Published:Updated:

புல்லட் புரூப் இன்வெஸ்டிங்... நிபுணர்கள் சங்கமித்த முதலீட்டாளர்கள் கூட்டம்!

புல்லட் புரூப் இன்வெஸ்டிங்... நிபுணர்கள் சங்கமித்த முதலீட்டாளர்கள் கூட்டம்!
பிரீமியம் ஸ்டோரி
புல்லட் புரூப் இன்வெஸ்டிங்... நிபுணர்கள் சங்கமித்த முதலீட்டாளர்கள் கூட்டம்!

ஏ.கே.கார்த்திகா

புல்லட் புரூப் இன்வெஸ்டிங்... நிபுணர்கள் சங்கமித்த முதலீட்டாளர்கள் கூட்டம்!

ஏ.கே.கார்த்திகா

Published:Updated:
புல்லட் புரூப் இன்வெஸ்டிங்... நிபுணர்கள் சங்கமித்த முதலீட்டாளர்கள் கூட்டம்!
பிரீமியம் ஸ்டோரி
புல்லட் புரூப் இன்வெஸ்டிங்... நிபுணர்கள் சங்கமித்த முதலீட்டாளர்கள் கூட்டம்!
புல்லட் புரூப் இன்வெஸ்டிங்... நிபுணர்கள் சங்கமித்த முதலீட்டாளர்கள் கூட்டம்!

ங்குச் சந்தை நிபுணர்களில் பலரும் இருப்பது மும்பையில்தான். அங்கு நடக்கும் கூட்டங்களில் அவர்கள் அடிக்கடி கலந்துகொண்டு பேசுவதைக் கேட்டு,  தங்களுடைய முதலீட்டு உத்திகளை அமைத்துக்கொள்கிற வாய்ப்பு மும்பையில் வசிக்கும் முதலீட்டாளர்களுக்கு உண்டு. அப்படிப்பட்டதொரு வாய்ப்பு சென்னையில் வசிக்கும் முதலீட்டாளர்களுக்கும் கிடைக்கவேண்டும் என்பதற்காக ‘தமிழ்நாடு இன்வெஸ்டார்ஸ் அசோசியேஷன்’, கடந்த வாரம் சென்னையில் ஒரு கருத்தரங்கை ஏற்பாடு செய்திருந்தது. ‘புல்லட் புரூப் இன்வெஸ்ட்டிங்’ என்கிற தலைப்பில் நடந்த இந்தக் கருத்தரங்கில் பங்குச் சந்தை நிபுணர்கள் பலர் கலந்துகொண்டு பேசினார்கள். 

இந்தக் கூட்டத்தில் முதலில் பேசினார் பிபிஎஃப்எஎஸ் மியூச்சுவல் ஃபண்ட் நிறுவனத்தின் ஆய்வுப் பிரிவின் தலைவர் ரவ்னக் ஓன்கார். ‘‘பங்குச் சந்தை குறித்து நான் போதுமான அளவுக்கு கேட்டுவிட்டேன்; போதுமான அளவுக்கு படித்தும் விட்டேன் என பல முதலீட்டாளர்கள் நினைக்கிறார்கள். இது தவறு. பங்குச் சந்தை முதலீட்டைப் பொறுத்தவரை, பலருக்கும் சரியான பதில் தெரிகிறது. ஆனால், சரியான கேள்விகளைத்தான் கேட்கத் தெரியவில்லை’’ என்றார்.

புல்லட் புரூப் இன்வெஸ்டிங்... நிபுணர்கள் சங்கமித்த முதலீட்டாளர்கள் கூட்டம்!

அடுத்து,  பிர்லா சன் லைஃப் அஸெட் மேனேஜ்மென்ட் கம்பெனி லிமிடெட்டின் சீனியர் போர்ட்ஃபோலியோ மேனேஜர் ஜயேஷ் காந்தி ‘பங்கு மதிப்பீடு’ பற்றி பேசினார். ‘‘பங்குச் சந்தையில் முதலீடு செய்வதற்கு இது ஒரு பொற்காலம் என்று தான் சொல்லவேண்டும். எல்லோரும் பங்கு மதிப்பீடு அதிகம் என்கிறார்கள். என்னைப் பொறுத்தவரை, அது சரியாக இருக்கிறது என்றே சொல்வேன். எனவே, பங்குச் சந்தையில் இப்போது தாராளமாக முதலீடு செய்யலாம்’’ என்றார்.

