பங்குகள்... வாங்கலாம் விற்கலாம்!

இண்டெக்ஸ் :

.

இந்திய சந்தைகள் மார்ச் மாதத்தின் முடிவில் நன்றாக விலை ஏறியே முடிந்திருக்கிறது. அதோடு அடுத்த நிதி ஆண்டின் முதல் நாளான ஏப்ரல் 01-ம் தேதி சற்று இறக்கத்தில்தான் நிறைவடைந்திருக்கிறது.

அடுத்த வாரம் ஏப்ரல் 5, 2016 செவ்வாய்க்கிழமை அன்று நடக்க இருக்கும் இந்தியாவின் மத்திய வங்கியான ரிசர்வ் வங்கி யின் கொள்கை முடிவுகளைத் தான் இந்திய சந்தைகளும், முதலீட்டாளர்களும், டிரேடர்களும் கவனித்து வருகிறார்கள்.

நடக்க இருக்கும் கூட்டத்தில் 0.25% வட்டியைக் குறைத்தால், சந்தையில் என்ன விளைவு ஏற்பட வேண்டுமோ, அது நடந்துவிட்டது என்றுதான் சொல்ல வேண்டும். இன்னும் கூட ஆர்பிஐ, வட்டி விகிதத்தை குறைக்கும் என்று டிரேடர்கள் மற்றும் முதலீட்டாளர்கள் மத்தியில் ஒரு எதிர்பார்ப்பு நிலவுகிறது. இந்த அதிகப்படியான எதிர்பார்ப்பு சென்டிமென்ட் பொய்த்துப் போனால், இந்திய சந்தைகளில் சில வலுவான அதிர்வலைகள் ஏற்படும்.

பிப்ரவரி 29-ம் தேதி மத்திய அரசின் பட்ஜெட் தாக்கலான பின்பு மட்டும் 1000 புள்ளிகளுக்கு மேல் நிஃப்டி அதிகரித்திருக்கிறது.

டிரேடர்கள் மற்றும் முதலீட்டாளர்கள், ஆர்பிஐ கூட்டத்துக்குப் பிறகு புதிய பொசிஷன்களை எடுக்க காத்திருக்கிறார்கள். எனவே, வரும் திங்கட்கிழமை எந்த பெரிய மாற்றங்களும் இன்றி வர்த்தகம் நடைபெறும் என்று எதிர்பார்க்கலாம்.

மொத்தத்தில், ஆர்பிஐ கூட்டத்தில் அறிவிக்கப்படும் அறிவிப்புகளைப் பொறுத்து தான் சந்தை என்ன மாதிரியான டிரெண்டில் வர்த்தகமாகும் என்பதைச் சொல்ல முடியும்.

. வங்கி நிஃப்டி :

நிஃப்டியை விட வங்கி நிஃப்டி, ஆர்பிஐ கூட்டத்தால் கூடுதல் பாதிப்படையும் என்பதால், அது வங்கி நிஃப்டியின் வர்த்தகத்தில் உடனடியாக எதிரொலிக்கும். சமீபத்தில்தான் வங்கி நிஃப்டி சற்று உயர்ந்து வர்த்தகமாகத் தொடங்கியது கவனிக்கத்தக்கது.

லாங் பொசிஷன்களை எல்லாம் ஸ்டாப் லாஸை அருகாமையில் வைத்து பாதுகாத்துக் கொள்வது நல்லது.

வங்கி நிஃப்டிக்கு 15800 என்கிற புள்ளியை ஸ்டாப் லாஸாகவும், நிஃப்டிக்கு 7640 என்கிற புள்ளியை ஸ்டாப் லாஸாகவும் எடுத்துக் கொள்ளலாம்.

இந்த லெவல்களைவிட கூடுதலாக இறக்கம் கண்டால், வர்த்தகம் செய்ய நல்ல தருணம் வரும் வரை காத்திருப்பது நல்லது. இதற்கு மாறாக சந்தை ஏற்றமடையத் தொடங்கினால், நிஃப்டி 7850 என்கிற புள்ளியையும், வங்கி நிஃப்டி 16600 என்கிற புள்ளியையும், அடுத்த சப்ளை வெளியாவதற்குள் தொட்டு விடும். என்ன நடக்கிறது என்று பொறுத்திருந்து பார்த்தபின், அதற்குத் தகுந்தாற் போல வர்த்தகங்களை மேற்கொள்ள வேண்டிய வாரம் இது.

