Published:Updated:

ஸ்டீல் திடீர் விலையேற்றம் நீடிக்குமா? வீடு கட்டுபவர்கள் என்ன செய்யலாம்?

ஸ்டீல்
பிரீமியம் ஸ்டோரி
News
ஸ்டீல்

STEEL PRICE

கட்டுமானப் பொருள்களின் விலை அதிகரிப்பு கட்டுமான நிறுவனங்களுக்கு மிகுந்த சிரமத்தை ஏற்படுத்தியுள்ளது. சிமென்ட், கம்பி உள்ளிட்ட முக்கிய மூலப்பொருள்களின் விலை கடந்த இரண்டு மாதங்களாகத் தொடர்ந்து அதிகரித்து வந்துள்ளது. மூன்று மாதங்களுக்குமுன் ஸ்டீல் ஒரு மெட்ரிக் டன் ரூ.42,000 என்ற அளவில் வர்த்தகமானது. தற்போது ஒரு மெட்ரிக் டன் ரூ.63,000-ஆக விலையேற்றம் கண்டுள்ளது.

ஏற்கெனவே ரியல் எஸ்டேட் தொழிலில் மந்தமான போக்கு நிலவிவரும் வேளையில், விலை அதிகரிப்பு பாதிப்பைத் தந்திருக்கிறது. அதிக விலை கொடுத்து வாங்கி, கட்டுமானப் பணிகளை முடிக்க வேண்டியுள்ளதால் ஏற்கெனவே போடப்பட்ட ஒப்பந்த விலைக்கும், தற்போதைய விலை அதிகரிப்புக்கும் உள்ள வித்தியாசத்தை நிறுவனங்கள் தாங்கிக்கொள்ள வேண்டிய கட்டாயத்தில் இருப்பதால், கட்டுமான நிறுவனங்கள் நஷ்டத்தைச் சந்திக்க வேண்டியதாக இருக்கிறது. கட்டட ஒப்பந்தக்காரர்களுக்கு, குறைந்தபட்சம் 15% அதிக செலவு செய்ய வேண்டிய கட்டாயத்தில் இருப்பதால், கட்டுமானத் தொழிலில் ஈடுபட்டுள்ள நிறுவனங்களின் லாபம் குறைய வாய்ப்பிருக்கிறது. தனிப்பட்ட முறையில் கட்டுமானப் பொருள்களை வாங்கி, வீடு கட்டி வரும் தனிநபர்கள் இந்த ஸ்டீல் விலை உயர்வால் பட்ஜெட்டுக்குள் வீட்டைக் கட்டி முடிக்க முடியாமல் திணறி வருகிறார்கள்.

இந்த விலையேற்றம் உலக அளவில் அமெரிக்கா, ஐரோப்பிய நாடுகள், சீனா மற்றும் இந்தியா உள்ளிட்ட அனைத்து நாடுகளிலும் காணப்படுகிறது. பெரும்பாலான நாடுகள், கோவிட்-19-க்குப் பிறகு, பொருளாதாரத்தை ஊக்குவிக்கும் விதமாகப் பணப் புழக்கத்தை அதிகரிக்க அந்தந்த நாடுகள் பெரும் முயற்சிகளை எடுத்து வருகின்றன.

ஷியாம் சுந்தர்
கமாடிட்டி நிபுணர்
ஷியாம் சுந்தர் கமாடிட்டி நிபுணர்

காரணம் என்ன..?

ஸ்டீல் நிறுவனங்களுக்குத் தேவை யான மூலப்பொருள்களின் விலை கணிசமாக உயர்ந்து காணப்படுவது முக்கியக் காரணமாகும். இரும்புத் தாதுவின் விலை, கடந்த 2020-ம் ஆண்டில் 80% வரை அதிகரித்து காணப்பட்டது. இந்த நிலையில், நடப்பு 2021–ம் ஆண்டின் முதல் இரண்டு வாரத்திலேயே 8% விலையேற்றம் கண்டுள்ளது குறிப்பிடத் தக்கது. 

