Published:Updated:

‘‘வெளிநாட்டினர் லாபம் பார்க்க, நாம் வேடிக்கை பார்க்கிறோம்!’’

‘‘வெளிநாட்டினர் லாபம் பார்க்க, நாம் வேடிக்கை பார்க்கிறோம்!’’

‘‘வெளிநாட்டினர் லாபம் பார்க்க, நாம் வேடிக்கை பார்க்கிறோம்!’’

நாணயம் விகடன் மற்றும் ஐசிஐசிஐ புரூடென்ஷியல் மியூச்சுவல் ஃபண்ட் நிறுவனம் இணைந்து மியூச்சுவல் ஃபண்ட் முதலீடு குறித்த விழிப்பு உணர்வு கூட்டத்தை ‘வளமான வாழ்க் கைக்கு மியூச்சுவல் ஃபண்ட் முதலீடு’ என்ற தலைப் பில் தொழில்முனைவோர் நிறைந்த நகரமான திருப்பூரில் செப்டம்பர் 27-ம் தேதி நடத்தியது.

முதலாவதாகப் பேசிய ஐசிஐசிஐ புரூடென்ஷியல் மியூச்சுவல் ஃபண்ட் நிறுவனத்தின் தமிழ்நாடு மற்றும் கேரள பிராந்திய தலைவர் எஸ்.ஹரிஷ், ‘சென்னை, கோவை போன்ற பெரிய நகரங்கள் மட்டுமல்லாமல், திருப்பூர் போன்ற நகரங்களிலும் மியூச்சுவல் ஃபண்ட் குறித்த விழிப்பு உணர்வு அவசியம். சிறிய நகரங்களில் பலரும் ரியல் எஸ்டேட், தங்க முதலீடுகள் தாண்டி பங்குச் சந்தை, மியூச்சுவல் ஃபண்ட் முதலீட்டுக்கு வருவதில்லை. 

விகடன் Daily

Quiz

சேலஞ்ச்!

ஈஸியா பதில் சொல்லுங்க...

ரூ.1000 பரிசு வெல்லுங்க...

Exclusive on APP only
Start Quiz
‘‘வெளிநாட்டினர் லாபம் பார்க்க, நாம் வேடிக்கை பார்க்கிறோம்!’’

பணவீக்கத்தைத் தாண்டி லாபம் தரக்கூடிய சக்தி பங்குச் சந்தைக்கு உண்டு என்கிற விவரம் தெரியாமல் பலர் இருப்பதால்தான், இந்தியாவில் பங்குச் சந்தையில் 2% பேர் மட்டுமே முதலீடு செய்துள்ளனர். ஆனால் வெளிநாட்டினர் இந்திய பங்குச் சந்தையில் அதிக முதலீடு செய்து லாபம் பார்க்கிறார்கள். இந்தியர்களான நாம் அதை வேடிக்கை பார்த்துக் கொண்டிருக்கிறோம்” என்றார்.

மியூச்சுவல் ஃபண்ட் நிபுணரான சொக்கலிங்கம் பழனியப்பன் பேசும்போது, “முதலீடு செய்யும்போது பேராசை கூடாது. குறைந்த காலத்தில் மிக அதிக வருமானம் என்பது அதிக ரிஸ்க் கொண்டதாக இருக்கும். இந்த ரிஸ்க் தெரியாமல்தான் ஈமு கோழி, ஃபாரக்ஸ் என்று பலவற்றில் பணத்தைப் போட்டு பலரும் ஏமாந்துள்ளனர். அதனால் ஆர்வக்கோளாறினாலும், அவசரமாக எடுக்கும் முடிவினாலும் பாதிக்கப்படாமல் இருக்கும் வகையில் முதலீட்டாளர்கள் தங்கள் முதலீடுகளைத் திட்டமிட வேண்டும். ஒரு மராத்தான் ஓட்டக்காரரைப் போல, முதலீட்டாளர்கள் தங்களின் இலக்கை நீண்ட காலமாக நிர்ணயித்தால் அதிக லாபம் பெறலாம்” என்றார்.

‘‘வெளிநாட்டினர் லாபம் பார்க்க, நாம் வேடிக்கை பார்க்கிறோம்!’’

நிகழ்ச்சியின் முடிவில் மியூச்சுவல் ஃபண்ட் குறித்து தங்களுக்கு எழுந்த சந்தேகங்களைக் கேட்டு தெளிவுபடுத்திக்கொண்ட வாசகர்கள், இந்த விழிப்பு உணர்வு கூட்டம் பயனுள்ள வகையில் அமைந்தது என்று பாராட்டினார்கள். இனியாவது வேடிக்கை பார்த்துக்
கொண்டிராமல் நம்மவர்களும் பங்குச் சந்தையில் அதிக முதலீடு செய்து லாபம் பார்க்கலாமே!

ஜெ.சரவணன்

படங்கள்:  க.சத்தியமூர்த்தி.