ஜெட் ஏர்வேஸ் : (JETAIRWAYS)

தற்போதைய விலை : ரூ. 566.50

.

கடந்த மூன்று மாதத்தில், இந்த நிறுவனப் பங்குகள், தன் உச்ச விலையான 796 ரூபாயிலிருந்து சுமாராக 40 சதவிகிதத்திற்கு மேல் விலை குறைந்து 476 ரூபாய்க்கு வர்த்தகமானது. இந்த விலை ஏற்ற இறக்கங்களை பார்க்கும் போது, இந்த நிறுவனப் பங்குகள் ஒரு விலை ஏற்றத்துக்கு தயார் நிலையில் இருப்பதாக தெரிகிறது.

ஜெட் ஏர்வேஸ் நிறுவனப் பங்குகளின் இன்ட்ராடே சார்ட் களில் இருக்கும் அக்குமிலேஷன் பேட்டன்கள் (திடீரென வால்யூம்கள் அதிகரிப்பது) இந்தப் பங்குகளின் விலை 625 ரூபாய் வரை ஏறும் என்பதை சொல் கின்றன. இந்த நிறுவனப் பங்குகளை 555 ரூபாய் ஸ்டாப் லாஸோடு வாங்கலாம்.

முக்தா ஆர்ட்ஸ் : (MUKTAARTS)

தற்போதையை விலை : ரூ.70.35

இது ஒரு ஸ்மால் கேப் மீடியா கம்பெனி. இந்த நிறுவனம் பிரபல ஆன்லைன் வீடியோ நிறுவன மான யூடியூப்புடன் சில ஒப்பந்தங்களை மேற்கொள்வதாக செய்திகள் வெளியாகி இருக்கின்றன. இந்த செய்தியின் எதிரொலியாக முக்தா நிறுவன பங்குகள் விலை உயரும்.

. கடந்த வாரம் ஏற்பட்ட ஒரு சிறிய தேக்கத்துக்குப் பிறகு இந்த நிறுவனப் பங்குகளின் அப்வேர்ட் டிரெண்ட் மீண்டும் தொடங்கியது. இந்த நிறுவன பங்குகளை குறுகிய காலத்துக்கு 60 ரூபாய் ஸ்டாப் லாஸாகவும், 85 ரூபாயை இலக்கு விலையாகவும் வைத்துக் கொண்டு வாங்கலாம்.

. சுனில் ஹைடெக் : (SUNILHITEC)

தற்போதைய விலை : ரூ.226.60

இது ஒரு மிட் கேப் என்ஜினீயரிங் நிறுவனம். கடந்த பல வாரங்களாக நீடித்து வந்த பக்கவாட்டு வர்த்தகங்களுக்குப் பிறகு கடந்த வாரத்தில் இந்த பங்குகளின் விலை அதிகரிக்கத் தொடங்கி இருக்கிறது. இந்த திடீர் விலை ஏற்றம் இந்தப் பங்கின் கரெக்ஷன் முடிவுக்கு வந்ததை காட்டுகிறது. எனவே, தற்போதைய 226 ரூபாய் என்கிற நிலையில், 245 ரூபாயை இலக்கு விலையாக கொண்டு முதலீடு செய்யலாம். 216 ரூபாயை ஸ்டாப் லாஸாக வைத்துக் கொள்ளலாம்.

. தொகுப்பு: மு.சா.கௌதமன்

. டிஸ்க்ளெய்மர்: இங்கு பரிந்துரைக்கப் பட்ட பங்குகள் பரிந்துரை செய்த ஆசிரியர் வசம் இருக்கக்கூடும். முதலீட்டாளர்கள் பங்குச் சந்தையின் ரிஸ்க் அறிந்து நிபுணர்களின் ஆலோசனைப்படி முதலீட்டை மேற்கொள்ளவும்.

பங்குகள்... வாங்கலாம் விற்கலாம்!

Vikatan Correspondent