Published:Updated:

ஷேர்லக்: புதிய உச்சத்தில் சந்தை... முதலீட்டுக்கு ஏற்ற துறைகள்!

ஒட்டுமொத்த விகடனுக்கும் ஒரே ஷார்ட்கட்

Use App
ஷேர்லக்: புதிய உச்சத்தில் சந்தை...  முதலீட்டுக்கு ஏற்ற துறைகள்!
ஷேர்லக்: புதிய உச்சத்தில் சந்தை... முதலீட்டுக்கு ஏற்ற துறைகள்!

ஷேர்லக்: புதிய உச்சத்தில் சந்தை... முதலீட்டுக்கு ஏற்ற துறைகள்!

பிரீமியம் ஸ்டோரி

“ஊட்டிக்கு சம்மர் டூர் வந்துள்ளேன்; சரியாக மாலை 6 மணிக்கு போனில் பேசுகிறேன்” எனக் காலையிலேயே எஸ்எம்எஸ் அனுப்பியிருந்தார் ஷேர்லக்.  சொன்னபடியே அவர் நம் லைனுக்கு வந்தார். நாம் கேள்விகளைக் கேட்க ஆரம்பித்தோம்.

ஷேர்லக்: புதிய உச்சத்தில் சந்தை...  முதலீட்டுக்கு ஏற்ற துறைகள்!

“ஹட்கோ ஐபிஓ-வுக்கு வரவேற்பு எப்படி?”

“கடந்த வாரம் திங்கள்கிழமை பொதுப் பங்கு வெளியிட்டது அரசு சார் நிறுவனமான ஹட்கோ என்ற கட்டுமான நிறுவனம். இந்த வெளியீட்டுக்கு முதலீட்டாளர்களிடையே அமோக வரவேற்பு கிடைத்தது. ஹட்கோ பங்குகள் வேண்டி 79.47 மடங்குக்கு அதிகமாக விண்ணப்பிக்கப்பட்டன. நிறுவன முதலீட்டாளர்கள் 55.45 மடங்கு கூடுதலாகவும், சிறு முதலீட்டாளர்கள் 10.60 மடங்கு அதிகமாகவும் விண்ணப்பித்திருக்கிறார்கள். நிறுவனங்கள் அல்லாத முதலீட்டாளர்கள் தங்களுக்கு ஒதுக்கப்பட்ட அளவைவிட, 330 மடங்கு அதிகமாக விண்ணப்பித்திருக்கிறார்கள்.”  

“காலாண்டு முடிவுகள் எப்படி வந்து கொண்டிருக்கின்றன?”

“கலவையாக வருகின்றன. நிகர வாராக் கடனுக்கு ரூ.878 கோடி ஒதுக்கீடு செய்யப்பட்டு உள்ளதால், நான்காம் காலாண்டில் தேனா வங்கியின் நிகர இழப்பு அதிகரித்துள்ளது. முந்தைய 2015-16-ம் நிதியாண்டின் மார்ச் காலாண்டில் ரூ.326 கோடியாக இருந்த நிகர இழப்பு, நடப்பு 2016-17-ம் நிதியாண்டின் இதே காலாண்டில் ரூ.575 கோடியாக அதிகரித்துள்ளது.

செயல்பாட்டு லாபம் 123% அதிகரித்ததால் விஜயா பேங்கின் நிகர லாபம், நான்காம் காலாண்டில் 186% அதிகரித்து ரூ.204 கோடியாக அதிகரித்துள்ளது.

இதேபோல், செயல்பாட்டு லாபம் அதிகரித்த தால், ரூ.2,158 கோடி நிகர இழப்பிலிருந்த சிண்டிகேட் பேங்க், நான்காம் காலாண்டில் ரூ.104 கோடி நிகர லாபத்துக்குத் திரும்பியிருக்கிறது. 

