பங்குகள்... வாங்கலாம் விற்கலாம்!

இண்டெக்ஸ்

சந்தையின் போக்கு மிகவும் சாந்தமாக இருக்கும் என நாம் எதிர்பார்த்தோம். ஆனால், அது உண்மையில் வேறாக இருக்கிறது. இந்திய பங்குச் சந்தை குறியீடுகள் திங்கள் கிழமை, ஏற்றத்தில் வர்த்தகத்தை தொடங்கின. இதனால் இறக்கத்துக்கான எதிர்பார்ப்புகள் இருந்தும் சந்தை பெரிய அளவில் இறங்கவில்லை. அதேநேரத்தில், குறியீடுகள் அதிகரித்து 8600 வரை சென்றன. இதனால் வரும் வாரமும் ஏற்றம் இருக்கும் என வர்த்தகர்கள் எதிர்பார்க்கின்றனர்.

கடந்த வாரத்தில், நிஃப்டியை விட பேங்க் நிஃப்டி அதிகமாக உயர்ந்தது. இது கிட்டத்தட்ட அனைத்து வர்த்தக தினங்களிலும் எதிரொலித்தது.

ஒரு வார காலத்தில் பேங்க் நிஃப்டி 5%க்கும் அதிகமாக அதிகரித்தது. இது நிஃப்டி அதிகரிப்பை விட இரு மடங்கு அதிகம். நிஃப்டி குறியீட்டில் வங்கிப் பங்குகளின் வெயிட்டேஜ் சுமார் 25-27% ஆக இருந்ததால் சந்தை ஏற்றத்தை கண்டது. கடந்த வெள்ளியன்று வெளியான இன்ஃபோசிஸ் நிதி நிலை முடிவுகள் மோசமாக இருந்ததால் ஐடி பங்குகளின் விலை இறக்கம் கண்டு நிஃப்டி புள்ளிகள் அதிகரிப்பு குறைந்து போனது.

. நிஃப்டி ஃப்யூச்சர்ஸ் மற்றும் பேங்க் நிஃப்டி குறியீடுகளில் நாம் குறிப்பிட்ட டார்கெட் ரெசிஸ்டென்ஸ் இன்னும் எட்டப்படாமல் இருக்கிறது. வரும் வாரங்களில் அது நடக்க வாய்ப்பு உள்ளது. அந்த வகையில் நிஃப்டி ஃப்யூச்சர்ஸ் மற்றும் பேங்க் நிஃப்டி இலக்கு 8660-8680 மற்றும் 19200 ஆக உள்ளது. இந்த வார ஆரம்பத்தில் இந்த நிலைகளைக் குறியீடுகள் அடைந்தால், சிறிது பிராபிட் புக்கிங் செய்ய சரியான நேரமாக இருக்கும். சந்தை தொடர்ந்து ஏற்றமாக இருக்காது என்கிற உண்மையை நாம் உணர்ந்து கொள்ள வேண்டும். எனவே, வரும் வாரத்தில் மிகவும் எச்சரிக்கையுடன் செயல்படுவது அவசியம்.

எல்ஐசி ஹவுஸிங் ஃபைனான்ஸ்

(LICHSGFIN)

தற்போதைய விலை: 525.45

வாங்கலாம்

இந்த நிறுவனத்தின் ஜூன் காலாண்டு முடிவுகள் வெளியான பிறகு, பங்கின் விலை போக்கு புதிய ஏற்றத்தை அடைய வாய்ப்புள்ளது என்பதற்கு அதன் டெரிவேட்டிவ் காரணிகளே சாட்சியாக உள்ளன. வரும் வாரத்தில் இதன் விலை ரூ. 550-560 வரை உயரலாம். மேலும், அடுத்த வாரத்திற்கும் இந்தப் பங்கு சிறப்பாக செயல்பட்டு புதிய இலக்கை எட்ட வாய்ப்புள்ளது என்பதால் தொடர்ந்து இதில் முதலீடுகளைத் தொடரலாம்.

ஐடியா செல்லுலார் (IDEA)

தற்போதைய விலை: ரூ. 111.10

வாங்கலாம்

. விலை இறங்கிக் கொண்டிருந்த இந்தப் பங்கின் விலையில் டபுள் பாட்டம் பேட்டர்ன் உருவாகியுள்ளது. இது ஆர்எஸ்ஐ டைவர்ஜன்ஸ் மூலமும் தெளிவாக உறுதிப்பட்டுள்ளது. விரைவில் இந்தப் பங்கின் விலை அதன் பாட்டம் அளவை அடையும். இதனால், இந்தப் பங்கின் போக்கில் மாற்றம் ஏற்படும். அதாவது, தற்போதைய ரெசிஸ்டன்ஸை தாண்டி விலை உயர்ந்து, ஏற்றம் காண வாய்ப்புள்ளது. இதன் விலை ரூ. 120 வரை உயரலாம்.ரூ. 105 ஸ்டாப் லாஸ் வைத்துக் கொள்ளவும்.

ஜீ என்டர்டெயின்மென்ட் என்டர்பிரைசஸ் (ZEEL)

தற்போதைய விலை: ரூ. 471.95

வாங்கலாம்

இந்தப் பங்கு சிறிய கரெக்ஷனுக்குப் பிறகு விலை ஏற தொடங்கியிருப்பது சார்ட்டைப் பார்க்கும் போது தெரிகிறது. பங்கின் விலை ஏற்றம் முந்தைய அதிகபட்ச உயர்வுகளை எல்லாம் தாண்டி விலை ஏறி பின்னர் சற்று இறங்கி பக்கவாட்டில் நகர்ந்தது.

கடந்த வாரத்தில் இந்தப் பங்கின் விலை தொடர்ந்து ஏறியது. தற்போது இந்தப் பங்கின் நகர்வு நல்ல சப்போர்ட்டைக் கொண்டிருப்பதால் விலை ரூ. 500 வரை உயரும் என்று எதிர்பார்க்கலாம். ஸ்டாப் லாஸ் ஆக 458 வைத்துக் கொள்ளவும்.

. தொகுப்பு: சி.சரவணன், ஜெ.சரவணன்

. டிஸ்க்ளெய்மர் : இங்கு பரிந்துரைக்கப் பட்ட பங்குகள் பரிந்துரை செய்த ஆசிரியர் வசம் இருக்கக்கூடும். முதலீட்டாளர்கள் பங்குச் சந்தையின் ரிஸ்க் அறிந்து நிபுணர்களின் ஆலோசனைப்படி முதலீட்டை மேற்கொள்ளவும்.

பங்குகள்... வாங்கலாம் விற்கலாம்!

Vikatan Correspondent