Published:Updated:

மியூச்சுவல் ஃபண்ட்... வெளியேறும் கட்டணத்தைத் தவிர்ப்பது எப்படி?

மியூச்சுவல் ஃபண்ட்... வெளியேறும் கட்டணத்தைத் தவிர்ப்பது எப்படி?
பிரீமியம் ஸ்டோரி
மியூச்சுவல் ஃபண்ட்... வெளியேறும் கட்டணத்தைத் தவிர்ப்பது எப்படி?

ஜெ.சரவணன்

மியூச்சுவல் ஃபண்ட்... வெளியேறும் கட்டணத்தைத் தவிர்ப்பது எப்படி?

ஜெ.சரவணன்

Published:Updated:
மியூச்சுவல் ஃபண்ட்... வெளியேறும் கட்டணத்தைத் தவிர்ப்பது எப்படி?
பிரீமியம் ஸ்டோரி
மியூச்சுவல் ஃபண்ட்... வெளியேறும் கட்டணத்தைத் தவிர்ப்பது எப்படி?

மியூச்சுவல் ஃபண்டில் முதலீடு செய்வோரின் எண்ணிக்கை அதிகரித்து வருகிறது. 2016-17-ம் நிதியாண்டில் மட்டும் 77.40 லட்சம் கணக்குகள் புதிதாகத் தொடங்கப்பட்டுள்ளன.  பங்குச் சந்தை தற்போது உச்சத்தில் இருப்பதைப் பார்த்து பலர், ஈக்விட்டி மியூச்சுவல் ஃபண்டு களில் முதலீடு செய்கிறார்கள். இது நல்ல விஷயம்தான். என்றாலும், மியூச்சுவல் ஃபண்ட் முதலீட்டில் குறிப்பிட்ட காலத்துக்கு முன்பே வெளியேறும்போது, குறிப்பிட்ட சதவிகிதத் தொகை, வெளியேறும் கட்டணமாகப் பிடிக்கப்படும். இதுபற்றி முதலீட்டாளர்கள் தெரிந்துகொள்வது அவசியம். இந்த வெளியேறு கட்டணம் பற்றி  மியூச்சுவல் ஃபண்ட் நிபுணர் சொக்கலிங்கம் பழனியப்பனிடம் கேட்டோம்.  

மியூச்சுவல் ஃபண்ட்... வெளியேறும் கட்டணத்தைத் தவிர்ப்பது எப்படி?

வெளியேறும் கட்டணம் என்றால்..?

மியூச்சுவல் ஃபண்ட் முதலீட்டினைக் குறிப்பிட்ட காலத்துக்கு முன்பே வெளியே எடுக்கும்போது, குறிப்பிட்ட அளவுக் கட்டணம் விதிக்கப்படும். இதற்கு ‘எக்ஸிட் லோட்’ (Exit Load) என்று பெயர். தமிழில் இதை ‘வெளியேறும் கட்டணம்’ என்று குறிப்பிடுகிறார்கள்.

பங்குச் சந்தை சார்ந்த மியூச்சுவல் ஃபண்ட் முதலீடுகள் பெரும்பாலும் நீண்ட காலத்துக்கானவை யாகக் கருதப்படுகின்றன. ஃபண்ட் மேனேஜர்களும் அதன் அடிப்படையில்தான் தங்களது முதலீடு களைத் திட்டமிடுவார்கள். அப்படி இருக்கும்போது திடீரென்று சில முதலீட்டாளர்கள், தங்கள் முதலீட்டைத் திரும்ப எடுத்து, வெளியேறும்போது ஃபண்ட் மேனேஜர்களுக்கு குறிப்பிட்ட ஃபண்டின் போர்ட்ஃபோலியோவில் உள்ள நிறுவனப் பங்குகளை விற்கவேண்டிய கட்டாயம் ஏற்படும். இது மற்ற முதலீட்டாளர்களின் வருமானத்தைப் பாதிக்கும். எனவே, குறுகிய காலத்தில் முதலீட்டாளர்கள் வெளியேறுவதால் ஏற்படும் இழப்புகளைச் சமாளிக்கவும், முன்பே முதலீடுகளை வெளியே எடுப்பதைத் தவிர்க்கவும்தான் இந்த வெளியேறும் கட்டணம் விதிக்கப்படும்.

 எவ்வளவு கட்டணம்?

