Published:Updated:

வீட்டுக் கடன் வாங்கி சொந்த வீடு வாங்கப் போகிறீர்களா..? கட்டாயம் தவிர்க்க வேண்டிய 6 தவறுகள்!

வீட்டுக் கடன்
பிரீமியம் ஸ்டோரி
வீட்டுக் கடன்

H O M E L O A N

வீட்டுக் கடன் வாங்கி சொந்த வீடு வாங்கப் போகிறீர்களா..? கட்டாயம் தவிர்க்க வேண்டிய 6 தவறுகள்!

H O M E L O A N

Published:Updated:
வீட்டுக் கடன்
பிரீமியம் ஸ்டோரி
வீட்டுக் கடன்

கொரோனா தாக்குதலுக்குப் பிறகு, வீட்டுக் கடனுக்கு கொடுக்கப்பட்டு வந்த வட்டி விகிதம், பெரும் பாலான பொதுத்துறை வங்கிகளில் 7% வரை குறைந்திருப்பதால், மக்கள் இதைப் பயன்படுத்தி அதிகமாக வீட்டுக் கடன் வாங்க ஆரம்பித் திருக்கிறார்கள் என்கிறது புள்ளி விவரம். வீட்டுக் கடன் வாங்கும்போது தவிர்க்க வேண்டிய தவறுகள் என்ன என்பதைத் தெரிந்துகொள்ள நிதி ஆலோசகர் பா.பத்மநாபனிடம் பேசினோம்.

 பா.பத்மநாபன்
பா.பத்மநாபன்

அடிப்படை விஷயங்களை கவனிக்கா விட்டால்...

“பெரு நகரங்களில் வில்லாவோ, அடுக்குமாடிக் குடியிருப்பு வாங்கவோ முடிவுசெய்யும் நிலையில் வங்கிக் கடன் என்பது பெரும்பாலானவர் களுக்கு ஒரு நல்ல வாய்ப்பாக அமைந்துவிடுகிறது. தற்போதைய நிலையில், மத்திய அரசு அறிவித் திருக்கும் பல திட்டங்களின் மூலம் வீடு வாங்குபவர்களுக்குப் பல சலுகைகள் நடைமுறையில் உள்ளன. வங்கிகளும் வீட்டு வசதி நிதி நிறுவனங்களும் எளிய நடைமுறை களில் வீட்டுக் கடன்களை வழங்கு கின்றன. ஆனால், வீட்டுக் கடனை வாங்கும் நடவடிக்கையில் நீங்கள் இறங்கும்போது பல விஷயங்களில் கவனமாக இருக்க வேண்டியது அவசியம். இல்லையெனில், சொந்த வீட்டில் வாழும் வாழ்க்கை நரகமாகக்கூட மாறிவிடும்” என்றவர் தவிர்க்க வேண்டிய 6 தவறுகளைப் பட்டியலிட்டார்.

வீட்டுக் கடன்
வீட்டுக் கடன்

1. திட்டமிடாமல் வீட்டைத் தேர்வு செய்வது சரியல்ல...

பெரும்பாலானவர்கள் பட்ஜெட்டை முடிவு செய்து கொண்டு, அதற்கான வீட்டையும் தேர்வு செய்துவிட்டு, அதன்பிறகு வங்கியை அணுகி வீட்டுக் கடன் தொடர்பான விவரங்களைப் பெற ஆரம்பிக்கிறார்கள். இது தவறான அணுகுமுறை. ஏனெனில், நீங்கள் பார்த்திருக்கும் வீட்டுக்குத் தேவையான கடன் தொகைக்கு தகுந்தாற்போல், உங்களுடைய வருமானம் இருக்கிறதா என வங்கி முதலில் பார்க்கும். வருமானம் குறைவாக இருக்கும் பட்சத்தில், அந்த வங்கியால் நீங்கள் கேட்கும் கடன் தொகையைக் கொடுக்க முடியாது. சரி, வங்கிக் கொடுப்பதை வாங்கிக்கொண்டு, மீதத் தொகைக்கு வெளியில் கடன் வாங்கிக்கொள்ளலாம் என முடிவெடுத்தால், கண்டிப்பாக சிக்கலில் சிக்கிக் கொள்வீர்கள். அதனால், முதலில் உங்களுடைய வருமான விவரங்களை வங்கியில் காட்டி, கிடைக்கும் கடன் தொகைக்கு ஏற்றவாறு வீட்டைத் தேர்வு செய்துகொள்வது நல்லது.

