Published:Updated:

ஈக்விட்டி சேவிங்ஸ் ஃபண்டுகள் எஃப்.டி-யைவிடச் சிறந்ததா?

ஈக்விட்டி சேவிங்ஸ் ஃபண்டுகள் எஃப்.டி-யைவிடச் சிறந்ததா?
பிரீமியம் ஸ்டோரி
ஈக்விட்டி சேவிங்ஸ் ஃபண்டுகள் எஃப்.டி-யைவிடச் சிறந்ததா?

சொக்கலிங்கம் பழனியப்பன், இயக்குநர், ப்ரகலா வெல்த் மேனேஜ்மென்ட் பி.லிட்.

ஈக்விட்டி சேவிங்ஸ் ஃபண்டுகள் எஃப்.டி-யைவிடச் சிறந்ததா?

சொக்கலிங்கம் பழனியப்பன், இயக்குநர், ப்ரகலா வெல்த் மேனேஜ்மென்ட் பி.லிட்.

Published:Updated:
ஈக்விட்டி சேவிங்ஸ் ஃபண்டுகள் எஃப்.டி-யைவிடச் சிறந்ததா?
பிரீமியம் ஸ்டோரி
ஈக்விட்டி சேவிங்ஸ் ஃபண்டுகள் எஃப்.டி-யைவிடச் சிறந்ததா?

டன் சார்ந்த மியூச்சுவல் ஃபண்ட் திட்டங்களுக்கு, நீண்ட கால மூலதன ஆதாய வரி விதிப்புக் காலம், 2014 பட்ஜெட்டில் ஓராண்டிலிருந்து மூன்று வருடங்களாக உயர்த்தப்பட்டது. அந்த மாற்றத்தைச் சமாளிக்க மியூச்சுவல் ஃபண்ட் நிறுவனங்கள், ஈக்விட்டி சேவிங்ஸ் அல்லது ஈக்விட்டி இன்கம் (Equity Savings or Equity Income) என்ற வகைத் திட்டங்களை அறிமுகப்படுத்தின.

ஈக்விட்டி சேவிங்ஸ் ஃபண்டுகள் எஃப்.டி-யைவிடச் சிறந்ததா?

   இந்தத் திட்டங்கள் எவ்வாறு செயல்படுகின்றன?

இந்த வகை ஃபண்டுகள், வருமான வரிக் கணக்கீடு செய்வதில் பங்குச் சார்ந்த திட்டங்களாகக் கருதப்படும். ஆனால், இதன் வருமானம், ரிஸ்க் போன் றவை  எம்.ஐ.பி (MIP – Monthly Income Plans) திட்டங்களைப் போன்று இருக்கும். இந்தத் திட்டங்களின் போர்ட்ஃபோலியோவில் கிட்டத்தட்ட மூன்றில் ஒரு பகுதி பங்குச் சந்தை சார்ந்த முதலீடு், மற்றொரு பகுதி கடன் சார்ந்த முதலீடு், மூன்றாவது பகுதி ஆர்பிட்ரேஜ் (Arbitrage) சார்ந்த முதலீடு என இருக்கின்றன.

கடன் மற்றும் ஆர்பிட்ரேஜ் முதலீடுகளில ஆண்டுக்கு சுமார் 7 – 8% வருமானம் கிடைக்கும். பங்குச் சந்தை சார்ந்த முதலீடுகளில் ஆண்டுக்கு சுமார் 12% வருமானம் கிடைக்க வாய்ப்புள்ளது. சுமாராக ஆண்டுக்கு 9% வருமானத்தை மொத்தத்தில் இதுபோன்ற ஃபண்டுகளிலிருந்து எதிர்பார்க்கலாம். மூன்றில் இரண்டு பங்கு வருமானம் கன்சர்வேட்டிவ்வாகவும், எஞ்சியது பங்குச் சந்தை ரிஸ்க்குடனும் கிடைக்கும். ஆகவே, இந்த முதலீட்டை நீங்கள் எஃப்.டி ப்ளஸ் முதலீடாகப் பார்க்க வேண்டும். இந்த வகை ஃபண்டுகளில் முதலீடு செய்பவர்கள்  முதலீட்டுக் காலத்தை மூன்று ஆண்டுகளாக வைத்துக்கொள்வது சிறந்தது. முதலீட்டுக் காலம் மூன்றாண்டுகளாக இருக்கும் போது,சந்தையில் ஏற்படும் ஏற்ற இறக்கங்கள் உங்களின் முதலீட்டை பெருவாரியாகப் பாதிக்காது. 

   வரி எப்படி?

இந்த ஃபண்டுகளை ஒரு வருடத்துக்கு மேல் வைத்திருக்கையில், வரும் லாபத்துக்கு வருமான வரி செலுத்த வேண்டாம். அதேபோல், இந்த ஃபண்டுகள் வழங்கும் டிவிடெண்டுக்கும் வருமான வரி செலுத்த வேண்டாம். முதலீடு செய்த ஒரு வருடத்துக்குள் வெளியேறினால், வரும் லாபத்தில் 15 சதவிகிதத்தைக் குறுகிய கால முதலீட்டு ஆதாய வரியாகச் செலுத்த வேண்டும்.

ஈக்விட்டி சேவிங்ஸ் ஃபண்டுகள் எஃப்.டி-யைவிடச் சிறந்ததா?

   எஃப்.டி.க்குப் பதிலாக முதலீடு

ஒவ்வொரு மாதமும் நிலையான வருமானம் எதிர்பார்ப்பவர்கள் இவ்வித ஃபண்டுகளில் முதலீடு செய்ய வேண்டாம். அதேசமயம், 3 – 5 ஆண்டுகள் குமுலேட்டிவ் டெபாசிட்டுக்குப்  பதிலாக இந்த ஃபண்டுகளில் முதலீடு செய்யலாம். குறைவான ரிஸ்க்,  வெளிப்படைத்தன்மை மிகுந்த முதலீட்டைத் தேடுபவர்கள், டெபாசிட்டை விட சற்று அதிக வருமானத்தைத் தேடுபவர்கள், வரியில்லா வருமானத்தைத் தேடுபவர்கள் இவ்வித ஃபண்டுகளில் முதலீடு செய்யலாம்.

ஈக்விட்டி சேவிங்ஸ் ஃபண்டுகள் எஃப்.டி-யைவிடச் சிறந்ததா?



   பாதகம் என்ன?

கடந்த சில ஆண்டுகளாகத்தான் இந்த ஃபண்டுகள் செயல்பட்டு வருகின்றன.

  வெளியேற்றுக் கட்டணம் எப்படி?

பெரும்பாலான ஃபண்டுகளில் முதலீடு செய்த தேதியிலிருந்து ஒரு வருடத்துக்குள் 10% யூனிட்டு களை வெளியேற்றுக் கட்டணம் இல்லாமல் விற்றுக் கொள்ளலாம். அதற்கும் மேலான யூனிட்டுகளை விற்கும்போது 1% வெளியேற்றுக் கட்டணமாக வசூலிக்கப்படுகிறது. ஒரு வருடத்துக்கு மேல் என்றால் வெளியேறும் கட்டணம் இல்லை.

நன்றாகச் செயல்பட்டு வரும் சில ஃபண்டுகளின் பட்டியல் மேலே தரப்பட்டுள்ளது. உங்களின் தேவைக்கேற்ப இவ்வகை ஃபண்டுகளில் முதலீட்டைச் செய்துகொள்ளுங்கள்.