Published:Updated:

மியூச்சுவல் ஃபண்ட்: என்எஃப்ஓ லாபகரமானதா?

ஒட்டுமொத்த விகடனுக்கும் ஒரே ஷார்ட்கட்

Use App
மியூச்சுவல் ஃபண்ட்:  என்எஃப்ஓ லாபகரமானதா?
மியூச்சுவல் ஃபண்ட்: என்எஃப்ஓ லாபகரமானதா?

சேனா சரவணன்

பிரீமியம் ஸ்டோரி

பொதுவாக, புதிய மியூச்சுவல் ஃபண்டில் முதலீடு (என்எஃப்ஓ - நியூ ஃபண்ட் ஆஃபர்)  செய்வது நல்லது. அப்போதுதான் அதிக யூனிட்கள் கிடைக்கும் என்று ஏஜென்ட்டுகள் சொல்வார்கள். பல முதலீட்டாளர்களும் இப்படித்தான் நினைக்கிறார்கள். என்எஃப்ஓ-வில் முதலீடு செய்யும்போது அதிக யூனிட்கள் கிடைக்கும் என்பது உண்மைதான். ஆனால், அதன் மூலம் நிச்சயம் லாபம் கிடைக்கும் என்று சொல்ல முடியாது. 

மியூச்சுவல் ஃபண்ட்:  என்எஃப்ஓ லாபகரமானதா?

உதாரணமாக, ஒருவர் ரூ.10,000 முதலீடு செய்கிறார்.  என்எஃப்ஓ வெளியீட்டின்போது ஒரு யூனிட் மதிப்பு ரூ.10 என்கிறபட்சத்தில் 1,000 யூனிட்கள் கிடைக்கும். இதுவே, ஏற்கெனவே உள்ள ஃபண்ட், அதன் என்ஏவி ரூ.20-க்கு உயர்ந்திருந்தால், ரூ.10,000 முதலீட்டுக்கு 500 யூனிட்கள் மட்டுமே கிடைக்கும். சதவிகிதக் கணக்கில் இரண்டுமே ஒன்றுதான். இது தெரியாத பல முதலீட்டாளர்கள் அதிக யூனிட்கள் கிடைக்கும் என என்எஃப்ஓவில் முதலீட்டை மேற்கொள்கிறார்கள். 

பொதுவாக, என்எஃப்ஓ-வின்போது, ஏஜென்ட்டு களுக்கு அதிக கமிஷன் தரப்படுவது வழக்கம். அதனால், ஏஜென்ட்டுகள் அதனை பரிந்துரைக்கத் தயங்க மாட்டார்கள். புதிய தீம் (கருத்து அடிப்படையில்) ஃபண்டுகள்  என்எஃப்ஓ வரும்போது அதில் முதலீடு செய்யலாம். உதாரணத்துக்கு, 2015-ல்  இந்தியாவில் ‘மேக் இன் இந்தியா’ திட்டம் அறிவிக்கப் பட்டது. மத்திய அரசின் இந்தத் திட்டத்தின் அடிப்படையில் புது ஃபண்ட் வந்தால் அதில் முதலீடு செய்யலாம்.

புதிய ஃபண்டுகள் எப்படி வருமானம் தரும்  என்பதற்கு ஆதாரம் எதுவும் இல்லை. அதாவது, என்எஃப்ஓ ஃபண்டுகளுக்கு கடந்த கால வரலாறு இருக்காது. பல என்எஃப்ஓ ஃபண்டுகள், ‘பழைய ஒயின் புதிய பாட்டில்’ என்பது போல்தான் வரும் என்ற நிலையில், அதிக வருமானம் கிடைக்குமா என்பதற்கு உத்தரவாதம் இல்லை. மியூச்சுவல் ஃபண்ட் முதலீட்டில் யூனிட்டின் என்ஏவி மதிப்பைப் பார்ப்பதற்கு பதில், அந்த ஃபண்ட் எவ்வளவு வருமானம் தந்திருக்கிறது என்று பார்த்து முதலீடு செய்வது லாபகரமாக அமையும்.

அந்த வகையில் ஏற்கெனவே சிறப்பாக செயல்பட்டு வரும் ஃபண்டுகளைத் தேர்வு செய்து முதலீடு செய்வது லாபகரமாக இருக்கும்.

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism
அடுத்த கட்டுரைக்கு