பண மதிப்பு நீக்க நடவடிக்கை மற்றும் பிஎஸ் 3 (Bharat  Stage 3) விதிமுறைகள் பிரச்னைகளால் இந்தியாவின் மிகப் பெரிய இரு சக்கர வாகனத் தயாரிப்பு நிறுவனமான ஹீரோ மோட்டோகார்ப் நிறுவனத்தின் நிகர லாபம், மார்ச் காலாண்டில் 14% குறைந்துள்ளது. அதேநேரத்தில், 2018-19-ம் நிதியாண்டில், விரிவாக்கத் திட்டங்களுக்காக ரூ.2,500 கோடி செலவிட உள்ளது. இதில் புதிய தயாரிப்புகள் மற்றும் டிஜிட்டல் மயமாக்கம் போன்றவை அடங்கும். இந்த நிறுவனத்தின் காலாண்டு முடிவு சரியில்லை என்றாலும், இதன் மீது முதலீட்டாளர்கள் கொண்டுள்ள அதீத நம்பிக்கை காரணமாகப் பங்கு முதலீடு அதிகரித்து, விலை உயர ஆரம்பித்திருக்கிறது.

கனரா பேங்க் இந்தக் காலாண்டில் நஷ்டத்திலிருந்து மீண்டு சற்று லாபமடைய ஆரம்பித்திருக்கிறது. முந்தைய நிதியாண்டின் மார்ச் காலாண்டில் ரூ.3,905 கோடி நிகர நஷ்டம் அடைந்திருந்த கனரா பேங்க், 2016-17-ம் நிதியாண்டின் மார்ச் காலாண்டில் ரூ. 214 கோடி நிகர லாபம் அடைந்துள்ளது. காரணம், இதன் வட்டி அல்லாத வருமானம் அதிகரித்தது மற்றும் செலவுகளைக் குறைத்ததும்தான்.”

“சிமென்ட் பங்குகள் திடீர் விலை ஏற்றம் அடைந்துள்ளனவே?”

“அம்புஜா சிமென்ட்ஸ், ஏசிசி சிமென்ட்ஸ் ஆகிய இரண்டு நிறுவனங்களும் கைகோக்க முடிவு செய்து, பேச்சுவார்த்தையில் இறங்கியுள்ளன. இதனால் அந்தப் பங்குகள் ஏற்றமடைந்து வர்த்தகமாயின. கடந்த திங்கள்கிழமை அன்று ஏசிசி 3 சதவிகிதமும், அம்புஜா சிமென்ட்ஸ் 5 சதவிகிதமும் ஏற்றமடைந்துள்ளன. இந்த இரண்டு நிறுவனங்களும் இணைவதன் மூலம் இந்தியாவின் மிகப் பெரிய இரண்டாவது சிமென்ட் நிறுவனமாக இது விளங்கும்.”

“சந்தையின் போக்கு எப்படி இருக்கிறது?”

“இந்திய பங்குச் சந்தை குறியீடுகள் புதிய உச்சத்தைத் தொட்டு வருகின்றன. நிஃப்டி 9450, சென்செக்ஸ் 30350 என்கிற அளவுக்கு உயர்ந்து வர்த்தகமாகி வருகின்றன. இந்த ஏற்றத்துக்கு மத்திய அரசின் பொருளாதாரச் சீர்திருத்தங்கள் (புதிய ரியல் எஸ்டேட் சட்டம், பினாமி சொத்துத் தடுப்புச் சட்டம்), பருவ மழை நன்றாக இருக்கும் என்கிற இந்திய வானிலை ஆராய்ச்சி மையத்தின் கணிப்பு, வீட்டுக் கடன் வட்டிக் குறைப்பு போன்றவை முக்கியக் காரணங்களாக இருக்கின்றன.