‘காப்பி கேன் போர்ட்ஃபோலியோ’ என்கிற புதிய முதலீட்டு உத்தி பற்றி விளக்கமாக எடுத்துச் சொன்னார் ஆம்பிட் புரோக்கிங் நிறுவனத்தின் சிஇஓ செளரப் முகர்ஜி.  ‘‘ஒரு நல்ல கம்பெனியில் முதலீடு செய்துவிட்டு, பத்து ஆண்டு காலம் அதுபற்றி கவலைப்படாமல் இருப்பதுதான் இந்த முதலீட்டு உத்தி. ஒரு நல்ல நிறுவனத்தின் மூலம் கிடைத்த லாபம் போதும் என்று நினைத்து விற்று விட்டால், பிற்பாடு அந்த நிறுவனத்தின் பங்கை நீங்கள் விரும்பினால்கூட வாங்க முடியாது. எனவே, நல்ல நிறுவனப் பங்குகளை முடிந்த அளவுக்குத் தொடர்ந்து வைத்திருக்க வேண்டும்’’ என்றார்.

தற்போதுள்ள பிசினஸ் ட்ரெண்டின் அடிப்படையில் புதிய முதலீட்டு வாய்ப்புகள் என்னென்ன என்பது குறித்து விளக்கமாக எடுத்துச் சொன்னார் சென்னையில் இருக்கும் மணிகர்வ்ஸ் ஃபைனான்ஷியல் அனலிடிக்ஸ் நிறுவனத்தைச் சேர்ந்த நரேஷ் குமார் கடாரியா.

புல்லட் புரூப் இன்வெஸ்டிங்... நிபுணர்கள் சங்கமித்த முதலீட்டாளர்கள் கூட்டம்!

பணவரத்தின் (Case flow) முக்கியத்துவம் பற்றி விளக்கமாக எடுத்துச் சொன்னார் பேராசிரியர் ரகு அய்யர். ‘‘ஒரு நிறுவனத்தின் வரவு செலவுக் கணக்கைப் பற்றி நம்மில் பலரும் ஆராய வேண்டும் என்று நினைக்கிறோம். ஆனால், கேஷ் ஃப்ளோ பற்றி நாம் கண்டு கொள்வதே இல்லை’’ என்று பணவரத்து பற்றி எப்படி எல்லாம் கவனித்து ஆராயலாம் என்று சொன்னார்.

மைக்ரோகேப் முதலீடு பற்றி விளக்கமாகப் பேசினார் ஸ்டால்வர்ட் இன்வெஸ்ட்மென்ட் அட்வைஸர் நிறுவனத்தின் சிஇஓ ஜெடின் கெமானி.

‘‘சிறு நிறுவனங்கள் தங்கள் செயல் பாடுகள் பற்றி அதிகத் தகவல்களை வெளியிடுவதில்லை என்று பலரும் நினைக்கின்றனர். அது உண்மை அல்ல. கிட்டத்தட்ட 600 சிறிய நிறுவனங்கள் தங்கள் செயல்பாடுகள் பற்றிய தகவல் களை வெளியிட்டுள்ளன. சிறிய நிறுவனங்கள் நடத்தும் கண்காட்சி களில் கலந்துகொள்வதால் அந்த நிறுவனங்களின் செயல்பாட்டை நன்கு தெரிந்துகொள்ள முடியும்’’ என்றார் அவர்.

இறுதியாகப் பேசிய வரதராஜன், ஸ்கட்டில்பட் (Scuttlebutt) அணுகுமுறை பற்றி பேசினார். ஒரு நிறுவனத்தின் உண்மையான சந்தை நிலையை ப் பற்றி விஷயம் தெரிந்தவர்களிடம் கேட்டுத் தெரிந்துகொள்வது பற்றி அவர் பேசினார்.

பங்குச் சந்தையை பல்வேறு கோணங்களில் அலசுவதாக இருந்தது இந்தக் கருத்தரங்கம்!