பெரும்பாலும், மியூச்சுவல் ஃபண்ட் திட்டங்களுக்கேற்ப இந்த வெளியேறும் கட்டணம் விதிக்கப்படுகிறது. வெளியேறும் கட்டணம் இல்லாத சில மியூச்சுவல் ஃபண்ட் திட்டங்களும் உள்ளன. ஆனால், வெளியேறும் கட்டணம் இருக்கும் திட்டத்துக்கும், அது இல்லாத திட்டத்துக்கும் எந்தப் பெரிய வித்தியாசமும் இல்லை. ஒரு திட்டத்தின் வளர்ச்சியோடு எந்தவித தொடர்பும் இந்த வெளியேறும் கட்டணத்துக்கு இல்லை. குறிப்பிட்ட காலத்துக்குப் பிறகு முதலீடுகளை வெளியே எடுக்கும்போது கட்டணம் குறையும். நாம் முதலீட்டை வெளியே எடுக்கும் காலம் நீடிக்கும்போது இந்தக் கட்டணமே இருக்காது. 

உதாரணத்துக்கு, ‘யுடிஐ கில்ட் அட்வான்டேஜ் லாங் டேர்ம்’ திட்டத்தில் 548 நாள்களுக்குள் முதலீட்டைத் திரும்ப எடுத்தால், 2% வெளியேறும் கட்டணம் வசூலிக்கப்படும். 1095 நாட்களில் எடுக்கும்போது வெளியேறும் கட்டணம் 1%.  ஃப்ராங்க்ளின் டெம்பிள்டன் பாண்ட் ஆப்பர்ச் சூனிட்டீஸ் ஃபண்டில் 10% முதலீட்டை எடுக்க, எந்தக் கட்டணமும் இல்லை. அதைத் தாண்டி எடுக்கும்போது 12 மாத காலத்துக்கு 3 சதவிகிதமும், 24 மாத காலத்துக்கு 2 சதவிகிதமும், 36 மாத காலத்துக்கு 1 சதவிகிதமும் கட்டணம் விதிக்கப்படுகிறது.

மியூச்சுவல் ஃபண்ட்... வெளியேறும் கட்டணத்தைத் தவிர்ப்பது எப்படி?



 தவிர்ப்பது எப்படி?

மியூச்சுவல் ஃபண்டில் செய்யப்படும் முதலீடு, மிக அவசியமாகத் தேவைப்பட்டால் மட்டுமே திரும்ப எடுக்க வேண்டும் என்பதில் நாம் உறுதியாக இருக்க வேண்டும்.

பெரும் சொத்து மதிப்புள்ள தனிநபர்கள்தான், சந்தை உச்சத்தை அடைந்து திடீரென விழும்போது விற்கிறார்கள். அவர்களுக்கு இந்தக் கட்டணம் பெரிதாகத் தெரியாது. ஆனால், சிறு முதலீட்டாளர்கள் பதற்றத்தில் விற்கும்போது கட்டணத்தோடு சேர்த்து, குறுகிய கால ஆதாய வரியும் செலுத்த வேண்டி வரும்.

பெரும்பாலான மியூச்சுவல் ஃபண்ட் திட்டங்களில், வெளியேறும் கட்டணம் 1% இருக்கும். பொதுவாக, ஓராண்டுக்குப் பிறகு  முதலீட்டைத் திரும்பயெடுத்தால், இந்தக் கட்டணம் இருக்காது. அதேநேரத்தில், ஈக்விட்டி மியூச்சுவல் ஃபண்டுகளில் ஒரு வருடத்துக்குள்ளேயே முதலீடுகளை வெளியே எடுக்கும்போது, அதன் மூலம் கிடைக்கும் வருமானம் 15% என வைத்துக் கொண்டால், குறுகிய கால மூலதன ஆதாய வரி 15% கட்ட வேண்டி வரும். ஓராண்டுக்குப்பிறகு ஈக்விட்டி ஃபண்டுகளை விற்றால், குறுகிய கால மூலதன ஆதாய வரி மற்றும் வெளியேறும் கட்டணத்தைத் தவிர்க்க முடியும்’’ என்றார்.

மியூச்சுவல் ஃபண்டில் நீண்ட காலத்துக்கு முதலீடு செய்தால், இது மாதிரியான கட்டணம் எதையும் கட்ட வேண்டியதில்லை என்பதைப் புரிந்துகொண்டு அதற்கேற்ப முதலீட்டாளர்கள், தங்கள் முதலீட்டை அமைத்துக் கொள்வது  நலம்.