Published:Updated:

ஷேர்லக்: சந்தை சரிவுக்காக காத்திருக்கும் ஃபண்ட் நிறுவனங்கள்!

ஷேர்லக்: சந்தை சரிவுக்காக காத்திருக்கும் ஃபண்ட் நிறுவனங்கள்!
பிரீமியம் ஸ்டோரி
ஷேர்லக்: சந்தை சரிவுக்காக காத்திருக்கும் ஃபண்ட் நிறுவனங்கள்!

ஓவியம்: அரஸ்

ஷேர்லக்: சந்தை சரிவுக்காக காத்திருக்கும் ஃபண்ட் நிறுவனங்கள்!

ஓவியம்: அரஸ்

Published:Updated:
ஷேர்லக்: சந்தை சரிவுக்காக காத்திருக்கும் ஃபண்ட் நிறுவனங்கள்!
பிரீமியம் ஸ்டோரி
ஷேர்லக்: சந்தை சரிவுக்காக காத்திருக்கும் ஃபண்ட் நிறுவனங்கள்!

சுட்டெரிக்கும் வெயிலுக்குப் பயந்து, சூரியன் மறைந்தவுடன் வந்தார் ஷேர்லக். குளிர்ச்சியான லெமன் ஜூஸைத் தந்துவிட்டு, அவரிடமிருந்து செய்திகளைச் சேகரிக்க ஆரம்பித்தோம்.

ஷேர்லக்: சந்தை சரிவுக்காக காத்திருக்கும் ஃபண்ட் நிறுவனங்கள்!

‘‘நால்கோ பங்கு விற்பனைக்கு வரவேற்பு எப்படி?’’

‘‘அரசு நிறுவனங்களின் பங்கு விற்பனை மூலம்  நிதித் திரட்ட, மத்திய அரசு முனைப்புடன் செயல்பட்டு வருகிறது. சமீபத்தில் நால்கோ நிறுவனத்தின் 10% பங்குகள் ஏலம் மூலம் விற்பனைக்கு விடப்பட்டன. மொத்தம் 19.33 கோடி பங்குகள் விற்பனைக்கு இருந்த நிலையில், 25.50 கோடி பங்குகளுக்கான விண்ணப்பங்கள் குவிந்தன. சிறு முதலீட்டாளர்கள், 7.12 கோடி பங்குகளுக்கு விண்ணப்பித்துள்ளனர். இது, ஒதுக்கப்பட்ட அளவைவிட மூன்று மடங்கு அதிகம். இதேபோல, அனைத்துப் பிரிவுகளிலும் ஒதுக்கப்பட்ட அளவைவிடக் கூடுதலான பங்குகளுக்கு விண்ணப் பிக்கப்பட்டுள்ளது. இந்த விற்பனை மூலம் ரூ.1,300 கோடி வெற்றிகரமாகத் திரட்டப்படுகிறது.’’

‘‘சென்செக்ஸ் நெக்ஸ்ட் 50 பட்டியலிலிருந்து கெய்ர்ன் வெளியேறி இருக்கிறதே?’’

‘‘வேதாந்தாவுடன் கெய்ர்ன் இந்தியா இணைந்ததையடுத்து, அந்த நிறுவனம் இந்தியப் பங்குச் சந்தை குறியீடுகளில் இருந்து வெளியேற்றப் பட்டிருக்கிறது. சென்செக்ஸ் நெக்ஸ்ட் 50, எஸ் அண்ட் பி பிஎஸ்இ - இன்ஃப்ராஸ்ட்ரக்சர், ஆல் கேப், எனர்ஜி, லார்ஜ் கேப், மிட் கேப் போன்ற குறியீடுகளிலிருந்தும் வெளியேற்றப்பட்டு இருக்கிறது.  சென்செக்ஸ் நெக்ஸ்ட் 50-ல் கெய்ர்ன் நிறுவனத்துக்குப் பதிலாக பெட்ரோநெட் எல்என்ஜி சேர்க்கப்பட்டுள்ளது. அதேபோல், யுனைடெட் ஸ்பிரிட்ஸ் வெளியேற்றப்பட்டு, அதற்குப் பதிலாக ஹேவல்ஸ் சேர்க்கப்பட்டுள்ளது.’’

‘‘ஹிந்துஸ்தான் ஜிங்க் நிறுவனத்தின் லாபம் அதிகரித்திருக்கிறதே!’’ 

‘‘இந்த நிறுவனத்தின் நிகர லாபம் 42.3%  உயர்ந்திருக்கிறது. முந்தைய நிதியாண்டின் மார்ச் காலாண்டில் ரூ.2,147.22 கோடியாக இருந்த நிகர லாபம், இந்த மார்ச் காலாண்டில் ரூ.3,057 கோடியாக உயர்ந்துள்ளது. காரணம், உற்பத்தியும் விற்பனையும் அதிகரித்ததுதான். மேலும் ஜிங்க், லெட் மற்றும் சில்வர் ஆகியவற்றின் விலை வலுவாக இருப்பதும் காரணம்.’’