2. ஆசை வலையில் சிக்குவது!

வீட்டுக் கடன் வாங்க நினைப்பவர்களில் பலர், அதை வழங்கும் நிறுவனங்களின் கவர்ச்சிகரமான விளம்பரங்கள், ஆசைவார்த்தைக் காட்டும் பேச்சுகள் ஆகியவற்றால் ஈர்க்கப்பட்டு நிலையான வட்டி விகிதம், மாறுபடும் வட்டி விகிதம், அபராதத் தொகை போன்றவற்றைச் சரிவரத் தெரிந்துகொள்ளாமல் வாங்கி விடுகிறார்கள். இறுதியில் வாங்கிய கடனை இரு மடங்காகத் திருப்பித்தரும் நிலைக்குத் தள்ளப்படுகிறார்கள். எனவே, எதிர்காலத்தில் எதிர்பாராமல் திடீர் செலவுகள் எற்பட்டாலும், உங்களால் சமாளிக்கக்கூடிய வகையிலிருக்கும் வீட்டுக் கடன் திட்டத்தைத் தேர்வு செய்யுங்கள்.

வட்டி விகிதம், செயலாக்கக் கட்டணம், கடன் ஒப்புதல் காலம், தாமதமாகச் செலுத்தும் இ.எம்.ஐ-க்கான அபராதம், கடன் விதிமுறைகள் மற்றும் முன்கூட்டியே கடனை அடைப்பதற்கான கட்டணம் ஆகிய அனைத்து விஷயங்களையும் சரிபார்த்து, அதன்பிறகு கடன் திட்டத்தைத் தேர்வு செய்யுங்கள்.

3. அடுத்தவர்களைப் பார்த்து வீடு வாங்குவது சரியா..?

கடன் மூலம் வீடு வாங்குவதற்கு முன்னர் உங்களை நீங்களே கேட்டுக்கொள்ள வேண்டிய கேள்வி... `இப்போது நான் வீட்டுக் கடன் வாங்கி வீடு வாங்குவது அவசியமா?’ என்பதுதான். வீட்டுக் கடன் வாங்கும் முன் இந்தக் கேள்வியைத் தனக்குத் தானே கேட்டு சுய பரிசோத னையை மேற்கொள்ளாத தாலேயே பாதி பேர் கஷ்டத்தை அனுபவிக்கிறார்கள்.

இந்த விஷயத்தில் உங்களைச் சரியாக எடைபோடும் தன்மை உங்களைத் தவிர, வேறு யாருக்கும் இல்லை என்பதை முதலில் புரிந்து கொள்ளுங்கள். உங்கள் நண்பர் வீட்டுக் கடன் வாங்கி வீடு கட்டி விட்டார், உங்கள் உறவினர்கள் வீடு வாங்கியிருக்கிறார்கள் என்பதற்காகவெல்லாம் நீங்களும் வீட்டுக் கடன் வாங்கி வீடு வாங்கக் கூடாது.

நீங்களும் உங்கள் நண்பரும் ஒரே அலுவலகத்தில் வேலை பார்த்தாலும் ஒவ்வொரு வருடைய குடும்ப சூழலும் வேறு. நண்பர் வாங்கிவிட்டாரே என்று பல சமயங்களில் நெருக்கடி ஏற்படுத்திக்கொண்டு வாங்கி விழி பிதுங்குபவர்கள் அதிகம்.

4. திருமணத்துக்காக சொந்த வீடு...

`சொந்த வீடு இருந்தால்தான் திருமணம் நடக்கும்’ என்று நினைத்துக்கொண்டு பலர் வங்கிக் கடன் மூலம் வீடு வாங்குகிறார்கள். திருமணத்துக்குப் பிறகு, மனைவி ஓரிடத்தில் வேலை பார்ப்பார்; கணவன் இன்னோரிடத்தில் பணியாற்றுவார். அதனால் அவர்கள் அந்த வீட்டில் வாழ இயலாத சூழ்நிலை ஏற்படும். கடன் வாங்கி வீட்டைக் கட்டிவிட்டோ, வாங்கிவிட்டோ, அதில் வசிக்க முடியாத சூழ்நிலை ஏற்பட்டால், அதைவிட மிகப் பெரிய தவறு வேறெதுவுமில்லை. நாம் வாங்கும் வீட்டில்தான் வசிக்கப்போகிறோம் அல்லது அங்குதான் நாம் வசிக்க வேண்டும் என்று விரும்பினால் திருமணத்துக்குப் பிறகு, வீடு வாங்குவதே நல்லது. இல்லா விட்டால் ஒருவேளை உங்கள் மனைவிக்குப் பிடிக்கவில்லை என்றால், மற்றொரு வீடு வாங்குவது கடினம். மேலும், வீடு இருந்தால்தான் திருமணம் என்று பெண் வீட்டில் சொன்னால், அவர் களிடம் உங்கள் நிலையை மென் மையாக எடுத்துச் சொல்லுங்கள்.

