்லாமல், வீட்டுக் கடன் முன்ஒப்புதல் பெற விண்ணப் பிக்க வேண்டாம்.

மேலும், முன்ஒப்புதலைப் பெற பல இடங்களில் விண்ணப் பிக்க வேண்டாம். இதற்கு பதில் வாய்வழி விசாரணை, ஆன் லைன் கால்குலேட்டர் மூலம் கடன் தகுதியைப் பரி சோதித்துக் கொள்வது நல்லது.

 உங்களுக்கு வீட்டுக் கடன் வழங்க முன்ஒப்புதல் வழங்கி இருந்தாலும், உங்களின் வீட்டுக் கடன் விண்ணப்பத்தைத் தள்ளுபடி செய்ய வங்கிகள், வீட்டு வசதி நிறுவனங்கள், நிதி நிறுவனங் களுக்கு முழு உரிமை இருக் கின்றன.

ஒருவருக்கு குறைவான கிரெடிட் ஸ்கோர், கடன் வரலாறு திருப்திகரமாக இல்லாமல் இருப்பது, வீட்டுக்கு எடுத்துச் செல்லும் சம்பளத் தொகை குறைவாக இருப்பது போன்றவை வீட்டுக் கடன் விண்ணப் பத்தை நிராகரிக்க காரணமாக இருக்கக்கூடும்.

 இந்த வீட்டுக் கடன் முன்ஒப்புதல் என்பது பெரும் பாலும், வீட்டுக் கடன் வழங்கப்போகும் நிறுவனம் அங்கீகரித்த சொத்தாக இருக்க வேண்டும். அவர் களின் அங்கீகாரப் பட்டிய லில் இல்லாத வேறு பில்டரின் வீடு என்கிற நிலையில், முன்ஒப்புதல் தந்திருந்தாலும் வீட்டுக் கடன் விண்ணப் பத்தை நிராகரிக்கக்கூடும். எனவே, கடன் வழங்கும் நிறுவனத்தின் அங்கீகாரப் பட்டியலில் உள்ள புராஜெக்ட் டுகளில் வீட்டைத் தேர்வு செய்வது நல்லதாகும்.

 தனி வீடு, அடுக்குமாடிக் குடியிருப்பு வாங்க மற்றும் சொந்தமாக வீடு கட்ட வீட்டுக் கடன் முன்அனுமதி பெற முடியும். மேலும், பழைய வீடு வாங்கவும் முன்ஒப்புதல் பெறலாம். இதே போல், அங்கீகரிக்கப் பட்ட வீட்டு மனை வாங்கவும் முன்ஒப்புதல் பெற முடியும்.

 ஒரு புராஜெக்ட்டில் 7, 8 வீடுகள் கட்டி விற்பனை செய்யும் சிறிய பில்டர்களின் வீடுகளையும் இப்படி முன்ஒப்புதல் பெற்று வாங்கலாம்.

 நாம் ஏற்கெனவே சொன்னது போல், வீட்டுக் கடன் முன்ஒப்புதல் அனுமதி 3 முதல் 6 மாதங்கள் மட்டுமே செல்லுபடியாகும். அதற்குள் வாங்கப் போகும் வீட்டை இறுதி செய்வது முக்கியமாகும். முன்ஒப்புதல் அனுமதி காலாவதி ஆகிவிட்டால், மீண்டும் விண்ணப்பித்து பெற வேண்டும். இது உங்களின் கிரெடிட் ஸ்கோரை மேலும் குறைக்கும் விஷயமாக இருக்கும். மேலும், வங்கிகள், வீட்டுவசதி நிறுவனங்கள், நிதி நிறுவனங்களில் வீட்டுக்கடன் முன்ஒப்புதல் பெற்று அவை அங்கீகரித்த வீடுகளைத் தேர்வு செய்யும் பட்சத்தில் வீட்டுக் கடன் சுலபமாகக் கிடைக்க வாய்ப்பு இருக்கிறது. இப்படிச் செய்யும்போது சொத்து தொடர்பான ஆவணங்களின் நம்பகத்தன்மையில் சிக்கல் இருக்க வாய்ப்பு குறைவு. மேலும், பெரும்பாலான ஆவணங்கள் கடன் வழங்கப்போகும் நிறுவனங்கள் வசமே இருக்கும்.

வீடு வாங்க மட்டுமல்ல, வீடு கட்ட கடன் பெறவும் வீட்டுக் கடன் முன்ஒப்புதல் பெற முடியும். எவ்வளவு தொகை கடன் கிடைக்கும் எனத் தெரிந்துகொண் டால், அதற்கு ஏற்றாற் போல பெரிய வீடாக கட்டலாமா அல்லது சிறிய வீடா கட்டலாமா என்பதை முன்கூட்டியே முடிவு செய்ய முடியும்.

இதர கடன்களுக்கான மாதத் தவணை (இ.எம்.ஐ), வீட்டுக் கடன் மாதத் தவணை எல்லாம் போக சம்பளத் தொகையில் சுமார் 45-50% தொகை இருந்தால் மட்டுமே இன்றைய காலகட்டத்தில் வீட்டுச் செலவுகளைச் சுலபமாக சமாளிக்க முடியும். அதற்கு ஏற்ப திட்டமிட்டுக்கொள்வது மிக முக்கிய மாகும்.

எது எப்படி இருந்தாலும், சொந்த வீடு வாங்க அல்லது கட்ட நினைப்பவர்கள் வீட்டுக் கடன் முன்ஒப்புதல் பெறுவது வீட்டுக் கடன் வாங்குவதற் கான முதல் படியாகும் என்பதில் சந்தேகம் இல்லை.

(சொந்த வீட்டை வாங்குவோம்)