Published:Updated:

ஃபண்ட் பரிந்துரை: நீண்ட காலத்தில் செல்வத்தைப் பெருக்க நினைப்பவர்களுக்கு..!

சுந்தரம் செலக்ட் மிட் கேப் ஃபண்ட்சொக்கலிங்கம் பழனியப்பன், டைரக்டர், ப்ரகலா வெல்த் மேனேஜ்மென்ட் பி.லிட்

ந்த வாரம் முதலீட் டுக்கு உகந்த மிட் மற்றும் ஸ்மால் கேப் திட்டங்களில் ஒன்றான சுந்தரம் செலக்ட் மிட் கேப் ஃபண்ட் குறித்துப் பார்ப்போம்.

இந்த ஃபண்ட் ஜூலை 2002ல் ஆரம்பிக்கப்பட்டது. இது முழுக்க முழுக்க மிட் மற்றும் ஸ்மால் கேப் பங்குகளிலேயே தனது முதலீட்டை வைத்துக் கொள்கிறது. சுமார் 13 வருடங் களுக்கு முன்னால் இந்த ஃபண்ட் ஆரம்பித்தபோது ஒருவர் செய்த முதலீடான ரூ.1 லட்சம், தற்போது ரூ.35,14,484-ஆக உள்ளது. இது கூட்டு வட்டி அடிப்படையில் ஆண்டுக்கு 31.50%. மக்கள் பாஷையில் சொல்லப்போனால், இது இரண்டரை வட்டிக்கும் அதிகமாகும்.

ஃபண்ட் பரிந்துரை: நீண்ட காலத்தில் செல்வத்தைப் பெருக்க நினைப்பவர்களுக்கு..!

விகடன் Daily

Quiz

சேலஞ்ச்!

ஈஸியா பதில் சொல்லுங்க...

ரூ.1000 பரிசு வெல்லுங்க...

Exclusive on APP only
Start Quiz

நாம் ஏற்கெனவே பலமுறை சொல்லியிருப்பதுபோல், இந்த அளவு வருமானத்தை வேறு எந்த சொத்துக்களும் (ரியல் எஸ்டேட், தங்கம் உட்பட) கொடுத்திருக்க வாய்ப்பில்லை. இந்த முழு லாபத்துக்கும் வருமான வரி ஏதும் கட்ட வேண்டாம் என்பது கூடுதல் போனஸ் ஆகும்.

இதன் ஃபண்ட் மேனேஜர் ஆர்.கிருஷ்ணகுமார். சென்னையில் ஃபண்ட் நிர்வாகத்தைக் கொண்டுள்ள வெகுசில நிறுவனங்களில் சுந்தரமும் ஒன்று. தற்போது ரூ.3,000 கோடிக்கும் மேலான சொத்துக்களை இந்த ஃபண்ட் நிர்வகித்து வருகிறது.

ஃபண்ட் பரிந்துரை: நீண்ட காலத்தில் செல்வத்தைப் பெருக்க நினைப்பவர்களுக்கு..!

இந்த ஃபண்ட் தற்போது 97 சதவிகிதத்துக்கும் அதிகமாக பங்கு முதலீட்டில் வைத்துள்ளது. 61 பங்குகளை தனது போர்ட் ஃபோலியோவில் கொண்டுள்ளது. வைத்திருக்கும் பங்குகளின் ஆவரேஜ் சந்தை மதிப்பு ரூ.8,111 கோடியாகும்.

இதன் போர்ட்ஃபோலி யோவில் இருக்கும் டாப் துறை கள் ஃபைனான்ஸ், இன்ஜினீயரிங், கன்ஸ்ட்ரக்‌ஷன், டெக்ஸ்டைல்ஸ் மற்றும் ஆட்டோமொபைல்.

எஸ்ஆர்எஃப், ஃபேக் பியரிங்ஸ், பஜாஜ் ஃபைனான்ஸ், வேப்கோ இந்தியா, யுனைடெட் பாஸ்பரஸ் போன்ற பங்குகள் இதன் டாப் ஹோல்டிங்ஸாக உள்ளன.

இந்த ஃபண்ட் ஃபைனான்ஸ், ஐ.டி, எஃப்எம்சிஜி மற்றும் ஹெல்த்கேர் துறைகளில் அண்டர்வெயிட்டாகவும், இன்ஜினீயரிங், டெக்ஸ்டைல்ஸ், கன்ஸ்ட்ரக்‌ஷன் மற்றும் சர்வீசஸ் துறைகளில் ஓவர்வெயிட்டாகவும் உள்ளது.

ஆகவே, குறியீட்டை ஒட்டியே செயல்படும் ஏராளமான ஃபண்டுகளுக்கு மத்தியில், இந்த ஃபண்ட் சற்று வித்தியாசமான போர்ட்ஃபோலியோவைக் கொண்டுள்ளது.

ஃபண்ட் பரிந்துரை: நீண்ட காலத்தில் செல்வத்தைப் பெருக்க நினைப்பவர்களுக்கு..!

ஒரேமாதிரியான போர்ட் ஃபோலியோவைக் கொண்டுள்ள ஃபண்டுகள் வேண்டாம் என நினைப்பவர்களுக்கு இந்த ஃபண்ட் கனகச்சிதமாகப் பொருந்தும்.