5. முன்பணத்துக்கு கடன் வாங்குவது கூடாது...

வீடு வாங்கும்போது எல்லோரும் செய்யும் பொது வான தவறு, தங்களிடம் இருக்கும் சேமிப்பு மொத்தத்தையும் பயன் படுத்துவது.

இந்த அணுகுமுறை தவறானது. ஏனெனில், எதிர்பாராத செலவுகள் திடீரென ஏற்படலாம். அதனால் உங்களிடம் இருக்கும் தொகையில் முன்பணம் (Down payment) செலுத்துவதற்கு 70% வரை எடுத்துக்கொள்ளலாம். பெரும்பாலானவர்கள் முன் பணம் செலுத்தக்கூட கடன் வாங்குகிறார்கள். இந்தக் கடன் களுக்காக பர்சனல் லோனைத் தேர்வு செய்பவர்கள் அதிகம். பர்சனல் லோனுக்கான வட்டி விகிதம் அதிகமாக இருக்கும். இதற்கும் இ.எம்.ஐ கட்டிக்கொண்டு, வீட்டுக் கடனுக்கும் இ.எம்.ஐ செலுத்துவது கூடுதல் சுமையைக் கொடுக்கும். அதனால் மார்ஜின் தொகைக்கு பர்சனல் லோன் வாங்குவதைத் தவிர்க்க அந்தத் தொகையை முன்னரே ஏற்பாடு செய்து கொள்ள வேண்டும் அல்லது கடன் தொகையைக் குறைத்து சிறிய வீட்டை வாங்கலாம். மனை வாங்கி வீடு கட்டுவதாக இருந்தால், இப்போதைக்குச் சிறிய வீடாகக் கட்டிக்கொண்டு பிறகு, அதை விரிவாக்கம் செய்யலாம்.

6. வாடகைக்கு விட வீடு...

வீட்டை வாடகைக்கு விட்டு சம்பாதிப்பதற்காக, வீட்டுக் கடன் மூலம் வீடு வாங்குவது மிகப்பெரிய தவறு. ஆனால் பெரும்பாலான வர்கள், எதிர்காலத்தில் சொத்து சேருமே என்பதற்காக இந்தத் தவற்றை தெரிந்தே திரும்பத் திரும்பச் செய்கிறார்கள்.

வீட்டுக் கடனில் வாங்கிய வீட்டை வாடகைக்கு விட்டால் அதன் மூலம் கிடைக்கும் வருமானம் சுமார் 2.2 சதவிகிதமாகத்தான் இருக்கும். அதைக்கொண்டு முழுக் கடனுக்கான இ.எம்.ஐ செலுத்துவதும் சிரமம்; தவிர, முறையான வருமானத்தையும், அதன் மூலம் பெற முடியாது என்பதைக் கவனத்தில் கொள்ள வேண்டும்.

மேலும், வீட்டில் கிடைக்கும் வாடகைக்கு நாம் வருமான வரி செலுத்த வேண்டும். வீட்டை வாங்கி அதில் வரும் வாடகையை வைத்து எனது எதிர்கால தேவைகளைப் பூர்த்தி செய்வது மிகவும் கடினம். தயவு செய்து அந்தத் தவற்றை மட்டும் செய்யாதீர்கள்.

ஆக, வீடு வாங்க நினைப்பவர்கள் மேற்சொன்ன தவறுகளைத் தவிர்த்து, வீட்டுக் கடன் மூலம் வீடு வாங்கினால், சொந்த வீட்டில் சுகமாக இருக்கலாம்!

பிட்ஸ்

ம் நாட்டில் மூன்றாம் காலாண்டில் இ-காமார்ஸ் மூலம் வாங்கப்படும் பொருள்கள் 36% வளர்ச்சி கண்டிருக்கிறது. இரண்டு, மூன்றாம் நிலை நகரங்களில் 90% வளர்ச்சி கண்டுள்ளது.

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism