Published:Updated:

ரியல் எஸ்டேட்... பினாமி சொத்துகளை ஒழிக்கப் புதிய திட்டம்!

ரியல் எஸ்டேட்
பிரீமியம் ஸ்டோரி
News
ரியல் எஸ்டேட்

ரியல் எஸ்டேட்

ந்தியாவில் ரியல் எஸ்டேட் பினாமி சொத்துகளை ஒழிக்கவும், மோசடிகளைத் தடுக்கவும் புதிய திட்டத்தை விரைவில் கொண்டு வர இருக்கிறது மத்திய அரசாங்கம். இந்தியாவில் கடந்த 15, 20 ஆண்டுகளாகப் பல்வேறு நீதிமன்றங்களில் நிலுவையிலுள்ள வழக்குகளில் சுமார் 65% நில உரிமை சார்ந்ததாக இருக்கிறது என்கிறது ஒரு புள்ளிவிவரம்.

உங்கள் அன்றாட தேவைகளின் அனைத்து பொருட்களையும் சிறந்த தள்ளுபடியில் வாங்க

VIKATAN DEALS

இந்த நிலையில், இந்தியாவில் உள்ள ஒவ்வொரு மனைக்கும் பிரத்யேக எண் வழங்க மத்திய அரசு நடவடிக்கை எடுத்து வருகிறது. இந்த எண் வந்துவிட்டால், ரியல் எஸ்டேட் துறையில் மோசடி குறைவதுடன் ரியல் எஸ்டேட் சொத்துகள் தொடர்பாக வெளிப்படைத்தன்மை அதிகரித்துவிடும். குறிப்பாக, ரியல் எஸ்டேட்டில் பினாமி சொத்துகளை ஒழிக்கும் புதிய திட்டமாக இது இருக்கும் என்கிறார்கள்.

ரியல் எஸ்டேட்... பினாமி சொத்துகளை ஒழிக்கப் புதிய திட்டம்!

ஏற்கெனவே சர்வே செய்யப்பட்ட மனைகளுக்குப் பிரத்யேக எண்களைக் கொடுக்கும் பணியை மத்திய ஊரக மேம்பாட்டு அமைச்சகத்தால் மேற்கொள்ளப்பட்டு வருகிறது. இந்தப் பிரத்யேக எண் என்பது அந்த இடம் அமைந்திருக்கும் மாநிலம், மாவட்டம், தாலுக்கா மற்றும் தெருவைக் குறிப்பதாக இருக்கும். மேலும், அந்த எண் நிலத்தின் அளவு மற்றும் அதன் உரிமையாளர் பற்றிய விவரங்களை உள்ளடக்கியதாக இருக்கும்.

Follow @ Google News: கூகுள் செய்திகள் பக்கத்தில் விகடன் இணையதளத்தை இங்கே கிளிக் செய்து ஃபாலோ செய்யுங்கள்... செய்திகளை உடனுக்குடன் பெறுங்கள்.

இந்த எண் படிப்படியாக நிலத்தின் உரிமையாளரின் ஆதார் எண்ணுடன் இணைக்கப்படும். இதன் முதல்கட்டமாக மத்திய அரசு, நில ஆவணங்களை டிஜிட்டல் மயமாக்கி வருகிறது. மத்திய அரசு ஏற்கெனவே சில மாநிலங்களில் டிஜிட்டல் இந்தியா நில ஆவணங்கள் நவீனமயமாக்கல் திட்டம்மூலம் நில ஆவணங்களை டிஜிட்டல் வடிவில் கொண்டுவந்து விட்டது.

ரியல் எஸ்டேட்... பினாமி சொத்துகளை ஒழிக்கப் புதிய திட்டம்!

மேலும் வீட்டுக்கடன் வாங்குவது, பத்திரங்களை அடைமானம் வைத்து கடன் வாங்குவது போன்றவை மிக எளிமையாக்கப்பட்டுவிடும். மிக முக்கியமாக, ரியல் எஸ்டேட்டில் முதலீடு செய்வது அதிகரிக்கும். வெளிநாட்டு முதலீடுகளும் இந்திய ரியல் எஸ்டேட்டுக்கு முன்பைவிட அதிகமாக வரும் என எதிர்பார்க்கப்படுகிறது.

இதுகுறித்து வழக்கறிஞரும் முன்னாள் கூடுதல் பதிவுத் துறை தலைவர் ஆ.ஆறுமுக நயினாரிடம் கேட்டோம். “மிக முக்கியமாக, பத்திரப் பதிவின் போது ஆள் மாறாட்ட மோசடி செய்வது தடுக்கப் படும். தேசிய அளவில் ஒவ்வொரு காலி மனை மற்றும் வீடு கட்டப்பட்டிருக்கும் மனைக்கும் ஒரு பிரத்யேக எண் கொடுக்கப்படும்பட்சத்தில், பத்திரப்பதிவின்போது மனையின் உரிமையாளர் இவர்தான் என்பதைச் சுலபமாக உறுதிப்படுத்திக் கொள்ள முடியும். நில மோசடியால் ஏற்படும் சட்ட ஒழுங்குப் பிரச்னை தவிர்க்கப்படும்.

அமெரிக்கா போன்ற மிகவும் வளர்ந்த நாடுகளில் எல்லாம் சொத்துப் பதிவு ஆன்லைன்மூலமே நடக்கிறது. அங்கே பத்திரப் பதிவு அலுவலகம் என்பதே கிடையாது. வக்கீல் ஒருவர்மூலமே பத்திரப்பதிவு செய்துவிட முடியும். அமெரிக்காவில் சொத்து மோசடி செய்தால், 40 ஆண்டுகள் சிறை தண்டனை என்ப தால், அங்கு யாரும் சொத்து மோசடியில் ஈடுபடுவதில்லை. நம் ஊரில் சொத்து மோசடி வழக்கில் மாட்டியவர்கள் நான்கே நாளில் வெளியே வந்துவிடுகிறார்கள்.

ஆ.ஆறுமுக நயினார்
ஆ.ஆறுமுக நயினார்

மேலும், ரியல் எஸ்டேட் பிரச்னைகள் இல்லை என்றால், நாட்டில் பொருளாதார வளர்ச்சி மேம்படும். தற்போது வருமான வரித்துறை, ஒருவரின் சொத்து விவரங்களை தற்போது பத்திரப் பதிவுத்துறை, வருவாய்த்துறையிடமிருந்து பெறுகிறது. இந்தப் பிரத்யேக எண் நடைமுறைக்கு வந்துவிட்டால், நேரடியாகவே ஒருவரின் சொத்து விவரங்களை எளிதில் தெரிந்துகொள்ள முடியும்’’ என்றார். சொத்துச் சச்சரவுகள் தீர நல்லதொரு வழி சீக்கிரமே பிறக்கட்டும்!