Published:Updated:

சக்சஸ் தரும் சரியான நிதித் திட்டமிடல்!

சக்சஸ் தரும் சரியான நிதித் திட்டமிடல்!
பிரீமியம் ஸ்டோரி
சக்சஸ் தரும் சரியான நிதித் திட்டமிடல்!

சா.ராஜசேகரன், Wisdomwealthplanners.com, நிதி ஆலோசகர்

சக்சஸ் தரும் சரியான நிதித் திட்டமிடல்!

சா.ராஜசேகரன், Wisdomwealthplanners.com, நிதி ஆலோசகர்

Published:Updated:
சக்சஸ் தரும் சரியான நிதித் திட்டமிடல்!
பிரீமியம் ஸ்டோரி
சக்சஸ் தரும் சரியான நிதித் திட்டமிடல்!
சக்சஸ் தரும் சரியான நிதித் திட்டமிடல்!

டுத்தரக் குடும்பத்தைச் சேர்ந்த பலரும் இன்னும் அதே நிலையில் தொடர்ந்து இருப்பதற்குக் காரணம், சரியான நிதித் திட்டமிடல் இல்லாததுதான். சரியான நிதித் திட்டமிலை உங்களுக்கு நீங்களே செய்ய பின்வரும் விஷயங்களைக் கவனியுங்கள்.

வருமானம் அனைத்தையும் செலவு செய்யாதீர்கள்! 

ஒவ்வொருவரும் தங்கள் வருமானத்தில் அவசியச் செலவு, வருங்காலச் செலவு, நிகழ்காலச் செலவு என்று பட்டியலிட்டு செலவு செய்ய வேண்டும். வருமானத்தையும் செலவையும் ஒவ்வொரு மாத இறுதியில் ஒப்பிட்டுப் பார்க்க வேண்டும்.

வரும் வருமானம் முழுவதையும் செலவு செய்வதற்காக திட்டமிடக் கூடாது. வருமானத்தில் சுமார் 90 சதவிகிதத்தைத்தான் செலவுக்கு திட்டமிட வேண்டும். அப்போதுதான் புதிய செலவு ஏதாவது வரும்போது சுலபமாக நிலைமையை சமாளிக்க முடியும்.

இல்லை எனில் கடன் வாங்கி, நிலைமையை சமாளிக்க வேண்டி இருக்கும். கடன் வாங்கினால் அதற்கு வட்டி கட்ட வேண்டியிருக்கும் என்பதை மறந்துவிடக்கூடாது.

காப்பீடு வேறு, முதலீடு வேறு என்பதைப் புரிந்துகொள்ளுங்கள்!

பல பேர் காப்பீட்டை முதலீடு அல்லது சேமிப்பாகப் பார்க்கிறார்கள். அது தவறு. காப்பீட்டைப் பாதுகாப்பு அம்சமாக மட்டுமே  பார்க்க வேண்டும்.

நிதித் திட்டமிடலில் முதல் முக்கிய அம்சம் சரியான ஆயுள் காப்பீடுத் திட்டத்தை தேர்வு செய்வதுதான். நம்மில் பலரும் ஆயுள் காப்பீட்டுக்காகக் கட்டும் பிரீமியம் பணம் திரும்பக் கிடைக்க வேண்டும் என்பதற்கே முக்கியத்துவம் தருகிறார்கள். அப்படி கிடைக்க வேண்டும் எனில், அதிகமாக பிரிமீயம் கட்ட வேண்டி இருக்கும். கட்டிய பிரிமீயத்தைத் திரும்பக் கிடைக்கிற மாதிரி உள்ள எண்டோவ்மென்ட் இன்ஷூரன்ஸ் பாலிசிகள்தான் இன்றைக்கு நம்மில் பலருக்கு பரவலாக தெரிகிறது.

இந்த விதமான இன்ஷுரன்ஸ் பாலிசியில் பிரிமீயம் அதிகமாக இருப்பதுடன், கவரேஜ் தொகையும் குறைவாக இருக்கும். ரூ.1 கோடி கவரேஜ் கிடைக்க வேண்டும் எனில், ஆண்டு பிரீமியமாக ரூ.5 லட்சம் கட்ட வேண்டும். இவ்வளவு பணத்தை பலராலும் கட்ட முடியாது என்பதால், கவரேஜைக் குறைத்து, குறைந்த அளவில் பிரிமீயத்தைக் கட்டுகிறார்கள். இதனால் காப்பீட்டு பாலிசியை எடுப்பதற்கான நோக்கமே சிதைந்து போகிறது.

எண்டோவ்மென்ட் இன்ஷுரன்ஸ் பாலிசிகளை எடுப்பதற்குப் பதிலாக டேர்ம் இன்ஷுரன்ஸ் பாலிசி எடுத்தால், நாம் கட்டிய பிரீமியம் பணம் திரும்பக் கிடைக்காமல் போனாலும், குறைந்த பிரீமியத்தில் அதிக கவரேஜ் கிடைக்கும். ரூ.1 கோடி கவரேஜ் பெற ஆண்டு பிரீமியம் ரூ.25,000 கட்டினால் போதும்.

வேறு வேறு முதலீட்டுத் திட்டங்கள் அவசியம் வேண்டும்!  

சக்சஸ் தரும் சரியான நிதித் திட்டமிடல்!


ஒரே திட்டத்தில் மொத்த முதலீட்டையும் மேற்கொள்வதைத் தவிர்க்க வேண்டும். ஒவ்வொரு முதலீட்டுத் தன்மைக்கும் காலத்துக்கேற்ப வளர்ச்சி இருக்கும். தங்கம், ரியல் எஸ்டேட், மியூச்சுவல் ஃபண்ட், பங்குச் சந்தை என பலவாறாகப் பிரித்து முதலீட்டை மேற்கொள்ள வேண்டும். இப்படி செய்யும் முதலீடும் எத்தனை ஆண்டுகள் கழித்து தேவை, எவ்வளவு ரிஸ்க் எடுக்க முடியும் என்பதையும் கவனித்து மேற்கொள்ள வேண்டும். 

எந்த ஒரு தேவைக்கான முதலீட்டையும் இடையில் நிறுத்தாமல் தொடர்ந்து மேற்கொள்ள வேண்டும். அப்போதுதான் கூட்டு வளர்ச்சியின் (பவர் ஆஃப் காம்பவுண்டிங்) பலனை அனுபவிக்க முடியும்.

இடையில் ஏதாவது ஒரு அவசர தேவைக்கு, ஏதாவது ஒரு முதலீட்டிலிருந்து பணத்தை எடுத்தால், வாய்ப்பு கிடைக்கும்போது அந்தத் தொகையை மீண்டும் அந்த முதலீட்டில் சேர்த்துவிட வேண்டும். அப்போதுதான், எதிர்கால பணத் தேவையில் பற்றாக்குறை ஏற்படாது.

ஓய்வு காலத்துக்கும் திட்டமிடுங்கள்!

குழந்தைகளின் படிப்பு, திருமணம் என எல்லாவற்றையும் திட்டமிடும் நாம், நமது ஓய்வு காலத்தைப் பற்றி எந்த வகையிலும் கவலைப் படுவதே இல்லை. யாரிடமும் கடன் வாங்காமலும் கையேந்தாமலும் வாழும் மனப் பக்குவம் அதிகம் இருப்பது ஓய்வூகால நிலைதான். அதுதான் இன்றைக்கு மிகப் பெரிய சவாலாக இருக்கிறது.

மாதச் சம்பளத்தில் 30 சதவிகிதத்தை முதலீடு செய்கிறீர்கள் எனில், அதில் 10 சதவிகித தொகையை உங்களின் ஓய்வுக் காலத்துக்காக முதலீடு செய்யுங்கள். இப்படி செய்யவில்லை எனில், பணிக் காலத்துக்கு பிறகும், அதாவது 58 அல்லது 60 வயதுக்குப் பிறகும், வேலைக்குச் செல்ல வேண்டிய சூழ்நிலை ஏற்படும். 

இன்றைய 30 வயது இளைஞர்


நாளைக்கே ஓய்வு எடுக்கப் போவதில்லை. 20, 25, 30 வருடம் என்று தீர்மானித்து, அதுவரை வேலை செய்யலாம். 30 வயது நபர் 30 வருடம் உழைக்கப்போகிறார். அவரின் குடும்பச் செலவு இப்போது ரூ.10,000-ஆக இருக்கிறது. சுமார் 7% பணவீக்கத்தை கருத்தில் கொண்டால், அவரின் 60-வது வயதில் (அதாவது, 30 வருடம் கழித்து) மாதமொன்றுக்கு சுமார் 76,000 ரூபாய் தேவைப்படும்.

இந்த 76,000 ரூபாய் அவரின் 80 வயது வரை (அதாவது, 20 வருடம் தொடர்ச்சியாக) மாதம் தோறும் கிடைக்க வேண்டும் என்றால், அதற்காக தேவைப்படும் மொத்த தொகை ரூபாய் 1.60 கோடி. இந்தத் தொகைக் கிடைக்க 35 வயதோ அல்லது 45 வயதோ கழித்து யோசிப்பது புத்திசாலித் தனமல்ல. அதிகபட்சம் 25 வயதில் தொடங்கி, தொடர்ந்து முதலீடு செய்து வருவதே புத்திசாலித்தனம்.

5.வருமான வரியை மிச்சப்படுத்த திட்டமிடுங்கள்!


நாம் ஒவ்வொருவரும் அரசாங்கத்துக்கு முறையாக வரி செலுத்த விரும்புகிறோம் அல்லது அரசாங்க தரும் வரிச் சலுகைகளை முறையாக பெற நினைப்போம். இடையிடையே வருமான வரி மாறக்கூடியது. அதற்கு ஏற்றார்போல் முதலீட்டை மாற்றி அமைத்து முதலீட்டை ஒழுங்குபடுத்த வேண்டும். இதன் மூலம் உங்களுக்குக் கூடுதல் தொகை சேரும்.

என்ஜிஓ-க்கள் பெற்ற ரூ.1,452 கோடி!

கடந்த 2014-15-ம் ஆண்டில் லாப நோக்கமற்ற அமைப்பான என்ஜிஓக்கள் பல்வேறு தன்னார்வ நிறுவனங்கள் மூலம் ரூ.1,452 கோடி பெற்றிருக்கின்றன. முந்தைய 2013-14-ம் ஆண்டில் இவ்விதமாக பெற்ற தொகை ரூ.1,309 கோடியாக உள்ளது. அதற்கு முந்தைய 2012-13-ம் ஆண்டில் ரூ.1,152 கோடி பெற்றிருக்கின்றன. இந்தத் தகவல் நாடாளு மன்றத்தில் தெரிவிக்கப்பட்டுள்ளது. 2016 அக்டோபர் 31 நிலவரப்படி 33,216 என்ஜிஓ அமைப்புகள் இந்தியாவில் இயங்கி வருகின்றன. தொடர்ந்து 3 ஆண்டுகளாக ஆண்டு அறிக்கைகளை சமர்பிக்காத 10,000 அமைப்புகளின் பதிவுகள் 2015-ம் ஆண்டில் நீக்கப்பட்டது.