 இந்தியப் பங்குச் சந்தை, நடப்பு 2017-ம் ஆண்டில் இதுவரைக்கும் சுமார் 15% வளர்ச்சி கண்டிருக்கிறது. இதே காலத்தில், சீனாவின் பங்குச் சந்தை 1.5% இறக்கம் கண்டிருக் கிறது. அதே நேரம்,  இந்திய ரியல் எஸ்டேட் (62%), நுகர்வோர் (42%), கேப்பிட்டல் கூட்ஸ் (32%), வங்கி (25%), மின்சாரம் (19%), ஆயில் அண்ட் காஸ் (18%) குறியீடுகள் நல்ல வளர்ச்சியைக் கண்டுள்ளன. பங்குகள் என்று பார்த்தால்,  இந்தியாபுல்ஸ் ஹவுஸிங் ஃபைனான்ஸ் (66%), யெஸ் பேங்க் (38%), இந்தியன் ஆயில் கார்ப்பரேஷன் (35%), கிராசிம் இண்டஸ்ட்ரீஸ் (35%), அல்ட்ரா டெக் சிமென்ட் (34%) ஆகியவை நல்ல லாபத்தைத் தந்துள்ளன. இதே காலத்தில் லுபின் (-15%), டாக்டர் ரெட்டீஸ் (-15%), டெக் மஹிந்திரா (-12%), டாடா மோட்டார்ஸ் (-10%) போன்ற பங்குகளின் விலை குறைந்தன.’’  

“பங்குகளின் மதிப்பு அதிகமாக இருப்பதைப் பற்றி என்ன நினைக்கிறீர்கள்?”

“இந்தியப் பங்குச் சந்தை அடைந்திருக்கும் புதிய உச்சத்துக்கேற்ப, பல பங்குகளின் மதிப்பு அவற்றுக்கான அடக்க மதிப்பைக் காட்டிலும் உயர்ந்து வர்த்தகமாகி இருக்கிறது. ஆனாலும், இதனால் பெரிய அளவில் சந்தைக்குப் பாதிப்பில்லை என்பது பெரும்பாலான அனலிஸ்ட்களின் கருத்து. மார்கன்  ஸ்டேன்லியும் இதனைக் குறிப்பிட்டுள்ளது. பெரும்பாலான பங்குகள் இன்னும் வாங்கலாம் என்ற நிலையில்தான் இருக்கின்றன. துறைகள் வாரியாகப் பார்க்கும்போது வங்கிகள், ரியல் எஸ்டேட், உள்கட்டமைப்பு வசதி, டெலிகாம் உள்ளிட்ட துறைகள் சிறப்பாகச் செயல் படுகின்றன. இந்திய நிறுவனங்களின் ஆண்டு சராசரி வருமான வளர்ச்சி, அடுத்த 5 ஆண்டுகளில் 20 சதவிகிதமாக இருக்குமென மார்கன் ஸ்டேன்லி  கணித்துள்ளது. அதே நேரத்தில், சந்தையில் கரெக்‌ஷனுக்கு வாய்ப்பில்லை என்று சொல்லிவிட முடியாது. சர்வதேச நிலவரத்துக்கேற்ப இந்தியப் பங்குச் சந்தையில் அவ்வப்போது கரெக்‌ஷன் ஏற்படவே செய்யும். அதனை முதலீட்டுக்கான வாய்ப்பாகப் பயன்படுத்திக்கொள்வது புத்திசாலித்தனம்’’ என்றவரிடம், ‘‘கவனிக்க வேண்டிய பங்குகளைப் பற்றி கேட்டோம்.

“ஓராண்டு முதலீட்டுக்கு: ஹெச்டிஎஃப்சி, சனோஃபி இந்தியா, ஈக்விடாஸ், கேப்பிட்டல் ஃபர்ஸ்ட்.’’

பிஎஸ்பி புராஜெக்ட்ஸ் ஐபிஓ! 

 கட்டுமான நிறுவனமான பிஎஸ்பி புராஜெக்ட்ஸ் பொதுப் பங்கு வெளியிட இருக்கிறது. இதன் மூலம் ரூ.211.68 கோடி நிதி திரட்டத் திட்டமிட்டுள்ளது. கடந்த நிதியாண்டின் முதல் ஒன்பது மாதங்களில் ரூ.20.7 கோடி நிகர லாபத்தைப் பதிவு செய்துள்ளது. இந்த வெளியீட்டின் விலைப்பட்டை ரூ.205-210. பொதுப் பங்கு வெளியீடு, மே 17-ம் தேதி தொடங்கி 19-ம் தேதி வரை நடக்கிறது.

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism
அடுத்த கட்டுரைக்கு