Published:Updated:

ஷேர்லக்: விற்கும் வெளிநாட்டு முதலீட்டாளர்கள்... வாங்கும் உள்நாட்டு நிறுவனங்கள்!

ஷேர்லக்: விற்கும் வெளிநாட்டு முதலீட்டாளர்கள்... வாங்கும் உள்நாட்டு நிறுவனங்கள்!
பிரீமியம் ஸ்டோரி
ஷேர்லக்: விற்கும் வெளிநாட்டு முதலீட்டாளர்கள்... வாங்கும் உள்நாட்டு நிறுவனங்கள்!

ஷேர்லக்: விற்கும் வெளிநாட்டு முதலீட்டாளர்கள்... வாங்கும் உள்நாட்டு நிறுவனங்கள்!

ஷேர்லக்: விற்கும் வெளிநாட்டு முதலீட்டாளர்கள்... வாங்கும் உள்நாட்டு நிறுவனங்கள்!

ஷேர்லக்: விற்கும் வெளிநாட்டு முதலீட்டாளர்கள்... வாங்கும் உள்நாட்டு நிறுவனங்கள்!

Published:Updated:
ஷேர்லக்: விற்கும் வெளிநாட்டு முதலீட்டாளர்கள்... வாங்கும் உள்நாட்டு நிறுவனங்கள்!
பிரீமியம் ஸ்டோரி
ஷேர்லக்: விற்கும் வெளிநாட்டு முதலீட்டாளர்கள்... வாங்கும் உள்நாட்டு நிறுவனங்கள்!

‘‘டாடா சன்ஸின் புதிய தலைவராக டிசிஎஸ் சந்திரசேகரன் நியமிக்கப்பட்டுள்ளார்” என்ற தகவலை வாட்ஸ் அப்பில் அனுப்பிவைத்த  அரைமணி நேரத்தில், நம் கேபினுக்குள் நுழைந்தார் ஷேர்லக். வந்ததுமே பொங்கல் பரபரப்பில் அவசரம் காட்ட, நாம் கேள்விகளைக் கேட்கத் தொடங்கினோம்.

‘‘இந்திய பங்குச் சந்தையிலிருந்து தொடர்ந்து வெளிநாட்டு முதலீட்டாளர்கள் வெளியேறிக் கொண்டிருக்கிறார்களே..!’’


‘‘பண மதிப்பு நீக்க நடவடிக்கையால் இந்தியப் பொருளாதார வளர்ச்சி தற்காலிகமாக பாதிக்கப்பட்டிருக்கிறது. இதனால் குறுகிய காலத்தில் நிறுவனங்களின் லாப வளர்ச்சி குறைந்து, பங்குகளின் விலையும் குறையும் என்பதால், லாப நோக்கம் கருதி வெளிநாட்டு முதலீட்டாளர்கள் பங்குகளை விற்று வருகிறார்கள். கடந்த ஆகஸ்ட் மாதத்தில் இந்திய பங்குச் சந்தையில் வெளிநாட்டு முதலீட்டாளர்களின் முதலீடு ரூ.22.26 லட்சம் கோடியாக இருந்தது. இது மொத்த மார்க்கெட் கேப்பிட்டலைசேஷனில் 20.06%. இது நவம்பர் இறுதியில் ரூ.20.80 லட்சம் கோடி மற்றும் 19.3 சதவிகிதமாகக் குறைந்துள்ளது. இது கடந்த 30 மாதங்களில் இல்லாத அளவுக்குக் குறைவாகும்.

கடந்த நவம்பர் மற்றும் டிசம்பர் மாதங்களில் மட்டும் வெளிநாட்டு முதலீட்டாளர்கள் சுமார் 27,600 கோடி ரூபாய் மதிப்புள்ள பங்குகளை விற்றிருக்கிறார்கள். ஜனவரியில் இதுவரைக்கும் சுமார் 3,450 கோடி ரூபாய் மதிப்பிலான பங்குகளை விற்றுத் தள்ளி இருக்கிறார்கள். அதேசமயம், இந்திய நிறுவன முதலீட்டாளர்கள் (மியூச்சுவல் ஃபண்ட், இன்ஷூரன்ஸ் கம்பெனிகள், நிதி நிறுவனங்கள்) தொடர்ந்து முதலீடு செய்து வருகிறார்கள். நவம்பரில் அவர்கள் சுமார் 18,630  கோடி ரூபாய் மதிப்புள்ள பங்குகளை வாங்கியிருக்கிறார்கள். டிசம்பரில் ரூ.9,660 கோடி மதிப்பிலான பங்குகளையும் ஜனவரியில் இதுவரையில் ரூ.3,100 கோடி மதிப்பிலான பங்குகளையும் வாங்கி இருக்கிறார்கள். இந்திய நிறுவனங்களின் வருமானம் வளர்ச்சிப் பாதைக்குச் செல்லும் வரை இந்தப் போக்கு தொடரும் என்கிறார்கள் அனலிஸ்ட்கள்.’’ 