இரும்புத் தாதுவின் விலை கடந்த 10 வருடங்களில் இல்லாத அளவுக்கு உச்சத்தில் உள்ளது. ஒரு மெட்ரிக் டன்னானது 172 அமெரிக்க டாலர்களில் காணப்படுகிறது. இந்த விலை கடந்த 2011 செப்டம்பரில் இருந்த விலையாகும். பொது வாகவே, இரும்புத் தாது உள்ளிட்ட சந்தைப் பொருள்களின் பயன்பாட்டில் சீனாவின் பங்களிப்பு முக்கியத்துவம் வாய்ந்ததாகக் கருதப் படுகிறது. இந்த வேளையில், 2020-ம் ஆண்டில் சீனாவின் மொத்த இறக்கு மதியில் இரும்புத்தாது இறக்குமதி 70 சதவிகிதமாகக் காணப்பட்டது. அதாவது, 1.17 பில்லியன் டன்களாக இறக்குமதி அதிகரித்துள்ளது. மூன்று வருடங்களுக்கு முன் 1.07 மெட்டரிக் டன்களாக இருந்தது.

உலக அளவில், பல நாடுகள், 2020-ம் ஆண்டு முழுவதுமே கொரோனா பாதிப்பில் இருந்தாலும், சீனாவின் ஸ்டீல் உற்பத்தி மட்டும் அதிகரித்தே காணப்பட்டது. 2020 நவம்பர் மாதம் முடிவடைந்த காலத்தில் 963 மில்லியன் டன் உற்பத்தி அளவாக இருந்துள்ளது.

உலக ஸ்டீல் குழுமத்தின் அறிக்கையின்படி, கடந்த 2020-ம் ஆண்டின் முதல் 11 மாதங்களில், உலகில் 64 நாடுகளில் 1.3% உற்பத்தி குறைந்து காணப்பட்ட நிலையில், சீனாவில் மட்டும் 5.5% ஸ்டீல் உற்பத்தி அதிகரித்துள்ளது.

சீனாவில் மட்டுமல்லாமல், வட ஐரோப்பிய நாடுகளிலும், கடந்த மூன்று மாதங்களாக தொடர்ந்து அதிகரித்து வர்த்தகமாகி வருகிறது.

ஜெர்மனியின் 2020-ம் ஆண்டின் உற்பத்தி 2019-ம் ஆண்டைக் காட்டிலும், 19% குறைந்து காணப்படுகிறது. கோவிட் 19 காரணமாக உற்பத் தியில் ஏற்பட்ட தடைகள் இதற்குக் காரணமாகக் கூறப்படு கின்றன. இறக்குமதியும் குறைந்து காணப்படுவது மற்றொரு காரணமாகும்.

ஒரு பக்கம் வாகனத்துறையில் ஏற்பட்டுள்ள தேவை அதிகரிப்பு, அதே நேரத்தில் சப்ளை குறைவு என இரண்டும் சேர்ந்திருப்பது உலக அளவில் ஸ்டீல் தகடுகள் மற்றும் இரும்புக் கம்பிகள் ஆகியன 2011-ம் ஆண்டின் உச்சத்துக்கு அருகில், குறுகிய காலத்தில் உயர்ந்திருப்பது அச்சத்தையும், அதே சமயம் நிறுவனங்களுக்கு இந்த விலை உயர்வு நீடிக்குமா என்ற ஐயத்தை யும் உருவாக்கி உள்ளது.

ஸ்டீல்
ஸ்டீல்

இந்திய நிலவரம் எப்படி?

2020 மார்ச் மாத இறுதிக்குப் பிறகு ஏற்பட்ட தொய்வானது, கடந்த சில மாதங்களாக அதன் தாக்கத்தை உணர்ந்து வருகின்றன. உற்பத்தி இழப்பு, ஆள் பற்றாக்குறை, தேவை அதிகரிப்பு, மூலப்பொருள்களின் விலை அதிகரிப்பு, இறக்குமதி குறைவு என்று அனைத்தும் ஒரே நேரத்தில் சேர்ந்து காணப்படுவது தற்போதைய விலை ஏற்றத்துக்கு அடிப்படையான காரணி களாகப் பார்க்கப்படுகின்றன.

சர்வதேச நிலவரங்கள் தவிர, உள்நாட்டில் விலை அதிகரிப்ப தற்கு இரண்டு காரணங்கள் சொல்லப்படுகின்றன.

ஒன்று, இறக்குமதி குறைந்து காணப் படுவது, மற்றொன்று இரண்டாம் கட்ட நிறுவனங் களின் உற்பத்தி யில் தொய்வு. இந்த இரண்டு காரணங்களும், எதிர்மறையான விளைவுகளைத் தோற்றுவித்து உள்ளன.

கடந்த டிசம்பர் மாதத்தில் மட்டும் உற்பத்தி அளவு வருடாந்தர அடிப்படையில் ஒப்பிடும்போது 10.6 மெட்ரிக் டன்களாகக் குறைந்துள்ளது.அதாவது, 21% உற்பத்தி சரிவடைந் துள்ளது. பொதுவாக, உள்நாட்டு உற்பத்தியில் இரண்டாம்கட்ட ஸ்டீல் உற்பத்தி செய்யும் நிறுவனங்களின் சராசரி பங்களிப்பு 42 சதவிகிதமாக இருக்கும்நிலையில், முடிவடைந்த டிசம்பரில் 36 சதவிகிதமாக இறக்கம் அடைந்துள்ளது.

இந்திய விலை தென்கொரியாவின் விலையைவிட 6% அதிகமாக வர்த்தகமாகி வருகிறது. தென் கொரியாவிலிருந்து இறக்குமதி செய்ய வேண்டுமானால், உடனடியாகச் செயல்படுத்த இயலாது என்பதும் சந்தைகள் உணர்ந்துள்ளன.

எதிர்காலத்தில் விலை இறங்க வாய்ப்புண்டா?

2021-ன் முதல் ஆறுமாதங்களுக்கு இதே நிலை நீடிப்பதற்கு வாய்ப்பிருக்கிறது. மேலும், குறுகியகாலத்தில் அதிக விலையேற்றம் என்பது நிலைத்து நீடிக்குமா என்று கேட்டால், இதற்கான தேவைகள் தொடருமா என்பதைப் பொறுத்தே அமையும். அரசாங்கத்தின் செலவுகள் கட்டுமானத்துறைகளில் அதிக அளவுக்கு இருக்கும் பட்சத்திலும், தனியார் நிறுவனங்களின் பங்களிப்பு எந்த அளவுக்கு இருக்கப் போகிறது என்பதைப் பொறுத்தும்தான் ஸ்டீல் விலை இறங்க வாய்ப் பிருக்கிறது.

கடந்த ஆறு மாதங்களில் ஏற்பட்ட தொழில் சுணக்கம் தற்போது சூடு பிடித்துள்ளது என்றாலும் தேவைகளில் தொய்வு ஏற்படின் விலைச் சரிவு என்பது தவிர்க்க முடியாத ஒன்றாகிவிடும்.

பிட்ஸ்

டுத்த மூன்று ஆண்டுகளில் ரூ.300 - ரூ.400 கோடி செலவில் அயோத்தியில் ராமர் கோயில் கட்டப்படும் என ராமர் கோயில் அறங்காவலர் குழு தெரிவித்து உள்ளது!

பிட்ஸ்

திறன் வளர்ப்பில் முதலீடுகள் அதிகரிப்பதன் மூலம் 2030-ல் ரூ.40 லட்சம் கோடியை இன்னும் அதிகமாக சம்பாதிக்க முடியும் என உலக பொருளாதார அமைப்பு கணித்து உள்ளது!