‘‘யெஸ் பேங்கின் செயல்பாடு எப்படியிருக்கிறது?’’

‘‘யெஸ் பேங்க் நிகர லாபம், இந்த மார்ச் காலாண்டில் 30 சதவிகித வளர்ச்சி அடைந்துள்ளது. இதனுடைய மொத்த வட்டி வருமானம் மற்றும் வட்டியில்லா வருமானம் ஆகியவற்றின் வளர்ச்சி நன்றாக இருந்ததால், இந்த வளர்ச்சி சாத்தியமாகி உள்ளது. 2015-16-ம் நிதியாண்டின் மார்ச் காலாண்டில் ரூ.702 கோடியாக இருந்த இதன் நிகர லாபம், 2016-17-ம் நிதியாண்டின் மார்ச் காலாண்டில் ரூ.914 கோடியாக உயர்ந்துள்ளது. இந்தக் காலாண்டில் வட்டி வருமானம் 32 சதவிகிதமும், வட்டி அல்லாத வருமானம் 57 சதவிகிதமும் உயர்ந்துள்ளது. மொத்தமாக இந்த நிதியாண்டில் அதன் நிகர லாபம் 31% உயர்ந்திருக்கிறது.’’

‘‘தனியார் வங்கியான இண்டஸ்இந்த் வங்கியின் லாபமும் உயர்ந்துள்ளதே!’’

‘‘இண்டஸ்இந்த் வங்கியின் நிகர லாபம் 21%  உயர்ந்திருக்கிறது. இதற்கும் வட்டி மற்றும் வட்டி அல்லாத வருமானம் அதிகரித்ததே காரணம். 2015-16-ம் நிதியாண்டின் மார்ச் காலாண்டில் ரூ.620 கோடியாக இருந்த இதன் நிகர லாபம், 2016-17-ம் நிதியாண்டின் மார்ச் காலாண்டில் ரூ.752 கோடியாக உயர்ந்துள்ளது. மொத்தமாக இந்த நிதியாண்டில் நிகர லாபம், முந்தைய நிதியாண்டைக் காட்டிலும் 25% உயர்ந்து ரூ.2,868 கோடியாக உள்ளது. இந்த நிலையில், இந்தப் பங்குக்கு ரூ.6 வீதம் 2016-17-ம் நிதியாண்டுக்கான டிவிடெண்ட் அறிவிக்கப்பட்டுள்ளது.’’

‘‘இந்தியாபுல்ஸ் ரியல் எஸ்டேட் பங்குகள் ஒரே நாளில் 42.5% உயர்ந்திருக்கிறதே?’’

‘‘இந்தியாபுல்ஸ் ரியல் எஸ்டேட் பங்குகள் ஒரே நாளில் 42.5% உயர்ந்து, ரூ.150.90-க்கு வர்த்தகமானது. காரணம், அந்த நிறுவனம் தனது கமர்ஷியல் பிசினஸை தனி நிறுவனமாகப் பிரித்து, அதிக கவனம் செலுத்தி செயல்படுத்தப்போவதாகத் தெரிவித்துள்ளது. ரெசிடென்ஷியல் பிசினஸ் மட்டும் தற்போதுள்ள இந்தியாபுல்ஸ் ரியல் எஸ்டேட் நிறுவனத்தின் கீழ் செயல்படும். என்றாலும், இந்தப் பங்குக்கு வர்த்தகத் தடை இருப்பதால், இதில் முதலீடு செய்ய வேண்டுமா என்று யோசிப்பது நல்லது.’’

‘‘கோல்டு பாண்ட் திட்டம் வரவிருக்கிறதே, முதலீடு செய்யலாமா?’’

‘‘2017-18-ம் நிதியாண்டின் முதல் கோல்டு பாண்ட் திட்டம் ஏப்ரல் 24-ம் தேதி வெளியிடப்படுகிறது. கோல்டு பாண்டுகள் அடக்க விலையில் கிராமுக்கு ரூ.50 வீதம் குறைவாக விற்பனைக்கு விடப்படும் என்று தெரிவிக்கப் பட்டுள்ளது. விண்ணப்பங்களுக்கான பாண்டுகள் மே-12 அன்று வழங்கப்படும். இந்த பாண்டுகள் வங்கிகள், ஸ்டாக் ஹோல்டிங் கார்ப்பரேஷன் ஆஃப் இந்தியா, அஞ்சலகங்கள் மற்றும் அங்கீகரிக்கப்பட்ட பங்கு வர்த்தக அலுவலகங்கள் போன்றவற்றில் விற்னை செய்யப்படும். இந்த பாண்டுகளின் முதலீட்டுக் காலம் எட்டு ஆண்டுகள். ஆண்டுக்கு 2.5% உறுதியான வருமானம் இதில் உள்ளது. இதுதவிர, தங்கம் விலை உயர்ந்தால் அது தனி லாபம். குறைந்தபட்சம் ஒரு கிராம்,  அதிகபட்சம் 500 கிராம் வரை முதலீடு செய்யலாம்.’’ 

‘‘பங்குகளின் மதிப்பு உயர்வாக இருக்கிறதே!’’

‘‘சர்வதேச அளவில் தற்போது துடிப்பான நிலையில் இருக்கிறது இந்தியப் பங்கு சந்தை. உள்நாட்டு முதலீடுகளும், வெளிநாட்டு முதலீடுகளும் அதிகரித்த வண்ணம் இருக்கின்றன. மியூச்சுவல் ஃபண்டிலும் முதலீடுகள் அதிகரித்துள்ளன. சந்தை, தொடர்ந்து ஏற்றத்தின் போக்கில் இருப்பதால், பங்குகளின் மதிப்பு உச்சத்தில் இருக்கிறது. இந்தச் சமயத்தில் கவனமாகப் பொறுத்திருந்து முடிவுகளை எடுப்பது அவசியம். ஃபண்ட் மேனேஜர்களும் அதற்காகவே பொறுமையாக இருக்கிறார்கள். தங்களது முதலீட்டு முடிவுகளை மிகக் கவனமாக எடுக்கிறார்கள். சந்தை திடீரென சரிந்தால், முதலீடு செய்ய வசதியாக ஈக்விட்டி மியூச்சுவல் ஃபண்டுகளில் சராசரியாக 6 சதவிகிதத் தொகை ரொக்கமாக வைக்கப்பட்டு இருக்கிறது. இதேபோல், முதலீட்டாளர் களும் உஷாராக இருப்பது நல்லது.’’

‘‘டிசிஎஸ் நிறுவனத்தை முந்திவிட்டதே ரிலையன்ஸ்?’’


‘‘பங்குச் சந்தைக்குச் சாதகமான சூழலும், ரிலையன்ஸ் ஜியோவின் அதிரடியும் ரிலையன்ஸ் இண்டஸ்ட்ரீஸ் பங்குக்குச் சாதகமாகவே மாறியுள்ளது. அதன்படி ரிலையன்ஸ் பங்கு விலை தொடர்ந்து உயர்ந்து, மார்க்கெட் கேபிட்டலை சேஷனில் டிசிஎஸ் நிறுவனத்தை முந்தியது ரிலையன்ஸ். ஆனால், பங்கு விலையில் சற்று இறக்கம் ஏற்பட்டதால், தற்போது கிட்டதட்ட ஒரே நிலையில் இரண்டு நிறுவனங்களும் உள்ளன. தற்போது ரிலையன்ஸின் மார்க்கெட் கேபிட்டலை சேஷன் ரூ. 4,55,080.85 கோடி, டிசிஎஸ் மார்க்கெட் கேபிட்டலைசேஷன் ரூ.4,55,398.85 கோடி. தற்போதய சூழல் ஐ.டி நிறுவனமான டிசிஎஸ்-க்கு எதிராகவும், டிஜிட்டல் லைஃப் நிறுவனமான ரிலையன்ஸுக்குச் சாதகமாகவும் இருப்பதால், இந்தியப் பங்குச் சந்தையின் முதன்மை நிறுவனமாக ரிலையன்ஸ் மாறியிருக்கிறது.’’ 

‘‘டிசிஎஸ் நிறுவனத்தின் நிகர லாபமும் குறைந்திருக்கிறதே!’’

‘‘டிசிஎஸ் நிறுவனம், 2016-17-ம் நிதியாண்டின் நான்காம் காலாண்டில் 4.2 சதவிகித நிகர லாப வளர்ச்சி மட்டுமே அடைந்துள்ளது. இந்த நிறுவனம், 2015-16-ம் நிதியாண்டின் மார்ச் காலாண்டில் அடைந்த நிகர லாபத்தைக் காட்டிலும், 2016-17-ம் நிதியாண்டின் மார்ச் காலாண்டில் அடைந்த நிகர லாபம் 4.2% மட்டுமே உயர்ந்து, ரூ.6,608 கோடியாக உள்ளது. ஐ.டி துறைகளில் மிக முக்கியமாகக் கவனிக்கப்படும் இன்ஃபோசிஸ், டிசிஎஸ் இரண்டும் ஐ.டி துறையின் நிலையைப் பிரதிபலிப்பதாகவே இருக்கின்றன’’ என்று சொல்லி விட்டு, வீட்டுக்குப் புறப்பட்டார்.

ஐபிஓ வரும் எஸ் சந்த்!

பிரபல புத்தகத் தயாரிப்பு நிறுவனமான எஸ் சந்த், வருகிற 26-ம் தேதி தனது பங்குகளை பொதுப் பங்கு விற்பனைக்கு வெளியிடுகிறது.

ஒரு பங்கின் விலைப் பட்டையை ரூ.660 - ரூ.670 வரை நிர்ணயம் செய்துள்ளது.

இந்த ஐபிஓ மூலம் எஸ் சந்த் நிறுவனம், ரூ. 728  கோடி திரட்ட முடியும் என்று எதிர்பார்க்கிறது.

இந்த ஐபிஓ, ஏப்ரல் 26-ம் தேதி தொடங்கி, 28-ம் தேதி அன்று முடிவடைகிறது.