இந்த ஃபண்ட் மிட் மற்றும் ஸ்மால் கேப் பங்குகளில் முதலீடு செய்வதால், கரடிச் சந்தையை விட காளைச் சந்தையில் நன்றாகச் செயல்படும்.

இந்த ஃபண்டின் ஆல்ஃபா 14.39 என்ற அளவில் மிகவும் உன்னதமாக உள்ளது. அதே சமயத்தில், இந்த ஃபண்டின் பீட்டா (0.98) சந்தையை ஒட்டியே உள்ளது.

ஃபண்ட் பரிந்துரை: நீண்ட காலத்தில் செல்வத்தைப் பெருக்க நினைப்பவர்களுக்கு..!
ஃபண்ட் பரிந்துரை: நீண்ட காலத்தில் செல்வத்தைப் பெருக்க நினைப்பவர்களுக்கு..!

கடந்த 1, 3, 5, மற்றும் 10 வருட காலகட்டங்களில் நிஃப்டியை விட கணிசமாக அதிக வருமானம் தந்துள்ளது குறிப்பிட்டுச் சொல்ல வேண்டிய விஷயம்! மேலும், இதன் கேட்டகிரி ஆவரேஜைவிட கடந்த காலங்களில் 2 – 6.50% அதிக வருமானத்தைக் கொடுத்துள்ளது.

இந்த ஃபண்ட் மிட் அண்ட் ஸ்மால் கேப் பங்குகளில் முதலீடு செய்வதால், ஹை ரிஸ்க் – ஹை ரிவார்டு கேட்டகிரியில் வருகிறது. ஆகவே, நீண்ட காலத்தில் செல்வத்தைப் பெருக்க நினைப் பவர்களுக்கு மிகவும் பொருந்தும்.

மேலும், நீண்ட காலத் தேவை களான ஓய்வுக்காலம்  போன்ற நோக்கத்துக்காக முதலீடு செய்பவர்கள் ஒரு லார்ஜ் கேப் ஃபண்டோடு இந்த ஃபண்டையும் சேர்த்து முதலீடு செய்யலாம்.

ஃபண்ட் பரிந்துரை: நீண்ட காலத்தில் செல்வத்தைப் பெருக்க நினைப்பவர்களுக்கு..!

யாருக்கு ஏற்றது?

இளம் வயதினர், பணம் அதிகம் உள்ளவர்கள், செல்வத்தைப் பெருக்க நினைப்ப வர்கள், அதிக ரிஸ்க் எடுக்கக் கூடியவர்கள், பணம் உடனடித் தேவை இல்லாதவர்களுக்கு இந்த ஃபண்ட் ஏற்றது!

யார் முதலீடு செய்யக்கூடாது?

குறுகிய காலத்தில் பணம் தேவைப்படுபவர்கள், உறுதி யான/ நிலையான வருமானத்தை விரும்புபவர்கள், அதிக ரிஸ்க் எடுக்கத் தயங்குபவர்கள் இந்த ஃபண்டில் முதலீடு செய்யக் கூடாது!

ஃபண்ட் Q&A

எனக்கு வயது 30. என் மனைவி பிஎட் படிக்கிறார். இரண்டரை வயதில் ஒரு மகள். மாதம் 30,000 சம்பாதிக்கிறேன். அத்தியாவசிய செலவு போக 20,000 மிச்சமாகிறது. இதை, குறுகிய கால தேவை, மகளின் கல்வி மற்றும் திருமண செலவு, ஓய்வுக்கால தேவை ஆகியவற்றுக்காகச் சேமிக்க விரும்புகிறேன். ஓரளவு ரிஸ்க் எடுக்க விரும்புகிறேன். எனக்கு சேமிப்புக்கான ஆலோசனைக் கூறவும்!

செல்வராஜ், நாமக்கல்.

‘‘உங்களிடம் மாதம் ரூ.20,000 உபரியாக உள்ளதாகக் கூறியுள்ளீர்கள். இதை மூன்று பங்காக கீழ்க்கண்டவாறு பிரித்துக் கொள்ளுங்கள்:

1. குறுகிய காலத் தேவைகளுக்கு – ரூ.6,000

2. மகள் நலனுக்கு – ரூ.7,000

3. ஓய்வுக்காலத்துக்கு – ரூ.7,000

மேலே கூறியுள்ள நோக்கங்களுக்காக, கீழ்க்கண்ட ஃபண்டுகளில் எஸ்ஐபி முறையில் உங்களின் முதலீட்டை செய்து கொள்ளுங்கள்:

குறுகிய காலத் தேவைகளுக்கு – ரெலிகர் இன்வெஸ்கோ கிரெடிட் ஆப்பர்சூனிட்டீஸ் ஃபண்ட் – மாதத்துக்கு ரூ.6,000.

மகள் நலனுக்கு – டாடா பேலன்ஸ்டு ஃபண்ட் – மாதத்துக்கு ரூ.7,000.

ஓய்வுக்காலத்துக்கு – மிரே இந்தியா ஆப்பர்சூனிட்டீஸ் ஃபண்ட் – மாதத்துக்கு ரூ.7,000.’’