ஷேர்லக்: விற்கும் வெளிநாட்டு முதலீட்டாளர்கள்... வாங்கும் உள்நாட்டு நிறுவனங்கள்!

‘‘பாரத் எலெக்ட்ரானிக்ஸ், பங்குப் பிரிப்புக்குத் தயாராகிறதே?’’

‘‘பாரத் எலெக்ட்ரானிக்ஸ் இயக்குநர்கள் குழு கடந்த செவ்வாய் அன்று நடத்திய கூட்டத்தில் ஜனவரி 27-ம் தேதி பங்குப் பிரிப்பு செய்ய உள்ளதாக முடிவெடுத்துள்ளது. ஆனால், பங்குப் பிரிப்பு விகிதம் குறித்து எந்த விவரத்தையும் வெளியிடவில்லை. பங்குதாரர்களின் ஒப்புதலுக்குப் பிறகே அதற்கான முடிவு எடுக்கப்படுமாம். இந்த செய்தியால் பங்குச் சந்தையில் பாரத் எலெக்ட்ரானிக்ஸ் பங்குகள் 4% உயர்ந்து வர்த்தகமானது.”

‘‘பாரத் எர்த் மூவர்ஸ் பங்குகள் கடந்த திங்கள் அன்று 16% உயர்ந்தது, என்ன காரணம்?’’

‘‘பாதுகாப்புத் துறைக்குத் தேவையான உபகரணங்களை உற்பத்தி செய்துவரும் இந்த அரசு நிறுவனத்தின் கடன் சுமையைக் குறைப்பதற்காக குறிப்பிட்ட சதவிகிதப் பங்குகளை மத்திய அரசாங்கம் விற்று  (Disinvestment) வருகிறது. அந்த வரிசையில் இந்த நிறுவனத்துக்கு அதன் 26 சதவிகிதப் பங்குகளை விற்பனை செய்வதற்கு அரசு அனுமதி அளித்துள்ளது. இதனால் இந்தப் பங்கு விலை 16% உயர்ந்துள்ளது. கடைசி 20 நாள் வர்த்தகத்தில் 15 மடங்கு அளவுக்கு விற்பனை அதிகரித்துள்ளது.’’

“உலக வங்கி, நம் உள்நாட்டு உற்பத்தி வளர்ச்சியின் முந்தைய கணிப்பைக் குறைத்திருக்கிறதே?’’

‘‘ஆனாலும், சர்வதேச அளவில் இந்தியப் பொருளாதாரத்தின் மீது இருக்கும் நம்பிக்கை இன்னும் குறையவில்லை. காரணம், ஜிடிபி வளர்ச்சி பற்றிய கணிப்பு குறைக்கப்பட்ட நிலையிலும், சீனாவைக் காட்டிலும் முன்னிலையில் இந்தியா இருக்கிறது. அதுமட்டுமல்லாமல், ஜிஎஸ்டி மசோதா, தொழிலாளர்கள் மற்றும் நில மசோதா போன்றவை வெற்றிகரமாக அமையும் என்று எதிர்பார்க்கப்படுகிறது. மேலும், வங்கிகள் கடன் வட்டி விகிதத்தைக் குறைக்கும் என்பதால், பொருளாதாரச் செயல்பாடுகள் அதிகரிக்கும் என்றும், வரும் நிதியாண்டில் இந்தியப் பொருளாதாரம் இந்த இறக்கத்திலிருந்து மீண்டு வரும் என்றும் நம்பப்படுகிறது’’ என்று நம்பிக்கை அளிக்கிறமாதிரி பேசினார்.

ஒட்டுமொத்த விகடனுக்கும் ஒரே ஷார்ட்கட்!

‘‘லூபின் பங்கில் ஜுன்ஜுன்வாலா தனது முதலீட்டை அதிகரித்திருக்கிறாரே?’’

‘‘வெற்றி முதலீட்டாளரான ஜுன்ஜுன்வாலா, லூபின் பங்கில்  தனது முதலீட்டை 1.84 சதவிகிதமாக உயர்த்தி உள்ளார். செப்டம்பர் 30-ம் தேதி நிலவரப்படி, லூபினில் அவருடையப் பங்கு 1.72 சதவிகிதமாக இருந்தது. தற்போது மொத்தமாக 82.90 லட்சம் பங்குகளை அவர் வைத்துள்ளார். செப்டம்பர் மாத காலாண்டில் லூபின், 58 சதவிகித நிகர லாபத்தைப் பதிவு செய்தது. அதன் வருவாயும் முந்தைய நிதி ஆண்டைக் காட்டிலும் 32% உயர்ந்திருக்கிறது.’’

‘‘சர்க்கரை உற்பத்தி நிறுவனங்களின் பங்குகள் 52 வார உச்சத்தை எட்டியிருக்கிறதே..!’’

‘‘எட்டு சர்க்கரை நிறுவனங்களின் பங்குகள் கடந்த செவ்வாய் அன்று 52 வார உச்சத்தை அடைந்தன. அதுமட்டுமல்லாமல், சராசரி விற்பனை அளவைக் காட்டிலும் அதிக அளவில் பங்குகள் வர்த்தகமாகின. சர்க்கரைக்கான இறக்குமதி வரியைக் குறைக்கப் போவதில்லை என்ற அரசின் முடிவுதான் இதற்குக் காரணம். இதனால் இறக்குமதி செய்யப்படுவது குறையும். அப்படிக் குறையும்பட்சத்தில் சப்ளை குறைந்து விலை அதிகரிக்கும். இதனால் குறைந்த செலவில் உற்பத்தி செய்யும் சர்க்கரை நிறுவனங்களின் வருவாய் அதிகரிக்கும் என்று கணித்து பலரும் சர்க்கரை பங்குகளில் முதலீடு செய்திருக்கிறார்கள். இவற்றில் சிம்பாலி சுகர்ஸ் (Simbhaoli Sugars) 14.8%, துவாரிகேஷ் சுகர் (Dwarikesh Sugar) 6.65% மற்றும் பல்ராம்பூர் சினி 2.20% என பங்கு விலைகள் உயர்ந்திருக்கின்றன. டால்மியா பாரத் சுகர் பங்கு கடந்த மாதத்தில் 35.96 சதவிகிதம் விலை உயர்ந்திருக்கிறது.’’

ஷேர்லக்: விற்கும் வெளிநாட்டு முதலீட்டாளர்கள்... வாங்கும் உள்நாட்டு நிறுவனங்கள்!

‘‘சந்தை ஏறி இறங்கினாலும் ஃபண்டுகள் சிறப்பாக செயல்படுகிறதே!’’ 

‘‘இந்தியப் பொருளாதாரம் நிலையற்ற தன்மையில் இருப்பதாலும், உள்நாட்டு உற்பத்தி வளர்ச்சி எதிர்பார்ப்பைவிடக் குறைவாக இருக்கும் என்பதாலும் இந்தியச் சந்தைகள் தொடர்ந்து ஏற்ற இறக்கத்திலேயே வர்த்தகமாகி வருகின்றன. ஆனால், மியூச்சுவல் ஃபண்டுகளைப் பொறுத்தவரை, முதலீட்டாளர்கள் நம்பிக்கை இழக்கவில்லை. காரணம், பண மதிப்பு நீக்கத்தைத் தொடர்ந்து  வங்கியில் பெருமளவு பணம் டெபாசிட் செய்யப்பட்டு உள்ளதால், வட்டி விகிதம் குறைக்கப்பட வாய்ப்புள்ளது. மேலும், தங்கம், ரியல் எஸ்டேட்டில் முதலீடு செய்யத் தயங்குகிறார்கள். இதனால் முதலீடுகள் மியூச்சுவல் ஃபண்ட் பக்கம் திரும்பி உள்ளன.

மாதாந்திர முதலீட்டுத் திட்டமான எஸ்ஐபி மூலம் முதலீடு செய்வோரின் எண்ணிக்கை அதிகரித்துள்ளது. டிசம்பர் நிலவரப்படி, ஃபண்ட் நிறுவனங்கள் நிர்வகிக்கும் சொத்து மதிப்பு ரூ.16.46 லட்சம் கோடியாக உள்ளது. முக்கியமாக, சந்தை ஏற்ற இறக்கத்தினால் முதலீடு குறைய வாய்ப்புள்ள ஈக்விட்டி ஃபண்டுகளில்கூட முதலீடு அதிகமாக செய்யப்பட்டுள்ளது. டிசம்பர் மாதத்தில் ரூ.9,196 கோடி முதலீடு செய்யப்பட்டுள்ளது. ஈக்விட்டி லிங்க்ட் இன்வெஸ்மென்ட் திட்டத்திலும் ரூ.907 கோடி முதலீடு செய்யப்பட்டுள்ளது. ஆனால், இன்கம் ஃபண்டுகளில் இருந்து ரூ.33,182 கோடி முதலீடு வெளியேறி இருக்கிறது.”

‘‘பட்ஜெட் தயாரிப்பு வேலைகள் எப்படி இருக்கின்றன?’’

‘‘விரைவில் தாக்கல் செய்யப்பட இருக்கும் பட்ஜெட்டில், நீண்ட கால மூலதன ஆதாய வரியைத் திரும்பக்கொண்டு வராமல் போனாலும், ‘நீண்ட காலம்’ என்பதற்கான கால அளவு நீட்டிக்கப்படலாம் என்கிறார்கள். இப்போது ‘நீண்ட காலம்’ என்பது ஒரு வருடமாக இருக்கிறது. இது  மூன்று ஆண்டுகளாக நீட்டிக்கப் படலாம் என்கிறார்கள். எனவே, மூன்றாண்டுகள் கழித்து முதலீட்டைத் திரும்ப எடுத்தால் வரிச் சலுகை இனி கிடைக்கலாம்’’  என்றவர், ஹேப்பி பொங்கல் சொல்லிவிட்டுப் பறந்தார்.

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism